sms

جُوَّاكى نور..غامض وحزين
وفى قلبك أنفاس الياسمين
وعينيكى بتفكَّرنى انا مين
بتفكَّرنى وتنسّينى

إسمعى صمتى وازرعى وقتى
لخَّصى كلّ حياتى الوقتى
أنا قبلك وانتى اللى سَبَقتى
ياحوريَّه اتخَلَقِتْ من طينى...

دفّى البرد بلمْس إيديكى
برَّدى نار مشتاقه إليكى
إغسلى حُزنى فى بحر عينيكى
رجَّعى عُمرى وزهر سنينى

قلبى أخضر..طول ماانتى فيه
بين الجميلات وحدك تِكْفيه
إيّاكى فى يوم منِّك تشفيه
وانا باترجَّاكى..تِعْدينى..

أنا عايم فى الميَّه الزرقا
باتحدَّى النوَّه..والشهقه
كلّ اللى حَبِّك جنِّنتيه
وانا حبّيتِك..عقَّلْتينى..

أنا...