موسوعة دواويني الكتاب الاول شعر شعبي وبالفصحى الشاعر حسين شكَاح الموسوي

 

                                   موسوعة دواويني

                         الكتاب الاول

                                                  شعر شعبي وبالفصحى      

 

                                                                                                        الشاعر            

                                                                                   حسين شكَاح الموسوي

               

                 ديوان نبراس الكرامة                                                          

                       اعظم شخص   

صنيع الله محمد كامل الصنعـــــــــــة

                      بنوا قلعـــــــــة ضلال وهدم القلعــة

يا اعظـــــم شخص باول ملف تاريخ

                    دخل اسمك رسول يحارب البدعـــــة

ويا اول نبي يخنكَ ظــــــــلام الكون

                  وفتح باب الفضيلة وجفك تقرعـــــــــة

ويا مصلح زمانك والجهل جان يسود

                 غيرت الزمــــــان وبدلت وضعــــــــة

ويا مبعث محمـــــــــــد مبعث الخير

                ونزل نور الجليل بساعة الطلعــــــــــة

ونزل جبريل يمك جايب الدستــــور

                دستور العبـــــــادة المزدهر طبعــــــة

يا صدر النبي احمــــــــل كتاب الله

              وكتاب الله عالجبل لو ينزل يصدعــــــة

وربك يا نبي وداني الك مرســـول

              تشكَ ثوب الرذيلــــــة ومنهم تنزعــــة

وتعلمهم عالكتاب ومعنـــى الآيات

            وترشدهـم عالنجاة بسفنك الوسعـــــــــة                             1                                                                                  

اقصــــــد اهل بيتك يا جبير البيـت

            اليمــــة وابوهـــــــــم وامهــم البضعـــــــــة

هم سفينة لشيعتك ولشيعتهم يكونون

           تشك موج الضلالــــــــة وللامن تسعـــــــة

وانت بهالسفينة يا نبي البحــــــــار

           ولواء الله عليهـــــة بجف الوصي ترفعــــة

وتسيرهة ابركتك يا رحمة الرحمن

           وبسم الله مجراها ومرساها بصوتك نسمعة

ولطريق الخير مجراهة ولنفخ بالصور

                   وامام الله مرساهة وفوزك يوقعـــة

وما دامك فزت فازوا شيعتك مولاي

               احنة وشيعـــــة للاربعة وشيعة لتسعة

 

                    امير الناس

يا امير الناس يا نفس الرسـول

                       قارنتة الرسول وصرت نفسة

لانك يا علي من طينة مصقول

                      كيف واذا حسك يا علـي حسـة

يا علي وياك محتارة العقــــول

                     فضلك ما تعدة وحسـت بنكسـة                        2

وشاءت الافكار تشعر بالذهول

                     بوصفـك لانك للفكـــر مرســة

وخابت الاعداء منك ما تنــول

                 املقنهم درس واعترفـوا بدرســة                                         

وباجر عن حب علي واحدنة مسؤول

                والما يحبك يا علي احوالة تعسة

وعلي عالبــــر والتقوى مجبــــــــول

                   وفاطمة الزهرة لعلي عرسـة

يلوكلهة واتلوكِلة وهذا معقـــــــــول

                 وربنة الفرض عالنبي عرسـة

 

                فجر العدل

يا فجر العدل يا ما بطلوعـــــــــــك

                       مــا يبقة ليــل الظلــم تمحيه

ويا هادماً كل مــــــــــــا بناه الشرك

                      انت وديــن الوصـــي تبنيــه

ويا خاتماً آل النبي بانوارهــــــــــم

                       نهــــج الحقد والكفر تلغيـه

وتخوض ويالكفر صولات صـولات

                      وبصارمك جمع الكفر تفنيه                      3

ومثــــل ما كسروا اجدادك هبــــل

                      كســـر الباطل ولسقر وديه

ويا طاهر بهالارض يـــا سيــدي

                     لتخلــي بيهة الرجس وانفيه

وانشـــر بديك العدل يا عــــــــدل

              يا من بدورك تسر النبي وترضيه

وعلى وجهك يجينة الخير كل الخير

                مـن ربنة إعلى شانك يا وجيــه                                                                                    

ويا سيف الجليل وبيك ياخذ ثار

                من آبالسة الخليقة الانس والجنيه

ثارات النباية الكل والوصيين

                وثــارات الامام وكل محبيــــــه

 

               بيت الشرف

اذا هي الشرف واختارهة بيت ..

ولزهرة الشرف هالجاي عناي ...

وفضيلة ..

بروض الفضائل زارعة هواي ...

ولو سطع نور البتولة النجوم تغيب ..

وتحجي الحديث ..                                                     4

ويخجل ساكت الراي ...

 

          مولد الايمان

يا مولد نبينـــــــــــة مولد الايمان

يا مولد محمد مولد الايمـــــــــان

               وليلتنة السعيدة بمولد الرحمــــــــة

ونزل نور الجليل بساعة الميلاد

              وعلى شفاف الطبيعة تكونَت بسمـة

يا نبع السعــــــــادة وجيت العيد

             فرح بيك الزمـــــــان بجيتك يمــــة

                                                                                                    

                                                                                               

                       سيف الايمان

طاح العامري بسيف الايمان

                   ورد إعلى مرحب طيحـــــــــة

عملة وحدة وبيهة وجهــــــــان

                  عَمر الاسلام فتح مذبحــــــــــة

وصح جـــــن هالسيف سلطان

                 وآلاف الناس بيه مذبحـــــــــــة

ودم الكفر لامس التربـــــــان                                          5

                وهاماتة طول امفتحـــــــــــــــة

الفقار لمحمد هو عــــــــوان

               صان الدين واللة وصلحــــــــة

(علي) سيفة وايدة الرحمان

              صال وجال ماكــو مصلحــــــــة

وبيدة الشريفة دون القرآن

              وفســــــــــر آياتة علياً يشرحــة

وشاهد على علمة الزمان

             بَيَّن الاحكام والغامض وضحــة

 

               مساكين الفرج

ياباب الفرج بســـــــــم اللة دكيناك

                   وبإسم طه النبي واصحاب الاعراف

واجيناك بدمعنة وبالصبر وافيناك

                  عليك اللة انفتــــح حتى الفرج ينشاف                                                                                                                                                                                      

وتوازينة دخيلك ها يالفرج ردناك                                                               

                  تشيلة حمــــــل دنيانة يطيح الاجتاف

وجـــــــــــن مثل السهام هموم دنياك

                       ما يخطن هدفهن والكلب شفاف

ومساكينك تنتظر كل لحظة تترجاك                                     6

                      لجرحهة بغير جفك عيب ينراف

ولعب طــــوبة الحزن ويانة كولين

                     واخذ كاس البطولة وصار هداف

تعال انزل واغلبة واحسم الشوطين

                   شوطك والبي علينـــــــة كام يلتاف

 

                   يا رسول الله

دخيلك يا رسول الله يا حامي الدخيل

                              احنة بحماك دنية وآخـــــــــرة

انت نـــــــــور الله ما مثلك مثيـــــل

                             وانت بحـــر الخير جفك فجرة

إوجهك الوضاح نـــــور من الجليل

                          وانتقل هــالنور بالعترة الطاهرة

وانت جوهر الاسلام منهاج ودليل

                       شفت الوضع تعبان دينك عمــــرة

ويا ناصح الناس تنصح بالجميـــل

                      والمخطئ الغلطان دوم إتحــــــذرة

والجاهلية خذوا دينك بديـــــــــــل

                     واعتنقت الاسلام وادم كفــــــــــرة                                       

واصبحوا فرسان واحدهم اصيل                                            7                                                        

                       ومن دخلوا الاسلام صاروا تذكرة

                      ومن دخلوا الاسلام صاروا مفخرة

حــــــــدث هذا لان خلقك فضيــــل

                   وطبعك المبسوط كاسب جمهـــــــرة

وخاوة ابو الحسنين واختارة خليل

                  وبأمر الله خــــــــــــــاوة حيـــــــدرة

واسمك يا محمــد شفاء لكل عليل

                 يشفة المريض بساع ما يلزم ســـــرة

 

                هذا مو وكت الرحيل

فرحت امريكا لمصابك وارتاحت اسرائيل ...

يا صدرنة اشلون ترحل ..

هذا مو وكت الرحيل ...

هذا وكتك ياللة انهض ..

صير للشيعة كفيل ...

وصير للخايف محطة ..

وصير للتايه دليل ...

وصير مركب لسلامة .. وطالب بحق اليتامة

ما لكوا غير منهاجك بديل ...

والبس اجفان الشهادة .. وخيط حلوك القيادة                          8

والغي كلمة مستحيل ...

بإنتظارك ساعة ساعة .. كوم صل بينة جماعة

المنبر اخلافك عليل ...                                                                   

واخلافك الجمعة حزينة .. وحزنت إعليك المدينة                                            

ومحسنك دمة يسيل ...

ولبست الكوفة سواد .. وانجرح كلب العباد

وصبح المكتب نحيل ...

ومحبك بحيرة طويلة .. وانهدم يا وسفة حيلة

وصاير لحزنة خليل ...

 

                             سور آمن يا علي بسدك

يا بر الامان الحاذة بحر الخوف              لانك سور آمن يا علي بسدك

يا حامي الرسالة ودرع شعب الله            الخايف حميتة والدخل عدك

ويا مأوى الدخيل بكل وكت محسوب       ويا سداً منيع وما انهدم سدك

ويا كاضي الكلافة واسد بالشدات           ندمت المعادي وخاب اليضدك

ويا كاشف الكربات لو صار النزال        ويا كهف الحماية الخايف يعدك

ويا غوث الضعيف وسيف كل مظلوم     يد الله بالشدايد لامست يدك

يا ملجأ حصين لاي بشر مظلوم           ويا مسند عظيم ونحتمي بسندك

ويا مفزع للعباد شما يمرهم خوف         يتحول امان شما لفوا عدك

ويا مركب سلامة ولنجاة يسير             ملاذ لامتك وكلوبهة تودك   9

ويا عون لشيعتك ما لكوا غيرك عون     وربك بالمعونة شرايد يمدك

سطرت خدود كفارك ولا ذليت           شجاع وما انسطر فد يوم خدك

سطرت خدود عدوانك ولا مليت         شجاع وما انسطر فد يوم خدك

ويا معنى القداسة واشرف الاقداس      شارون اليهودي ما وصل حدك

ويا قلعة جهاد الما جزوهة يهود        انكسر جيش الظلام بكلمة شحدك

لانك مو علي واحد ولا مليون          انت امة محمد يا علي بكدك

وتفزعلك تراهة وداعة السبطين       وصدك ما تعوفك يا علي الوحدك                    

والك تأوي بالضماير مو بالاقدام      لو حادث يمرك شيعتك يمك                         

وتجيك مسلحة بسلاح الايمان        والضر اليمرك ينكشف عنك

ويا معقل الشيعة بساعة الضيج      والضيج اليمسهم يا علي يمسك

لانك يا علي عالشيعة محسوب      وانحسبوا تراهم يا علي منك

وكلب واحد كلبكم هو الاسلام       وينبض بالحقيقة شما نبض كلبك

ودرب واحد دربكم هو الايمان     وملعون الما سلك يا بو الحسن دربك

وطريق الله طريقك حتماً يكون     وبس انت المشيتة من صغر سنك

وحليف الله انت وبايعت عالموت   وقضى نحبك شهيد مضرج بدمك

إولي الله انت بكامل القول           نبي الله محمد يا علي خصك

وامين الله انت وحافظ الاسرار     اسرار الجليل وما انكشف سرك

وحبيب الله انت وثاني محبوب    من بعد الرسول إواجب نحبك

ونصير الله انت وناصر الدين     وناصرت الرسول وما ضعف عزمك

                                                                          10

                               نبراس الكرامة

حباك الاله وقدرك تقدير                    يانور الجليل وبيك الاعجاب

ويا طين الجلالة المن ذهب معجون       ويالشكلك جميل ومنظرك خلاب

نبراس الكرامة الوصفة المعبود           وينبوع الفضيلة وللخلق محراب

فظاً ما جنت وتملك الناس                  ولا شدة بكلامك حتى ينعاب

جنت جدا طبيعي وابسط انسان           اذاً طبعك يطابق طبق الاصحاب

ومنزلتك رفيعة وهادئ الاطباع         وجنت كلش خلوق تفوق الاعراب

وصنيع الله انت وكامل الصنعة          واستاذ المعرفة بكلية الآداب

ابمرحلة الهداية وقسم الارشاد            مرشد عالنجاة وناسك الطلاب

وبصف المبادئ شعبة الاخلاق           درست المعاني بقرآن الاكتاب

وجامعتك رسالة وتنشر ابحاث           وابحاث النبوة بكل فرع باب                  

باب العقائد والفقه والميعاد               وافروع واصول وسر الاسباب                

وتكوين الخليقة وهيأة الانسان             وكيفية نشوءة من الاتراب

وربك صورك وانوب سواك              سلطان الخليقة وخير الانساب

كلة الخاطرك مخلوق هالكون              يا اخر نبي واول بالحساب

بحساب الفضيلة يتقدم الترتيب            وتحتل الصدارة بمركز الاعراب

امين الله انت وحافظ التدوين              ودونتة العلم بـ (  13 ) باب

اول باب حيدر صاحب العرفان          ومدرسة الولاية ونور الاحباب

وتجي بعدة الزجية والحسن وحسين     واقمار الامامة التسعة الانجاب

شربوا منهلك يا منهل الدين              وتغذوا بالنبوة العترة الاطياب 11

                                   القمــــة

نقية وسطع عالي ضواهة                واشعة نورهة تزهي ولشرف قواد

ورضع نور النبوة القمة سواهة          وبعز نالت شرفهة وصنعت امجاد

وخدهة اليبوسة النبي لسطرات وداهة  واصل النذالة اسف صارلهة جلاد

وكسر الضلع منسة ودموم بجاهة      وحرك بيت النبوة ابلا ضمير انراد

 ويتيمة هضم بنت الشرف طاهة       ولبست اثياب المواجع والدمع زاد 

 

                                القائد الاكبر  

عجل بالفرج مولاي                           عجل بالامر واظهر

ويومك بالنصر شو جاي                      وسيفك بالعدو يقهر

نعتب والكلب شكاي                           وكلب اليعتب تفطر

وتكثر بالعتب بلواي                          الظالم كالاسد يزأر

وانت من الوكت حماي                      وكلب الخايف اتوجر

وانت للكفر دماي                            وسيفك ينكلب احمر                          

وانت بطلعتك عناي                          تمحي الجور والمنكر                        

وبيدك يا حليم الرأي                         طبعاً ينتهي الاعور

ومعروفك ينتشر مولاي                     انت القائد الاكبر

وحسينك ما شرب هالماي                  وحزوا منحرة الاطهر

 

                                                                             12

  بلبل يا عراق اليوم

على اغصان الحدايق ما تهنة ...

بلبل وبقفص محجوز ..

ينشد عالما نشد عنة ...

كبر ما شايف المطيار..

 مكسور الجنح جنة ...

وعصافير الوكت ما والفنة ...

وعلى اصوات الفناجس تكثر الونة ...

وعلى شوف الطبيعة يطير يتمنة ...

لا زفة بلابل شاف ..

لا بيهة غنة ...

غنة ابلا سعادة وشوك ..

 بانغام الحزن غنة ...

واحلام الطفولة مشن ..

واحلام اليقظة اذنة ...

وتكتل ازمة الكابوس ..

نام إعلى صدرة وما خلص منة ...

لو شاف الظلام يهد .. اشلون براحتة يغرد

يبجي وما ضحك سنة ...

عاش بخوف وبروعة .. واجراس الحزن مسموعة                  13                

تبجي الطاح بالمحنة ...                                                                      

شاف الضيم واللوعة .. وعليه الرحمة ممنوعة

لان باطل ما صدر منة ...

يترجة النسيم يهب .. حتى لخاطرة يطيب

انكسر واحلى سنين فاتنة ...

وكلبة يشابه الجمرة .. وخلص بالقفص عمرة

واعز الناس الخيبوا ظنة ...

وراح يفكر ويسأل .. وصفحة من العتب سجل

فقط بس دموعة واسنة ...

باقي الوحدة يتحسف .. ويا ذلة من السجن اكلف

وعيون الشماتة بذلة شافنة ...

بلبل والة شمات وشماتة بالاصل منة ...

بلبل يا عراق اليوم ..

وعيون الحوم صادنة ...

صادة الاجنبي الصياد ..

وشرايد بالضبط منة ...

راد الموت والفرقة .. وراد الحاقد يسرقة

وجفوف الاعادي السود نهبنة ...

والعراق بحاجة الطيبين ..

واطيب ناس حوزتنة ...                                                 14

مثل الصدر عملاق ..

الصرخي معلي رايتنة ...

الصرخي اليوم مرجعنة ...

                                 يا ارض الوطن

يا ارض الوطن ما باعج حسين            ولا فتح مزاد وباشر المشروع

واحزابج بلادي تبعت الدجال              لان منة الهة المال مدفوع

ظهر دجال كالوا بارض الإعراق         يسوم الناس ذلة وسيفة مرفوع

واخذ وجه الفتاة وسال دم العيب          على فراشج يعفة وسجبن دموع

                           يا صحابة التحجي عنهم

يا صحابة التحجي عنهم                       وتكلي بيهم اقتدي

ويا ظليمة البيهة نبدي                         وبيهة حجة بمسندي

ما هي اخبار الصحابة                        بيا حادث اسود نبتدي

عن جيش اسامة اتخلفوا                      حجتهم إزغير قائدي

ولعنة اللة عالتخلف بالزحف                واللعنة دوم وابدي

وبالهجر تهموا نبينة                      لا تخليهة ابلا قراءة تفوت وتعدي

ويبغض اللة اليبغضك يا نبي               ومن ثياب النار حتماً يرتدي 

وخانوا العترة الشريفة وامتك              بالسقيفة البلوى اعظم سيدي

وقصة لفدك مشهورة بالتاريخ           انغصب حك الزجية والخبر عندي

هذا ديدن الاصحاب كلهم                ما عدا كلمن صحيح ومهتدي  15

 

                           الوطن والناس

انة حبيب لهلي ..

وناسي الية احباب ...                                                                        

ولو صاروا سبب غربتي ..                                                               

ما هم علية اغراب ...

وعزيز بعزة الوطن ..

بعزة ناسة وعزة الاتراب ...

وانة سعيد وفرِح بشوفة هلة الاطياب ...

ومحمي يضل بهلة وبناسة الانجاب ...

وغيرة مالي وطن ..

وغير اهلة مالي اهل ..

وانة احبة وهلة واقسم بداحي الباب ...

واحفظة واحفظ هلة ..

بجاه النبي وبجاه آلة الاطياب ...

هذا دعائي الك يا رب العلى ..

ويا رب الارباب ...

            منقذ امتة

شجاع ..

 وهم للشجاعة المهدي باب ...                                         16

ومنقذ لامتة إمن ايد الخراب ...

مهدينة ثوبة العلم ..

والكرم جلباب ...

 

                                 ارهاب للعدوان

بغض المهدي كفر بس حبة ايمان ...

وحبة عبادة ..                                                                              

وحبة لكل ذنب غفران ...                                                                

وينهي بيدة الكفر ..

واسمة ارهاب للعدوان ...

والمهدي حق وعدل ..

والهن ترة ميزان ...

 

                         هادي الخلق

يا ماي الحياة وللمجد خيال ...

يا نور لهاب وللشرف شيال ...

يا حامي الدخيل وبالطيب شلال ...

يا باب المكارم يا مهدي الاجيال ...

 

                                                                           17                          

                                  صوت الورد

عبوة إعلى الورد معقولة انت انسان    وبشظاياهة اجم كلب بكلب تدمي

وعلية احتج من سميتك الشيطان       ابليس ولا يقترن كال اسمك باسمي

ليش اويالورد صوت الورد ناداك      انفجرت عبوتك واكلت لحم جسمي

جا ناسي القدس ذيج القدس متروح    جا مـــــــــــو مـــــو بس بطل يمي

تذبحني بجنح ناعم فلا رفيت          وخليت جناحي الابيض يسبح بدمي

بدمك من نزف شفت اسمي مكتوب   يعني آنة اتفجرت وآنة إلنزف دمي

 

                                  الزهيري والابوذية

حط الزين بعيونك وخلة

عارف قيمة اصحابة وخلة                                                                       

عوفة براحتة يمازح وخلة                                                                                         مزاحة ايلوك من يحلة وناسة

                       والة اي طيب ما انكر وانسة

                  وعسى كلمن ما وفة لخلة وناسة

خيط الصاب عقليتة وخلة

احط الزين بعيوني واخلي

وعيب لوحدة اعوفنة واخلي

اخوي الزين مختارة وخلي

                         الصداقة تكون حلوة ابلا اذية                     18

علينة اطهار ذريتة وسادة

ولزم درب الكفر بيدة وسادة

وليتام جفة الذي حطة وسادة

                        وحبة إعلى الجنون الق وعدة

                        واضمة للحشر مسند وعدة

                       واحسبة من الشرف حبة واعدة

وعلي بحر الكرم بي ازهر وسادة

شلالات الدمع سالن وطفن

على المكتول كتل الغدر طفاً

وإللهيب النار باجر بالحشر طفن

                          اذا فعلا موالي لشهيد الغاضرية

لسيف ساعة الحصد وحسينكم ساعة الة

جنات رب الهدى حتما ترة وساع الة

بالرحمة يدرك محب باسرع وكت ساعي الة

                                   وانوبة يرحم شخص هو الذي ساء الة

                                   ودموع من مقلتة عالاذنبوا سائلة                                        

                                   لشيعة لمن سئل ربة الذي سائلة

وبريد يوم الحشر سبط النبي ساعي الة

علينة المنحسب سيف الجلالة واسد

وعلى ذراعة ايتام نومهة إوسد                                       19

وكطع درب الكفر سيفة وسد

                          وعروشهم فايت عليهة وقضة

                         وبسيف الشرك نحبة خلص واقضة

                         وعلي اعلم امتة واقضـــــة

وحامي الرسالة درع صارلهة وسد

عباس هذا الوفي منهو الذي بدلة

متروس جودك وفة محتاجكم (بد) الة

بعيونة الفرات النحس ماية شعجب بدلة

                                 جم لوعة الحركت عزمة وباسة

                                 وجم ايمام كض جفة وباسة

                                الشجاعة ثوب لو يعصف لباسة

لبسهة وخيطلة من الهضم بدلة

سلم لو طه انذكر يمك وصلي

الوكت خلصان يا غافل دصلي

اجاني الموت متعني وصلي

                          وصل والناس غفلانة سوية

يا كلمة الحق بهالوكت شيعي

مسلم عراقي ومذهبي شيعي

وايمامي علي انة افتخر شيعي

                        شيعي انة وحق ضلع الزجية                     20                                                

يحسين الهم عشك روحي وانتمة الهة

وتريد مراد منك وانت املهة

والحاير من يجيلك ونتة ملهة

                         ويرد فرحان ومحصل هدية

اتمنة اهل البيت اشوفنهم واحبهم

إودهم بكل الصحف نازل وحبهم

ورضا الله برضا العترة وحبهم

                                  نجاة من الذنب يوم المنية

رب العباد اعجزت عن شوفة البشر عينة

ومن نور وجهة البهي حط لنبي عينة

ويمام دينة علي وصة النبي عينة

                             والعدل دربة حلو خاب الذي هاملة

                             والدين اسمة علة طاح شكثر هاملة

                            ودموع لاهل الندم يوم الحشر هاملة

ويوم القيامة كلف ربي الهلك عينة

حناجرنة هتفت نعم لابن الحسن مو لا

وإيمام جن وانس ومنصبة المولى

مولى لشيعتك ولكل بشر مولى

                       من الجور طهر الارض ومن الظلم والعدة

                       ومن اللة تدري النصر ومن عدك العدة      21

                       واحنة طلبنة الفرج من عدك وعدة

واسعف كلبنة بصبر وبالراحة يا سيدي مولة

موسى بن جعفر علم باخلاق حلوة سمة

وللغيظ لمن كظم اعظم وسيلة وسمة                                                           

وهارون ذبة سجن فوك السجن سمة

                              وعالجسر نعشة صبح بالليل لمن هلك

                              جناز منهو الحضر مولاي يا هوَّ الك

                              لا من صحابك دروا لا من دروا حتى هلك

ومصابة رج الارض وانوب رج السمة

لا سيف الا سيفك يا علي غيرك لا فتة

وبيك الطريق اتضح فوك النجم لافتة

وسام حبك شرف والهة النفس لافتة

                                        وحبك نجم لمن سطع بالارض حطوه

                                         وعيب من عيوبهم جابوا وحطوه

                                        عالشريف البي ما لكوا زلة وحطوه

وحاشاك انت العدل واهل الحقد لافتة

لزهرة لام الشرف حيدر تعزة ورثة

وكليب حيدر بجة فراك البتول اورثة

وبستان زهرة فدك وغصب الغريب اورثة

                 ونهج البتولة شرف شحلة من الشرف واحسن   22

                               إوجه الزجية كمر مستور وجميل وحسن

                               وحسين سبط النبي ابن البتول وحسن

ولاحفاد زهرة النبي دين الرسالة اورثة

 

منهو حسين الوصل سورة وحدة

والشمر بالنحر حط سيفة وحدة

والدين ساكة انهدم هو الذي وحدة

                          ونجم باعلة المعالي حسين ينشاف                                                               

                         وبحر يسكي المكارم جذب ينشاف

                        وشفاعة بالحشر هالسبط ينشاف

وسمة باخلاق الشرف حتما وعلة

وبنة ركن الدين باخلاقة وعلة

وغضب عالكفار محسوبا وعلة

                          وشهر سيف النصر بيدة وراية

                          ورضة بشورة النصر طبعا وراية

                        وصاح كل مكسور ماخلي وراية

وفخر دوم الدهر يحسين تنعد

وحرت باوصاف شخصك جذب تنعد

والف مليون طيبة الك تنعد

                       ومحتار بالطف صبح جيفن بقة وحدة     23

 

                              ديوان قربان المودة

                                 قربان المودة

 منار حسين يبقة بهاي الاديار            ومحطة بكل وكت تجمع الثوار

حُفت بالمخاطر سيرة المعصوم         وحسين الما عرف شنهيَ الاخطار       

حسين الفرع من شجرة الايمان          باعز دم سكاهة ودم الانصار

فداهة بالنحر وانصار سبعين            هاي التضحيات وهذا الايثار

هنيالة العاشرك والقاتل وياك            ويا بخت الينصرك ينصر المختار

بسلا خاطرك يحسين مكسور            فدوة لخاطرك كل هاي الاعمار

باعوك بغدر يدرون ما تنباع             ويدرونك تسوي جموعهم طشار

وعلى نصرة يزيد ونصرة ابن زياد     وعلى دمك جمعهم درهم ودينار

يبو كلب الجبير الما تعب يوم            ويا رمز البطولة بكل الادوار     

لولا دمك جان ماكو اسلام               وربك ما انعبد جا عبدوا النار

وشاهد عالظلم دمك يمظلوم             وثورتنة الجبيرة الهزت الكفار

يمضحي بحياتك قربان هذا الدين       وقربان المودة بشخصك اندار

ترة القربان انت مو نبي اسماعيل       وذبيح الله انت ودمك الثار

وانت سور الله مولاي الحسين          احتمة بيك الدين يا افضل خيار

تاه الدين في درب الضياع              ورادك تنقذة بسيفك البتار

وانت قائد ثورة الدين                      وشعارك جان تغيير المسار

ونهجك التوحيد من يوم المشيت      وهمك الاصلاح من شفت انهيار24

انهارت الاخلاق كلش عد بني سفيان        

                                         وصعبة حسين يسكت عالذي صار

لان حسين ناطق وحتما شجاع         والشجاع الغيرة عندة تكون مشوار

وعاهد الباري على حرب الطغاة       وراد بهالحرب تتبدل الافكار

عظيم بثورتك وانت عظيم              وافكار المؤرخ بيك تحتار

ومنزلتك جبيرة وجاه عند الله          وسفينة لنجاة وشخصك البحار

والذلة لعدوك تسبك العار              ومأواهم جهنم ذول هالكفار

حزوا منحرك وبخيلهم داسوك        وخذوا حكك يطاهر يبن الاطهار

لان عندك شهامة وترفض الخانوك     ولان عدهم بغض يستهدف الكرار

ولان ما عدهم فضل وياك ينقاس       ولان فكرك شعاع ويبعث انوار

وافكارك نبيلة وتنطبع بالذات          لان توحي الثبات وتوحي الاصرار

مشة ظعنك يبو اليمة عكس الاظعون     مشة نحو التكامل خالف التيار

تيار التسافل غازي ذيج الناس          وغزة حتى الضماير حد الاستهتار

غزة امة محمد ما عدا سبعين           رفضوهة المذلة وبيعة الاشرار

وركبوهة القافلة واختاروا الموت       ولبوا نداء الواحد القهار

وفزعوا بعد عيني وية الحسين         لان حسين هو يقود الاحرار

ولان حر ونزيه ورافع الراس            وصحيفة من القيم لناس تذكار

 يا صرخة ضمير الهزت الوجدان    ويا صوت العدالة كبال جبار

 ويا معنى التحدي وكلك اقدام         ويالباقي عزيز وللعزة معيار

انت البينت سيرتهم الحكام       وعلمتنة إعلى الرفض واشلون نختار25

لان انت كلت للذلة هيهات            وكلامك صار لشيعة شعار

احنة شيعتك ونكون خدام             خدام لقضيتك لا تهم بالصار

خلي الصار فدوة وصير مرتاح      رضة عنك آلهك واصبحت بار

رضة الباري كسبتة مو رضة الغير  ونلت اعلى المراتب تلفت الانظار

وجنيت الفوز وانت الفاز مولاي       وجنيتة بكل جدارة وباقتدار

 

