طــود الهِيـــام

فتنة الدنيا محبة تبتـدي بِـلحظـة شعـور
            رغبة(ن) تتبعها رغبة تنتهي مثـل المنـام
لا تقول إنك سهيت بظلمة(ن) مافيهـا نـور
            والمسار اللي مشيته تهت به وسط الزحـام
إنحراف الفكر مبداء مِـن بدايـات العصـور
            تتبعه نفس(ن) ضعيفه تنتهج طـود الهيـام
ناس تكذب ناس تقسى ناس لذتها الخمـور
           والزنا أصل الرذيلة كان بـه مسـك الختـام
 ياضمير النبض وينك؟ليه كل هذا الفجور!!
              ما تهزك عيـن ربـك تتبعـك لا مـا تنـام
إن بغا ينسف وجودك مـا تحـداه الدهـور
               لا إلـه إلا ربـي عالـم الغيـب الـسـلام
   يمهل إبنآدم لوقت(ن) تبتدي فيهـا القبـور
              تحتوي أجثآث روحن تناثرت منهـا العظـام
قم وجاهد ظلـم نفسـك لا يقسيـك الغـرور
                وإعتلي بشموخ مؤمن عن عذاريب الحـرام
وصلي اللهم وبارك لسيـد الأمـة الصبـور
                محمد خير البرية صاحـب العـدل الخطـام