سفينة حلم

فقدتك….
فقدتني فيك …
فقدت إحساسي بــ نشوة رجوعك
علامي بديت أ تحاشا وجودك !!!
بديت أتعوّد على مجاملاتك //برودك
خلاص إنسى ..
وفر على نفسك
لا تعتذر وتغيب من جديد
الالم سكن فيني ..
والدمعة لا زالت تواسيني
وانت …
وينك إنت ؟؟
في دنيتك لاهي
مع ذيك الخلايق .. عني ساهي
ليتك تحس يا ضنيني
ليتك تسمع صداي و ونيني
لكن للأسف …
جرحي نزف ..
ما بقى من صمت الجروح
سوى دمعةٍ تواسي قلب(ن) و روح
,,,,

أنا مانيب مجبورة أجـاري نزوتـه ويـاي
.................على كيفه يبكيني وثـم يرجـع يراضينـي
يبي اسكت ولا تكلم أداري دمعتـي وبكـاي
.................يزيد بطعنته جرحـي ولا بكلمـة يواسينـي
يجيني عابسٍ ضايق يزعزع لهفتي ورجاي
.................وأنا تّحمل جفا همسه وصـده لـي مأذينـي
أشوف الصد بعيونه يبي ينسى يبي فرقـاي
.................يدّور للزعل اسبـاب ويرحـل ثـم يلفينـي
وقول لنفسي لايمكن أكدر صفوتي ومسـاي
.................أببعد عنه بحلامـي وخـل قلبـه مجافينـي
سفينة حلم تاخذني وأنا بقربه لأقصى مـداي
.................أبنثر عطر أشواقـي وتقطفنـي رياحينـي
أبنسي حزني وآهآتي وأبدل خطوتي وممشاي
.................أبرسم للهنا لحظة وطيـف الحـب ينادينـي
مدام الصبر ما ينفع أبنسى والتهـي بدنيـاي
.................أعاند قسوة أيامي وأضم الحلـم بِـإيدينـي