                                   حسين الحياة

حسين الحياة وقاهر الموت                     والوجود حسين والظالم عدم

وشجاع حسين عالصعبة يفوت                 فات وصال والجيش انثلم

ويذل حسين ظن الجبروت                    وبالثبات حسين لافكارة صدم

ورافض علن ما يحجي بسكوت               بيعة الظلام عباد الصنم

ورجيت الارض وارتج ملكوت              يا شهيد بطيحتك واقسم قسم

وحبك بالكلب يحسين منحوت                 وما يوم عنة زليت القدم

العدل وينة والظلم حوت                      وعدالة حسين بخيولة رسم

وبصلاتة حسين يشكي بالقنوت              الصبر عالضيم يا ربي الم

ومنك لباسة ومنك القوت                     الفقير الجاع والعاش بسقم

                                   موكب مجد

تعنة حسين المصاعب ضد السيوف   وطعن صوت المواجع سامعة يون

وسيفة موت صاير يذبح الخوف      وكسر حزم الاعادي واركان الحزن

ومرتاح الضمير وما لونة مخطوف  وعبر سيفة المخاوف صاعد الهن26    

وبشهر سيف التحدي الكون مخسوف   وعمر المذلة حسين فاتحلة سجن

واجة موكب مجد لحسين ملهوف        ورغب سيفة النصر عاشك يحن

واجاك الخوف يدخل حتى امان يشوف   واللي يوصلك يرتاح يمك يأمن

 

                                   اصحاب الوفة

حسين بنشر المبادئ شاهر سيوف         ولبس ثوب الحداد وناضل بحدة

وجمع سبعين فارس جنهم آلوف           واي مكروه يوكع بيهم يردة

وصلى حسين باصحابة صلاة الخوف  وراد واحدهم بالحرب يوكف بشدة

وسيوف اصحاب الوفة متخلي وتعوف    حسين وحدة موكف بنص العدة

ابطال تركض للشهادة وتزحف زحوف  إواحدهم يضم العدو جمعا بسدة

وتكطع اركاب سيوفهم وتلوي السيوف  وسيف لحبيب سيوف يقاوم بضدة

وبذلوا مهج دونة وصاروا ضيوف       بروضات الجنان وضيفهم جدة

 

                                الحسين خالدا

حسين وما نسينة حسين                         خالد يومة وسنينة

وبدمة ارتوة الاسلام                            واشجارة خضرن زينة

واسمة مقترن بالضيم                          والشيعة اقترن بينة

محروم والف يا حيف                         نلطم حيل خلينة

وحزينة كلوبنة لحزنك                       وربك ينظر بعينة

وبالدم اختلط يحسين                         حبك من سكن بينة     27

ونحبك من زمان بعيد                       كل الزين تدرينة

شجاع وما تهاب الموت                     لو حان الاجل حينة

شهيد وما عرفت الخوف                    وانت الكادر تهينة

وباجر بالحساب هناك                      بيدك للجنة ودينة                                                          

                                        تل الجهاد

حسين يا سيف الحقائق سيف الاشراف      وسيفك بالعدو حاصد لحوم

يا لواء العز بيك الفخر دايم                  حتماً بس الك محسوم

يا رمز البطولة وتاجهة العالي              ويا حرب البسالة وطاعن اللوم

ويا تاج الشهامة الما نكست راس            ويا رفعة روسنة فوك النجوم

ويا منار الحك يا باب العدل                ويا تل الجهاد الما طاح مهدوم

طاحت حتى الجبال وما طحت مهزوز               

                                                ولبست المفاخر بيض الهدوم

ويا سد المنيع الما عبر انذال               ويا درع الشجاعة بسدك تحوم

مشة التاريخ بإسمك رافع الراس          وضلت افكارة بوصفك تعوم

مشة التاريخ بإسمك تايه البال             وضلت افكارة بوصفك تعوم

واسمك بالفوارس فوك الهواي           وسيفك صَبَّغ الدنية بلون الدموم

مشيت إعلى المصاعب ما ناطق بيا حيف

                                             ولا كلت الندامة وشافوك مندوم

وفتح باب المناية برفعة الايد               وسد باب النجاة وضيع الكوم

وسد باب النجاة برفعة الايد           وفتح باب المناية ودخلت الكوم  28

                                     حرب الضماير

محارب عالضماير مو حرب ثارات        حرب حسين سيف يدور العفة

وملاوة ويالدهر وحسين اليفوز           ومعارِك عالشرف عركاتة صلفة

ومبطوح الدجل صاير راسة منكوس      وراس حسين عالي المجد لفة

ويدمغ بالكلافة دمغات الاسباع            ودمغاتة عالكلافة اصبحت كلفة

ومتمكن عالنصر تمكينة ما بي حيف     ومتعلي بالشهامة وعاشك بلهفة

ويبجي حسين بالمحراب ويتبسم           بالحرب ويضحك الشفة                          

وبين دروب العدالة بيوم عاشور         واجت ليه العدالة بحضنة ملتفة

وقانون الشهامة بسيفة خلاه               وطبر هامة الذلة وبيهة خسفة

وعلمنة إعلى النضال نفوت عالصعبات       

                                       ونطق موتوا عالشرف موتا بلا وسفة

وروحة عالعدالة حسين باذلهة           ويا درس احلة من العدل واصفة

 

                                  غوج الفضائل

ركة حسين المعالي بحد السيوف         ونال الشموخ بسيفة وباهة النجوم

ويكطع اركاب سيفة ملاوي السيوف     واحمر صار بيدة ويكطر دموم

وحمل حملات صعبة وشرد آلوف       وفتح باب المناية ودخلت الكوم

ونزل بيهم ندامة وكثر الخوف            ويومة عليهم صار اشد يوم

ويشهد بالنصر يومة ويزحف زحوف

                          ويضل مشهود يومة وبالنصر محسوم      29

وبعشك حب الشجاعة حسين معروف

                                      وعشَك محراب الصلاة وعاشك الصوم

وفتح باب الكرامة وخيرة مكشوف      ولبس ثوب العدالة فوك الهدوم

ويفتح باب جودة بوجه الضيوف        وتنبع الطيبات منة وطيبة معلوم

وبنشر دين الاصالة الطهر ملهوف     ونشر اصفة المبادئ واكثر إعلوم

وركب غوج الفضائل جامع صنوف   وصنف الطيبات بيدة وضلت إدوم

 

                                    مأوى اليتامى

حسين يا تاج الرسول وتاج لطيبين       وتاجك نور بي ترحم عباد

حسين يا نهج الاصول وافرع الدين      وانت وحدك دين وفروعك جهاد

يا مأوى اليتامة وفاجع الدين              واصبح يتيم الدين وهدومة سواد

لبس ثوب الشجاعة والصبر ثوبين   

                                          وبطرف سيفة جيوشهم سواهة رماد

انت سيف الله سيفك باليمين                 علة بيه الدين وانزاح الفساد

وانت نور الله لناس اجمعين                هادي بيك الناس لدروب الرشاد      

وانت غاية الآمال والحبل المتين          وانت العروة الوثقى وحبك اسناد

سفاك دمك دعي وآباءة شياطين           ما خاف اللة بيك وتارك الميعاد

 

                                 حسين شمعة نور

حسين شمعة نور طفاهة الظلام         ورد لشموخ انوب ورجع ضوة30

وكتاب اللة حسين ناطق بالسلام       وناطق بالحق والعدل فوكاهن مروة

يعلم سيوف ضدة إطبر الهام            وحطم عروش الفساد ولركابهم لوة

وجمع كل الفضائل متخطهن اقلام    

                                            وركة حسين المعالي وصاير اسوة

وركب غوج الشجاعة بحكمة والهام     وعلم احبابة النضال وصار قدوة

ونصر كلمة الحق بشدة حزام             ورفع راية حراب وفخر سوة

وشهر سيف النضال بدين الاسلام        وصاح مبارز اريد وصوتة دوة

وترس بحر المناية دموم ظلام           وشرد حسين المناية وخوف القوة

وانطة دمة حسين والدين استقام          ومحد يركة لمنزلتة ويوصل اقوة

ولبس ثوب الحداد وقابل اقوام            ولبسوا ثوب ذلة وتاجة ضوة

نذرت لحسين سنيني واحلى الايام  

                                        ومصاب حسين ما خلة ايام الي حلوة

حسين مذبوح بغدر ومطبر الهام        وياريت اركابنة تصبحلة فدوة

كالوا زعيم الخوارج ما كالوا امام      وكالوا عليه اكبر ذنب سوة

حسين صافي النفس ما سوة حرام  

                                        ولو جان مذنب ما صارت عليه بلوة

حسين بتاريخ المجد خلالة مقام         ونصبة اللة عالبشر والكون قدوة

 

                                  اصعب حالة

شيريد الدهر وشمالة ...                                             31

عذب نبينة وآلة ...

وحسين الاشد حالة ...                                                                                 

والشهادة اتلوك إلة وتحلالة ...

يحسين تدري المصطفى .. جمر حزنك ما طفـــــــة

ويلهب ترة بدلالة ...

وحالتك الاصعب حالة ...

وحزنك لهالكلب يبرالة ...

 

                                       مجازر

وجوه الكوم سودة وعباس وضاح         وهزم عباس المناية ولاذن بسدة

وتنخة بعزم الاخوة وشاهر سلاح          وطرق باب المناية وسيفة حدة

وفتح باب السماء وصعد ارواح  

                                         وحارب عفاريت البشر وحزامة شدة

وزرع بركابهم سيفة ونبت ارماح     

                                            وزاح الغيوم السود والمكروه ردة

وصدع كلوب الاعادي بثوب الافراح      اسد فوك المصاعب اسمة عدة

ونزل عباس لحظة وبرعب صاح          وجعل بحر المناية دموم يتبدة

وشهر سيف الوفة والعدو طاح             ونزل ساعة الموت بآلاف العدة

وفتح اكبر مجازر للزلم ذباح         

                                 وشهر سيف النضال وبركابهم حدة     32

والسيوف بذلة طاحن سيفة ما طاح         ولبسوا ثوب ذلة اصحاب الردة

وعاف ملك الموت العمل وارتاح           ودرب النجاة بوجه الكفر سدة

 

                                       شالتة الغيرة

على حسين ابو فاضل شالتة الغيرة

لان شاف ابو اليمة واكـــــع بحيرة

 

                                    ميخاف المناية

عباس ميخاف المناية ..                                                                    

منة المناية تخاف ...

وعباس جعجع بالعدة ..

ولركاب العدة كطاف ...

                                        اسمة الوفة

عباس اسمة الوفة ..

وبالوفة معروف ...

وقدم للوفة عينة وقدم جفوف ...

بطل عباس واللة ..

وما يعرف الخوف ...

 

                                                                             33                          

   شايل شجاعة

عباس رمز الوفة ولحسين وفاي ...

وعباس إمن الكفر ..

كوة جاب الماي ...

وعباس شايل وفة ..

وشايل شجاعة هواي ...

 

                                       كيدهم خاب

اسد عباس واللة وشرد إذياب ...

وحمل حملات حيدر يوم الاحزاب ...

ولوة سيوفهم سيفة وكطع اركاب ...

ولبس ثوب الشجاعة بيوم الاحزاب ...

وجروا اذيال خيبة وكيدهم خاب ...

                                                                                                                                                                                                     

 

                                  امير المعركة

عباس قائد بالحرب فنان                       يمحي الجيش وخيولة سوة

وامير المعركة عباس سلطان                 اركاب هواي بتارة لوة

وسيفة لو شح الذبح وجعان                   عليل السيف من يذبح دوة

حل الظلام وضنكة بالميدان                  بنزلة العباس ما شموا هوة34

عباس هذا الجندل الشجعان                  الجثث والروس خلاهة سوة

وبسيفة كتل عباس فرسان                   وشكو فرسان يذبحهم نوة

وصاير لسهم عباس نيشان                  وعمود الراس من دمة ارتوة

وحينة بكطعة الجفين حان                   والبيرغ طاح بالكاع انطوة

 

                                  نصير حسين

رجل مذكور يدخل كربلاء                    وية حسين يكفل خيتة

نصير حسين عباس الهمام                    وية حسين راضي بجيتة

اجة حماي ناصر للحسين                     واجة مناك حامل رايتة

اسد وانوبة يشد حزام                         بهمة يضل ينطر ديرتة

الخيم هنْ ديرة العباس                       وحايطهن حرس واثبت غيرتة

حتى تنام زينب والعيال ينام                  وحتى همْ لحسين يثبت سيرتة

وراد بالميدان ينزل ويمحي                   ذكر سفيان ثم شيعتة

لَكْن سكنة نخت عماه العطش                واتجه للماي وبكامل هيبتة

وكف عالمشرعة وضل يغرف الماي       ورجع مهيوب تارس جربتة

لكن جف قذر مسموم                        عالجربة عيَّن ضربتة

انشكت الجربة وسال منهة الماي           وفقد عباس ماي سكينتة

                                                                                                                                                                                                    

                                   ثار الحسين

ما بقة من الوقت الا القليل ...                                           35

وبعدهة النور يشرق لظلام يزيل ...

وتجينة خيول مهدينة ..

الغيرة فلا ناخذ بديل ...

واول ما يسوي ..

ياخذ ثار الحسين ..

من أبالسة الانس ومن الشياطين ...

وثار عبداللة الرضيع ...

واحنة ارواحنة لجيتة نبيع ...

وثار ابو فاضل وثار جفينة ...

ويسمع الظلام ..

اجلكم هالقرب حينة ...

ويفرح بيه ابو اليمة ...

لان ساعة ظهورة كلش تهمة ...

ولان بيهة اهدافة تتحقق ...

ويثبت الة بعد اكثر الحق ...

 

                             كنز روحي

يا كنز روحي ..

اللكيتة بشوك ..

ويا لذة كلب يستانس بلذتة ...                                           36

ويا كلب روحي ..

وخيارة الاوحد بدنياه ..                                                                                                               

اختارك نبض واختارتك دكتة ...

ويمرجع الامل من بعد ما مات ..

بيدك لعد روحي الامل جبتة ...

ويا حلم روحي ..

البي نسيت احلام ميتة ...

يالصرخي ..

( انت ربحي وعوضت كل ما خسرتة ) ...

 

                    ربيعُ كربلاء من الحسين الى الصرخي

من كربلاءِ الشموخِ ومن ربوعها         هبت على العالمين رياحُ ربيعها

فبالصرخيْ رأينا الحسينَ يحدوا بثورته   ضد الظالمين لكل الناسِ جميعها

ورياحُ ربيعك المعطاةُ تحرراً            هي صنعُ الحسينِ وانت صنيعها

ونعيذك بالذي اصطفاك لامةٍ      

                                     ما قادها الا الذي لافكارِ الاُلى رضيعها

ان ينالك من صنعِ الماكرين غدرهمُ 

                                     فالموتُ دونه ولا ينالُ المجيدَ وضيعها

فسلمت يا كاسرَ قيودِ الصمتِ بنطقك     

                  ويا فالقاً بفكرك هاماً الى الحضيضِ رجوعها          37

وانت الشمسُ والشمسُ تحت امرك         شئت لها السطوعَ فتم سطوعها

فخذ من الاوصافِ ما كان افضلها           ودعْ للبعيدِ ادناها فهو شفيعها

وهذي كربلاءُ اُعيدت بك روحها           بعدما رأيناك وقد اخذت ربيعها

واعلنْ ربيعَ الثورةِ لايزالُ فاعلاً       

                                           بعدما اتفقَ الجميعُ على وأدِ ربيعها

وربيعك مثمرٌ وكشفُ الزيفِ ثمارهُ         وحبيبُ امةٍ بك آمنتْ جميعها

 

                                ديوان دم الرسالة

                              الرسول والمعاجز

نصين الكمر للهادي مكسوم                 وبردنيه الشريفة شايل النصين                     

وبإذن ربة من طلبوا الكوم                  الشجرة اجتة وشافتة العين

وبدارة إعلى قتلة حاطت الكوم              ومن نصهم طلع ويرتل بياسين

 

 

                                رسول الدنية

يا رسول الدنية يا سيد الرسل ...

يا شريف القْوم صادق بالفعل ...

دينك بالزمن جاري ..

وطيبك يلم الشمل ...

وحديثك حديث اللة ..                                                38

وكلامك عدنة ينقبل ...

مسامح والمسامح كريم ..

كريم ولجايع توكل ...

هند وعنهة عفيت ..

ولوحشي رخيت الحبل ...

هذول الكتلوا الحمزة ..

ما سوة عملهم بالمثل ...

إحنين وكلبك عطوف ..

صبور وللقهر تحمل ...

رحيم وترحم الوادم ..

ورحمتك ما تخص تشمل ...

وقصدك ينتهي الباطل ..

وتنشر الحق والعدل ...

                               هديتك الفقار                                                                                                                                                    

الة وكفات سيفك يا علي                   ضربة الله بيدك ضربتة

والغبرة كلفة بسيفك تنجلي                وتخوف الكفار بس بلمعتة

ودومة والله بالدم ينطلي                  دم اركاب سيفك حدتة

وما طايح الفقار جيفنة قوي             واشجع الفرسان برزخ عدتة

وبدماء الكوم دومة يرتوي             وسيوف اهل الشرك ما صدتة

وبحر الموت بالدم ينملي               بنزلت الفقار تكلف نزلتة   39

إيلوي السيوف وزحمة ينلوي         وما ينسل وبيدة الكريمة سلتة

وهديتك الفقار طيب تنهدي           ربك اهداك سيف وجنتة

 

                                 نور النبوة

ختم دينة الجليل وناشر احكام           ونشر اصفة المبادئ بالنبي وآلة

وسطع نور النبوة بدين الاسلام         وبصدرة النبي ضمة وبيدة شالة

وزرع بذر الطيب والحك والسلام     ونهجهة الاصول وسنة وسوالة

ولبس ثوب العدالة والعدل كام         ودون القرآن بيدة ومجدة ضوالة

وصعدت السبعة الشداد اعلة مقام      واعظم شرف هذا، النبي نالة

وزوج الزهراء بنتة الحيدر المقدام    وكون اطيب نسل بالزهرة انهدالة

نعد فضل الرسول بيا كتب واقلام   

                                   وجنة الطيبات شخصة الطيب يصفالة

واخذ علم السمة وللغيب علام        والنبي قرآن والف قرآن يسوالة

وخير الخليقة النبي وسيد الانام      صلوا عليه وسلموا على آلة

 

                               علي مركب علم

علي سفينة نجاة وركابها احباب         وعلي جفوفة سفن وتعبر المذنب

وعلي تحبة الشجاعة ويحبة محراب   وعلي يحبة الكرم ويصيحلة معزب                          

وعلي خلة الدمع بالسيف سجاب       وسيفك يا علي مؤيدة الرب

وعلي صنديد الحرب ويشرد احزاب  ويجيب النصر بيدة بكل حرب 40

محمد مدينة علم وعلي باب            وعمامة علي للعلم مركب

وعلي مركب علم والناس ركاب      وبعلمك يا علي الناس تترتب

ونزل حبك يا علي باشرف كتاب      وبحق علي كل الكتب تكتب

 

                          المعصومون فلك النجاة

الدنية مثلهة بحر ..

والناس رادوا مفر ..

وانتو مثلكم فلك ...

كلمن صعد فاز ونجة ..

وكلمن تخلف هلك ...

اشلون يخيب لا ميخيب ..

كلمن بيهم تمسك ...

وكلمن مسك حبلهم ..

بالله يعني اعتصم ..

ولحبلة يعني مسك ...

وكلمن سلك نهجهم ..

لله يعني سلك ...

وانخاهم انت بصدق ..

تلكاهم اقرب الك ...

من روحك انت وهلك ...                                                41

وما ترجع الا برضة ..

وتكول :                                                                                                                                                       

يا ربي شُكرا الك ...

يا ربي شُكرا الك ...

 

  سفير الرحمن

سفير ودزك الرحمن ..

دزك للبشر رحمة ...

وبينة وبين العباد تكون ..

حلقة وصل وكلش هالامر نعمة ...

ومن الضلالة تنقذهم يا نبي وداك ..

لان جانوا بعتمة ...

ولان جانوا بجهل مطبق ومظلم حيل ..

وداك الهم بالعلم ..

حتى ترفع الظلمة ...

وللشرك يا نبي ، الله وداك

حتى بدينك تهدمة ...

وغير اللة ..

فلا توجد آلهة ..

وتهدم للشرك صنمة ...                                               42

وعلى التوحيد ..

رايد منك واحدهم تعلمة ...

وتنشرهة الفضيلة بمجتمع جان

كلمن عابد لصنمة ...

وتلغيهة الرذيلة وبإسلوب قرآني ..                                                                                             

لان هم بسببهم جانوا بنقمة ...

لان هم جانوا كلش بنقمة ...

 

 

                                      عطوف

علي طبعة بالفضل معروف                   وعلي بيدة لشمس رجع

علي والمن ذاتة عطوف                      علي نور وبالارض يسطع

علي وية الحق يدور ويطوف                 وكلام اللة بعلي يرفع

وصار يمام رغماً عالانوف                  علي اعلم امتة واشجع

وقرة خطبة ابلا نقاط الحروف               وبليغ ويحمل للصفات اجمع

علي سيفة ابلا غمد مكشوف                 وشجاع وصبح لزود مرجع

وذو الفقار كسرهة السيوف                  ولكلوب الشرك همين صدع

وعلي الفقار بيدك ذابح آلوف                وعلي سيفك بالحرب يلمع

وعلي منبر صفات الطيب والمعروف      وعلي منة الصفات الطيبة تنبع

وعلي يعني التحدي ويحجي عالمكشوف                                43

                                             وعلي نهج الشريعة وللعلم مرجع

 

                                   دم الرسالة

جرة دم الرسالة وطاحت الخشعة       وانباع الضمير وسعرة صار دينار

وانفجع باهلة الرسول وشافهم صرعة   وحزين انطرح والقوة حيف تنهار

وانطعن برماح النذالة وادعوا ربعة     وسلبوا تاج الخلافة اللابسة الكرار

وانهدم حيلة الشديد وساكب الدمعة        لان تهموا بالهجر شنهي شصار

ورغما نبينة انهضم بابنائة صرعة

                                       وصارت سيوف المواجع بالظهر تندار

وهضايم اهل بيتة زيدن وجعة            قتل تخريب وكسر خاطر بالدمار

وانذبح بسيوف رمحة جانت ودرعة     وبركاب اهل بيتة انزرع بتار                    

وصاعد اسوار الحزن بكليبة صدعة 

                                           وشرب كاس القهر ومعاتب القهار

وانكسر محني الظهر واصحابة التوكعة  نيتهم غدر واللة وحركوا الدار

والغدر متولع باهلة وعاشك بلهفة         وطاعنهم بسيفة طعنة الفجار

 

                                    يا بضعة نبينة

يا بضعة نبينة المصطفى الغراء ...

والبضعة تعني الجزء ..

والجزء من الاصل ..                                                   44

والاصل يتفرع اجزاء ...

واذا هي عين النبي ..

فالنبي ناظر طريقة زين ..

اذاً درب النبي كل الزين شايفتة ...

واذا كلب النبي هي ..

كلب النبي شايل كتاب الله ..

اذاً انت كتاب الله شايلتة ...

واذا هي جف النبي ..

من يدعي النبي يرفع للدعاء جفة ..

اذاً انت اليرفعج وابتهل بيج ...

واذا انتِ لسان النبي ..

اذاً يم اللة لمن صعد حتماً تكلم بيج ...

واذا انت انف النبي ..

فالنبي شم ريحة الجنات ..

فانت اذن ريح الجنة شيميتي ...

واذا انت سمع النبي ..                                                                                                                  

اذاً اول من يسمع كلام الله انتي ...

 

                                  قصة الفقار

شافوا الفقار بيه اتعجبوا ..                                          45

وكالوا شنو من سيف !! ويا هو الصانعة !! ...

اللة هاديه جبريل منزلة ..

مختص لبو الحسنين ابن التاسعة ...

لولا سيفك يبن عمي علي ..

كال الرسول: لما لمعت لدينك لامعة ...

من قلع الباب الحيرة بينت ..

والدهشة زادت إثر هالواقعة ...

وضرب مرحب شك راسة عدل ..

ضربة اللة ..

ضربة لراسة جانت جايعة ...

انكسم نصين شو ماكو نقص ..

قصة الفقار قصة رايعة ...

نعمة والله فقار السمة ..

ومعاني هواي قصتة جامعة ...

والة وكفات سيفك يا علي ..

شرد الاحزاب خوفاً راجعة ...

علي مقدام مقدام العرب ..

فرسان الموت منة جارعة ...

محد كدر لاواك تلوي ما تشاء ..

وحتى الموت جفك صارعة ...                                        46                                                                     

فقير ويلبس هدوم خشنات ..

لكنة يتصدق على الناس الجايعة ...

كريم وضيفة محترم بالبيت ..

ويقدملة شما يريد ..

 وعينة عالفقرة دامعة ...

خاف ابلا عَشة يبقون فد يوم ..

ويكون الرزق هو المانعة ...

حاشاك تمنع رزق يا ابو الحسن حاشاك ..

الفقير انت بكل حفاوة تصانعة ...

والقصد يعني اتعاملة يا مولاي ..

والك حتى ارزاق ربك طايعة ...

