s اس مقلوبه

 تدريـن كيـف اتلـذذ وأنثـر هبـالـي "" كيف ابني اجمل قصيدن مأنبنى طوبـه
كيف اكتبه حـر شامـخ مـا تشكالـي "" يطرب هـل الشعـر وأللـي ماتغنوبـه
هذاك لاصرت متحـرر مـن أغلالـي "" لأكتب قصيدن يرقـص كـل رعبوبـه
يابنت ياللـي تكـد الوجـد فـي بالـي"" ياللـي توايـق علـى قلبـي ومندوبـه
أنتي سؤالـن تكسـر مـن ورا جالـي "" ما مر بين الضلـوع العـوج بأعذوبـه
ابأكتبـك فـي قصيـدة حـب وأختالـي"" ما قبلك احدن كتب بحـروف مشبوبـه
ابأرسمك مـن جنـون أفكـار سريالـي"" فحيح ريحن صفق فـي حـد مشذوبـه
جتني على الوعد ودب الخوف بأوصالي "" ومرت دقايق على الأنفـاس مرعوبـه
قمـت اتشـرق جمالـن مـا تهيـالـي "" ما كـان يطـري عليـه قبـل هالنوبـه
قام يتصاعـد بقلبـي رقصـة ادغالـي"" رقصة زنوجن لقـو شيـن وفرحوبـه
كأن الغضب في حجاجه حرب وقتالـي "" متفحم أسود يهب الموت مـن صوبـه
كأنه شراسة عقابن جـاء مـن العالـي"" متكرب أسود هـل المقنـاص بلشوبـه
أطرق حياوي خفيـف الـدم وهلالـي "" منتوق عمره وصـل عشريـن يادوبـه
ان جت تبختر بالأزرق دمـرت حالـي"" كأن البحر تبرق امواجـه علـى ثوبـه
جتني تهـزع تمـدرا ووقفـت أقبالـي "" وسلمت قلبي لغرشـة عطـر مسكوبـه
من جت تثنى وذاك الحـرف يطرالـي "" خطوه شكـل s وخطـوه اس مقلوبـه
خطوه تذوب ويميـل الـردف طوالـي "" وخطوه تهصر على السرجوف بأعجوبه
وخطـوه يتـل أرقبتهـا شعـر شلالـي"" جدايلـن كأنهـا لـلـردف مجـذوبـه
من حد خصر الهنوف وفوق ما يبالـي "" كأنه يعانـد هـوى الردفيـن بأسلوبـه
كأنه يقول ان هزعت ابأهـزع لحالـي "" كلن الا أخطـا الدلـع يتحمـل عيوبـه
من فوق غيدا يغطـي راسهـا الشالـي"" ما كأنها لأنكسـار الـردف محسوبـه
ومن حد خصر الهنوف وتحت يرثالـي "" أمـوت لآخـر مـدا وأتحمـل ذنوبـه
من تحت شيـن يجنـن صبـه الوالـي"" لولا التثنـي لأقـول البنـت مصبوبـه
في ساقهـا يرتعـش خلخـال لأشعالـي"" سلسال فضي مـدور ترقـص حبوبـه
يرقص وأحس النغم من تحت يرقالـي "" كأنـه يطيـر طـرب ويبعثـر قلوبـه
غيدا مأبي في غلاهـا هـرج وجدالـي"" ما توب رشة مطرهـا العـذب ماتوبـه
يالمربشه فـي مطاريشـي وترحالـي "" تجملـي فـي محبـن ضيـع دروبـه