لا تخليني

فديتك ..فديتك
ياحبي الحاضروياعشقي اللي امس
فديت نظرة عيونك واحساسك
ولمساتك وكل الهمس
عشقتك قبل تلقاني
ولقيتك واعشقك ثاني
وسالتك؟
وجاوبتني بكل وجدانك
وكشفت الخافي المستور
انا اهواك ياغالي
وانت العشق بك زود
انا حظي وقف جنبي
بعد ماارهقته عثراته
قرب لي محبوبي
بعد ماطول الغيبه
طلبتك يااله الكون
تخلي حبيبي الغالي
فديت حبه
فديت صمته
انا مجنونه في حبه
وهو العاقل بجنوني
سألنا ليه هوينا بعض
قلت
بلاني الله في حبك
ورد للسؤال جواب
انتي احلا بلاويا
يدوم الحب والمحبوب
ونعشق كل الموجود
انا باسم الهوى والحب
اغنيك وتغنيني
انا مثلك اصير بليل
وحيده بغيبت عيونك
وانت ذاك الحبيب اللي
اذا جيته وماجاني
يتعبني بعاده حييل
واتعناله واجيه
ويلقاني بكل ترحيب
بعطر وعود كمبودي
بريح المسك والعنبر
يهليبي واهليبه
انا احبه مثل ماهو
يحبني بكل مافيني
تململت
وتلملمت
وتلعثمت
وتمنيت
ولقيت اللي هويته يناديني
يناديني يدورني ويلقاني
ادورك في بساتيني
وازهاري وعصافيري
وانادي حبي الابدي
انا من دونك اعاني
وانت من دوني تعاني
كتبتك في كتاباتي
وعشتك في خيالاتي
ياعمري الماضي والحاضر
ياحبي ووعدي وحظي
فديت ايامك الحلوه
فديتك لاتخليني
اضيع بدنيتي عقبك
لملمني وبعثرني
وارجع لمني ثاني
انت تحتاجني ادري
وانا وربي احتاجك
اشواقي واشواقك
حنيني لك ومن اجلك
اعطيني ولاتبخل
واعطيك كل مااقدر
وانا مااقدر على بعدك
على زعلك
على غيابك
احساسي ينادي احساسك
تعال لمني
وبعثر همومي من على قلبي
فديتك...
فديتك...
لاتخليني

نسمة عشق