 

                              معلقة على جدار الزمن

سراج الدين زهرة وبالارض قنديل      ومن طلعت عالظلام بساعتة انباد

زهرة بهالارض ما تشبه الناس             من حيث الصفاء وحيث الابعاد

وحظت بارفع منقبة سيد نساء الكون      ومنقبة الطهارة البيهة ربك شاد

وسمت باخلاق الرسالة زهرة الطيب

                                          وربت وية الشرف من ساعة الميلاد

وجنت ارقى الصفات العفة والتحجيب     وبالعفة العليهة اتفوق الاعباد

يا رمز التسامح والبغض غازي الناس  ويا غصن المحبة بدنية الاحقاد47

كن لو كلتي لكلمتج كلشي يصير      وتنقاد السمة ولمطلبج يا حرة تنقاد

وضحك سن الجنان بمقدمج فرحان         واتنور العالم الآخر بنور وقاد

ويخجل لو حجت يسكت الراي             من كثر البلاغة بأحرف الضاد

وعلى شفاف الرسول ارتسمن الضحكات

                                             بميلاد الاميرة ويا احلى ميلاد

يا ثوب المدح انت للمدح تشريف        رغم كل اخفاقة وكل الاجهاد

وفضلج عالوصف جي بي وصفوج     وما كمل عثر وبنفس الدرب عاد

ومو عادي البشر ومو عادي جنس الجن

                                       ومو عادي الملك عالافضل افضل عاد

مو عيب الانوثة إو لا نقص بالموضوع

                                            لان انثى إمن الاناث انت بالتعداد

ومن حقهة النسة تتفاخر وبيج             على كل الرجال ومو على افراد

وعلى قيد الحياة الموت خل يروح      فرق بين الممات وبين الاستشهاد

يا شجرة خلق يالما دناهة السوء             ويمقياس العدالة وللفضل عداد

يا بت الاصول وقدوة الناس                 ويا راية الايمان رفت عالبلاد

يا دنية الفخر وشما لفاهة الغيم            تضل ترعد كرامة وتمطر امجاد

يا فرحة نبينة بملتقى البحرين               بحر نور النبوة ويالامامة انكاد

يا بحر الوفة وجروفة الاخلاص           وبي ابحر علينة بصفة الرواد             

يا ثوب النزاهة الفصلة المعبود             ومنع لحد يلبسة لحيدر مراد

يمراد السمة مولاتي يأحلى مراد             ويستاهل علينة هذا الامراد

لان حيدر ما يلوك لغير زهراء             ولانهة ما تلوك لغيرة س وص

ويا تحفة نبينة الباري متحفة بيج            تفاحة من الجنان إمقدم وهاد

النبي كلبة انجرح وابتر وصفوه          وطيبتي الجرح من جبتي الاحفاد

وصفوا بتران هم بمزبل التاريخ          وصفة شامخ نبينة وعالبشر ساد

ابو الزهرة النجيبة وهذا يكفيك             لان هي العظيمة وهم الاوغاد

وهي ام السلالة ومنهة ينحدرون           عترتنة الشريفة وخيرة القواد

وهي ام الوجود ومحور الكون             وحيدرهة القطب واليمة الاوتاد

وهي المدرسة مدرسة الاخلاق           تعلمنة إعلى الثقافة وللعلوم استاد

يا ام القيم يالقمة بالتوصيف               ويا نجم الهداية وشمس الارشاد

يا حجة إعلى الحجج يا حجة المعبود    على كُل الخليقة وسيدة عالاسياد

يا دكة كلب رافقت كل انسان             ويا روح الضمير بهاي الاجساد

يا نور العبادة الضوة هذا الكون          صديقة ولسانج عالصدق معتاد

يا ام الخدر منج تغار الحور             على ذاك الكمال الفوكهن زاد 48

طلك الدنية علي طبعا عجيب            دنية وانتِ بيهة اشلون ما تنراد

معصومة من الزلل مفطومة من العيب    وقوافل للمناقب ودت امداد

والمتروك النبي صارت وريثة انوب     وخذت كل الطباع بكامل الاعداد

وبكلمة زكية الباري خصهة بهاي        وجن وانس واملاك الهة اشهاد

يا بضعة نبينة تقارن القرآن              وآياتة الكريمة بشأنهة تناد

سويتي فضل مشكورة منجازيج          رغم صرنة ضحاية بسيف جلاد

ورغم قسوة يزيد وسطوة الدجال         للمهدي يم الحسن دم النحر سداد

ولو مسج خطر لا سامح الله               هذول احنة جنود بإمرتج ننقاد

وصدكيني لمقامج كُلنة خدام             رغم انف المعادي ومجمل الحساد              

وكلب شيعي كلبنة وبيج ولهان           غيرج ما لكة وبحبج اعتاد

لان كلبج لليحبة بابة مفتوح               وعلى كلمن معادي لبابة ساد

ولان كلبج محطة (لا) سفينة نوح      

                                             والناس التحبج صعدوا المصعاد

وصعدينة يزهرة وياليصعدون            بلكت نفوز هناك بالميعاد

ونحظي بالسعادة بصاية الزهراء         لان هي المعتمد والنة اعتماد

وابشر يالموالي ما يمرك خوف              لان هي الشفيعة وهي الاسناد

وهي الوسيلة لكُل دعاة الخير                لان هي الوسيطة لرب الاعباد

ورجاء الناس هي وغاية الآمال           وشدينة الامل بالزهرة احنة شداد

امل واسع املنة وما اظنة يخيب             لان هي الكريمة وبت الاجواد

ومفتاح المغفرة وللتوبة هي الباب          للرايد يتوب وللذنب ما ينعاد49

لان بيهة الجليل يسامح العاصين            وعلى شان الزجية الخير يزداد

ويطش خيرة الجليل لخاطر الزهراء        وخير اللة جثير يسر الاُفاد

يا سر الحياة وما كشف عقل الناس         فقط انت الحياة وبالفشل عاد

كل ما بالحياة لخاطرج مخلوق            يا روح الرسول المصطفى الهاد

واسكنتي كلب النبي واهدالج الدلال       وخصاج بمحبتة وصافي الاوداد

محب يم الحسن مولاتي للحباج          ومبغض لليبغضج ومعادي المعاد

واذا زاد الناس تقوى اتثكل الميزان       أنة مالي غير حبج بالحشر زاد

يا رمز الاباء ورفض كل الضيم   

                                        ويا ثورة إعلى الظلم والجور والاحقاد

ناصرتي علي من خذلتة الناس        وساندتي الولي وارفضتي الاستعباد

وموقفهة مشرف شرف التاريخ           من وكفت للحقيقة ضد الاستبداد

والحقيقة علي يتولى امر الناس 

                                   ومنهم بُضاعتهة القهر واجباري الاستيراد

ملعون من خالفج والاظهر نفاقة إعليج

                                         ومشمول من وافقج بالنعمة والاسعاد

يا قلعة صبر يا سور الهموم             ويا بيت الحزن يالما عرفتي اعياد

اريد اذكر مصابج وارسم الحال          ضلوع مكسرة وعالظهر جلاد                   

وعمت عين الزمان يصول ويجول     على الزهرة الزجية وبالحقد هداد

إووكت الضيم اجة لزهرة ولفاهة      وطعنهة بسيف غدرة والطعن حاد

وفك حلكة القهر بنيابة كلاهة          وجند جيوشة الدهر لزهرة بعناد50

وعجب سيف الهضايم بيدة خلاهة         وجرح كلب البتول بنص الاُفاد

وخدهة اليبوسة النبي يا حيف مسطور    وعليهة الحزن خيم والدمع زاد

وتدهور حالهة وغصب حكهة سباهة     وغوج التدهور بيد الانذال انكاد

وخاطر الزهرة انكسر بهموم سلاهة 

                                       وجمعت اصناف النوايب والشجن ساد

وعمت عيني عليهة شكثر شافت ضيم

                                           من الما عدهم ضمير ومالهم رداد

وموضوع القيادة ومنهو إليلبس التاج      

                                      صرتي انت ضحيتة والحجي ماينعاد

وقربان الولاية صرتي انت يالقربان

                                     وعلى مذبحهة انقتلتي والحق إستفاد

 

وحاطنهة المصايب كل وحدة مثل الليل     ولو حاطن بالنهار الليل ينعاد

وعاشرهة الالم كوة وشافت الحرمان 

                                       وكضت عمرهة بوجل وبهم واضطهاد

ويالمضمدة جروح حيدر يوم ينصاب   رحتي وباقي جرحج عايز اضماد

وشهيدة ابلا ذنب تفاحة الفردوس        ومآتم بالسمة والباري مطي احداد

ومحسنهة سقط والميلاد ما حان          فتباً للاسقطوه وما حاين الميلاد

وحزن حتى العرش واظلم عليهة الكون  وبجن دم الحواري ولبسن اسواد

و(يا اماه) حيل حسين كام يصيح         وثكل هم الحسن وبحلكة مر الزاد

على مصابج وابوهم ساهر الليل         على فراكج والحزن كل يوم هداد

ويا اكبر مصيبة وحلت على الكرار   وكلب حيدر للمصايب صاد ما صاد

وما قاوم للحزن وهو بصبر معصوم   ومر حزنج عليه إيشيب ما بالمهاد

وعلي لكاس الافراك اشلون استساغ    مجبور وشرب عالكاس ما يعتاد

ولسهام الحزن عدنة الكلب نيشان     وشفاف الكلب لسهام الحزن ما صاد

ومن سمع بيج الحزن رايحة تروحين     لم ربعة علينة وجانة هداد

ويا حزن العليهة جذب شافة إنسان    بسك يا حزن واترك الزهرة عاد

وفتح ذرعانة القدر ولصدرة ضماج   إشفاقاً ومكسور القدر مكسور الافاد

ويمن تحت الكساء وراد جبرائيل          وسادسكم صبح من بعد ما راد

ونزل يحمل بُشارة من الجليل تكول      الرجس عنكم شمرتة وابتعد غاد

وبيكم للعبادة انفتح مو بس باب          ابواب اتفتحت للرايح وللراد

ورحماتة عاليحبكم تنزل نزول         ونقماتة عالنواصب واهل العناد51

وانفرض حبكم علينة كالصلاه والصوم     

                                   (واللي يضدكم هلك لو عمرة ضل سجاد)

وسلامي لكم اهل هذا البيت             احمد والوصي والزهرة والاولاد     

        تعال                                                                                                   

تعال وشكل القوات ..

جيشك يالمهدي شكِلنة ...

تطوع الك آلاف بالكيف ..

مو قصة مال قصتنة ...

قصتنة الارض والدين ..

والمهدي بعد الله قصتنة ...

 

                      يجمع كل الايتام

حبة عقيدة وفرض مهدينة بالاسلام ...

وعلى فد ماعون يجمع كل الايتام ...

                              حاكم بامر السماء

حاكم عالخلق ..

حاكم لهذا الكون ..

مهدينة وحاكم بامر السماء ...

وبكل وكت لابس حكمتة ..

لابس حكمتة صيف وشتاء ...                                            52

                        حلف وية النصر

حلف وية النصر يالمهدي سويت ...

والفرسان تشرد عالكفر لو هديت ...

 

                            مهيوب

المهدي يعني البطولة ويعني مهيوب ...

وحيل لراية اللة المهدي محبوب ...                                                                                        

 

                           الحسين ومخاطبة القاسم

قاسم يا ولد يا احلى الازغار ...

ويا عمر الطفولة وعقل الاكبار ...

قاسم مو طفل ..

قاسم بعقل اكبار ...

قاسم ما جذب ..

لا اخذ غيبة هذْ وذاك ..

وقاسم ما صبح فد يوم مكار ...

قاسم انصحك لتصير عبد الغير ..

لان انت الاحسن يا نور الابصار ...

قاسم حاجيلي الفرح بلكت يحن إعليك ..

وكلة بكلب عمي صير خطار ...                                      53

قاسم ميهمني الحزن ..

بس لو ضكت الفرح يعني شصار ...

قاسم لو شفت ارض السعادة ..

روح اللة وياك ..

بس لعيون التحبة لا تعوف الدار ...

لذا فلعينك اضل يمك دوم ..

وحك عينك الحلوة يا حبيب الدار ...

قاسم ..

يا فرحة عصاري ومرت على احديثات ..

ابن عم وخطيب وجاي خطار ...

قاسم خلي بشوفتك ..                                                                          

خل يفرح المحزون ..

وضويلي الوكت ليل ونهار ...

بحبك يقاسم كل الكلوب تذوب ..

وقاسم جمالك يخطف الابصار ...

قاسم دليهم عالدرب ..

متجذب زغيرون ..

على اليمنة تكول يمنة ..

وعلى اليسرة يسار ...

وقاسم علِم عالوفة ..                                                  54

إووزع المعوزين ..

من طيبة كليبك المو غدار ...

قاسم ذهب وقالب براءة تكول ..

وقاسم نبي بس للناس الاشرار ...

 

                             طير الدلال

يا طير الدلال وعالعمر وكر ...

نسماتج عطر يمة وبيهن اتعطر ...

يا شمعة حياتي ..

ونور لطيبين ..

جيبيلي خواطر خاطري امكسر ...

يا نبع المحبة وشوفتج عيد ..

جبت عمري بواجي ودايخ محير ...

يا طيف المحنة ..

وبيج تغفة العين ..                                                                                                             

وبعيونج تطيب الروح ويموت القهر ...

اكابر عالمواجع ما طول بيج انفاس ..

وبعد هم جروح تجبر ...

ضميني إعلى صدرج ضمة المشتاك ..

واحسبيني طفل توة يريد يكبر ...                                        55

مقصر ترة آنة بحقج هواي ..

وطبع المقصر يمة يتعذر ...

 

                              الامهات

اوصى الله خيراً بالامهاتِ            فتحت قدمي الامِ جناتِ

فقبلْ يديها لتكن عنك راضيةً         فرضا اللهِ في رضا الامهاتِ

 

                         سلامي للعراق الحر

يا موطن اهلنة وموطن السادات ...

كافي يا وطن بسك جراحات ...

حزنك ما كضة ..

ما خلصن الآهات ...

ونزيفك ما وكف ما نشفن الدمعات ...

دمع عينك نهر وجروحك الشاخات ...

وصرت كلك رصيف وعلى اطرافك جثثنة مشمرات ...

ونهارك ليل يا وسفة ..

بسبب ذيج العصابات ...

ومثل باريس باجر لياليك نهارات ...

اشلونك يا وطن باحلى التحيات ...                                                             

كمر انت العراق وشعبك النجمات ...                                   56

وبعدهة طيور حبك بالسموات ...

ونذر من ترجع حياتك نعلك الشمعات ...

شمعات المحبة ونكسر اللالات ...

وسلامي للعراق الحر وتباً للعصابات ...

 

                          ابو ذية

انبياء وائمة ورسل ينخون يا رب

والك احنة نصد الوجه يا رب

وغيرك من كضة الحاجات يا رب

                                 لا رب سوى المعبود خلاق البرية

 

متركب عالحزن كلبي وراهم

ومَيضيفك يا كلب بس هم ورا هم

واتركوني وصحت آنة وراهم

                           اتبعوني وانصروا وحيد الغاضرية

 

                      ديوان زهرة مرسومة

                      حسين الجبل والقمة

حسين الجبل والقمة                   حسين القاتل بهمة    

حسين إتألق بفكرة                   واصبح للزمن ذكرة               57

واريج ينسم بعطرة                 جميل وكالذهب رسمة

حسين المن ذهب طينة             وشكلة كالكمر زينة

وعينة عالبلاء عينة                يا صبر المقترن بإسمة                                   

حسين العشكتة الطيبة             وملوك الناس التهيبة

واعداءة ضلوا بريبة              منة وطاحوا بأزمة

دربك يا نبي دربي                واقدم للعدل حبي

ويوجع سهم البكلبي              وريت بهالكلب سهمة

حسين المجد خلة                وللدين السبط علة

وعدوة ترهقة ذلة              والعار انترك بصمة

بصمة بالجبين العار           باعداءة الغدوا كفار

باجر بالعذاب ونار           كلمن عادة ابو اليمة  

 

                 حسين الما غمد سيفة

حسين مصفي النية            واختار لكربلة الجية

حسين المعنى والكلمة        حسين المن صدك زلمة

وخالد بالزمن اسمة          بحر وما نشف مية

حسين الشرف والعفة       والسيف مكيف بجفة

ويا طف اليشبه لطفة       وسوة الفارس إمرية

حسين الما غمد سيفة      وسيفة إيذبح بكيفة

وضلوا عالارض جيفة    وشرد ناسهة الحية                            58

حسين الما طفت نارة      والحزن كل يوم خطارة

وشن بالحرب غارة       ضدكم يا بني امية

حسين إمن الزغر هيبة   ونزل بالعدة خيبة

واتخضب بالدمة شيبة   واتقدم لربة ضحية

حسين الفارس الملهم     وكلبة مجرح من الهم

وبنصة نابت هالسهم      المثلث ريتة بية                                               

                        عليل وحاير بأمرة                                                                                                                                                                     

عليل وحاير بأمرة                          صعبة عيشتة ومرة

صعبة يعاشر الكفار                       وجسمة من الالم منهار

بعينة شاف الصار والما صار            وعلة كربلة مأثرة

بعينة شايف الوقعة                      وذكرهة يزيد الوجعة

حزين ويسكب الدمعة                   وخلص بالقهر عمرة

وسفة ينهدم حيلة                        وخلص بالسهر ليلة

ودم المدمع يسيلة                       وفايض بالدمع نهرة

إتأثر ونجرح كلبة                      حاير والهضم دربة

انكول يساعدة ربة                    صابر وشكثر صبرة

بكلبة بينت ورمة                     والمن يشتكي هضمة

ليش الظالم يحرمة                   يزيد الحارب العترة

القى خطبتة بالشام                   وبيهة شوه الظلام

يزيد الحارب الاسلام                بالمجلس كشف سرة              59

 

                             فارس الاسلام

فارس الاسلام للامة امير                ساند المختار وليومة الاخير

ساند المختار ما غيرة ولي              وشيد الاركان بأفعالة علي

وحطم الاوثان واسوار البغي           وثبت الاحكام بافكارة جدير

ثبت الاحكام والدين اتضح             والشرك ما دام وبسيفة انذبح

علي سياف ما يلزم رمح              لازم الفقار مولاي بضمير

لازم الفقار واعداءك تشوف          وبالمعارة الموت خليتة يطوف

يا شجاع وترغم بذيج الانوف        وبالفقار الموت سويتة سعير                          

جهنم صار فقارك عذاب             وخيب الاعداء وبراية الصواب

وانت يا فحل يوم الحراب           راية الاسلام بيمينك تصير

راية الاسلام بيمينة ترف           وشرف الاوطان ساكن بالنجف

حيدر الكرار ويمثل الشرف        ويمثل العفة ويقود المسير

 

                                  اولياء الله

يا علي يحسين يسباط الهدى             انتم الآمال وانتو المقتدى

انتم الآمال آمال الرجا                   وانتم الافلاك افلاك النجا

وحبكم الاسلام دون منهجا              منهج الرحمن مو نهج العدى

اولياء الله محلاهة الصفة               وبيكم الاسلام دون مصحفة

وبين الاحكام واسم المعرفة            والمعاند عاف كلشَي واهتدة 60

بيكم الاسلام رافع رايتة                والغريبة الناس هاي الباعتة

بارخص الاثمان وسفة سامتة         وبيكم الاسلام ما يذهب سدى

انتم القرآن ناطق بالعدل              بالولاية انوار والعصمة حبل

وحبال الدين بيكم تتصل             تتصل يا صاح ولآخر مدى

بالمحبة اقمار سطعوا بالزمان      وحبهم المزيون عيشنة بامان

والمحب يروح يسكن بالجنان      والمعادي بنار تلهب مؤصدة

 

                    شهيد وجنتة الفردوس

شهيد وعالي الرتبة               واعلن عالظلم حربة

شهيد وطيبة انفاسة              أوودع اهلة وي ناسة

وسال الدم البراسة              فدوة لنبي وربة

شهيد وخالد بذكرة              واهدى للنبي عمرة

مكسور ومنهو اليجبرة        الباري يجبرة لكلبة                                                      

شهيد وطيبتة طيبة            شجاع وصامد وهيبة

وليش الكافر يصيبة          شاف الوادم تحبة

شهيد وجنتة الفردوس        وكام إعلى الرؤوس يدوس

وحبة ساكن بالنفوس        بمحبتة واحدنة يتربة

شهيد ومرتفع شانة          وربك عالظلم عانة

من الذل والظلم صانة       وعليهن فضل الضربة

شهيد ونورت شمعة         وعليك انسكبت الدمعة                    61

وغدار الزمن طبعة        وانت لوحدك تهربة

 

                 مع النسمات لو اكدر

مع النسمات لو اكدر            ادز عيون للخدر

انشد بالكمر عنكم                وجني بنصة اشوفنكم

صعبة الجية احرسكم           وآنة عاللحد مجبر

آخذ رخصة الباري            ويقبل بالامر تالي

اروحاً وانطر عيالي          خاف عيالي إمذير

آنة والدج حيدر               بنتي إبالج شيخطر

اجيت بهالمسية انطر        خاف يخافن الخدر

بصبرج زينب احتفظي      وربج بالامر يقضي

علينة يقبل ويرضي         الباري بالهضم يخبر

اللة يساعد الزهرة          وحيدر منحني ظهرة

الطف ساهم بشرة          ضدك يالنبي الاطهر

الزهرة شافت الموقف     مذهولة وبقت ترجف

الدمار الصاير بهالطف   ما شافة جن ولا بشر

                    مولانة الغريب                                                                                                                                                                         

غريب وعايف اوطانة      وعاش بغربة مولانة

لو شاف الحزن يمة        المن يشتكي همة

وليل الغربة المألمة        كثر همة واحزانة                           62

راجع قصتة وشوفة       جرحة منهو اليروفة

وهدة يا زمن عوفة      همة مغير الوانة

الهم شن عليه غارة      واصبح من بعد جارة

وشبت بالكلب نارة      ومنهو البالغرب عانة

باهلة كاطع الظنة       واصلاً ايسوا منة

وباقي يجذب الونة     وكتة ابلا ذنب خانة

سماه الرضة جدة      ودمعة سايل بخدة

وعاشر الانوار عدة   عظيم ومرتفع شانة

كابوسة يكتل بصدرة   وخلص بالعجل عمرة

وحالة تغير بعسرة     مثل الوردة ذبلانة

 

                            الدين والشيعة

يا الهي صون خدام الحسين         شيعة المولى امير المؤمنين

شيعة الكرار واصحاب الشيم       لبسوا الشيمات والذل انهزم

ونصروا العترة يلاهي بالقيم      ونصروا الاسلام والهادي الامين

نصروا الاسلام باليد واللسان     هالتشوفة اليوم قائم بالزمان

وبالشيعة ثبت واصبح مصان     مصان الدين وابداً ما يلين

ما يلين وباقي جيفنهم اُباة         وما يضيع الدين صارولة حماة

وبسبيل الله يا محلة الممات      نموت بحقة حلفولة يمين

نشيل سيوف لو حقة يضيع      نحبة الدين ولامرة نطيع        63                                                        

ونرخص ارواح ولاجلة نبيع    ونسومة ابلاش غالينة الثمين

الثمين رخيص يا درب المجد   الك يا دين مثلك ما نجد

واعز اشياء لاجلك تنفقد         نفقد الارواح لاجلك والبنين

 

                                 

                                  زهرة مرسومة

زهرة وبصدر النبي مرسومة                ومن جهنم شيعتج مفطومة

زهرة خير تزهي بالثمر                     الحسن وحسين اشباه الكمر

بضعة الزهراء واسياد البشر              وزينب الحوراء وام كلثومة

زهرة الاكوان وتفوح بعطر               والوجه وضاح يشبه للفجر

واسمهة نور يسطع بالذكر                ويشرف السامع ذكرهة وكومة

شريفة يا زهراء يا ست النسة           عفيفة الاسلام صرتي مدرسة

ولحيدر الكرار انت محبسة             ويتفاخر بيج حيدر دومة

زوجة الكرار والعترة نسل             وصرتي يا زهراء للسادة اصل

وبجميع الكون ما مثلج مثل            مو بارض حتى بسما معدومة

حشة لله لو رايد ظنة                   لكن الاسباب شاءت ما جنة

يجعل الزهراء بنتة محصنة           لكنهة درة وللنبي مقسومة

 

                                نترجاك

مهدينة الظلم سلعة                          اظهر نشف الدمعة     64

نشف دمعة المظلوم                        دوم بدنيتة محروم

جيب خيولك النة وكوم                   الحق المغتصب رجعة

فداك كليبي وي نبضة                    غوجك عالفرج حرضة

كالوا يومك انفرضة                     كلام يزيد الوجعة                                             

ربك بالعدل وصاك                     والشيعة بألم تنخاك

بجاه اللة نترجاك                       عجل واظهر بسرعة

سماك النبي قائم                         وبيدك تلزم الصارم

ضد الباطل تقاوم                       وكلب الخاين تصدعة

تعال الدنية صفيهة                     وحطم عرش اعاديهة

وشوف شكد ظلم بيهة               وصوتك للظلم سمعة

بيدك نصرة الشيعة                  ودمهة لاجلك تبيعة

وامرك سيدي نطيعة                وضيم كلوبنة شلعة

 

                    الكلب بيتك (اغنية اسلامية)

اذا مو للمهدي احن جا المن اشتاك

دحس بينة يبونة وكافي الافراك

عطاشة لشوفتك بس من الغياب

تعذبنة بغيبتك هذا اكبر عتاب

تعال اسعف كلبنة ضاك ما ضاك

ضاك الكلب بعدك يا ضوة العين                                    65

ونار هجرانك تحركة شما يمر حين

وكلبنة من زمانك شاف ما شاف

والحزن ما نكدر عليه ومنك يخاف

وخيال الحزن جانة وجانة تفاك

الكلب بإسمك كتبتة وصار الك بيت

واطش دربك ورود شوكت ما جيت

زَمانك ليل صاير وانت الهلال

تعال وداعتك ما تلحك على الحال                                                                         

والفرحة شما تجينة بساع تنباك

 

               تفز الروح

تفز الروح                تريد تنوح

لمصاب حسين       اشوف العين

تبجي بنوح

تكلي هناك            آنة وياك

اكلهة وين          تكلي حسين

الغدر مذبوح

تكلي نزور        ذاك النور

نكوم نطوف         بكلب ملهوف

والدمع مسفوح                                                           66

نزور الثار        على الكفار

لجل هالدين        حان الحين

يشيل جروح

جثيرة خيول          شجاع يصول

شبه خطاف           عليهم طاف

وبكلب مجروح

بطل مغوار       كساهم عار

صريع البين       الشهيد حسين

عالرمل مطروح

 

                                   قلعة للحقايق

حب حسين كلمة كايلهة الضمير           كلمة وحدة اثنين ما يمكن تصير  

كلمة وحدة نعيش وياهة العمر                 حب حسين ما ندري شكثر

غريب الطور ما يحمل صبر             يمتة الملتقى مشتاك يا ابن الامير

حبك نور وينور الطريق                     حسين وشيعتك احسن فريق

صوت سمعة نحتاجك رفيق                 رفيق الدنية وبنهجة نسير

نسير بنهجة بالقمة صعد                    عاهد الباري ولا خان العهد

مكسور باقي لانصارة فقد                  فاقد الانصار وبعينة يدير

يدير بعينة مفتقد الامل                     خلصوا الاصحاب من بعد الاهل

حسبة عندة واختار الاجل                  راد حسين يبقة كالبدر المنير67 

بدر باقي حسين يضوي بالعدل            قلعة للحقايق صار وانوب اصل

وسفة اشلون نرضا ينكتل                 كتلوا الاسلام يا رب والمصير

 

                                 عريس الدماء

يحلم بالشباب وراح                              ضحية تقدم لعمة

ويزهي كالورد قداح                            عمة قبلة وشمة

جاسم كال يا عمي                              خليني بالحرب انزل

انزل ينجلي همي                               وابني بالخلد منزل

عريس الدما اسمي                             اشداً عالكفر واحمل

شاهر باليمين سلاح                           رايد ينزل بهمة

نزل ما خايف القاسم                          وعين الوالدة تنظرة

ومصر وعالحرب حازم                     شجاع وسولف بسرة

سرة يحارب الوادم                          وادم خانت العترة

خانوا بالنبي الوضاح                       وبعدة خانوا اليمة

قاسم بالنبل زفوه                            مصباح الحرب صبح

وبالدم والدمع حنوه                        بالدم غارك ويسبح                        

وبالهامة غدر لاحوه                      والدم كالنهر يطفح

وجهة بالحرب مصباح                   عريس وحنتة دمة

بالدم حنوا السادة                          حنوا قاسم الاول

وابوه موصي باولادة                    حسين بقاسم اتكفل           68

شهيد ويشتكي ونادة                    حزنهة الوالدة طول

حزينة والدمع سفاح                   ويسكن بالكلب همة

ألمة اشلون ما يلتم                    ألمن زين يا صفحة

وذكرة بالكلب يلجم                   وساكن بالكلب جرحة

ونصبت بالفرح مأتم                وصاير بالدمع فرحة

جاسم طلك الافراح                 ومحروم انعرف اسمة

 

                            حركوا الصيوان

شبت النيران باطراف الخيام           وحركوا الصيوان صيوان الامام

حركوا الصيوان والنار اسعرت        وشبت النيران يحسين وجرت

وجثيرة احزان بكليبي سرت           وما غفت يحسين بكليبي وتنام

ينام اشلون مو صاير جمر             هالكلب وجعان حاير بالامر

بمصاب حسين خلصت العمر         والشباب يروح والله حرام

حركوا الصيوان واللة بلا خجل       والدموع تسيل منة بلا ملل

عليل وباقي يترجة الامل              والامل مكطوع بحسين الامام

وعاش عمرة مجروح الفؤاد          وما يوم الجرح بكليبة هاد

ما يهدة لحد يوم المعاد                وبالحساب يشوف تعيب اللئام

يمشي هالسجاد مكسور الظهر       يتيم الغيظ ومتعبة السهر

شاف حسين دمعة كالنهر            فاكد الاخوان اثناء اصطدام

حسين اقمار فاكد اربعة             والكمر مطروح فوك المشرعة  69               

تعنة حسين راح لمصرعة          وعكب عباس مكسور الحزام

 

                    التباشير (اغنية اسلامية)

الك يالمهدي زفينة التباشير

هتف بإسمك شعبنة والجماهير

ظهر محمود قائد من شعبنة

يمهدلك طريقك يا املنة

انصار وداعتك كلنة ومغاوير

ظهر دجال كالوا وظهر سفيان

تعال اقضي عليهم يا عظيم الشان

امريكا علينة بجيشهة تصول

وبنصج بلادي جيشهة يجول

حرية كالوا اشو طلعوا مساعير

بلاد اللة بلادك واحتلهة دجال

افغان وفلسطين وعراق وبالباقي عمال

وبناتك سيدي اغتصبوهن اوغاد

وابناءك عراية بأمر جلاد

وانقذ امتك من هاي التفاجير

 

                                                                              70                           

                               فكر بالمصير

بعد لحظة يجوز وتودع الحياة         فكر بالمصير اشلون ما بعد الممات

روح زور الموتة واخذ الموعظة        لو سكنوا الفردوس لو سكنوا لظة

وخليلك ويالفريق الفاز وبخيرة حظة    وغيرة لا تختار واسعي للنجاة

ملك موتك لو نزل بامر الجليل         لقبض روحك يا ابن ادم يا نحيل           

وانت تصرخ انة يا ربي دخيل         وينك انت جنت عن الصالحات

نكير ومنكر لو اجو يمك للسؤال

                                  كضيتة اشلون عمرك  بالحرام او بالحلال

والجواب شكد صعب عن السؤال      وتنسأل عن كل عمل سويتة بالحياة

وما تكدر تنكر اعمالك يا بشر         وبرزخك صاير لحد يوم الحشر

وبس ولاءك ينفعك باجر بالكبر       لاهل البيت وغيرهم لا تاخذ ولاة

                             عجل مو توازينة

عجل يا حليم الراي                              عجل بالفرج مولاي

                           عجل مو توازينة

عجل فداك اهلي                             فداك كليبي وي نبضة

ربك بالعدل وصاك                         دَ ترس بالعدل ارضة

والشيعة اجت تنخاك                       غوجك عالفرج حرضة

ضاكت والنفس محبوس                   ضاكت يومك انفرضة

حقيقة مو فرض مولاي                   يومك بالنصر شو جاي

                        عجل مو توازينة                                   71

نعتب والعتب مسموح                  وعتابي يزيد جروحي

نعتب والزمان يجور                   ميت عايش بروحي

مولاي ليومك إنتاني                   أصبر واخذ بوحي

بلوة تتبع البلوة                         بلوة الخوف يا روحي

نعتب والكلب شكاي                   تكثر بالعتب بلواي

                      نعتب مو توازينة

انت القائد المضموم                 تقود الدنية بخيولك

بيك المصطفى وصة               وكال الشيعة التنولك

سماك النبي قائم                    قائم عالعدل قُولك

يملي هالارض عدلك              تمحي الجور بخيولك                                

بيدك هالفرج مولاي              وانت إمن الوكت حماي

                    عجل مو توازينة

يمتة الفرج يا يوم                يوم المِن صدك تظهر

يومك سيدي طول               مئات سنين هالتعبر

تعبر والصبر خلصان          خلص بالعجل شصبر

بيدك ينجلي الطاعون           طاعون لالف اعور

عجل يا حليم الراي             عجل بالفرج مولاي

                     عجل مو توازينة

سيفك لدجل بتار                واركاب الجور تذبح

تذكر لو نسيت ادوار           دم حسينك اليسفح                  72

عباس وعلي الاكبر           عبداللة البالسهم فرفح

قاسم بالنبل زفوه              مصباح الحرب صبح

زينب والعليل وجاي         وصدرين المعرفة مولاي

                  عجل مو توازينة

 

