دارميـــــــات

ahmed_alkinani2005@yahoo.com
كل لحظة أفكر بيك كل ساعة كل يوم .... حته من أغمض العين تطلعلي بالنوم

صوبه علاء الدين ي أنا بفركاك.... يمته تجي ياحلو نفط ال ملكاك

هذا انت يالمحبوب يابعد روحي .... مجروح وبملكاك هادت جروحي

أسأل عليك الروح مدري شتكلي .... مدري انت نص الروح مدري انت كلي

مل مني حتى الليل والكمر شاهد .... بس بيك أفكر دوم للفجر كاعد

دمك وسط هالروح ومكحل أيدي .... مثل العسل والله يمشي بوريدي

أبجي وأذب حسرات عالفاركوني ....مدري التهوا بالغير مدري نسوني

ياخلي لو صديت ي يريدك .... موت وحياة الروح ياخلي بيدك

يمكن أريد أنساك وأكول أعوفك.... وكل الحجي أنساه يوم الاشوفك

شما تبتعد هيهات تبعد عليه .... أتنفسك كل يوم يعني انته بيه

كونك تجيني بطيف وتمر عليه .... حتى الفراش يكوم ياخذ تحيه

ماناسي والعباس والناسي ماعاش.... حبك لكيته وياي نايم بالفراش

طك ي والعباس كلش عليكم .... مو مشي يمكن راح دقلات أجيكم

دم مو دمع والله هلن عيوني.... من يوم أعز الناس من فاركوني

كون أنكلب قانون وأحكم حكم عام .... وأحكم على الينسوك كلهم بالاعدام

فك ي بيدك شوف دور أركانه .... امعشعشه جروحك بي مثل الحضانه

هالمره راح نشوف أغفر وأتاني .... محتاره صار سنين اني وزماني

ياروحي يادنياي ياحبي الأول.... بسك هجر وفراك البعد طول

ياروحي يادنياي ياحبي الأول.... بسك هجر وفراك البعد طول

كلولي منهو ذاك كلتلهم هواي.... شنهو العالمة البي؟ رف قلبي وجلاي

كل ساعة احسن بيك جنك نبض دم.... تسري انت بالشريان وبكلبي تلتم

من عيني مدري شطاح لا دم ولا ماي ... يمكن سواد العين من فركة هواي

حايط ومبني ابطين ومبلل ابماي
انثلم بس ماطيح غصبن على اعداي

چتفت گلبي اچتاف کل ظنتي ينساك
عتني وكسر ضلعين مني وتعناك

شديته ست شدات گلبي وعگرته
فل روحه مدري اشلون وختارك انت

أريد أسأل العلام والدرسوا الطب
هم لكوا وصفة تفيد الكلب لو حب

احنه بجسد روحين والدم فرد دم
والكلب واحد صار بالفرح والهم

خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا

غصبن عليـه الروح آنـه الأذلهـا
محتاج والحاجات ماهـمـه أهلهـا

بسك ولك يالبين دقاتك أويـــاي
أدقني وسط الضيق وتشمت اعداي

لاتسأل إعله الحال خلـيها سكته
تسأل على المكتول والكاتل إنته

حقي من أحامي إعليـــج ياشجرة التيـن
ماي الربيـــتي إعليه من دمعة العيــن

شحجي وتريد الناس من عندي أحجي
دمعتي إبطرف العين بس أحجي أبجي

لاواشي لانمام يبعدني عــنك
بس النجف يهواي ياخذني منك

تيزاب أحط بالعين واعميها بجـــفاك
خافن تصد للغير أوتنسى المضى أوياك

الدهر بس وياي راكب إحصانــــه
ويكًًــلي وين إتروح جدامـك آنـه

بالـك تمر بالدار عنها إشمر إبعيـد
دار العزيز هواي نوح وبجي إتريـد

عمداً أمر بالدار والنـوح أزيــــده
وأسمع صداهـا إيكًـول راح التريـده

عمداً أمر بالدار وأشبع مغمــه
وابجي بجي المفطوم ومفارك أمه

الدنيه للتهواه ترقص امفرعــه
والماتريده بنوح لو خلص دمعه

متعجب بدنياك جرحتك مــره
منخل اقليبي صار بيه العمه يقره

أرد أسـأل العشاك ليش آنه مشتــاك
نايم إبحضن إهـواي واشكي من الفراك

ميت والمعزيــات موش أمهـاته
مايبجـَن إعله المات يبجـن شماته

همــك .. وهم الناس .. وهم هم الأيـام

وفوكــاها هم العين ماتقبل إتنـــــام

همك وهم الناس وهم الله فــــــوكـه
صاحت عليــه الناس جن عندي بوكــه

خيانة بيكم دوم تمشي ويه دمكم     ماكو وفه وخلاص مشيولة عدكم