                               هلة بعترة نبينة

هلة بعترة نبينة                                       شيعة الكُم رضينة

هلة بيكم يسادة                                       ولاة اللة وقادة

وركن دينة وعمادة                                  وخصكُم الباري لدينة

رضة الباري برضاكم                              وعلينة اوجب ولاكم

ورفع بيدة لواكم                                    وفرض حبكم علينة

انتو يا خير البراية                                 انتو اصحاب الولاية

وانتم شموس الهداية                               وبيكم احنة اهتدينة

انتو ميزان العدالة                                 وانتو انوار الدلالة                       

وانتو كملتوا الرسالة                              كملت وصارت ثمينة

انو نور اللة وصراطة                            وعدكم بعلمة احاطة

وانتو للمذنب وساطة                             بين اللة وبينة

سلام اللة سلامي                                 لكل منكم امامي

وانتم الغاية ومرامي                             بيكم الجنة رجينة

لو قرب موعد الساعة                          انتو اصحاب الشفاعة73    

وحبكم يبين انتفاعة                         برضة ربنة حظينة

سفينة انتو لنجاتي                          ومفزع في مماتي

بآخرة وبرزخ حماتي                     ومدى عمري وسنينة

حبكم بروحي شريتة                      وكلبي يهواكم لكيتة

وعمري الكم هديتة                       ونبض كلبي وحنينة 

اود اللة واودكم                           واود المصطفى جدكم

وفكاك اركابنة عدكم                     من جهنم لو توازينة

ربكم يوصي وينادي                     خليفة انتو انتو إبلادي

وانتم الحجة لعبادي                     هكذا قالَ نبينة

لازم الباري نطيعة                      ونطيع احمد صنيعة 

وطاعة العترة الوديعة                  بكتاب اللة لكينة

وسام ولشرف حبكم                    ولشيعي هداه ربكم

وباجر كلمن يحبكم                    كتابة يصير بيمينة                      

                         ديوان عالفطرة                                                                                     

                         ثوبة الشجاعة

علي ثوبة الشجاعة وللكرم بيبان

علي بحر النجاة وللعلم خزان

                         ميزان العدل                                                       

علي ما غرتة الدنية ولا تبع شيطان

وعلي حق وللعدل ميزان                                              74

                         منبع تقاوة

علي منبع تقاوة وللمجد رب

علي علمة حتى لسمة اتسرب

                    سيف الضعيف

علي سيف الضعيف وسيف المجرب

علي حارب قريش ولاوثانهم خرب

                       بالعلم قدوة

علي طيب النفس واخلاقة حلوة

وعلينة بالعلم لناس قدوة

                     باب المجد

علي قاضي الحوايج يسمع النخوة

علي باب المجد منبع التقوة

                   مخوف القادة

النظر يا علي لوجهك عبادة

يا مهزِم جيوش الكفر ومبيد القادة

             قيام الدين

علي كريم وعندة الكرم عادة

وقيام الدين صاير في جهادة

              وديان حكمة

علي وديان حكمة ولشرف شلال                                       75

علي منبع شهامة وطيب شيال

              مركب فضائل                                                                 

علي لتاريخ المناقب والمجد خيال

علي مركب فضائل تشهدلة اجيال

                  المحبس

علي يصلي واطة المحبس البيدة

علي لو كتل مشرك ذاك اليوم عيدة

                   يعرف اسرار

علي قبل ليموت سكان السمة تريدة

علي يعرف اسرار عن الوادم بعيدة

              ولدة خيرة الشبان

علي ولدة حسن وحسين خيرة الشبان

وبالجنة سادة عالبشر نصبهم الرحمان

                حبة من الايمان

علي حبة جزء من اجزاء الايمان

وبغضة ذنب فوك الذنب كفران

              رمز البطولة

علي رمز البطولة وحملاتة معروفة

علي راية محمد عشكت جفوفة

                                                                             76        

               حليفة النصر

علي الفرسان تشرد لمن تشوفة

علي حليفة النصر ما يكدر يعوفة

           حب المرتضى

رضعنة حب المرتضى من المهد لصبانة

وحب المرتضى خير العمل شمعة تنور بدنيانة

بالقرآن وصانة النبي وبحب علي وصانة                                                                           

                  اشفة

حبك يا علي من امي رضعتة

وبحبك ولعت روحي وكلبي ولعتة

مريض اشفة يا علي اسمك لو ذكرتة

              

                   عالفطرة

يا علي اليُحب لازم يدفع للمحب اجرة

واحنة حبيناك وحبنة وياك عالفطرة

ومنريد اجرنة فلوس اجرنة بساعة الحصرة

                عُذري

علي يا بحر المعرفة وبيك القيم تجري

علي يا نبض الكلب وانت ويالكلب تسري

ولو رادوا بالحساب اعذار انت يا علي عُذري                         77

             ديوان للكون ضوة

                بحر الشجاعة

علي سيف النصر بيدة معرس وجاي

علي بحر الشجاعة وللكفر دماي

               رمز الوفة

علي رمز الوفة ولشيعة وفاي

وعلي بيوم الحشر لاحبابة حماي

واريدك يا علي تحضر بالحساب وياي

              الراية تريدة

علي فرض بالاسلام حبة وعقيدة

والراية بيوم خيبر طبعا تريدة                                                                                      

لان عالية عالية وما توكع من ايدة

            صافي الضمير

علي حلال المشاكل كاضي الموزمة

علي صافي الضمير ودروسة موسمة

علي انذال التبغضة وناسٍ مجرمة

             الفخر يوالي علي

علي مفخر علم من الدغش خالي

علي فخرة سيف ويحصد ما يبالي

والفخر دوم لعلي يوالي                                                    78

               بحر الكرامة

علي بحر الكرامة وابحر الجود

علي رمز المعارف والفخر والزود

علي دستور الفكر وهاب الحدود

             للكون ضوة

علي لركاب الشرك وسيوفهم لوة

علي نورة يشع وللكون ضوة

             سكت اليحجون

علي طيح العامري وسكت اليحجون

ولو تندب علي يا محب كل مصيبة تهون

              ذريتة اطهار

علي ذريتة اطهار كلهم وسادة

ذرية طيب صاروا لامتة قادة

          دخيلك يا علي

ودخيلك يا علي من يوم القيامة                                                               

يوم انبعث واحمل حبك علامة

           كنز العلوم

علي جوهر بلاغة وكنز العلوم

علي مصباح المعاجز ينذكر لدوم

                                                                             79

             مصدر عجائب

علي معدن امامة وبالعرش مرسوم

علي سر الجليل وسرة مكتوم

علي مصدر عجائب والخبر معلوم

            كريم النفس

علي كريم النفس منبع للكرامة

علي كلام القرآن والسنة كلامة

             ما دنك الهامة

علي اسمة النصر وإعلى النصر حامة

علي بالحكمة انتصر ما دنك الهامة

               فوك العرش

اسمك يا علي فوك العرش مكتوب

وانت بوكت الضيجة والشدات مندوب

وانت بكل كلب يابو الحسن محبوب

               بيوم الغدير

الشيعة بيوم الغدير لعلي تبايع

والقرآن حيل إبيعة علي ذايع

وانوبة اكتمل من صار الخبر شايع

            مرجان صافي                                                                                  

علي مرجان صافي والنسل جوهر                                        80

علي بساع الموت لاحبابة يحضر

علي نهج البلاغة وصار مفخر

             نجمة علم

علي معجزة الباري وداهة

علي نجمة علم بيهة انتباهة

علي بركة كرم ماكو سواهة

           حب علي ميموع

بستان الكلب بي حب علي مزروع

وبستان المحب صافي ومنة الشوك مكطوع

وكل حب ينمحي بس حب علي ميموع

             منبع فضيلة

يا علي انت الامل وانت الوسيلة

وانت الهدى منبع كل فضيلة

والخايف المحتار بيدك يا علي شيلة

         ديوان مختصرات

            كنز الوصف

علي لكنز الوصف صاير علامة

علي رمز الفخر عنوان الشهامة

          بلوح العرش

علي بلوح العرش متنصب للامامة                                       81

والزهد تاج إعلى راسة فوك العمامة

          بحر العلم

علي بحر العلم بيه العلم مخزون                                                                                  

علي يوكل اليتامة بفرد ماعون

         دار حكمة

علي ماي الحياة ودار حكمة

علي نور لهاب ويشع بالسمة

       

                طاعون

علي بالحرب ضد الشرك طاعون

وقالع باب خيبر ومحطم بيدة الحصون

            حامي الدخيل

علي حامي الدخيل وحماي الحمة

علي باب المكارم صاحب مكرمة

        صار الكون والماي

اخاف احجي وتكولون مبالغ هواي

علي لاجلة صار الكون والماي

          علي معجزة

علي معجزة وللمعاجز علي جناي

علي لاركان العلم والدين بناي                                          82            

               نجمة

علي نجمة وللعالم تلالي

علي بيرغ الشيعة ودوم عالي

                 اول

علي بالاسلام اول ما بقة تالي

علي محراب الكرم بالفخر عالي

           العدل ثوبة                                                                         

علي ميزان العدالة والعدل ثوبة

علي قرآن ناطق واضحة دروبة

            الموالي علي

علي بحقة آيات بالقرآن مكتوبة

وباجر القيامة تكوم والساعات محسوبة

والموالي علي ربك يغفر ذنوبة

            مدخل الخوفة

علي مرحب جندلاه وكسرسيوفة

علي بكلوب عدوانة مدخل الخوفة

              مكشوفة

علي عنوانة الكرم خيراتة مكشوفة

علي معزب والكرم من كثر شوفة

                                                                             83          

                حبة عبادة

علي حبة عبادة ولذنب غفران

علي طاعون الشرك مرهب العدوان

          جامع الفقرة

علي يفرش عيونة فراش لضيوفة

علي جامع الفقرة وجانوا ضيوفة

              بالغدير

جنة الفردوس ...

محتاجة كردوس ...

وتحيي الانفوس ...

الاتحب الامير ...

بالغدير بالغدير ...                                                                            

متنصب امير ...

          اكتب يا قلم

اكتب صراحة يا قلم واشهد ..

وخلي الكلب يفتح الك بابة ...

علي شسوة بيوم خيبر ..

مو خلة الدموع إعلى الوجنات سجابة ...

               الشفاعة

لو صار الحساب وساعتي تكوم ..                                     84

مني جهنم يا علي ردة ...

واخذ حبك بالحشر وياي عدة ...

          ايرَيح الكلب

بمدحك يا علي ..

هاي الروح فرحانة ...

ومدحك ايرَيح الكلب ..

ويخمد احزانة ...

وبحبك يا علي حيل الروح ولهانة ...

                                   ديوان شجرة الحرية

                                      شجرة الحرية

رضع ديس النبوة والامامة حسين             وجان اللبن البان فكرية

وامهاتة وابنهن وحبنة وحبهن                وربنة وتربيتهن خوش تربية

وهن باثنين وطبعا بوحدة وصنة            بالدين والقرآن وانقاذ البرية

وآنة امشي على الوصية كلهن حسين      وآنة الهن كلت نفذ هالوصية

وآنة ارد اسمي حسين شجرة               وصادق لو كلت شجرة الحرية

شجرة وجعل بيهة ربنة ثمار               واحنة الجنينة ثمارهة هية                    

اثمرت تسعة ائمة وكلهم معصوم          والتاسع لو حكم يعدل بالرعية

وتشوف الخير منة وتصيح الله            يا محلة الحسين الاثمر الذرية

وقرآن يتلى وبعد بلا تحريف             إوآذان نسمع ويذكر اولاد الزجية

هايَ ثمار حسين الضحة بالطف       وبالمهدي يقتلع شجرة بني امية 85 

 

                                كلمتين صداكة

إبحر الطيب حسين غركان ..

وحسين البالسبح عاكة ...

ولو بايع يزيد الطيب ينباك ..

وما بايع ، اذاً يخسة إيزيد ما باكة ...

وبحر الطيب اخبركم حسين ..

وحسين الباقي طبعاً راكة ...

وإبحر الخبث يزيد غركان ..

ويزيد البالسبح عاكة ...

ومنة يزيد الخلة الطيب ينباك ..

خلة بافعالة الخبث باكة ...

وبحر الخبث اخبركم ابن ميسون ..

ويزيد الباقي طبعاً راكة ...

وبلا جدل واحدهم راد ..

راد من الثاني وصفة فراكة ...

وطيب حسين البقة ..

وعشنة بيه بخير ..

اشبه بصالح الناكة ...

وعلينة ما خلة خبثة يمر ..                                             86                                              

وما اجذب لو كلت ..

بكلشي حسين ساكة ...

حسين النهة خبثة ..

ويزيد الما نهة طيبة ..

كلمتين إووحدتهن اذاً صداكة ...

                                 جيش الايمان

هلة بيكم يخوتي كالهة حسين              انصار ومن صدك لله انصار

وبيهم ترة شكل جيش الايمان             وسيوف الة وبيهم جاهد الكفار

وعكس الخصم ملموم الخصم بالمال    وعبادة وخوف ربهم عند الانصار

وتركوهة الدنّية وتركوا الزوجات       لاجل حسين وتركوا اطفال ازغار

وجاباهم حب حسين لساحة الميدان       ترة وحب الجليل الواحد القهار

وعلى باب الخلود انكتبن الاسماء         وهنيئاً على هذا الخلود الصار

سبعين وما جنهم ابد سبعين      

                                    الواحد صمود الجيش صامد وكبال جبار

وضحوا بالنفس ويحسين كالوا هاك    وتستاهل نفسنة يا طاهر ابن اطهار

وعلى نصرك ابد ميعرقلنة اي شي    واحسبنة اخوتك كبل منكون انصار

واهم شي رضا الباري ورضاك        ورضة جدك علينة النبي المختار

                                 مسلم وعباس

اشلون اثنين ضحوا هم لحسين           وصاروا من صدك لحسين سيفين

وانصارة غدوا من خذلتة الناس      ودرع صارولة إمن الكفر همين  87

وانفتح باب الخلود لمسلم وعباس

                                    وممنوع الدخول لغيرهم والواحد وسبعين

واجوا طوعاً ترة ما جابهم خوف   

                                       عكس الخصم جابهم خوف السلاطين

وشهروا سيفهم ضد بني سفيان               إووكفوا تراهم دون الحسين

وعافوا الدنية ترة والزوجة والاولاد

                                       حتى اللة يرضة عليهم لو رضة حسين

وما باعوا دينهم لاجل دنية الغير            ومثل ما راد ربهم عدهم الدين             

ودين الخصم ترة دين السلاطين             ودينهم اذن هو دين حسين

وعبادة وخوف ربهم مسلم وعباس  

                                        وطريقتهم مثل ما جان امير المومنين

وسلام اللة عليهم يبقة لدوم                لان شهروا سيفهم ضد السلاطين

                                    ما غرك

عاف الخلك واختار حسين خيال ..

بكيفة وعرف يا دين مهرك ...

ونهرك بالدم من يمتلي يا دين ..

إتحصل عالثبات ..

وحسين البالدم ملة يا دين نهرك ...

يعني بدمة الثبتاك حسين ..

وثبت بالفكر يا دين فكرك ...                                             88

من بكرة دليلك ما فلت حبل الصبر ملفوف ..

يعني بكامِلة مولاي صبرك ...

ويكلب حسين يخسة العنك يكول ..

حبل صبرك فلت ما بقة إبكرك ...

وبإسمك نسمي الصبر لان يا مولاي ..

صبر ايوب قطرة كبال البحر صبرك ...

وبالدنية المهدي من باريك ..

هديتك سيدي وجبرك ...

وبالجنة سيد شباب التوجاك الله ..

جبرة خاطر لكسرك ...

غر خصمك وبسهولة ابليس ..

وانت شكد حاول وما غرك ...

وجريتة لجهنم والعين تبجي إعليه ..                                                           

والهة ما كدر خصمك يجرك ...

                       المزابل والبساتين

سيدين ..

سيدنة يزيد وسيدنة الحسين ...

هذا قول اخوانة السنة المسلْمين ...

اذن متساويين عدهم ذولي الاثنين ...

كلي تساوي اشلون ..                                                 89

بين الاشواك وبين الرياحين ...

وكلي تساوي اشلون ..

بين المزابل والبساتين ...

وتساوي اشلون ..

بين ابو سفيان وبين النبي طه الامين ...

وتساوي اشلون ..

 بين مولانة علي وابن هند اللعين ...

وابقة اكول اشلون، وتساوي اشلون ..

بين الزين والمو زين ...

وماكو عاقل يساوي وما يفرق ..

بين الصخام وبين الاطحين ...

وتساوي اشلون باللة إعليك ..

بين الفجر والليل يا اخي يبن هذا الدين ...

وبين الجنة تساوي اشلون وإبين النيارين ...

وما يرضة الضمير الصاحي ..

وما يقبل تكول : الذهب مثل الطين ...

ولا حتى ابليس يقبل عن اليكول:                                                             

الشيطان إواللة متساوين ...

وكل ما اريدة هذا التساوي ينلغي ..

وتكول: يزيد بيت الظلم والمظلوم هو حسين ...                        90

ويزيد بيت الخبث ..

ولطيبة للعصمة بيت حسين ...

                                   الحر دليل

جيشين وكلمن ينصر قضيتة يريد       وكل واحد بالحق وياي يجهر

وكلمن رافع رايتة وللقتال يريد        ومتيقن بالخصم باطل ولقتالة إمصر

وكل جيش الة قائد طبعاً يكون         وكلمن شاهر سلاحة وبالحرب ينذر

وانت جنك وي احد الجيشين            لثاني ما تروح إو بالروحة ما تفكر

لكن لو رحت ماكو غير اثنين           ردت الباطل تتركة وللمحق تنصر

بالطف مثل هذا الصار يا خوي         وتعرف الفاعل ماكو غير الحر 

لو ما على حق جا ما اجة لحسين       وعاف ايزيد جي باطل قذر

يعني المحق بالطف هو حسين          والباطل هو خصمة والدليل المر

اذاً الواجب على كل شخص            يصير وية حسين ويعوف الكفر

حتى رضة الباري ينول وجنتة        وحتى يخلص من عذابج يا سقر

                        منصور والف مبروك

مثل سرب الحمام المعتني بهمة ...

يدور بلكن يصح بستان يحتضنة ويلمة ...

اسهام خصمك هيج مولاي ..

وصارلهن هدف كلبك يبو اليمة ...

ومثل جكليت العرايس ينثر عالروس ..

منهم عليك اسهام منثورة ...                                              91

يعريس إعلى الشهادة ابلا زوافيف ..                                              

زوجة وبالنحر مولاي ممهورة ...

عروسك من كبل عاشور ..

وانت إزغير بإسمك هي منذورة ...

ومثل دفكة نهر لو فاض ..

دفكن خيلهم وحسين حاطنة ...

وحال سنبل حال ابو السجاد ..

والهوة العدوان ..

مسكين السنبل بيا حال ..

وجفوف الهوة يلاونة ...

وجفين العدو هن الفكر والسيف ..

وبكل شراسة حسين عادنة ...

إووحشية سيوفهم يحسين يا شفاف ..

وجسمك يا شهم صيدة رادنة ...

وتفداك النفس يحسين ..

يا حارس نظام الدين ..

منصور والف مبروك يا ميمون ...

                                    منو مثلك

منو مثلك خلد بالتاريخ يحسين             ومنو مثلك شهيد وسيد اقرانة

ومنو مثلك شهر بالحرب سيفين          وبس عالكفر مشهورة سيفانة 92

سيف الفكر بلسانك ذبح للكوم             افكار الخبث واقصد كوم عدوانة

وسيف بيمنتك جنة ذو الفقار    

                                       يحصد روس وكالمنجل يحصد إبستانة

ومنو مثلك عالكفر سل سيوف    

                                        أواخر اصحاب ومسلم وابناء واخوانة

ومنو مثلك صراعة انفتح يحسين            مع الباطل ونكلك محق مولانة

ومنو مثلك حارب بسبعين آلاف            بيهة احقية وشجاعة اكشفت آنة         

ومنو مثلك خيراه العدو باثنين             الحرب كال وعايف للذلة آنة

انْ دلَ على شيءٍ فإنه ُ                 يدل عالشهامة وعلى رفضك للخيانة

ومنو يسلب راحتة مثلك يا حسين         من اجل راحة البالدين اخوانة

                                     نداء الحسين

حي عالصلاح بصوتة نادة حسين         وحي عالجهاد بصوتة ايضا نادة

وراد الخلافة لان حقة ولان               ينشر راد ابو اليمة السعادة

لان إبحر الظلم وللعلم ما ينفاج           ذبوا الامة يزيد بأمره اجنادة

وحيوان وبس طعام واليف النوع        البشر ويعلم حسين إيزيد رادة

وحي عالخراب خراب الشرف والدين

                                            وخراب العقل والضمير ايزيد نادة

وهيا بنا للرذائل دوم يا كوم             وخجل حتى ابليس من هالعادة

ورفض سلطة يزيد اللعين ابليس       ابالغ بس القصد ابرز عنادة

اذاً حتماً تتحرك غيرة حمار           كيف بالامام اللابس غيرتة كلادة93

واستعد ابو اليمة لاحد اثنين            اما النصر او صاحبتة الشهادة

لان هو انتفض باصحاب الايمان      والكفاح المسلح بيهم هو قادة

                                 الحسين والشهادة

بلهفة يحصل عالشهادة رايد حسين

                                      وحصلهة وحصص وزعهة إعلى ناسة

وعالشهادة مو عالماي حسين عطشان   وسيوف الكفر صبتهة الة بكاسة

ما كدر يصلح امتة ويحمي الدين       بالخلافة لكن بالشهادة سوة البراسة

بالشهادة حسين هدم واللة اساسات      وبيهة بنة لكل خير اساسة

اليريد الشهادة طبعا ما يدفعة المال     هذا حسين الهة دافعة احساسة

الشهادة طريق اللة تفوتة الاحرار       وفاتة قبل غيرة إووراه ناسة

الشهادة ما تجي الهة الواحد يروح      لكن اجت لحسين وقبلت راسة

الشرف والتقوى هن لباس حسين       والشهادة وياهن هي هم إلباسة

وبالشهادة قتل وبكل زمان الدجل  

                                       وبالشهادة إمن اربعطعش لدين حراسة     

وربك بالشهادة طيب خاطر حسين     وجائزتة الكبيرة البيهة الة واسة

                                 قرار صائب

مو عبث لمن فكر ساعة حسين          ثلث اقسام امامة من المصائب

اولهن دين ربة يلوحه التحريف         ويوصلة لو سكت جف التلاعب

وقرآن الرسول يصير جنة انجيل       وحاشاه اذا ما ينقذة يصير عايب

وثانيهن امتة تعيش ابلا سبب         نوعين الاول ظلم والثاني خرايب94

يعني القتل بالجملة مو فرادة يصير

                                     وتسكنهة السجون وداعتك بس الاطايب

ويعني خراب الدين واقع لا محال   وخراب الضمير وعقل تدفع ضرايب

وثالثهن صعب بس يمنع القسمين    ذبحك ظلم جرحك فلا طايب

هنا سيدي ينبع منك الايثار          والمهدي يروف الجرح وبدمك يطالب

والكم يبو اليمة حكمهة يصير    

                                     ارضكم ارض ربنة المشارق والمغارب

وبدمك اصلحت امة وحميت الدين    اذن قرارك عالحرب مولاي صائب

                                   شرعيتك اولا

مناهض للظم يحسين يا مظلوم             ومكافح للشغب دومك يمعصوم

وعلى حقك من قاتلت الاوغاد               ومن حقك يبونة ليش محروم

وآثرت الاخرة ولدنية تركيت               وتركيت المذلة وللابد دوم

واخترت الحرب ضدهم بني سفيان     وعليك اللة رضا والنبي المعصوم

ورضة اللة ونبينة هواي يعنيك            شرعيتك اولاً واثنين مظلوم

وعلى قتلك اجو جايبهم الخوف          ودفع المال دافعهم والامر محسوم

وامر ذبحك مخطط من ابن ميسون       صدر منة عليك الامر مشؤوم

ورضة اللة اصحابك وي رضاك         جامعهم يبو اليمة وهذا معلوم

وحبك بالكلب يحسين مطبوع             وصاير جبير ويلبس هدوم

وشفيع لشيعتك بالقيامة هناك             وصدكني اليحبك بالحشر مرحوم

                                                                              95

             المهمة                                             

عكسرين بملحمة عاشور ..

عسكر ابرار وعسكر ظلمة ...

والناس الابرار جانوا وي الحسين ..

والناس الوية ابن ميسون جانت مجرمة ...

وشد العزم باللة ابو السجاد ..

وشجاع وما ضعف عزمة ...

وسهمين الخسارة والنصر سهمين ..

وكلمن اخذ سهمة ...

سهم الخسارة لابن ميسون ..

وحسين النصر سهمة ...

وكل مهمتة حسين تثبت الاسلام ..

ونجح في تلك المهمة ...

وقاتل من اجلهة كلش بهمة ...

واصلاح امة المختار ..

من ضمن المهمة ...

وجانت كلش تهمة ...

لان بيهة حسين ..

ينقذ مو شخص لو شخصين ..

لا ينقذ بالحرب امة ...                                                     96

                     شيد إصروح

عاشور كلك حزن ..

كلك بواجي ونوح ...

يالبيك ريحة حزن ..

منك على حسين تفوح ...                                                                                                                                          

عاشور بيك السبط سبط النبي مذبوح ...

وضل على تراب طفك يا ولك مطروح ...

وبيك بلا ذنب ..

دم السبط يا شهر عالدين مسفوح ...

وبيك المحق جان ولايزال حسين ..

ومثل الشمس واضح إواكثر وضوح ...

ومو صرح واحد لمن شيد حسين ..

بيك انت يا شهر شيد للاسلام اصروح ...

واسمع يعاشور ..

دم حسينك هدر ما راح ..

وابد لتصدك يروح ...

ولاجل جدة من يظهر يعاشور ..

بيك المنتظر بيدة يصير الدجل مذبوح ...

ومو ساحة وحدة للحرب حرب الثار ..

ثار حسين يفتحلة المنتظر سوح ...                                    97

                       مثل الاخو

بتارك غضب من ربك على اعداك ...

وشما شلتة بحرب ..

جن موت وشايلة بيمناك ...

وتحديتة بصارمك من خصمك اتحداك ...

وسيفك مثل الاخو جنة ..

وطول الوكت جان وياك ...

وبي ترهبهم انت اعداك ...

وما عفتة إو لا هو السيف عافاك ...                                                                               

وصح لوحَّدة بس جنة من السيوف آلاف ...

وشغلتة واشتغل لركابهم كطاف ...

وتطيح الروس جملة شما فرتة يمناك ...

ومنيتة لسيفك جابتة ..

كلمن يبو السجاد عاداك ...

وشهرتة بكل بسالة بيوم عاشور ..

لما الخصم بالشر اجاك ...

                                         شهر سيفة

ترك ارض المدينة واتجه نحوَ العراق

                                       إثر مكتوب ننصر اصحاب الشرف

                                                                           98

نزل بالطف واجوه افراد معدودين       قبلوا جفة الشريف وعينهم تذرف

حسافة بهالارض حطيت يحسين          لا ناس الك بيهة ولا الك تنصف

حسين يسأل عن اسم هاي الارض       كالوا كربلا لونة ما اظنة انخطف

خبرني جدي عن طبع هاي الجيوش   يجمعهة دفع المال وبقتلي تنصرف

وضح القرآن حالة اعداء الحسين       بيا محمد: امتك ورة موتك تنحرف

حسين واضح واعلن بدورة الجهاد 

                                      وما لبوا جهاد حسين اصحاب الترف

شهر سيفة الثكيل وشد الحزام                وذاك اليوم صار شكد كلف

وحياة الكوم مرهونة بسيف الحسين         وسيف حسين كيف عالكطف

يكطف راس كلمن عادة الحسين            ولو صال حسين يذبحلة الف

بطل قابل تلاثين الف دجال            فارسهم جبن والباقي ضل يرجف

وإمن الخوف خلاهة تركض كالحمير

                                         أسد والله ومنة شارد هالصنف

لكن بكلبة المثلث عينوه               ولمن طاح المنحر انحز ونزف

                            سور الصين فكرك

راد الشمس تطفة ..

وما يوصل ضواهة لكل العيون ...                                                                               

وراد الليل جاثم فوك الكلوب ..

والهن ما راد النهار يطب ابن ميسون ...

وجاب الشمس وبفكرة عاش حسين ..                                    99

وزاح الليل بيدة وفكرة ضوة الكون ...

وبجسم الدين روح الدين

خليت يا ميمون ...

ولانك صاحب فضل عالدين ..

فدين اللة منك حيل ممنون ...

وفرح كلبة يزيد بمقتلك مولاي ..

وكلبك على قتلك حيل محزون ...

ويريد الاخرة ظعنك من حرك الرجلين ..

وخصمك على الدنية الحقيرة محرك الاظعون ...

وسور الصين فكرك ..

وبي دين الاله بكل وكت مصيون ...

عزيز والك بالجنان العاليات قصور ..

ويزيد بنص جهنم عاش مهيون ...

ويا من تكول بنفس المنزلة حسين ويزيد ..

بين الدر والفحم كلي تساوي اشلون ...     

                 مثل فيض المحيط 

يبو كلب الجريء البالغير ما موجود ...

وعدك شهامة ما تسكت على العيلات ..

مثل فيض المحيط الما تكظة سدود ...

والك صولة بالحرب يحسين ..                                          100

مثل صولة قطيع من الاسود ...                                                                                         

وقوتك بالحرب جانت ..

مثل قوة صخر جلمود ...

وسيفك بالحرب لو صاح ..

يجي ياكل ويشبع شكو بالارض دود ...

ومثل ثبوت الارض بالكون ..

عدك ثبوت الراي ..

وبالحرب عدك صمود ...

وعدك ذكاء سيدي خارج المألوف ..

وذكاءك خاص والمثلة معدود ...

وعدك غيرة جبيرة كلش حيل ..

والمنهة اكبر بس غيرة المعبود ...

وصبور وكلبك مثل كبر كاع الله ..

وحكيم وحكمتك مالهة حدود ...

وعدك رقة حتى بالحرب مولاي ..

اكبر من رقة ام على المولود ...

تبجي على اليقتلونك راح ..

من اعرفت بيهم بنار الخلود ...

واذا وزنك الجسمي يعبر الخمسين ..

فالمعنوي عدنة غير معدود ...                                          101

                                مرات انتصر

حسين اهداف جانت عدة كثرة           وكل هدف متحقق لحسين نصرة

اولهن ثورة عالظلم لامتة سن           وثانيهن على افكارة تسير اي ثورة

وحفظ دين ربة إمن الضياع             من حاول عدوة طمس اثرة

وبنة دينة بثلث حالات حسين             بدم وسيف وبعد ايضا بفكرة            

ونشر الدين طبعا حققة حسين            وتطهير الارض من وادمٍ قذرة

بالمهدي والمهدي طبعا من حسين        ومن حسين المهدي ايضا بفكرة

وحمة امة محمد بالجهاد حسين          سَنة وامرهم بيه واقطفوا ثمرة

ورضا الباري نصر هم لحسين         ودخول الجنة ايضا تنحسب نصرة

وبإثنين اللة صدكوا ناصر حسين       على اعداءة غضب ودخلهم بسقرة

والمهدي نصر الله هم لحسين            ومن يقتل اعداءة تنحسب نصرة

اقصد بالرجعة وقبل ذاك اليوم           فهنيئاً لكل نصر مليون مرة

واخذ ثارة إعلى ايدة يكون               وثار البطف معاه الثلة الخيرة

وبين دين الاسلام حسين الحق           وايضا بين عالحق مذهب العترة

من قاتل وحدة آلاف بالطف              ويعلم ينقتل وشمس الله نيرة

يعني حسين انتصر يا ناس والله         مرات انتصر مو فرد مرة

          ديوان كنز الوصف

             جوهر بلاغة

حسين جوهر بلاغة وكنز العلوم

حسين مصباح المعاجز ينذكر لدوم                               102

            بحر النجاة

حسين ثوبة الشجاعة وللكرم بيبان

حسين بحر النجاة وللعلم خزان

           رمز البطولة

حسين رمز البطولة وحملاتة معروفة

حسين راية محمد عشكت جفوفة

             كنز الوصف

حسين لكنز الوصف صاير علامة

حسين بلوح العرش متنصب للامامة                                                  

         سكان السمة تريدة

حسين لو كتل كافر ذاك اليوم عيدة

حسين قبل ليموت سكان السمة تريدة

               قدوة

حسين طيب النفس واخلاقة حلوة

وابو اليمة بالعلم لناس قدوة

             بحر العلم

حسين بحر العلم بيه العلم مخزون

حسين يوكل اليتامة بفرد ماعون

         مخوف القادة

النظر يا حسين لوجهك عبادة                                       103

يا مهزم جيوش الكفر ومخوف القادة

          وديان حكمة

حسين وديان حكمة ولشرف شلال

حسين منبع شهامة وطيب وشيال

          ماي الحياة

حسين ماي الحياة ودار حكمة

حسين نور لهاب ويشع بالسمة

              معجزة

اخاف احجي وتكولون مبالغ هواي

حسين معجزة وللمعاجز حسين جناي

           نجمة تلالي

حسين نجمة وللعالم تلالي

حسين بيرغ الشيعة ودومة عالي                                                         

            سر الجليل

حسين سر الجليل وسرة مكتوم

حسين مصدر عجائب والامر معلوم

          ميزان العدالة

حسين ميزان العدالة والعدل ثوبة

حسين قرآن ناطق واضحة دروبة

                                                                            104    

            خيرة الاكوان

حسين وحسن خيرة الاكوان

وبالجنة سادة إعلى الخلق نصبهم الرحمان

            حليفة النصر

حسين الفرسان تشرد لمن تشوفة

حسين حليفة النصر ما يكدر يعوفة

                رمز الفخر

حسين رمز الفخر عنوان الشهامة

والزهد تاج إعلى راسة فوك العمامة

           يعرف اسرار

حسين يعرف اسرار عن الوادم بعيدة

واشبه باليصلي وانطة المحبس البيدة

                طاعون

حسين بالحرب ضد الشرك طاعون

وقلع باب الكفر وحطم بيدة الحصون

ولو تندبة يا محب كل مصيبة تهون

                 كريم

حسين كريم وعندة الكرم عادة                                                         

وقيام الدين صاير في جهادة

                                                                            105        

        ديوان فرض وعقيدة

            كريم النفس

حسين كريم النفس منبع للكرامة

حسين كلام القرآن والسنة كلامة

            جامع الفقرة

حسين جامع الفقرة وجانوا ضيوفة

حسين يفرش عيونة فراش لضيوفة

                دخيلك

دخيلك يا ابو السجاد من يوم القيامة

يوم انبعث واحمل حبك علامة

          فرض وعقيدة

حسين فرض بالاسلام حبة وعقيدة

والراية بيوم عاشر طبعا تريدة

لان عالية وما توكع من ايدة

           نورة يشع

حسين لركاب الكفر وسيوفهم لوة

حسين نورة يشع وللكون ضوة

                ذريتة

حسين ذريتة اطهار كلهم وسادة

ذرية طيب صاروا لامتة قادة                                         106

             شجاع وبطل

حسين لاجلة صار الكون والماي

حسين بحر الشجاعة وللكفر دماي                                                               

           عنوان الكرم

حسين عنوان الكرم خيراتة مكشوفة

حسين معزب والكرم من كثر شوفة

              اسمة النصر

حسين اسمة النصر وإعلى النصر حامة

حسين بالحكمة انتصر ما دنك الهامة

           حلال المشاكل

حسين حلال المشاكل كاضي الموزمة

حسين صافي الضمير ودروسة موسمة

حسين انذال التبغضة وناسس مجرمة

             رمز الوفة

حسين رمز الوفة ولشيعة وفاي

وحسين بيوم الحشر لاحبابة حماي

واريد حسين يحضر بالحساب وياي

            مفخر علم

حسين مفخر علم من الدغش خالي

حسين فخرة سيف ويحصد ما يبالي                                   107

والفخر دوم الة يوالي

            دستور الفكر

حسين بحر الكرامة وابحر الجود

حسين رمز المعارف والفخر والزود

حسين دستور الفكر وهاب الحدود

          حامي الدخيل

حسين حامي الدخيل وحماي الحمة                                                             

حسين باب المكارم صاحب مكرمة

            سيف النصر

حسين سيف النصر بيدة معرس وجاي

حسين لاركان العلم والدين بناي

 

                 اول

 حسين بالاسلام اول ما ينحسب تالي

حسين محراب الكرم بالفخر عالي

         موالاة الحسين

حسين بحقة آيات بالقرآن مكتوبة

وباجر القيامة تكوم والساعات محسوبة

والموالي حسين ربك يغفر ذنوبة

                                                                         108      

                 حب حسين

حسين حبة جزء من اجزاء الايمان

حسين حبة عبادة ولذنب غفران

         مرهب العدوان

وبغضة ذنب فوك الذنب كفران

حسين طاعون الكفر مرهب العدوان

          مدخل الخوفة

حسين بكلوب عدوانة مدخل الخوفة

وقاتل القاسم جندلاه وكسر سيوفة

      ديوان مختصرات حسينية

        الحسين والناس

ضمير ماكو بعد ..                                                              

باسواكة الضمير انباع ...

والصدك وسفة انتهى ..

والجذب وسفة شاع ...

وغدار طبعة الزمن ..

واقصد بالعاشرة غدار ...

وفزاع لحسين محد حضر ..

وبخْلافهم حاجوز محد صار ...

                                                                        109     

         مفزز الضماير

وحرزت النصر ..

يحسين من ردت الة بثورتك تحرز ..

وردت بثورتك يحسين ..

لضمير الامة النايم تفزز ...

                                 الخليفة الشرعي

شفت سمجة بنهر صدام غركانة        وشفت حارس يبوك الظهر الاحمر

حسين الخلافة من الباب اجاهة         وللخلافة اجة يزيد من الظهر

             الحسين والعزة

العز استقبلاه حسينة دوم ...

والذل بحياتك يا عزيز يكون معدوم ...

            مثل المرتضى

موش اسلام ولا ذرة خلق عدهم ...

لان كالمرتضى شافوك عملوا عملهم ...

                            الحسين والاصحاب

شجاع حسين واعلن ثورنة                برجال سباع واحدهم الف

وبيهم راد يصلح امتة                     ويصلح الاسلام هذا اكبر هدف                   

                                 ما افراً

منكم ما افراً كالهة حسين            إولا الكم اقر ابداً مستحيل

وما اشوف الموت الا سعادة        إولا مع الظلام اعيشاً ذليل110

                                  ناصر الحق

والحق نصرتة وكلت يحسين ميموت

                                   وكشفت الباطل بإيدك وإكسرت ساكة  

وأهن دربين والثالث نتيجة يكون         جنة ابلا ثمن لو نار حراكة

               الانتصار المعنوي

انتصر دمك يا حسين إعلى السيوف ...

انتصاراً معنوي يوم الطفوف ...

              مو كوة الخلافة

مو كوة الخلافة، اسمع يبن ميسون مو كوة ...

نص من الجليل يكول ..

لاهل بيت النبوة ...

              بحلك الخلود

اصبح بحلك الخلود حسين ..

سالوفة وحكاية ...

إووحيد وقابل من جيش الخصم ..

يا سامع سراية ...

            شمعة لدربكم

حسين شمعة احتركت بعاشور ...

حتى دربكم يا خلق ربنة يِنور ...

                                                                            111                             

                               يدافع عن امتة

مو لعبة القيادة وجلبلهة حسين        نص من الجليل حسين جايب

وقائد لامتة وعن امتة مسؤول       ويمشي على قانون ربة ابلا تلاعب           

يدافع عن امتة لو يجيهة الشر       ويضحي الهة بنفس وانصار وكرايب

                           ملحمة عاشور

ملحمة عاشور اكلف ملحمة ...

مد جفة بيهة الظلم ..

لابن الزجية فاطمة ...

                    يا ثائر

يا ثائر ..

 بثورتك غيرتة وضع الكون ...

وبيهة اتفلش الطاغوت ..

وافكارة شبعن موت ..

وصار بمزبل التاريخ مدفون ...

وبيهة الحق وضحيتة ..

والباطل بفكرك محيتة ..

يحسين من الفكر قانون قانون ...

                منك بقاءة

اخذ منك بقاءة اسلامنة يحسين ..

مثل ما ماخذ وجودة من النبي الاكرم ...                             112

وانت النور نور الله ..

وبيك الباري ينقذ الحاروا وتاهوا بالظلَم ...

           الفرق وية الهك

سمة للمجد انت ..

وغيرك للمجد كاع ...

والشحة شحة النفس ..

ما لكت بيبانك الهة وساع ...                                                       

وكريم النفس اقصد للخير معطاء ..

والفرق وية الهك يا حسين ذراع ...

                                 ما غش الخصم

 غصن زيتون بجفة شال حسين          وشال بجفة ايضا عالجتف نعشة

وما غش الخصم صدكوني اي والله     بس الخصم والله يا ناس غشة

           ثلاث حالات

حسين اهدافة تحققن ..

بس بدة حربة ضد يزيد ...

وبَعْدْ ..

يَنقَتلْ او يَنتَصرْ ..

يَتَحَقَقْ ما يُريدْ ...

اذن ذكاء حسين خارق يا بشر ...

ثلث حالات ..                                                     113

بيا هي منهن صارت ينتصر ...

        انقتل لينتصر

حُسينْ إنقَتلْ ليَنتَصرْ لا ليموت ...

وحررنة من الضلال ..

اقصد ما جعلنة بقبضة الطاغوت ...

                   ديوان مختصرات بالفصحى

                         حب الحسين

حبُ الحسينِ قد دلتْ عليه الضمائرْ ...

و حبُ الحسينِ قد مالتْ له الضمائر ...

ومنْ تركَ الحسينَ فحظهُ عاثر ...

في الدنيا مثلما في اليومِ الآخر ...                                                      

وعندما يصيرُ للكتبِ في الحشرِ تطاير ...

كتابُنا لاجلِ الحسينِ في الأيمانِ صائر ...

               بسيفك

بسيفك يا حسينُ ..

دجلَهم لما ذبحتَهُ ...

فدينُ جدِك يا شهمُ قد اقمتهُ ...

          الحسينُ يخاطب نفسه

على ما جرى لكِ بالطفِ ..

يا نفسُ فاشهدي ...                                                 114

وصبراً ..

كي تنالِ رضا بارئكِ ..

ورسولكِ محمدِ ...

فالعذابُ لخصمكِ ..

وانتِ في النعيمِ الابدي ...

       ابداع الحسين

احدثتَ أمراً في الحياةِ جديدا ...

فانكَ صغيراً مقابلَ الكبيرِ تقودا ...

فلا هنأ اللهُ لك يا حسينُ حسودا ...

وما تهنئ بالحياةِ حسودا ...

       الانتساب المذهبي

انتسابي لابي السجادِ

حينَ انتسبُ ...

لأنَ وراءَهُ ..

ليسَ لي مذهبُ ...                                                                         

                               الحسين ودين الله

اعمارُ الدينِ في الاسلامِ واجبٌ         والحسينُ لدينِ اللهِ معمارُ

الحسينُ لدينِ اللهِ بانيٌ                   بالعلمِ والايمانِ ثم افكارُ

وافكارُ الحسينِ للدينِ حاميةٌ           واحاطتْ على الدينِ كالاسوارُ

                                                                       115                  

                           الحسين اذلهم واخافهم

تمنوكَ خانعاً وانتَ مخنعُهمْ            وكيفَ الاسودُ منَ الفئرانِ تخنعُ

وتمنوكَ خائفاً وانتَ مخوفُهم          والذئبُ خائفاً منَ الشاةِ لا يرجعُ

                                         كالقرآن

انَ الحسينَ كقاذفةٍ والسيفَ كصاروخِها   على العـــــــدا بالطفِ قد كانا

والعدا كانوا لا يحملونَ ادلةً               وكانَ كالقرآنِ يحملُ ادلةً وبرهانا

                                    لافتة

يا لافتةُ وعلى الكونِ عُلقتْ             وانتَ الذي يا ربُ علقتها

بالحسينِ هداكمُ وبه نجاتكمْ             مقالةً عليها يا ربُ كتبتها

                                    بر الامان

يا برَ الامانِ بإثنتينِ يا حسينُ             بالهدايةِ اولاً ثم بالشفاعةِ ثانيا

ويا صاعقةَ اللهِ على العدى غضباً       بهم انزلتُهُ بالطفِ سُبحانك متعاليا

                                  رب المدح

ماذا اقولُ لربِ المدحِ أجمعهِ              ذاك الذي بالقرآنِ قد مدحا

نالَ الخلائقُ من فعلك عجباً              قابلتَ جيشاً سبعينَ الفاً مسلحا

                          شارع لما اراد الله

يا شارعُ لما اراد اللهُ نسلكهُ            ويا ارشيفُ به ما اراد اللهُ كتبا

وبه ما ارادَ اللهُ يُتقبَـــــــــلُ            اذا عملناهُ ذاك حسينُ الاطيبــا

                                     دليل الرضا                                               

يا دليلٌ واعني الحسينَ الى الرضوانِ                             116 

                                             فاذا رضا فــــــــــانَ الرضا يُنالُ

ويا بابٌ الى جنانِ اللهِ ندخلهُ        ويا جدارَ النيرانِ عنا ومنتجعَ الخصالُ

                                   كعليٍ

سلاماً في كلِ حينٍ ابعثهُ                    وقد بعثتهُ لحسينٍ بعد مماتي

ذاك الذي كعليٍ بالهيجاءِ نحسبهُ

                                   اعني شجاعاً كالشجاعةِ بطلاً كالبطولاتِ    

                                  مفتاح الله                         

انَ حسينَ الآلِ مفتاحُ المعالي             ثم انه مفتاحُ اللهِ للكمالِ

وانه مفتاحُ الهدى واللهُ جاعلهُ            لكلِ البريةِ وبالكلِ مثلهُ الآلِ

                         الحسينُ شفيعاً وخالداً

دموعُ الذنبِ بالحشرِ جاريةٌ             والحسينُ يصيرُ لتلك الدموعِ منديلا

والمرءُ مهما عاشَ فغيرُ مخلدٍ          والحسينُ جعلَ لخلــــودِ نفسهِ سبيلا

                                  توأم الحق

يا توأمَ الحقِ ان اليقينَ رداؤكَ          وانت بوابةُ الثقلينِ الى الخلاصِ

واصبحتَ اسماً لكلِ زينٍ ثانياً          وصرتَ لكلِ شينٍ يا حسينُ قناصِ

                                   نافذة

يا نافذةُ والكونُ منها طلولهُ           لعالمٍ شيدتهُ اكفٌ نالها التقديرُ

ويا نظارةُ لحياةِ الكمالِ نلبسُها       حسينٌ فمالكَ غيرُ الآلِ نظيرُ

                                الصدقُ بعينه

حسينُ أبعمرِ الحقِ عمرُكَ نقيسهُ      أم بعمرِك نقيسُ عمرَ الحقِ117

والجوابُ أيهما نقولُ فالصدقُ بعينهِ       وما احلى في الحياةِ قولُ الصدقِ

                            عشقت فيك الشعر

عشقتُ فيكَ الشعرَ كتابةً                  فها انا صرتُ فيك شاعرا

وقصائدي وان كانتْ دونَ مدحك       فانها سلاحي بها مدافعاً وناصرا

يا حسينُ فاللهُ قد اختارَك نهجهُ         وعليه ربهُ ارادَ الخلقَ سائرا                         

                ديوان عرشك بالكلوب                                                   

                 اقصى غاية الجود

كالوا اليضحي بالنفس ..

اقصى غاية الجود ...

وحسين بنفس وانصار ضحة ..

وبكلمن من ظهرة مولود ...

ولو كل الخلق ولدة ..

بيهم هم يضحي ويزود ...

          عفت دنية

عفت دنية بكبرهة ..

ودرت عنهة العين ...

وجَم حاجة خذتلك ..

حتى تصون الصنتة بيهة ..

ناس وكتاب ودين ...

سيف وفرس لا غير ..                                               118

مثل المرتضى يحسين ...

         ثالوث مشؤوم

مال وخداع وقتل ثالوث مشؤوم ..

حائل بين الناس ونِصرِّتك مجعول ...

وحقق جاعل الثالوث بالثالوث ما راد ..

إووحيد بكربلة حتماً سيدي مقتول ...

ولملم عليك الناس تشبه لسيول ...

قسم رجالة وقسم راكبة خيول ...

ما كضهم حرام ..                                                                        

 ولا كضهم الخوف من الجليل ..

إو لا عيب من الرسول ...

هذا الجاب رمحة وهذا جاب إسهام ..

وهذا عليك الجابلة سيف مصقول ...

واحجار ونار ..

وكطع الماي عنك إسلاح مسلول ...

وقتلوا كل رجالك والطفل البريئ ..

والمرأة العظيمة اقل عليهة ما اقول ...

وبيك اجرموا كلش والحسين ..

واجرم خلق بالدنية صاروا والبتول ...

ومشوا عيالك سباية إعلى الجمال ..                                    119

والسجاد الامام بحبل مغلول ...

                                 صبخة

يمة الزمن شو قصر وياي             حيل وحيل يا يمة قصر

جلمات الشماتة وضحكة اعداي       جرحني والجرح ما يوم بسمر

وحياتج اشو عاكسة وياي             دنيانة الوكيحة بالعكس تفتر

جنيت اشكال واشكا جناي             اشكال هموم كثرن والكدر

شح الماي وآنة بعازة الماي           وبقت صبخة الاراضي بلا ثمر

آنة حسين شمعة تنور هواي         والزمن يرفض بالظلام الشمعة التنور

تعنة الزمن جايب خيولة وجاي      يمة وعلية كلش استهتر

وصفنوا علية الرايح الجاي          جيفنهم لكوني بمْصيبتي امحير

عليل ومحد جابلي دواي             وعلى جية النصير المرض بنظر

يمة وداعتج ما انسة هاي            وارجع الراح بالحجة المنتظر

                             متقي وفاجر                                                

لحسين حاسد وللحق معاند          ومجمع للمفاسد يزيد الغجري

وحسين رايد الدين سايد            ويصلح الفاسد بسيف او منحري

وحسين قائد فأسمع يا معاند       واللة شاهد للجن والبشري

حسين طاهر ويزيد عاهر        متقي وفاجر كلي شتختري

يزيد شكال اقضوا على الآل      دعوفة وتعال للمذهب الجعفري

حسين صادق وقرآن ناطق       وجبل شاهق واللة وعبقري

                                                                      120

                           غمد السيوف

مزار حسين صاير للسيوف         وصاير ابو اليمة غمدهن

وعدو اللة اسهام وإرماح            فوك جسم حسين سجدهن

وسوة حسين العدو كاع             وخيولة عليهة اسف لاكدهن

            على شاطي محبتك

كلبي حمامة ..

وعلى شجرة محبتك ..

يبو اليمة وكرت ...

وكلبي سفينة ..

وعلى شاطي محبتك ..

يبو اليمة رست ...

           حبك جسر

كلبي نهر وحبك يا حسين الماي ..

ماي وجرة بنص النهر ...

ومحبتك كمر وكليبي الليل ..

ليل وحضن واللة الكمر ...

وحبك يا حبيبي جسر ..

وكلبي نجة من فوكة لمن عبر ...                                                     

        العزة بطريق حسين

العزة بطريق حسين ..                                              121

يا من تريد العزة تلكاهة ...

والعزة ابوهة حسين ..

وبكلبة النقي لدوم ملفاهة ...

والذلة بطريق ايزيد ..

وبكلبة القذر معروف مأواهة ...

      

      يا صاحب النخوة

يا شفيع لامتك يوم الحساب ..

اريدك للجنة بيدك تِودينة ...

ومن نار الجليل الما تنحمل والله ..

بيدك يا صاحب النخوة حسين نجينة ...

           عرشك بالكلوب

كمر فكرك ما بلعتة حوتة بني امية ...

وعرش حكمك ما خذاه منك العفريت ..

بكلوبنة يحسين منصوب ..

يا صاحب النفس الابية ...

        الفنان واللوحة

أنة الما تُحسب جروحة ...

أنة لضيم مرجوحة ...

أنة دموع مسفوحة ...                                             122

أنة الدمعاتة مفضوحة ...

أنة الفنان واللوحة ...

رسم قصة حياتة ورسم بوحة ...                                                            

الي وية الزمن ..

حسين يكول قصة مفتوحة ...

قصة موت بيهة الروح مطروحة ...

وادينة اثنينة الرادتة تلوحة ...

 

           نعم للاسلام .. كلا يا يزيد

صوتك ..

بالطف من هدر يشبه للرعيد ...

وشعندة حسين كالوا وشيبغي ويريد ...

كتلهم نعم للاسلام وكلا يا يزيد ...

         عالية الهمة

ثابت يضل الجتف ..

شما زاد فوكة الحمل ...

ما غير وضعنة الحزن ..

ولا بينة غير عقل ...

واللي طلب غايتة ..

ما يمكن بالسهولة يصل ...                                        123

لكن لو تعب لو ذب جهد مبذول ..

اكيد لغايتة يحصل ...

بعدك يا جهد مبذول ..

واللي نريدة ارواح الة نبذل ...

حتى النريدة يصير ..

ملزوم بزنود الطفل ...

وصار النريدة وحمد لله ..                                                                  

آنة حسين آنة ابن سيد الرسل ...

وتبقة عالية الهمة .. ونضل باقين بالقمة

نضل عالين ..

رغم الانين ..

عالين والعالي ما ينزل ...

            رحت بس ما رحت

رحت بس ما رحت ..

عن الكون يحسين ..

لان غطيتة بالهداية من رحت عنة ...

ودين اللة بجة وراد حقة يعود ..

ونشفت الدمع يحسين منة ...

ودين اللة خرب يا مولاي ..

وبنيتة وكصيت الجفوف الخربنة ...                               124

وقرآن الرسول انحط فوك الرفوف انعاف ..

وجبتة وخليت الخلق تشتم عطر منة ...

                                 خفاية الطف

لخفاية الطف اريد اكشف وابرز       معجزة تبين المحق والباطل الخداع

ترس جفة حسين من دم الرضيع       ونحو السمة ذبة وما رجع للكاع

 هاية معجزة واللة يريد يكول          وية حسين يا خلق صيروا بساع

وحادث الحر دليل احقية حسين        عسكرين س وص إوالهن اشياع

نور وعاف الظلام وراح لنور          يعني الحر ثلج بالشمس ما ماع

ويا نساء الجهاد محتم عليجن كالرجال  مثل ام وهب من دخلت بالصراع

لا مثل باقي الما شاركن وية الحسين    وخذلن ما وفن ما صارن اتباع 

            الدكتور والمريض                                                              

دكتور وشاف عالسدية مريض ..

وحالتة الصحية متردية كلش ...

فحص حالة مريضة ..

 وشافة محتاج دم ..

حتى صحة مريضة تنتعش ...

المريض ودكتورة شافوا ..

فلا واحد تبرع ..

إولا لذراع التبرع فرش ...

والدكتور من اهل المريض المحبين ..                               125

والمريض ..

يعرف بدكتورة ناصح ما يغش ...

واخيرا ..

الدكتور مد ذراع التبرع للمريض وكال ..

على جسمك لرش كل دمي رش ...

واطش جسمي على شانك من صدك طش ...

إووفة حسين الدكتور بكلامة ..

وإتعافة دين اللة المريض بساع كلش ...

                  يالحاير بدنياك

يالحاير بدنياك اصبر عالزمن كوة ...

وتحمل كل مرارة وكوم ..

ما ضل شي بعد يسوة ...

بيدك يطيب الجرح ..

عالسكتة الجرح يروة ...

وجرحك لو روة ينزف هواي ..                                                       

وغدار الجرح لنزف يهوة ...

ولا تبقة حاير دوم ..

شد حزام حاول واجه القسوة ...

قسة وياك الزمن جي شافك تحير ..

ومصيبة الزمن من يقسي بلوة ...                                   126

وعاندهة المصايب ..

هذا كلام حسين ..

لا بأحضان المصيبة بساع تتلوة ...

               ما ضعت

ما ضاع حسين يكول ثاري ...

ولا ضاع بهالدنية تذكاري ...

ما ضعت والفضل لله ..

وابد ما ضاعت اخباري ...

وعصافير الحزن ..

حطن على اشجاري ...

وشبت بالضلع ناري ...

تعالوا: وشوفوا ناري ...

موصار الضيم خطاري ...

وشوفوا الدمع عالخدين ساري ..

               ما سقط

اكو غاية بالنفوس الحرة عيب مجهولة ...

مثل ميت للحياة يعود معقولة ...

مو هين تعود الروح ..

من جسمة الروح مفصولة ...                                                                   

ومثل سرب الطيور وعين صياد ..                                  127

شكبراتة السرب لو يكدر ينولة ...

وبديار التمني الغاية مشتولة ...

بس الزمن حاصود ..

وبمنجل حصادة الغاية مشيولة ...

غايتنة ازعلت ..

لا يمكن خجولة ..

اشو تمشي لغيرنة وتنكاد بسهولة ...

يا غاية الآمال .. محظور المنال

وصعب جداً وصولة ...

وكل الكلتة بي برهان ..

إستشهدت وما سقط ..

يزيد الناس صفكولة ...

       ديوان إمراية للخلق

           باب اللة

باب اللة الحسين ومنة ياخذ الكون ..

كل ما يريدة وكل ما يريدة ايضاً الله ...

اذاً هادي للخلق شافع لهذا الكون ..

بالدنية وبالقيامة وبالطبع جاه ...

        عقل الباري

ايد اللة ولسانة وعقل باري الكون ...                                128

وكلب اللة الحسين ويقتل عجيبة اشلون ...

         فاروق

يا فاروق بين وبين يحسين ..                                                                       

بين امور هواي ..

زينة وغير زينات ...

ومعناهة تبين الزين كل الزين ..

ثم إتبين مطلق الشينات ...

    

         إمراية للخلق

إمراية للخلق سواك رب الكون ..

وبيهة يا حسين يشوف نفسة ..

لو يميني لو يسار ...

والعلى نهجك يميني وجنتة تناديه ..

وشمالي الما سلك ذاك النهج ..

ومصاحب النار ...

        شمسك وبدرك

شمسك عَلِّية وساطعة ..

شمسك فلا تنزل فلا تطفة ...

وبدرك ناطر اسلامة وحارس الكون ..

يحسين وعينة ابد ما يوم تغفة ...                                      129

        كل حرف

كل حرف بحروف اللغة صايح مجيد ..

على حسين الرجولة والبطولات ...

ولا ترغيب لا ترهيب ..

حاول يجذب حسين ..

ويتحول يزيدي جذب هيهات ...

                         رفيع وهادي                                                                   

كمر ما غاب فد يوم                وشمس ما تنكسف لحظة

حسين الرفيع وهادي لدوم         وبي مثل ما رضن يرضة

         تحت سلطانك

مملكة هذا الكون ...

تحت سلطانك تكون ...

وقائدهة وملكهة حسين ..

لو مهما يكون ...

        كالصلا والصوم

انفرض حبك علينة كالصلا والصوم ...

وعهد نبقة نحبك للابد ..

وعهد نبقة نحبك دوم ...

       ما كدرت

انت اخترعت المجد ..                                                  130

وانت اخترعت الطيب ...

وامثالك ام الخلق ..

ما كدرت حسين إتجيب ...

       صانع النصر

يحسين انت البذرت الفكر ..

واحنة حصدنة الثمر ...

ولنفسك صنعت النصر ..

والكون بيك انتصر ...

       بيدك

بيد بذرت الحك ..

وبيدك بذرت العدل ...                                                                           

وبيدك يا حسين إزرعت ..

لدوم كل الفضل ...

      تدلّي الهدى

ربك طلب منك تدلي الهدى ..

يحسين وعالكون دليتة ...

وبيدة يدك باب الخلق ..

من باب لباب خليتة ...

                          ما دنت عالدنيا لحظات

سيفك جسر ولجهنم عبر ارواح     وخلة اجسادهم للحفر راحت   131

ويمينك خلت روسهم غطست بالاتراب   ونجوم الظهر بعيونهم لاحت

يالاسمك سمة وغطتنة احنة الكاع     ومطرت موت احمر ولحقهة رادت

ويالسيفك ارض وانخسفت بجيش ايزيد

                                         وارواح الخصم بيهة وداعتك ساخت

وبطولة مرهفك ابد ما تملك نظير      وبيهة الجن والانس واملاك شادت

وروحك الطيبة الرؤوفة الطاهرة حسين

                                          على الجن والانس يا مولاي سادت

وذيج المخلصة للخالق واكيد للمخلوق

                                          عالية ولاربع اوضاع اصلاح نادت

سياسة واقتصاد ودين واخلاق           وتحكم بالعدل مو بالظلم رادت

وابية وما دنت عالدنيا لحظات           إولا خلف الهوى وابليس سارت

نفس اخت نفس النبي تشبيه              إوورة فكر النبي من طار طارت

ومعصومة إمن الشين كل الزين         وللشهادة للاله إمن المولد انقادت

             حبينة وهوينة (اغنية اسلامية)

احنة حبينة وهوينة

وحبك صاحِّنة واجينة

شكثر لامونة العواذل

شكم حاقد وجاهل                                                                            

وبحجي العاذل ما خذينة

وحبل حبك ما نعوفة                                                    132

واحنة تمسكنة بطروفة

واليتركة فاقد الراي

وسمانة غيمت مولاي

ومطرت بحبك علينة

جن وانس يحسين

ويمليهة عددنة العين

نصيح نحبة والله

والشاهد علينة الله

وحبة بالكلب زينة

             مشيتة

يحسين ..

بطريق اللة الكون مشيتة بهداك ...

ونصرت اسلامنة ..

لمن على النصرة نخاك ...

      مثل عداد ساعة

صاحوا هجم صاحوا صال ..

صاحوا جال صاحوا هد ...

ومثل عداد ساعة محرك الكلوب ..

وبعد اسرع وازيد ...

ومثل نار وكامت تلهم إبستان ..                                        133

سيف حسين يلهم بالعدة وفرهد ...

        مطرت سماك                                                                         

مطرت سماك نجوم ..

ومطرت شمس واقمار ...

ومطرت بالهدى يحسين ..

ومطرت عالخليقة افكار ...

 

                                    بمنديلة مسح

زحمة الدين يبجي ويسكت حسين            ويسكت ما ينشف عين قرآنة

وهو هو الينشف دمعة العين                ويجيب الحك من حلوك عدوانة

وبمنديلة مسح دمعات الاثنين                وكل واحد صبح مرتفع شانة

              طير مجدك

طير مجدك علة ..

طار وعالشمس طاف ...

وصار بعيد كلش حيل ينشاف ...

وطك جنح بجنح طيرك يا حسين ..

وبوجهة للسمة ..

وجف رجلة للارض عاف ...

ومن لون السمة ريشاتة مصبوغات ...

وطاير ما نزل ..                                                     134

من ساعة مولدك وليوم القيامة انشاف ...

          ديوان ثورة فكر

         فريد بكل عصر

يا ماي الحياة الغذة فكر الكون ...

يا شوف عيونهم يا شوف الاعيون ...

يا فريد بكل عصر يحسين محسوب ..                                                                      

وعلم اللة الاله بداخلك مخزون ...

         شكد شهم

ساموك ذل وغدر ..

ظلم وغدر ساموك ...

ورادوك تخضع لهم ..

وإلهم تعوف الملك رادوك ...

لكن إباء النفس ما نعك ..

وبالتقوى البداخلك ..

ما نفذت بل عارضت فكرة العادوك ...

وتكفي لو كلنة على حسين شكد شهم ..

وجفوف المناقب بالحضن شالوك ...

         ليس الكل

يا كوفي وين النصر ..

بس الغدر ترسل ...                                              135

بية آنة الحسين اغدرت ..

بالمهدي عوف الغدر بطل ...

وبإيمام لا تغدر بعد ..

يا ميت الضمير ومو عدل ...

      لا تدعي الحب

علمتك عالجروح ..

 اشلون تجرح  لمن اتجذب ...

وسويتك من صدك فنان ..

فنان جروح وتعذب ...

يا كوفي اترك بعد ..                                                                       

لتكول احب إولا تدعي الحب ...

غدار كلك جذب ..

وفضاعة بالجذب معروف ومجرب ...

        يا وردة

احلى من الحلو باللا حرب يحسين ..

لكن امر بالحرب من المر ...

وحتى بالحرب احلى الدنية بالاخلاق ..

يا وردة ومعروف الورد من العطر ...

وبجاهك الباري يترس الزنبيل ..

لو بإسمك دعاه ويفرح المضطر ...                                  136

إووقف عمري الك يحسين موقوف ..

اذاً هاك اخذ هاك العمر ...

            شمس الليالي

يا شمس الليالي بعين خلق الكون ..

اذاً هادي يعرفوك من الضلالة واهتدوا بيك ...

يا سور الخليقة حسين بالدارين ..

من كفر وعذاب وهمَ لاذوا بيك ...

           وسامة

شكل وطبع واخلاق كلهن وسامة ...

وحتى الانترنيت ..

لو يحسب صفات حسين هم تعجز ارقامة ...

         وقعلة

حصوة إبنَعال حسين ما يصلح يزيد ..

ولا جاروب اصلا يصلح برجلة ...                                                                                                                          

لانة للمعالي حسينة باب ..

ومجيد وعلى دفتر اعمالة الباري وقعلة ...

                                 هاك قلبي

يا منْ سكنَ القلبَ والقلبُ مسكنه    وما جعلَ القلبُ دونك من حجابِ

هاك قلبي مباحاً لك اخذُهُ            والقلبُ مباحاً يهدى الى الاحبابِ

وانت الكلب وانت العمر والروح  وجلبتة بعروة محبة حسين جلابي137

         كلنة بشفاعتة

بشفاعة حسين الجميع ..

وقصدي شيعتنة ...

وبميلاد الهدى ..

نضحك نبتسم ونعلي صفكتنة ...

وبميلادة جميعاً تنولد فرحتنة ...

         فلاح

فلاح عمري خلص ..

تاليتي وحدي انشتل ...

وعاصفتك تهب يا كوفي كلساع ..

مرة غدر مرة كتل ...

       تاهت

جبتهة لدرب ..

 شو تاهت الكوفة بساع ...

وحسبتهة الي تنتصر ..

شو مثل فص الملح بالماي لو ماع ...

      على خطك

على خطك مشت سارت الاقدام ..                                                                

لان خط اللة انحسب يا مولاي خطك ...

وخطك للخصم ضيع خطوط ..                                        138

يحسين وضاعن كلهن بشطك ...

       جبير البخت

تعيس الحظ يزيد وسايف الاخلاق ...

وجبير البخت يا من بالخلق يحسين عملاق ...

                                    نصب روحة

حاجز نصب روحة وتحجز النيران

                                       ونصب روحة جسر للجنة والرضوان

وطريق حسين درب العدل والحك   وطريق الخصم درب الظلم والعدوان

           ثورة فكر

يا ثورة فكر وانهت فكر ابن ميسون ...

وانهت فكر كلمن مضل يا سيدي وملعون ...

         بالكوفة  

بالكوفة سيوف انشالن اثنين ..

وية وعلى حسين بكربلة انشالن ...

واذا باجر يظهر المعصوم ..

صيري يا كوفة مثل إلوية المحق صارن ...

        فلسفة عبادته

عابد للرضا ..

مو بالجنة طمعان ..

ولا خوفاً من جهنم يدخل النار ...                                     139

ولانة بالفكر شاف الحقيقة حسين ..

المستحقج يا عبادة الواحد القهار ...

       شمس قمر نجوم                                                                                 

شمس قمر نجوم حسين الموصف يوصفة ...

وغيوم ومطرت على الصنفين ..

صنف الخصم والثاني صنفة ...

مطرت عالخصم موتين ..

اولهن فكر بي فكرهم شاف ولكة حتفة ...

وثانيهن قتل لارواح صارت بالفعل صلفة ...

ومطرت بالهدى عالشيعة الاحباب ..

وكيعانهم واللة اثمرت من طشلهم هدى بجفة ...

        بلل روس كفارة

دنية وبالطف مطرت مطرتين ..

وبإثنينهن بلل روس كفارة ...

وبرقت بس بطولة وبالموت مطارة ...

ومطرت عليهم هدى وبرقت حنان ..

وانهاء لفكرهم رعدت افكارة ...

ونار حسين بكربلة ويكتل شرارة ...

ومنة عالخصم طاير شرار ..

وشرار هواي طاير بيد فقارة ...                                        140

ولعنهم عادة اصبحت لاتباع ابو السجاد ..

حوبة حسين اللعن حوبِتة وشارة ...

                            ديوان قنديل الارض

                               مبدأ اللا عُنف

مبدأ اللا عُنف مبدأ حسين                 ومن البداية مبدأة جان السلام

ورافض للتطرف رافض فكرة الارهاب       

                                      هو بالفعل وامضاءاً بالسكوت وبالكلام

        القلب النابض                                                                            

على مفتاح الامارة ..

بجفة ابو السجاد قابض ...

يا قلب امة ..

وقلب دينهة النابض ...

والامة جن وانس ..

وعلى كرسي حكمهة يا سبط رابض ...

        ذني الاثنين

عجز عن وصفك باكملة ..

وعن المدح كلة يا حسين ..

إلساني والقلم هذا اعتراف ...

بس اللة ورسولة وامك الزهراء ..

عرفوا حقيقة ذني الاثنين ..                                      141

وانت وباقي الائمة اصحاب الاعراف ...

          باعة ضمير

يا باعةَ الدينِ والدنيا معاً ..

يا باعة ضمير وباعة اخلاق ...

يا كوفة غدر ..

مو كوفة اهل البيت ...

يا اهلَ الكفرِ واصحابَ النفاقْ ...

تعالنة نقتلك مو ننصرك ..

هذا لسان الحال ..

وحصلهة كلبكم لنار لما اشتاق ...

                              متكلم واحلى متكلم

عدنة وزنكم ذهب يا قادة الكون            واكيد وبالطبع منكم حسين      

امام ومو للجن والانس بس                 حتى للعسل ابن اجمل الشفتين

                             غصن كلبي الما ذبل

عندما صارَ لقلبِ المحبِ اجنحةٌ         بسمة حب حسين طار وما نزل

وأرستْ على شواطئِ الحبِ سفينتهُ     حب حسين وغصن كلبي الما ذبل

                

               قنديل الارض

قنديل الارض ..

وبالكون ابو اليمة سُراج ...                                         142

وعادل وابد بحسين ما نلكة اعوجاج ...

صكر وبطف كربلة ..

سوة الخصم مثل الدجاج ...

            ولا مرهة الفرح

ما فرحت عين حسين بحلم لحظة ...

ولا مرهة الفرح لحظة في يقظة ...

              إبوجه اكبر ارهابي

يزيد الخصم ..

خصم حسين ممقوت ...

وحسين البنة ..

بنص الاكلوب ابيوت ...

وناطق بالعلن ما يحجي بسكوت ...

إبوجه اكبر ارهابي وصانع الموت ...

واتلث اوصاف ..

طاغي واكبر مضل وضال ..

يزيد وبيهن صار طاغوت ...                                                                 

         عانق السماء

عانق حسين السماء وعنقتة ...

ومثل ما حضن للشمس ..

هي الشمس حضنتة ...                                             143

كمر خاطب للشمس ..

وهي الكمر خطبتة ...

                               رجل السلام

من شاف السهام حسين امطار         قوموا للحرب همَ البدوهة وياي

يعني رجل اللا حرب رجل السلام    وشجاع وما تنازل عن حقة مولاي

            ماي الامامة

حسين إلرضع من زغرة التقاوة ..

وتَنفس هوة الايمان ...

وشرب ماي الامامة وشربة القرآن ...

             ثقفت الخلق

ثقفت الخلق بافكارك حسين ..

وبدرب الهداية الكون مشيتة ...

والضلال انتهة وما ضلالة علم مرفوع ..

عد زينين الخليقة ولدوم بعديتة ...

            مثل نهج النبي

مثل نهج النبي نهجك يالإحسين ..

ومنهجك يشبه يا يزيد لمنهج الدجال ...

وعلى نهج النبي سارت اقدام حسين ..

وعلى نهج ابليس الخصم شاد إرحال ...

                                                                         144

          الحزن وياك رابي                                                                  

الحزن وياك رابي ..

 والحزن صاحب قديم ...

وللحزن ..

عاشك ومعشوك ابو اليمة ونديم ...

        

             عطر حكمك

يا ليتنا كنا معكْ حاجزاً ..

منخلي يمرك منهم الريح ...

ونصد إشما يجي منهم عليك ..

وإكعد نِكلك واستريح ...

فقط وجهنة يا حسين وشوف ..

نخلي الروس بالجملة مو فرادة إتطيح ...

وإتكفة بينة وكل التريدة يصير ..

إحنة سلاح بيدك واترك التسليح ...

وعرش حكمك نجيبة وينتهي الدجال ..

وعطر حكمك على الامة يفيح ...

          على عرش المجد

على عرش المجد كاعد حسين ..

وعلى عرش الخلافة حسين محطوط ...                              145

وخلة فكرنة بنور الشمس مربوط ...

ومد إمن الشمس لعيونة خيوط ...

             حاجات

حسين امتلك وبلحظة الميلاد ..

دون الخلق من ربة حاجات ...                                                               

اسم اللة الاعظم إولو دعة بي ..

شما راد اتحققلة وبالعجل رادات ...

ومقبول الدعاء ودعاءة بساع مقبول ..

وشما دعة مستجاب الدعوات ...

والولاية التكوينية ..

 يعني اذا راد فد شي ..

يكلة كون ويصير بساع وبلحظات ...

           صانع للسلام

الحمامة البيضة خالقهة الحسين ..

يعني حسين صانع للسلام ...

والدليل ..

حسين يكره ان يبتدي خصمة بقتال ..

ويستاهل لو كلت عنة امام ...

          الكلب درناه

اسمك بيرغنة ..                                                      146

ونمشي يا حسين إوياه ...

وعن خصمك ..

درنة الوجه والكلب درناه ...

         ديوان شربت الحزن

           مثل جية الصبح

مثل جية الصبح للخلق من جيت ..

يحسين وإذن للموت ..

يوم المعركة إطيت ...

         صارلهم محطة                                                                         

دخل لتاريخ ..

من اوسع ابوابة حسين ...

ونصب روحة علم ..

خاف كلهة اتيه ..

وصارلهم محطة وجمعت الزينين ...

           خلصوا بجالة

اجيال اجيال ..

خلصت بجال حسين من الضلالة ...

ومن الظلم ومن الدمار ..

خلصوا كلهم بجالة ...

                                                                          147

         لاحزانة خليل

حسين لاحزانة خليل ...

حسين إمن انكتل ..

صار دين اللة قتيل ...

           أعلة

لاح الشمس بيدة حسين ..

لا ... بل أعلة إمن الشمس راسة ...

ومثل ما قائد الكم صار ..

صيرُوا انتم بالعجل ناسة ...

        بديارك رهنتة

 حاجيت حسين واللة بصوت مرفوع ..

كلبي برضاتي مو جبر ..

خليتك سكنتة ...

وجبت كلبي واجيتك كايدني الضمير ..                                                                                            

وبديارك يبو اليمة رهنتة ...

              دورين      

اخلاق البشر بعضين ..

بعض انهار ..

 والانهيار الثاني بالقرب منة ...                                    148

وايدك يبو اليمة قامت بدورين ..

دور اصلاح للاول ..

ودور للثاني حفظيتة منة ...

          حبك مطر

حبك مطر ..

وكليبي يا حسين الكاع ..

كاع وشربتة لمن اجاهة المطر ...

واذا حبك تمر ..

فكليبي حلك جوعان ..

جوعان وشبع لمن اكل ذاك التمر ...

           مادام اتبللت

كلت مادام اتبللت آنة إمن المطر ما اخاف ...

ولاجل اليريدة الله ..

بكل العندي ضحيت ..

واحلف عليهة احلاف ...

وهاك نحري تعال اخذة يسياف ...

وهتاف حسين هذا اجمل هتاف ...

        موسوعة قيم

 نلت مجد العفاف بإيد ..                                                                      

ومجد الجمال بإيد نلتة ...                                            149

وموسوعة قيم ..

شايلهة دوم حسين ..

وشكو محتاج من عدهن سهمتة ...

    

        مرابط في سبيله

عبد اللة الحسين ..

مرابط في سبيلة ...

وملهَم الحق ..

وملهِمة حسين ودليلة ...

      يملك وينشر الهدى

يملك وينشر حسين الهدة ...

وفكر الضلال حسين إمقيّدة ...

وانقاذ الواجب انقاذة ..

نشيد وينشدة ...

         بساتين الفكر

انت الطيرتهن ..

من طارن افكارك وحطن عالعقول ...

وحسين اسكيتهن ..

بساتين الفكر ..

حتى خصمك ما يرشهن بالذبول ...                                   150

                سمة افكارة

سمة افكارة امطرت عالصاحب وعالعدة ...

كاع العدة اجدبت ..                                                                                                

وبستان المحب وردة ...

وهتافة اصلاح ..

دوم حسين يرددة ...

           ثلاث انتصارات

انتصارين انتصر عدوانَهم لمن بدة ...

ولحسين اثنينهن بارينة هدة ...

حقق اهدافة بحضن حسين الاول مددة ...

والثاني الثاني ..

قيام القائم موعدة ...

والشهادة ايضاً نصر ..

بيهة الرضا حاصدة ...

           دم البراءة

دم البراءة انسكب ..

دم الحسين وسال ...

والحق بقة ما رحل ..

والباطل ثبت ما شال ...

                                                                       151   

                بارتفاعة

بارتفاعة مثل الشجر هيج حسين ..

لو مات يبقة بارتفاعة ...

ويضل منصوب ..

وما يترك ابد كاعة ...

           شربت الحزن

آخ وآخ يا روحي وآخات ...

لان بالكلب ..                                                                                

آلام هواي كثرة ...

وشربت الحزن مرات ...

حسين يكول مو مرة ...

        عوفة بساع

مو هم النذل اذاك ..

مثل ما احنة اذانة ...

عوفة بساع يا كوفي ..

وتعال بسرعة ويانة ...

                 تلوح ابعد سمة قمتة

حصوة بقاع المحيط ايزيد ..

وحسين الجبل ..

وتلوح ابعد سمة قمتة ...                                               152

شهر سيفة حُسين لنصرة الرحمن ..

وانت لنصرة الشيطان ..

سيفك من شهرتة ...

خماش الكلوب ..

حسين بكربلة لمن ذبحتة ...

شكم كلْب وكلُب طاهر رعبتة ...

وشكم كلب وكلب ينسعد خليتة انتة ...

وشكم كلب وكلب على حسين المصيبة ..

بالحزن غارك جعلتة ...

وشكم كلب وكلب لاربعطعش معصوم ..

لقتل السبط مقهور ما طلك حركتة ...

وبحربك وبدماك حسين ..                                                                        

شكم غالي ونفيس بكل وكت صنتة ...

          ديوان بصمات

             بصمات

مو بصمة حياة العز ..

بيهة خلة حسين ..

لا بل خلة بصمات ...

وعاش العز على ايد حسين ..

وعلى ايدة ..                                                          153

الذل مات مرات ...

       من اجلهم

من اطلق حديثة ..

على الاسلام السلام ..

اذا امتنة بيزيد ابتلت ..

صاحب الاخلاق الوضيعة ...

من اجلهم ..

اذاً قتالة ايضا من اجلهم ..

اقصد السنة والشيعة ...

               عالفطرة 

يحسين اليُحب لازم يدفع للمحب اجرة ...

واحنة حبيناك وحبنة وياك عالفطرة ...

ومنريد اجرنة فلوس اجرنة بساعة الحصرة ...

                منبع تقاوة

حسين منبع تقاوة وللمجد رب ...

حسين علمة حتى لسمة اتسرب ...                                                             

          سيف الضعيف

حسين سيف الضعيف وسيف المجرب ...

حسين حارب الكفار ولعروشهم خرب ...

                                                                         154   

                 نبض الكلب

حسين يا بحر المعرفة وبيك القيم تجري ...

حسين يا نبض الكلب وانت ويالكلب تسري ...

ولو رادوا بالحساب اعذار انت يا علي عُذري ...

             الامل والوسيلة 

يا حسين انت الامل وانت الوسيلة ...

وانت الهدى منبع كل الفضيلة ...

والخايف المحتار بيدك سيدي شيلة ...

         

        حب حسين ميموع

بستان الكلب بي حب حسين مزروع ...

وبستان المحب صافي ومنة الشوك مكطوع ...

وكل حب ينمحي بس حب حسين ميموع ...

               يا حسين 

حبك يا حسين من امي رضعتة ...

وبحبك ولعت روحي وكلبي ولعتة ...

مريض اشفة يا حسين اسمك لو ذكرتة ...

            فوك العرش

اسمك يا حسين فوك العرش مكتوب ...

وانت بوكت الضيجة والشدات مندوب ...                             155

وانت بكل كلب يا سيدي محبوب ...

             نجمة علم                                                                        

حسين معجزة الباري وداهة ...

حسين نجمة علم بيهة انتباهة ...

حسين بركة كرم ماكو سواهة ...

         مرجان صافي

حسين مرجان صافي والنسل جوهر ...

حسين بساع الموت لاحبابة يحضر ...

حسين نهج البلاغة وصار مفخر ...

            حب حسين

رضعنة حب حسين من المهد لصبانة

وحب حسين خير العمل شمعة تنور بدنيانة

بالقرآن وصانة النبي وبحب حسين وصانة

             لمصابك

يحسين لمصابك ..

حزنت كلوب ..

وفرحت كلوب ...

والحزن والفرح ..

صاير الهن ثوب ...

                                                                         156

                شقيق العدل

شقيق العدل والحكمة ابو السجاد ثوبة ...

وبِخمسةْ معاني للفضائلْ منترس كوبة ...

        ما غرتة الدنية

حسين الما غرتة الدنية ولا تبع شيطان ...

حسين حق وللعدل ميزان ...

                                       لطف اللة                                     

لطف اللة حسين ابن اللطف معروف    وترة مد للعز والشجاعة جسور

والموت تمثل بشر هو حسين            لاعداءة وكبرهم بيدة لكوامحفور 

            

          ثار حسين

يهل البعد كافي بعد ..

عذبني بعدكم بعد كافي ...

ثار حسين هيج يكول ..

واريدنكم ..

ترسمون الضحكة على شفافي ...

                                    رية الاسلام

ما رحمتك مولاي السياسة ما ترحم     يا رية الاسلام وبيهة الدين يتنفس

وكل شي انفس دونك حسين             وبس اللة منك سيدي انفس

                                                                         157

          هابيل وقابيل

هابيل بكربلة قدم القربان ..

وقابيل بكربلة ايضا قدمة ...

المبطل قربانة جان مرفوض ..

وقربان المحق مقبول ..

يعني الله مستلمة ...

والقربان جانوا قتلى الاثنين ..

ربع قابيل قتلى ..

إوواحدهم صايرلج حطب يا نار جسمة ...

وربع هابيل واحدهم شهيد ..

والله بهاي الصفة موسمة ...

         

                ديوان للمثلة ماكو حسين                                                  

                       ما مرتاح                                                                  

ما مرتاح .. ما مرتاح ...

من ناسك فلا مرتاح ...

انت إزرعتهم وإلهم صرت فلاح ...

وتاليهة إغدروك وشالوا عليك سلاح ...

ومن خصمك فلا مرتاح ...

بجت عينك عليه وصارلك ذباح ...                                  158

ومن ساعة المذبح دكوا للقيامة طبول الافراح ...

ما مرتاح ..

من خصمك فلا مرتاح ...

صرت كلك جروح وصارلك جراح ...

والحزن فوك الصدر لابسة وشاح ...

وراسك بجفوف قذرة إمن الجسم طاح ...

وحصتك ما شفتهة ..

وكرسي الحكم بالكوة منك راح ...

يمضيف الحزن ولسان كلبك للحزن صاح ...

وكلبك ما فرح ساعة وطلك الافراح ...

ما مرتاح ...

لان دمك ودمة انصارك واهل بيتك ساح ...

وشوكت يالما مرتاح ترتاح ...

من يظهر المهدي بذاك الوكت ترتاح ...

على عيالك سباية ..

واسروا سجادك الوضاح ...

ولمن طحت من مهرتك ..

كالوا طاح الخارجي طاح ...                                                                  

وما مرتاح ...

جان ولا يزال حسين ما مرتاح .. ما مرتاح ...                        159

             باز فكرة

مثل ذبلة اوراق الغصن ..

ذبل وليزيد حسين افكارة ...

وطير فكرة بعد ما طار ..

ارسل باز فكرة عليه وانهة مطيارة ...

       إسأل القرآن

شكول إمؤسس الباطل والباطل قديم ...

وشكولن مدري شكول ..

مخترع الكفر ..

وابليس مخترعة الرجيم ...

وشكولن يا يزيد ..

وانت إمن الايمان من زغرك فطيم ...

يعني ابو خالد للكفر صاحب قديم ...

وانت انت لظلم دومك نديم ...

وعلى روحي اعترفلك صرت مجنون ..

آنة لو كلت عقلك سليم ...

ولا تتمنة بالحشر روحك تصير إتراب ..

ظالم للتراب تصير ..

لان مو مثلك اثيم ...

وانت مو عاقل يا مسودن يا يزيد ..                                160

خليفة اللة اشلون صايرلة خصيم ...

هذا حسين وعنة إسأل القرآن ..                                                               

إيكلمك بإثنينهن وصف ومدح تكليم ...

          ما اريد صوت سلاح

يا نور الجليل وبالارض ساح ...

ويالفكرك لعقل هذا الكون مجتاح ...

وراسك للسمة السابع لاح ...

وكرسيك بكلب الكون منصوب ..

شلك بالعافك يا حسين وراح ...

وقبل لتطيح إبإيد شلت الفكر ..

وبيد شلت سلاح ...

وكلت ما اريد الحرب ..

وما اريد صوت سلاح ...

آنة ابن النبي وانتم إتعرفون ..

واهل بيتي ائمة للخلق صاح ...

             سلة وذلة

سلة وذلة ..

السلة تعني الحرب والذلة الهوان ...

امام حسين خلوا بني سفيان ...

وخياري كال الحرب ..                                                  161

وارفض حكم كل شيطان ...

وبهذا كلامة معدل خوش عندة لسان ...

               شفت فكرك

شفت فكرك رجل يطرق البيبان ...

ويصيح بصوت عالي جنت يم الجان ...

قسم ضيفاني ... وآخر ما رضاني ...                                                            

وعرفوا ابوي حسين ومنبعي القرآن ...

واريد اعرف جوابك يا بني الانسان ...

وكلامي آنة الشاعر وخادم لاخوة القرآن ...

اخذوا افكارة واتبعوا حسين ..

يا معشر الانس ويا معشر الجان ...

            العمودي يؤكد الافقي

حسين .. حسين صار النة مسار ...

حسين .. لشيعتة .. كعبة  ومزار ...

صار النة كعبة فكرية ونهار ...

مسار .. ومزار ونهار .. للاخيار ...

          العمودي توكيد للافقي

للدين .. حسين .. وللخلق سور ...

حسين بداخلك .. نار .. ونور ...

وللخلق نار ... وجنة ..يا ناطور ...                                  162

سور ونور ...يا ناطور منحور ...

           رياح اصلاح

رياح اصلاح هبت من سماك ...

على إديار الخلق لو اخذوا ضواك ...

غالي ومحد يبو اليمة بغلاك ...

            كلبة كطن

حسين جنة وعرش ..

منصف ..

راد وما اجاه انصاف ...

وحسين كلبة كطن ..                                                                                    

وصايرلة الخصم نداف ...

      

      دك للكفر تابوت

على حسين ارد اكولن ..

ثابت ومثبوت ...

وعلى كد الكفر ..

دك للكفر تابوت ...

ومنهاج الخصم وية الخصم ..

حطهم بجف الموت ...

                                                                          163

         نرفع نطخ الراس

نرفع نطخ الراس لو ذكرة يمر ...

جن وانس ..

 لحسين مو بس البشر ...

          احلى حسين بالكون

بالخلقة نكول وبالفعل وايضا بالاخلاق ..

يا احلى حسين بالكون ...

وزمانك للاسف صارلك ذباح ..

ويعرف منو انت ومنو تكون ...

اذاً زمانك ابد مو صاحي جان ..

اذاً زمانك لو مسودن لو براسة جنون ...

         الكون رافع قبعة

الكون هذا الكون ..

وكلة بأكملة لحسين رافع قبعة ...

ويحني الراس لو ذكرة يمر ..

وهامِتة تبقى احتراماً خاضعة ...                                                              

          خالد وعاش 

حسين بكربلة مو هو ذاك المات ..

عدوة المات هو بكربلة ...

لانة بالشهادة وبالفكر خالد وعاش ..                                    164

وخصمة انتهة ..

 لان نهجة إمن العقول إمرحلة ...

                                للمثلة ماكو حسين

المبادئ منة شما تريد يكول طاعة      وسمعاً لو حجة حلك القوانين

وحفظهن من كلمة النسيان بالسيف     وحفظهن بالفكر دوم وايضا حسين

وطبقتهن مثل ما راد الله تطبيق        وطبقوهن كلت لاهل هذا الدين

وبعد صوتك يدوي بإذن الاجيال      وصوت الهيهات يدوي بإذن الاسنين

وصرخت الإصلاح واللة توكف التاريخ        

                                       اجلالاً واحتراماً للمثلة ماكو حسين

          علمود اربع سنين

الدنية إسودنت لو صابهة إجنون ..

يروح وينقتل علمود اربع سنين معصوم ...

وإمام الكون .. وعالخلائق سيد حسين ..

هو وبالدنية لآخر يوم ...

             على حسابج يا حياتة

حفظ ..

ما استطاع ان يحفظة حسين ..

وطبيعي قابليتة تعادل مقاماتة ...

وحفظ كلشي على حسابج يا حياتة ...

واما ان يستسلم او يموت حسين ..                                    165

وللاصلاح فضل على الاول مماتة ...                                                      

ومماتة هدف يحمل جان ..

واعرفنة الهدف ..

وتحقيقة سمة صارت من سماتة ...

       مو فقط ساحة

محافظ عالقيم وعلم عليهة الكون ..

وسواهن درب روحة وسارت الروح ...

وساحة كربلة حبلت وجابت ..

مو فقط ساحة أنجبت سوح ...

                  بخت الحسين (اغنية اسلامية)

امية اهل الكفر

بختك دمرهم دمر

رمز صاروا للعناد .. وعنوان صاروا للفساد

وانعرفوا فقط بالغدر

وحوبتك لعبت لعب

بأصحاب ذاك الذنب

صاروا اظلم خلق .. وحلوا باللعن والحرق

وسودة وجوه القِذر

وتاريخ امية وصخ

وانمسخت وحقك مسخ                                                  166

شارتك تكتل كتل .. وانشتلوا تراهم شتل

يحسين وسط الكفر

             ديوان حررت كل الامم

               ما عفت خلق اللة

ما بين كلبك بالشجاعة وكلب الجليل ..                                                         

الفرق مليم واحد يوم شبريت ...

وبالبطولة ذراعك سيدي إطويل ..

وماكو غير ذراع عزرائيل يشبهلة لكيت ...

وما عفت خلق اللة تايه من مشيت ...

لا ..

إلهم السجاد مثلك هادي خليت ...

            دكتور الدين

شمحلة نسيم حسين ..

من هب على دياري ...

دين اللة هيج يكول ..

ودكتور وشفاهة بعلتي داري ...

      المرادف والمشترك

مرادف .. مشترك شتريدة اسم حسين ..

مثل ثوب وكاعد وية لباسة ...

مرادف للعلوم ومرادف للقيم ...                                     167

ومرادف للخلافة ومرادف للشيم ...

وإلهن مشترك يا جن وانس والله مقياسة ...

         اروع صور

حجة بيدي القلم ..

بس حجية قوافي ...

وكال آنة كلامي شعر ..

لا شي امام الشهيد ..

الحجية دم لله صافي ...

ولكنَّ ما لا يدركَ كلُه ..                                                                     

لا يتركَ جلُه ..

وعلى كدك اتمدد يا إلحافي ...

رسم دم الحسين اروع صور ..

وكل صورة ..

تعبر عن امر واضح غير خافي ...

رسم تربة ورسم قرآن ..

وتضحية وثورة رسم ..

ورسم شجرة قيم ..

وعليهة كتب شجرة اسلافي ...

       هذا المهم

كالوا سيف حسين عشر تالاف كاتل ..                              168

وآنة اكول المهم مو معرفة الرقم ...

يا من تسألون شكد كتل ..

فإسألوا على تضحياتة عالقيم ...

وثبات الراي عدة ..

وصمودة بالحرب هذا المهم ...

اسألوا عالبطولة ..

بس مو سؤال بلا هدف ...

وخلوا هدف عدكم بالسؤال ..

اخذ العبرة منة ..

ونصرة المهدي اليمثل الشرف ...

           محبة حسين

إسألت كلبي عن محبة حسين ..

جاوبني جبيرة وبالكلب تسكن محبتة ...                                                     

وشتسوي لو تشوف حسين ..

كال اكوم اركض جا حضنتة ...

ولمن عرف معنى الحب يا حسين ..

ركض كلبي عليك بكل سرعتة ...

     

          بكليبي حبك نبت

بكليبي حبك نبت لمن علية اقبل ...                                     169

وحبك لكليبي لمن اجة ..

كام الكلب واستقبلة بالعجل ...

ونادة الكلب حبك سيدي يحسين ..

ولبة نداءة الكلب ..

وبسرعة يمة وصل ...

        حبك اخذوني يصيح

كلبي لحبك فزع .. يحسين لمن سمع

حبك اخذوني يصيح ...

وكلبي متحول سفينة .. وحبك اتوجه علينة

ومشاهة حبك يا حسين الريح ...

وكلبي فلسطيني مجاهد .. وحبك سلاحة يقائد

فلسطيني وابد ما يترك التسليح ...

            

     وكيح الزمن

اعرفك يا زمن ..

واعرف اطباعك زين ...

وادري بعذابك صعب .. وادري متيه الدرب

تمشي بلا عين ...                                                                                    

ليش بعذابك وكح .. كل يوم بيك انذبح

لازم عليْ سجين ...                                                  170

كافيك من الحزن .. والليل كل ما يجن

وبنهارك تكتل ناس طيبين ...

سيفك تراهُ فزع .. ولركاب غيرة كطع

كل طيب ومسكين ...

إووكيح الزمن مد لنذل جفين ...

واختار ليش النذل ..

وعايفني آنة حسين ...

        احد اسباب حرب الحسين

احد الاسباب اسباب الحرب ..

حرب حسين القامت ضد يزيد ...

هو احد شروط الصلح ..

صلح الحسن وي ابن هند ..

 المن رحمة الباري طريد ...

وهو الخلافة من بعدك الي ..

واذا ميت ..

فبيدك لحسين الخلافة إتعيد ...

فوافق على كل الشروط ..

وبعدهة ما وفة لا هو ولا ابنة يزيد ...

وعلى نهج الحسن فات حسين ..

فحارب لتطبيق الشرط جان هو يريد ...                               171

وانقتل دونة ودون امور هواي ..

واصبح ابو اليمة شهيد ...                                                                                

         حررت كل الامم

فكيت باب الصبح ..

وسديت باب الليل ...

وحررت كل الامم جن وانس ..

لو كلهة ورة نهجك يا حسين اتشيل ...

           مرة اولى وثاني مرة

مرة اولى وثاني مرة ...

الكوفي من عندي يتبرة ...

مرة اولى وثاني مرة ...

الكوفي يخون ..

ذاك الوفي روحي تصورة ...

مرة اولى وثاني مرة ...

علية جروحي متأثرة ...

شافوك إغدرت كالوا ما يجيك ..

وكتلهم احتمال يتوب ..

ويجيني بساعة العسرة ...

مرة اولى وثاني مرة ...

مسكينة إرويحتي لجيتة متحضرة ...                                 172

انت الواعدت وآنة ثقيت ..

واجيتك اخذ النصرة ...

وخانوا بية مرتين ..

بمسلم الاولى ..

 وبية آنة ابن سيد العترة ...

              يا هو آنة ويا هو انت                                                           

يا هو آنة ويا هو انتة ...

سلمتك سفيري وبالعجل جبتة ...

شو تالي اطلعت غدار ..

كضيتة وذبحتة ...

ومع ذلك ..

يا هو آنة ويا هو انتة ..

يا هو انت ويا هو آنة ...

مو جنة اصحاب نتحارب شجانة ...

           إيريح الكلب

بمدحك يا حسين الروح فرحانة ...

ومدحك إيريح الكلب ويخمد احزانة ...

وبحبك ترة حيل الروح ولهانة ...

       قاضي الحوايج  

حسين قاضي الحوايج يسمع النخوة ...                            173

حسين باب المجد منبع التقوة ...

              خيال

حسين لتاريخ المناقب والمجد خيال ...

حسين مركب للفضائل تشهدلة اجيال ...

      هادي ومهتدي

كالولي بالبحر تلكة ذهب ..

لكيت ذهب البحر مغشوش ...

ولكيت درة بكربلة ..

وإلكيت اللؤلؤ المنقوش ...

وطبيت بستان الورد ..                                                                    

شفت الورد محشوش ...

ولكيت بكربلة وردة عطر ..

والماي اللكيتة اشلون منعوش ...

صافي ثم صافي ..

وبعد عيب مغشوش ...

          صابر

صابر ..

إووكت الصبر عدة ...

صابر والصبر ..

خلص وانتهة حدة ...                                                   174

صابر يا حسين ..

وبابة الصبر سدة ...

صابر والصبر ..

صاح اليوصل شحدة ...

صابر ..

والصبر صمة ماي ..

وإمن الايد يتبدة ...

        يا كوفي

اوفي وياي حسين يكول ..

اوفي وياك يا كوفي ..

حتلو شفت النفس خافي ...

وبدنياك الوفي ينجح ..

والخاين يموت وحظة هافي ...

         كليبي فاتة السرة                                                                      

يا كوفة ..

وي حسين نشوفج مقصرة ...

وعالدنية سراهم وصل ..

وكليبي فاتة السرة ...

يا كوفي ما دريتك ريح ..

ريح وهب عليْ شجرة ...                                             175

إووياك زارع وفة ..

وبمنجلك محصود ..

واطباعك صارن حجر عثرة ...

وانطي الوفة للوفة ..

والغدر منك يا صاحب الغدرة ...

وطير الوفة ما وصل ..

بجناحة عذرة اشكال ...

خوف وطمع عذرة ...

             ديوان طبيب الوضع

                  نور وهدى

الايمان ضل وبقة والكفر ما ضاك ترحال ...

والعزة ام وبنت والذل كسة الانذال ...

والتقوى ثبتت ابد وبسرعة الضمير انزال ...

والرفعة كاس انشرب والحقارة عم وخال ...

والعدل فص الملح بالماي ذاب وماع ...

والعدل حاجة انحفظ عند الاهل ما ضاع ...

وحسين نور وهدى وخصمة المضل والضال ...

وكلوب غركت بالظلم وعنهة الظلم ما مال ...                                                             

والظلم حاجة اتوزعت ومثل اليوزع المال ...

وحسين شاف وما سكت رايد يغير الحال ...                           176

وكتبولة اقبل للنصر جندك بس تعال ...

واحدنة سيف ودرع كلنة نصير انبال ...

ولمن اجة لكربلة بالغدر حس وكال ...

ايمام يُقتَلْ بالعلن عالمنصب وجاه ومال ...

تباً لكم يا منْ للغدرِ اهلاً ومثالْ ...

             بحسين اتغزلت

ما اكتب للفتيات الغزل ..

لحسين الغزل صافي ...

وبحسين اتغزلت وبغيرة لالا ..

والغيرة ما يحجن غزل ..

لو يحجن شفافي ...

                                    بساعة المولد

الرفعة افرحت ومسرورة جدا حيل       لان صار الهة حسين منسوب

وارتاحت الرفعة والسعادة بدت بالعين  من سمعت الهة حسين مخطوب

وخطبهة للحسين بساعة مولدة الله     وصارتلة بساعة المولد بالعجل ثوب

وتزوجهة وحمدت عالزواج الله      وبأمر الجليل الزواج الصار مكتوب

                 افكارة كزيز

 عزيز حسين ..

 وشما طال الوكت يبقة عزيز ...

والخصم حافي القدم ..                                                  177

وحسين بافكارة كزيز ...

                                مشتعل بيهة كلوب                                                                                                                               

الطيبة منتظرتك كبل مولدك يحسين   ولمن صرت صارتلك بالعجل ثوب

وانت في دنية الظلام الهادي يحسين

                                      والدنية غرفة ظلمة ومشتعل بيهة كلوب

               خيط بإصبع الكون

خيط انت ومنهجك يحسين ..

بإصبعة الكون شداك ...

وانت نور ..

وعالكون من سطعيت ..

انزاح بشعاعك ظلام اعداك ...

              عضت حسين

حية بكربلة وتمتلك راسين ...

وبالرؤوس اثنينهن عضت حسين ...

عضة ما اثرت خلاهة رب الكون ...

وعضة انهت حياتة وصبغتة باحمر اللون ...

والروس ..

راس الفكر والآخر السيف ..

والحية اللعينة ..

الحية ابن ميسون ...                                                    178

        منذ الولادة

طلكهة الرذائل ..

منذ الولادة حسين ...

وطلك ابو اليمة كل امر شين ...

وتزوجهة الفضائل ..                                                                         

من شمن هوة الريتين ...

وتزوج وبْرِضاة النفس ..

كل امر زين ...

           بكل وكت باب

شتاه وصيف ..

مو ثوب يلبس يلبس اثياب ...

وكلشي اليريدة الخلق ..

يؤخذ عن طريق حسين ..

لان هو للجليل بكل وكت باب ...

          صاحب الحق 

وما دام لنصرتة حضروا املاك ..

يعني ابو اليمة الخليفة وصاحب الحق ...

ولاءاً ودعاءاً ..

 ومحبة حسين وطاعتة ...

واجب واخذ منة شما نطق ...                                      179

          فوائد متنوعة

مو شجرة انت شجر يحسين ..

وثمارك تابعة انواعة ...

مو بس بزمانك ابد والله ..

لحد ما نسمع دكة الساعة ...

وثمارك مو بس للانس لالا ..

الجن من ثمارك تارس إذراعة ...

والكون باكملة ..

 معلن ولاءة ومعلن الطاعة ...                                                                

واعلن عن محبتة ..

وحلك فكرة ..

بثداية افكار لماعة ...

            

             حس بيهم

رجف كلبة ترأف ما رجف خوف ..

ومو منهم عليهم من رجف كلبة ...

وحس بيهم وجِذَب من كال حسوا بيه ..

لان يعرف حسين بطبت النيران صعبة ...

وبجت عينة وكالوا ليش تبجين ..

وجاوب بجت لان عليهم حكمت الطبة ...                             180

                 عاصفة

عاصفة فكر حسين ..

جبال السوء نسفتهن نسف ...

وجبال الخير ..

ثبتن وما هزهن ابد منهم عصف ...

لان فكرة حايط عليهن سور ..

وجعل كل جبل منهن صلف ...

          سفياني ويماني

يماني بإيمانة وحكْمتة حسين ..

والحكمة والايمان ..

نهج ابو اليمة اليماني ...

وما دام الذبح نهج الخصم ويالخداع ..

فالخصم يصبح اذن سفياني ...

             صباح حسين                                                                       

صباح حسين عالدنية طويل ...

وبجفوفة ليل الخصم صاير قتيل ...

وما يسحب ايدة إمن الخلق ..

الا بنفخة اسرافيل ...

وعلى باب الفكر ..

خط بيدة ممنوع ..                                                      181

يدخلة إمن الخصم ليل ...

        ينحدر من اقداس 

يزيد ابليس وينحدر من الشياطين ..

سلالة شيطنة مخاوية الشيطان ...

وقديس الحسين وينحدر من اقداس ..

سلالة مقدسة بجفوف رحمان ...

       الجواب هو الحسين

يا هو الزين كلولي بنظركم ...

شارب الخمرة ..

ام الذي عنهة منعكم ...

يا هو فاعل المنكر ..

ام الذي عن المنكر نهركم ...

يا هو ابن ميسون ..

لو ابن الزهرة امكم ...

وبشرفكم وارد احلفكم في شرفكم ...

ياهو اليصلح للقيادة وياهو قائدكم ...

            مثلك ما رأت

مثلك ما رأت عين الزمان ..                                                                  

إولا سمعت بغيرك إذانة ...

أولا شاف أولا سمع يحسين ..                                          182

بشخص مثلك عانة ما عانة ...

          متنازل لكم   

سوء الخلق الكم ملك يا طاعة الشيطان ...

موش الخلافة ملك الكم بني سفيان ...

تراهة ملك النبي وملك اخوة القرآن ...

وحسين متنازل لكم عن ذلك السلطان ...

وردتوه كوة لكم ..

وإمن الشوك ما يطلع الرمان ...

           طبيب الوضع (اغنية اسلامية)

ما دام انت الهوة               ما نستغني عن الهوة

وما دام حبك عسل             للعسل كلبي هوة

وبماي المودة غرك هالكلب

وياك لازم نكمل الدرب

ومادامك طبيب الوضع       منك اخذنة الدوة

دنيانة ليل ونجم               وانت هذاك النجم

ومادامك بحاجة زلم          احنة هذول الزلم

وهد بينة عليهم سيدي

منخلي بيهة الك معتدي

ندفنهم بفد مقبرة         يحسين كلهم سوة

راسك يلوح السابعة     ورجلك تلوح السمة                            183

والمهدي سم العدة       بيه العدو سمة

وخل ينشر اسلامك نشر                                                                       

وخل يكلب الليل الظهر

وحقك يعود ويرد      وثارك يردة هوَ

 

 

           ديوان ملك النجاسات

          يزيد السفياني والدجال

يزيد السفياني وغد ..

يزيد المسخ دجال ...

وفاقد للشرعية حكمة ..

وابلا شرع يحكم ..

بالفعل ساعة وساعة بالمقال ...

      تلبس الحق بالباطل  

يا يزيد بزمانك انت كالدجال ..

لان بالباطل تِلبس الحق ...

وانت بزمانك اعور الدجال ..

حق عنوان الخلافة بلا غبار ..

وعلى شخصك الباطل إمطبَق ...

                                                                            184

           مثل ابليس

ريشة مَثَل منهج يزيد ..

ومنهج حسين الهوة وضاعت في هواه ...

باطل وظالم طاغي مضل وضال ..

ومثل ابليس ..

ومحد عادلة وساواه ...

        الترهيب والترغيب

 الترهيب والترغيب ..

على حسين وشيعتة وباقي الاوياه ...                                                           

صدرن من يزيد وزمرتة ..

حتى وحيد حسين يبقة ومحد وياه ...

وحتى يلغي ثورتة ويسكت حسين ..

وحتى إيمد للقذر يمناه ...

         بكل الجوانب حاربة

على حسين انجلب كلش يزيد ..

وبكل الجوانب حاربة ...

سياسياً غصب حقة غصب ..

كاس الملك ذاك الوغد شارُبة ...

عسكرياً ..

 ترس ارض المعركة ارجال برجال ..                              185

على حسين واصبحت غابة ...

اعلام وفكر ..

مرة خارجي مرة مو سلطان ..

مرة يزيد الملك ..

 ومن صليبية زمانة هالفكر جابة ...

اقتصادياً ممنوع التسوق ..

ممنون ع جيب الماي ..

واظن دوة السجاد محد جابة ...

              منهج السفْيَنة

إمؤسس منهج السفْيَنة ومخترعة يزيد ..

وآباءة من قبل ايضاً اخترعوه ...

وآباءة اشباه البشر واشباه الرجال ..

وبالطبع هو مثلهم والولد يشبه لابوه ...                                                   

        مصفر رصيدة

ايمان ما يمتلك بس الكفر ملكة ...

ومصفر رصيدة اجر واحد ما يملكة ...

ويزيد إذنوب عندة ..

بكبرج يا ارض مكة ...

        

                                                                            186       

           إمعلم ابليس

من سواد الليل اسود إو اكثر سواد ...

كلب إووجه يا إمعلم ابليس إعلى الفساد ...

يا يزيد واسمك منمسح من دفتر العُباد ...

           كلك تطرف

كلك تطرف وكلك يا يزيد ارهاب ..

والحمامة البيضة خانكهة خنك ...

رجال وامرأة واطفال وشباب ...

قاتلهم قتل جا وين كلي الحك ...

       شاهد وعنوان

ماكولن يزيد ابليس إواظلم ابليس ..

واكلك ستين فدوة إتروح للشيطان ...

يمعادي النبي يمعادي اهل البيت ..

وعلى اجرامك مجازر كربلة شاهد وعنوان ...

             يزيد ارهابي

يزيد ارهابي وكلش حيل ممقوت ..

على حسين وشيعتة بَيَن ارهابة ...

واسد بالوحشية لا بالشجاعة ايزيد ..                                                      

شر وجلابة واعتداء ..

وصُبح بيهن سيد الغابة ...                                           187

                                 

                              ملك النجاسات

كلبة فحم بس قصدي مو مقهور       إذنوبة هواي قصدي ومملي شينات

وذرة طيب ماكو وذرة اخلاق         بيزيد الملك ملك النجاسات

             اكبر مضل وضال

لا تقوة لا مبادئ لا دين لا اخلاق ..

لا حياء إمن الخالق لا مستحة إمن المخلوق ...

لا عبادة إولا بالكلب نور ..

تاجر بالضماير وإلهن مفتح سوق ...

يزيد اكبر مضل وضال ..

وكرسيك يا حكم بجفوفة مسروق ...

وزينة بحياتة ما عندة فد يوم ..

وبابة بجف شكو مو زينة مطروق ...

                                  اسيوف بالطف

إسيوف هواي شاهر ضد الإحسين       وضد امة محمد مسخ مخطوف

قتال وقتل والجوع والتعطيش            وفلوس وخداع ومنصب وخوف

ورفعك للرؤوس إبروس الارماح        وتجنيدك اوغاد هواي آلوف

وعلى حرب حسين شرعت القوانين     جا وين المستحة إمن الله والخوف

على منصب مو الك لحسين تدريه       وسبيك للعوائل هاي كلهة اسيوف

                                                                            188               

                                  اطلق سهام الليل

بند بنودة وجند جنودة لحرب الحسين    

                                            واعلنهة حرب واطلق سهام الليل

وهمة ينهي اسلام ربنة ويجيب              من جيبة اسلام عالامة دخيل     

وقرآن اموي لو صحلة مجال                يحطة عن كتاب اللة بديل

والمبادئ السامية إمن الماضي تصير      ويجعل سبيل السفْيَنة هو السبيل

وممنوع اخلاق غير اخلاقة يزيد           وراد الحكم حكم سفياني طويل

                اخو الشيطان

شفت كفرك شخص ويشمر سهام ..

سهم عالباري وثاني عالدين وسهم عالقرآن ...

ورابع عالنبوة ..

ومن جف كفرك يا يزيد ..

الخامس متجه نحو الامامة يا اخو الشيطان ...

            ملك الاجرام

اعتذر لاشباه النسة ولاشباه الرجال ..

واعتذاري فقط للما عدهم اجرام ...

اذا بيهم ساويتك يزيد ..

يالوجهك أمن الذنوب اسود إصخام ...

لو كلت اشبه بالرجل ..

واعيد اعتذاري ..                                                        189

لو كلت هذا الكلام ...

وحتى لو كلب عنك اكول ..

تصح جلاب تحرس تحمي الابيوت ..

قليلة بحقك اذاً يا ملك الاجرام ...

         بساحة التحرير

حقيقة ومقتنع بابليس يشبهلة يزيد ...

ابليس يؤمر بالقتل ملعون ..

واتباعة تحز اركاب بسيوف وحديد ...                                                         

وقتل معصوم إوولي لله مو بالايد ...

اما يزيد فاللعنة بكل وكت تلحك يزيد ...

اُمر يُقتل حُسين بساحة التحرير ..

واتباعة نفذوا وقتلوا إحسين ..

وعلى ايد النذل صبح شهيد ...

        

        يزيد وابليس

يا هو احسن يزيد أم ابليس ...

ابليس اُمر ان يقتل إحسين ..

ويزيد ايضاً امر لاتباعة المفاليس ...

واثنينهم لكن بجف الغير ..

قتلوا ذاك الذي عالدنية رئيس ...                                       190

لكن الاحسن الاحسن ابليس ...

لان ما وزع على قتل السبط ..

مثلك يا يزيد إفلوس ...

          لعنة يزيد

يا قاتل حسين وشيعتة ..

باب الشفاعة بوجهك مغلق ومسدود ...

وهسة بنار برزخ وباجر بنار الخلود ...

ومن رضة الباري وجنتة .. ومن خير اللة ورحمتة

يزيد انمسخ مطرود ...                                                                        

           ديوان قطار الثورة                                                                                                                             

              جهود جبارة                                                                         

مادام الكفر ما دام ..                                                                             

وانهجمت عليه دارة ...

وكض الباطل وشد عينة حسين ..

وكَص للظلم بيدة اظفارة ...

وبطريق الشر حطالة سد حسين ..

وبعد وبعد ..

كل امر مو زين ليهم ما وصل ..

لان الهم صارت حاجز افكارة ...

كل هذا بجهود حسين ..                                              191

وطبعاً جهود حسين جبارة ...

       اعجوبة الكون الوحيدة

معروفة بالحرب يخسر المكتول ..

والقاتل ينتصر لان نال اليريدة ...

لكن صار بكربلة المكلوب ..

يُقتل او ينتصر مولاي ..

اهدافة اتحققن بيدة ...

يعني حسين امدومن إمن الراسين ..

وهاية اعجوبة الكون الوحيدة ...

ومن بعد ما بالجسد مات حسين ..

رفع راية نصر بيدة ...

وانتصر اول ما حارب حسين ..

سن ثورة ..

واصبحت منهج اتباعة المجيدة ...

                                الاجل ضيف

خوف الخوف حسين وشردة بعيد    وخوف كلوب الاعادي بشهرة السيف    

وشرة بدمة الشموخ وما كال ما اريد  

                                       ولا نطق بإسم الندامة وجلمة الياحيف

واجة الموت يمة وعلمة يصيد        ونزل ساعة الاجل بجيوشهم ضيف

                                                                            192       

                                     يا هيبة الشيعة

حسين يا صاحب فخر يا هيبة الشيعة       ويا تاج الشهامة ولشيم مرجع

مصابك يا شهم احية الشريعة               وما شفنة حزن اشد منك وافجع

وللاجيال ثارك ضل وديعة                  ثار الله ثارك والملأ تسمع

ذبحوك بغدر ذبحة شنيعة                   ومصابك شديد ولسمة دمع

                                    منبع كرم

حسين منبع كرم ينبوعة صافي              والكرم دوم يفيض بكرمة 

حسين مصدر علم بعلومة وافي             ويحب كلمن يقتدي بعلمة

حسين ما خلة فقير بوكتة حافي             ويلم بيدة اليتامة وتفرح بلمة

                   راس الهرم

راس الهرم باخلاقة جان حسين ..

ابو اليمة كمر عاشك ليالية ...

وعبادة كل وكتة جان حسين ..

ابو اليمة بلم رافك شواطية ...

              الطف رصيف

صرت يا طف كربلة كلك رصيف ..

وعلى اطرافك اطهر اجساد مشمرات ...

وعراق حسين ..

مثل حسين صاير بالشهادة ..

وعلى نهج يزيد ذبحتنة العصابات ...                                  193

             بيد حسين                                                                           

الامة بيد حسين ..

خل ترفع لواهة ...

وعادي يا رب ..

كلمن بالشر اعتناهة ...

        طير الهداية

يا طير الهداية وعالكون وكر ..

ونسماتك ابو اليمة عطر ..

وبيهة احنة نتعطر ...

وعلى بحر الضلال ..

وعلى بحر الذنوب ..

حسين معبر ...

        ليس وحيدا بوجود العباس

اشلون تكول وحدي وجيشك العباس ...

وجيش من الزلم عباس ينقاس ...

        نحن وحب الحسين

معزتك جبل ..

وبكلبي ما تنزاح ...

وبذر حبك بالكلب ..

يحسين زرعوه ..                                                       194

امي وأبوي اثنينهم فلاح ...

         إرفع الراس

ليهمك حجيهم وارفع الراس ...

وما عدهم شخص بحسين ينقاس ...

         الفكر المتين                                                                                  

ما عدهم علم ينقاس بعلومك ...

ابو الفكر المتين حسين لهذا يومك ...

           يزيد اعترف

على الظالم نكدر وعلى المظلوم نكول :

محق وباطل ..

وحقيقي حجينة ابلا وهم ...

على حسين ويزيد بمعركة عاشور ..

خل إنطبق حجينة يا نساء ويا زلم ...

واحنة اصحاب الدليل ..

وحيث مال إنميل اوية الدليل ونلتزم ما ننهزم ...

حسين ثار باهداف ومطالب وغايات ...

إووحدة منهن يرجعلة يا ترى كرسي الحكم ...

وسجادة من خطب حاضر يزيد ..

وإبن المقتول ظلماً وصلت اسماع الخصم ...

وماطولة سكت وما برر موقفة الممسوخ ..                            195

دليلي اعترف بحسين الخليفة وانظلم ...

          دليلا بالقيادة

سلطان ومُلك توكيد للسلطان ..

من عدنة خذيتة زينب يا يزيد ...

ونَجيب حسين كالت لابن ميسون ..

ومعناهة للزعامة وهذْا هم توكيد ...

ولزينب مدح منهة الخطاب ..

دليلاً بالقيادة إعترف لحسين الشهيد ...

      

    مثل طعم التين                                                                                     

اخلاق حسين كبرى ..

كبرى ومثل طعم التين ...

ومثل شيل الجنح للريش ..

شال التقوى بضميرة حسين ...

وحجت كلوبنة حبة ..

بس عكس حج الله ..

حج اللة محدد وحجهن بكل حين ...

وكالن نريد حسين ...

لمن على الروحة اسألوهن وين ...

وحب حسين واجب وفرض ودين ...                                  196

لان ابن النبي ..

 من قربى محسوب ..

واذا غلطان جيبولي البراهين ...

         اصلاح حسين

اصلاح حسين يشمل عدد حالات ..

سياسة واقتصاد ودين واخلاق ...

والطف منبر اعلامي صار لحسين ..

افعال وفكر ..

الهن بدة منة انطلاق ...

             نور ونار

نور ونار ...

نور لاتباعة الحسين ..

وعلى العاداه طبعاً نار ...

ويا عُمار ويا دمار ...                                                                          

اخلاق ودين متقيدة بخطتك ..

اقصد خطة الاعمار ...

ودين اللة كمل وانحفظ بإثنين يا مولاي ..

بدماك انحفظ ومنك مكتمل بافكار ...

وسلطان الظلم منهجك خلاه ..

يحسين بحضن جف الدمار ...                                          197

ويا كرار يا فرار ...

على كوم الخصم ..

يا للبطولة اشلون كرار ...

ومن دنية مناصب ومال وجاه ..

اسرع إمن الضوء في حال الفرار ...

وانت جنة وانت نار ...

الجنة لليتبعك مسكن تصير ..

ويصير الما يتبعك حطب لنار ...

وضوكت الخصم طعم الهزيمة ..

وكلمن على نفس النهج ضدك سار ...

وبسماء المجد بزغتلك اقمار ...

ولبست الخصم ..

ثوب المذلة وثوب عار ...

         حسين نعمة

ولي الله بكتاب الله موجود ...

وبْولايتة موجود حسين نعمة ...

وكلمن ما يتبعة وما يقر بيه ..

عن طريق الله بالعجل يعمة ...                                                      

        قطار الثورة

قطار الثورة ثورة حسين ..                                             198

على سجتك يا نصر فات ...

مات الكفر وبفكر ابو السجاد مات ...

وفكرة حلف سوة إويالخلود ..

وحقق ابو اليمة بثورتة الغايات ...

           ديوان لسان الحق

              باحترام

الفضائل ..

 باحترام الباري لبو اليمة قدمهن ...

ومن علو اخلاقة ..

ومن طيبتة حسين ..

من كل كلبة احترمهن ...

وناضل من اجل عدة قضايا حسين ..

اصلاح الامة ..

 وحفظ الدين ..

وارجاع الخلافة ..

واستشهد من اجلهن ...

       اجمل ما في الكون

مو بس مية بالمية كمال حسين ..

لا بالمية كمال حسين مليون ...

وجمال الروح روحة فلا موصوف ..                                  199

لانة اجمل ما بهذا الكون ...

           لسان الحق                                                                                     

حلك الحق ..

وللحق ابو اليمة إلسان ...

ونصر الحق ..

يشتريه ابو اليمة بيش ما جان ...

      قادر على القيادة

مو بيد وحدة تكدر تدير ..

لا سكان الكون باصبع تكدر تديرة ...

ومو بس سيرة اوضعت يحسين ..

لا للخير اوضعت مية الف سيرة ...

                                     حزن الطف

شفت الغيم يمطر سعادة وهاطل افراح   واشوف الناس منة تحمل حضون

وألم بسلة فرح واسمع وراي صياح      لن شفت السعادة مغطية المتون

اهلاً بيج واحلم بيج مرتاح             وجان اسمي بهواج العاشك المجنون

سنين اسمج غاب عني وبالصبة راح    وهسة انتي والفرح وياي تمشون

وتلكاني حزن الطف شايل سلاح

                                      ولن شفت السعادة والفرح منة يشردون

              جن اللة تطوع

جن اللة تطوع ..                                                        200

ولقضية حسين بالكيف ...

هذْا الجاب رمحة ..

وذاك الجاب سهمة ..

وهذا الجابلة سيف ...

آمرنة وشوفنة اشلون ..

مو من شيعة إبوك ..

اذا منخلي الاجل بجموعهم ضيف ...                                                                

لان صعبة عيونة تشوف ..

منهم واكع عليك الحيف ...

شكرهم من صميم الكلب مولاي ..

ونطق بالطف مو واجب ترفعون السيف ...

          فتح باب الخلاص

حسين بكربلة ما شال بس سيف ..

لا مفتاح الخلاص بجفة ايضاً شالة ...

وبي فتح باب الخلاص وكال يا ناس ..

ادخلوا ودخلت اجيالة ...

            لتايه دليل

حسين اشلون ترحل ..

هذا مو وكت الرحيل ...

الدنية احتاجتك ..                                                     201

واحبابك ما لكوا غيرك بديل ...

واحمي دين اللة تعال ..

وصير لشيعة كفيل ..

وصير للخايف محطة ..

وصير للتايه دليل ...

وإلبس اجفان الشهادة ..

وخيط حلوك القيادة ..

والغي كلمة مستحيل ...

      

       الحسين لا يهتم للخطر

ايمانك اصل مو كلمة تنكال ...

وانصارك اسود وبيهم اشبال ...                                                                        

يا معنى اسم المحطة لكل الاجيال ...

خدعوك برسايل يقرن تعال ...

صعبة وداعتك يا دكة الانذال ...

وحسين الخطر بعيونة تمثال ...

وبالزينات حسين للعالم مثال ...

                             

                          سبب خيانة الحسين

خواف الدهر خان وية حسين      وعمت عين الجبان الخان وياك202 

وانصارك شجاع وقرة العين          وانت لوحدك يحسين ما خلاك

           احمد الله على نصره للحسين

حمداً وشكراً الك ..

لا منتهى لحدة ...

جة نصرت حسين ..

ذاك المصطفى جدة ...

         السيف المجرد

انت حسين صايل كالاسد ...

وانت حسين انت السيف المجرد ...

ودين اللة يا شهم بيكم استنجد ...

          حبيبي المدح

شخذ عقلي مديح حسين ..

لو ماخذ افكاري ...

بستان عمري وبعد ..

لو خضر ازهاري ...

منهل شرابة عذب ..                                                                                  

للكاتب ولسامع وللقاري ...

وشمحلة نسيم المدح ..

لو هب على ادياري ...

ربيع الزمان المدح ..                                                   203

لو هل تورق اشجاري ...

وحبيبي المدح بي قربي للباري ...

ولو اسكن الهيمة ابلا بشر ..

هم عندي المدح جاري ...

واتمنة وي المدح اندمج ..

ويندمجن اشعاري ...

واتمنة اكضي العمر ..

 بس للمدح قاري ...

       

     اتفاقية

آنة حسين ..

وحسبت جروح كلبي وعدن المية ...

وعفية كلبي اشلون صابر عالاذية ...

وكلساع اسمعة يكول ..

صبراً هاي هية ...

عفية كلبي شكثر صابر ..

صبر ابلا جبر صبر ابلا تقية ...

وخطية ما ينام الليل يا عالم خطية ...

وليلية إمن المصايب لام كونية ...

وتدرونة اويالحزن سوة اتفاقية ...                                    204    

كعدة من الصبح لليل ومسامر سوية ...                                                       

وعفية ما جزع ..

رغم يومية الحزن خطار يومية ...

            تعالي

تعالي يا سيوفَ الكفرِ وافعلي ..

راسي عن جسمي حشنة حش ...

ورشن دمي ..

على كاع اللة رش ...

وجسمي بديجن كطَّعنة ..

وفوك كاع الله طشنة ..

يا سِيوف الكفر طش ...

حتى الخلق يعرف بالاسلام اثنين ..

ويختار الصحيح ويترك الواضح بالدغش ...

وحتى الدين يبقة بقوتة ..

وما ينتهي وليصير هش ...

وحتى ما واحد من بعدي يجي ..

حسين يكول ولامتي يغش ...

          نادة حسين

نادة حسين امتة ..

بس كافي سكوت ...                                                    205

الصمت مو طبع اليشم الهوى ..

الصمت طبع الشبع موت ...

         رسك التوحيد

رس التوحيد رسك يا حسين ..

بكتاب اللة وجدناه ...                                                                            

إورس الشرك ..

ما وصل يمة ولا تدناه ...

        حسين مجهر

لو ردت تعرف الخادع ..

وتعرف المخدوع فإبشر ...

شوفة من خلال حسين ..

لان حسين مجهر ...

       الحسين منقذ

جفين الاله حسين ..

وبي انقفذ اله الناس ناسة ..

من الظلم ومن الهوان ...

وخلصكم اله حسين بحسين ..

من خراب الضماير يا امة القرآن ...

ومن خراب عقولهم خلصهم بالحسين الله ..

خاف ابلا تفكير صائب يبقة الانسان ...                                206

ومن خراب الشرف ..

ومن خراب اخلاقهم ..

 بي خلصم الرحمان ...

وبي انقذ الامة من شرٍ لا يطاق ..

اقصد من مبادئ بني سفيان ...

وبي خلص من التزوير والدس ..

دين آخر نبي آخر الاديان ...

ومن التحريف خلص كتابة الله بحسين ..

ومثل باقي الكتب ما صار ضل هو هو قرآن ...                                                  

وبي انقذهة المبادئ ..

خاف كلهة تصير ..

مبادئ في ذمة النسيان ...

       اطلق رصاصات

حسين بكربلة اطلق رصاصات ..

وصابن ما خطن كلهن هدفهن ...

رصاصة براس الشر طلقهة حسين ..

وشرايينة العِفن خلص بالعجل دمهن ...

وبكلب الضلال حسين دخلت طلقتة ..

وسنين العمر بيد الموت سلمهن ...

ونزف دم الظلم وانتهة ومات ..                                         207

لمن بالكلب طاحت وحدة منهن ...

ورصاصة برية الباطل سدد حسين ..

ورياتة الهوة واللة انكطع منهن ...

ورصاصة بالخداع اي والله ..

وانفاسة بالعجل يا ناس خمدهن ...

والتحريف اوية الدجل وي الخراب ..

برصاص حسين ماتن من وجها إلهن ...

                                  

 

                                    ديوان سفينة هداية

                                       سفينة هداية

رحلة ولارض الهداية انطلقت الرحلة     ومن بلاد اسلامنة يبدأ الترحال

وحسين السفينة وايضاً القبطان            وتشك بكل وكت موج الضلال

وشالتهم من اجوهة وتركوا الغير         وبكيفة الهة الكلب وية الفكر مال

وركاب السفينة كلهم للسفينة احباب       وهدية للسفينة اهدوا كلهم الدلال           

وكبال عيونهم من شافوا طريقين         الاول رضا الباري والآخر المال

وبالاول لافتة وفوكاهة مكتوب حسين    يعني عاليريدة اللة حسينكم دال

وبالثاني لافتة وبيهة صورة نار          يعني متعذْب اليفوتة لا محال

اختاروا ابو اليمة قائدهم يكون        وتركوا الما يعرف يَمينة إمن الشمال

                                                                            208

        على باب الخلود

كض دين اللة وطكة بجتاف ..

وبطريق اللا عودة مشاه يزيد ...

وانقذوني تعال الدين صايح يا حسين ..

وعلى جية خيولك فار الجيد ...

وشافنك عيونة جاي لة بجيش ...

حتى يرجع بنص ناسة يعيش ...

ورجعتة ويزيد بطريق اللا عودة مشيتة ...

وبدمك نكعيت إصبعَك يحسين ..

وعلى باب الخلود ..

حسين ودين خطيتة ...

       مصحوب بدليل

صحيح إتباع حسين ..

ومبرئ الذمة ...

ومصحوب بدليل وتشهد الامة ...

        شكوى الحسين

كعدونة بالخرابة وجتفونة بالحديدي ...

وسيرونة بالبراري وقدمونة ليزيدي ...

حسين يكول .. اشكي لرسول

وامي وابوي الحيدي ...                                                 209                                                                

            شهادة وفاة

خط بالطف بيدة ليزيد حسين ..

شهادة ولفكرة المشؤوم تعلن وفاتة ...

وتبع سنة آباءة وتبع للقرآن آياتة ...

وتبع خصمة الدَنَية وتبع شيطان ..

وتبع نفسة وتبع شهواتة ...

       مو بس عرب

مو بس عرب ..

لو جن وانس تضافر على حسين ..

لما ولاهم حسين الدبر ...

وعلى حقة هم جا قاتلهم حسين ..

واما النصر او الشهادة ام النصر ...

       حسين ويزيد

حضر بالطف علي وبكامل اوصافة ..

بس اسمة جان حسين ...

ومعاوي جند على قتلة بكثافة جنود ..

وجان اسمة يزيد شكد لعين ...

         قتيل الصليب

الصليبية أدلوا برأي قتلك يا حسين ..

وسرجون الصليبي الادلى بالراي ...                                   210

يعني الهدروا دماءك سيدي اثنين ..

الصليبية بحجي ..

ويزيد بسيف يا مولاي ...

        الحسين ممهدا                                                                                

لان خلة عند الناس العدل مطلوب ..

وخلة رفع الظلم عدهم حاجة مرغوبة ...

وخلة كلام اللة وسنة اربعطعش معصوم ..

دساتير بكل وكت للناس مكتوبة ...

ونظام الحكم بيد الباري خلاه ..

وعين احكام ربنة بطريقين ..

بكلام النبي وآيات بكتاب الله مكتوبة ...

وخلة نشر العدل وانهاء الجور ..

واصلاح الوضع وضع الناس ..

عند كل امام اهداف مطلوبة ...

وخلة الناس تريد الحاكم المعصوم ..

لانهة من يزيد واشباهة متعوبة ...

اذن للقائد العادل مهد حسين ..

المهدي ..

اللي ظلام الارض من عندة مرعوبة ...

                                                                           211

             بجهود حسين

بجهود حسين ساق الكفر ما اشتد ...

وبحبل فكرة الضلال محدد تحدد ...

وبسيفة شفنة الظلم طايح امدد ...

وعمة الباطل حسين ..

وما يشوف بعيونة بعد ...

وبوجه الخراب حسين صاير سد ...

واسمة بتاريخ الخلود الواضح اتقيد ...

وللذل عن وادم جثيرة حسين شرد ...                                                                         

والعز إلهم سلماه حسين يد بيد ...

بالطف مرقدك ينزار وبكلوبنة مرقد ...

يالشايل شجاعة علي وخلق احمد ...

ويا وارث العزة إمن الابو يحسين والجد ...

الذلة عنك كالسمة والكاع وابعد ...

وكالكرار سيفك لارواح الخصم فرهد ...

صريع ومحد كرب لحسين محد ...

يا غيرة الباري ومن الخلق امجد ...

الروح التكض حبل ولايتك تُسعد ...

والما تكض حبل ولايتك للنار تصعد ...

                                                                           212

       برأفة كلب واشفاق

ما شفنة إولا سمعنة بيوم ..

يبجي على المقتول قتالة ...

لكن سمعنة والخبر موثوق ..

عالقاتل عيون المنقتل همالة ...

عيون حسين تبجي ..

 برأفة كلب واشفاق ..

على كوم الخصم لمن عرف لنار دخالة ...

شنهو من كلب سبحانك الله ..

وسبحانك شنهو من رجل هذا الكلب شالة ...

الرأفة رؤوف اشرت بإصبعهة عالحسين ..

والاشفاق اصبع شفيق حسين مدالة ...

وخطية عليهم كال ذولة حسين ..

ولكوم الخصم ناصح تعنالة ...                                                                   

يا كوم الخصم يا جيش ابن ميسون ..

افهمُوا شراح اكول ..

ولاجل ارواحكم طبقوا المقالة ...

خليفة للاله بهالارض لتذبحون ..

لان ذبحة النار ثقوا لا محالة ...

ما سمعوا كلامة والخليفة حسين ذبحوه ..                            213

وبقت تبجي عليه وتلطم اجيالة ...

       الحسين وغدر الكوفة

اهل كوفة علي وشيعتك احنة ...

سطور لنصرتك يقرن رسايلنة ...

والنص الالهي يكول بيدك امرنة ...

يقايدنة ويقايد ما خلق ربنة ...

يحتضنة قاربك يحسين يمنة ...

وقتلك من اجة كلولة غايتنة ...

اسمعوا يا شيعة بني سفيان كلمتنة ...

جهة غيري الشمال وجيهتي يمنة ...

وامد يمناي الكم ماكو يمنة ...

كلتولي ننصرك تعال بساع يمنة ...

اجيت وغدرتوا بالعجل بية ...

         بُولايِتك

الطاعة باتباعك تنقبل يحسين ..

والسيئة بُولايِتك مولاي مغفورة ...

ويزيد ابو العقل المعطل ..

والشغل للاهواء ..                                                                                 

ويا سجين الهوى ..

 ولاغي للعقل دورة ...                                                 214

         نورهن شارك

غارك بالعلم من راسك لرجليك ..

وخصمك بالعكس بالجهل يحسين غارك ...

إولا بالعقل لا بالكلب لا بالوجه نور ..

وانت إمنوَرات ونورهن عالكون شارك ...

          انت الاصل

شكو كلمة شعر او نثر يشجب الطغيان ..

بيهة صاحب الكلمة ...

وشكو مناضل قاتل الطاغوت يحسين ..

انتَ اصلْ ذلكَ ..

انت الاصل يا صاحب الحكمة ...

                                  

                                      براحتي

حسبالك غشيم وتلعب اخليك                   وبعد هم اعرف نواياك

ومنو الكلك ما احاجيك                        يزيد براحتي آنة احجي وياك

          حزنان ما فرحان

الحزن من حسين لو كل الخلق شالة ..

يبقة ويضَل حزنان ...

ولو بالفرح يغذي الفرح كلب حسين ..

طول اليوم كل يوم ..                                                   215

ما نلكة الكلب فرحان ...

يا مرسة الحزن يا كلب ابو السجاد ..

ليش الحزن صايرلك يا كلب سجان ...                                                            

وانت الحزن من كلب الغير تجليه ..

وتشريلة الفرح سلعة من دكان ...

راكس بالحزن والفرح ما لافيك ..

وطلكت الفرح ما طلكت الاحزان ...

كل هذا والصبر ما ناسيك ..

ولا للصبر فاتح باب نسيان ...

يمتاني الفرح كلك بالفرح آمال ..

ويفتحلك المهدي عالفرح بيبان ...

والحزْن ايتبدد ينتهي ويروح ..

منك يا كلب يالبالطيب مليان ...

                            شرب للخلق ماية

حسين كَبة والكون حبة                      بامر ربة فيا دنية اسمعي

فالق هام وقاتل الاحلام                   لاعداءة الامام بفكرة الالمعي

حبة السيف وحبة الضيف                مو جبر بالكيف لتاريخ ارجعي

مظلوم الكفر وكلبة كالجمر              حسينة الحر قتلاه الدعي

حسين راية وحجة وآية                 والامل والغاية لشيعة اجمعي

حسين كامل وللهدى حامل     وعالحق ما يجامل وبالحق يصدعي216

مصدر للهداية وشرب للخلق ماية     وبحر المعركة فاية ابطل واشجعي

             علموديش

سهم إشهدولي بالحقد مشمور ..

عليك حسين يا قدوة الابطال ...

واجت خيل المصايب من وراه ارتال ...

وهمومك جبيرة وتسكن الدلال ...

وكلبك محترك متكلي علموديش ..                                                           

على دنية حقيرة وعلى حفنة مال ...

وكلب حسين ..

اشر للحزن كلالة تعال ...

وينحر حسين يا اطهر نحر بالكون ..

سيف إيزيد منك يا نحر نال ...

وينحر حسين حلك دين اللة عطشان ..

ودمك على ذاك الحلك سال ...

على حسين ويزيد اشلون تكول سيدين ..

واخلاق حسين آية إمن الجمال ...

وابليس اذا حرك ضميرة يكول:

برجل حسين ما اخلي يزيد نعال ...

واذا عينك رأت شجار شخصين ..

شراح تكول يا واحد من العقال ...                                      217

مظلومين اثنينهم لو ظلام ..

لو واحد منظلم والثاني ظالم ليه ..

وخل جوابك ينفعك عن هذا السؤال ...

                              يشرق بالحقيقة

ليل الناس عينة إعلى الصَباح         وصُباح حسين يشرق بالحقيقة

وعلى صدر المنتظر هذا الصَباح وشاح          

                                       ومن يظهر المهدي يذبة إعلى الخليقة

                    ديوان غصن طه     

                     لا متموت

لا متموت .. لا متموت ...

ما طولك عالدرب بعدك تصيح بصوت ...

لا متموت ...                                                                              

وما دامك للكفر صنعيت تابوت ...

وما دامك هجميت وللضلال ابيوت ...

لا متموت ...

وما دامك علم ..

ويرف على إلمن جواه راد يفوت ...

لا متموت ...

وما دامك بالضماير اسم منحوت ...

لا متموت ...                                                             218

وما دامك فكر يحسين ..

ولفكرك ما وصل حلك الحوت ...

لا متموت ...

وما دامك محبة وما دام انت الود ..

وما دامك نهج فبعيد عن الموت ...

لا متموت .. لا متموت ...

        ارهبت ذاك الجيش

عليك إتجمهرت آلاف بالاف ..

الشكل شكل البشر بس الكلب شيطان ...

دافعهة الطمع ومتحفِزة بالخوف ..

وبالشر اتبركعت ..

عليك وبي خذت دور فنان ...

وعافت كل مستحاهة وذبتة بشط ..

وخرجت بلا رجعة ..

اخرجت من خانة الايمان ...

ونزعت عقلهة وزفتة بتوديع ..                                                                 

وخرجت من بعد من قالب الانسان ...

وتبعت حثالات الخلق ..

من صارت بجنب إيزيد ..

وعافت كل خطى الرحمان ...                                          219

وانت إلوحدك وارهبت ذاك الجيش ..

وكل ظنة يرهبك لكن طلع غلطان ...

يا قالب شجاعة وكلمن شجاعة يريد ..

يحط نفسة بقالَبك يصبح إمن الشجعان ...

ويحسين البطولة حزنت حزن يعقوب ..

لمن رحت عنهة وبقة خالي المَكان ...

                 غصن طه

يا شمعِتة عالي ضواهة ...

وبالليل جفهم ما دناهة ...

ويا كبتة كعبة تراهة ...

وجفوفنة نالت رجاهة ...

ومن كعبتة صاعد دَعاهة ...

وسور الامتة يا غصن طاهة ...

ويبخيت يا صاحب وجاهة ...

ويجف الخير يالمرضي عطاهة ...

نارك بالكلب يحرك لظاهة ...

ولحسين العَلة ولخصمة التفاهة ...

         بليالهة النور

ظليمة تجر ظليمة ..

والمظالم عليك إتدُور ...                                                 220                                                 

وجريمة تجر جريمة ..

والجرايم حاطتك سور ...

والامة عافتك يحسين ..

ماي بحلك ناعور ...

وعن نصرك تخلت ..

وتخلفت مولاي ..

ما جنك سورهة ..

إولا جنك الناطور ...

وإنزعت ثوب الوفة ..

ودارت وجهة بعيد ..

وانت إلاجلهة من قرريت إتثور ...

وفزعة رجل واحد ..

ما فزعت الك صوبين ..

وتعامت ما شافتك بليالهة النور ...

واخيراً ولاجل إسلامهة ..

بسيوف الوقاحة النحر منحور ...

ولاجل كل المبادئ والاخلاقيات ..

بسيوف التفاهة الدِمة مهدور ...

     

                                                                            221                              

                                   حياة الاجيال

 مو بجفوف الارض دم الشهيد يسيل   لا بجفوف الجليل حسين دمك سال

وبيد اللة عطاءك رأساً يصير           غذاءة وكسوتة إووياهن المال

واللة بكربلة حارب كل الاعداء        وانت الجنت سيفة وبيك لمن صال

وكتب اسمك لافتة ويشوفهة الكون    بآخر سمة حسين الحياة لكل الاجيال  

           الحسين كريما بكل شيء

 على اعتابك ..

وكفت كل الاجيال ..

على كلشي ..

ومدت ايدهة لجودك ...

وايدك ما قصرت ..

ما عرفت اللا ..

وترست ايدهم ..

من كل شكل ايدك ...

بالدنية إو آخرة وإبرزخ الميتين ..

وللجن والانس ..

يحسين الكرم عيدك ...

وتمليهة ..

جفوف البالكرم دومهة تريدك ...

ومن كثر جودك ..                                                       222

ما وشل الجود ..

وربك بالكرم كل ما تكرم يزيدك ...

          جثير الجود

الفقرة واليتامة والمساكين ..

ما دافعهم العوز ..

على حسين الدفعهم من صدك جودة ...

وعلى باب جودك ..

وكفوا .. جثير الجود ..

وما عونك بالكرم ..                                                                                                          

إلهم فاض وتبدة ...

وحتى ماي الوجه ..

لا من عدهم يسيل ..

انت إلهم بالعطاء جفك إتأمرة ...

ومتيقن إعلى جودك مالزموا سرة ..

إولا تعبن الرجلين ..

انت العليهم بالجود لازم سرة ...

             بيت القصيد

قصايد بالطف ترجم افعالة وافكارة ...

ضحاية إعلى الارض جانت اشعارة ...

وبيت القصيد النحر فايضة انهارة ...                                   223

حتى المبادئ ما تصلهة جفوف غدارة ...

واجتث شجرة خبثهم شجرة مكارة ...

وهجم بيت الضلال إبشعة انوارة ...

وجرف نهج الخصم بامواج تيارة ...

وعلى إشبابيج الخصم نزلهة الستارة ...

وألذ إمن العسل تطعم افكارة ...

إو امة أكتبت لحسين الكلب دارة ...

       

          مفتوح باب الكلب

مفتوح باب الكلب ...

من ساعة مولدي ..

ولحد لحظة الموت ...

لحب حسين ..                                                                                 

وبَلا إستئذان ..

يدخل .. يطب .. يفوت ...

                                مواكب الهوى

يا هوى هل في هواك تُمتعُ                  ام هواك على السرورِ يشجعُ

يا هوى هل في هواك نسمة ٌ                بيني وبين الحبيبِ تجمعُ

كتبت اقلامُ الهوى في الحبِ مقالةً          سعادةً في لقاءِ الحسينِ تصنعُ

ومواكبُ الهوى في اللقاءِ معلنةٌ           يأتي الهوى بالسعادةِ مسرعُ224

ويرسمُ اللقاءُ على المحبينَ بسمةً          وسرورٌ على قلبِ الاحبةِ ينجمعُ

وذابلةُ الافكارِ في اللقاءِ زاهيةٌ            والقلبُ لعذابِ الهوى يودعُ

ويفدي الحبيبُ لحبيبه مهجةً               وقليلٌ فداءُ المهجةِ لا ينفعُ

ويزهو الحبيبُ اذا لحبيبه ملاقياً          وعلاماتُ الزهوِ في عينيه تلمعُ

وتزهو الدنيا بهمْ انْ تسامرا              والحبيبُ لراحةِ من احبَ يتوقعُ

يا هوى لا تمنعُ المحبينَ لقاءهم         ولا ... لاحلامهم .... تقمعُ

         ابيع الروح

بعينك شفت لون العذاب ..

وبكلبك ضكت طعم الفجيعة ...

ولاجلك ابيع الروح مرات ..

ونهجك جذَب من كال ابيعة ...

والشيعة تفتخر قائدهة ابو السجاد ..

وآنة افتخر محسوب عالشيعة ...

       ما قاله الفرزدق للحسين

بالفرزدق من إلتقة حسين ..

عن موقف الكوفة سأل ...

كلبهة وياك كلالة يحسين ..                                                                

وعليك إسيوفهة تنسل ...

                             كلشي بمقتلة عاش

المنية إستحت ما وصلت حسين      إولا جفهة لمنحرة خطوة تدنة225

وطلبت إذن توصل منحرة المهيوب        لمن وصلهة ولجفوفهة اتعنة

وكاللهة اتقدمي وانطيني جفج عاد         اليوم يوم التضحية ولابُدَّ منة

اذا ما انقتل معناهة كلشي يضيع          والباري إشأكلة وشعتذر منة

واخذ جفهة بجفوفة وعالنحر خلاه      وجفوف المنية النحر بالحال لاحنة

ومظلوم إنقتل وكلشي بمقتلة عاش     وشهيد اتقبلة وارتضة المعبود عنة

                             الحسين اعجوبة الدنيا

عجيبة الشمس تسطع وسط الغيوم       وعجيبة النار وسط الماي وتشتعل

وعجيبة بالليالي الحالِكة ونشوف النهار  وعجيبة للقاتل المقتول يكتل

وعجيبة الدم يذبح بالسيوف      

                                     وعجيبة تتحرر ارض وي طبت المحتل

وعجيبة الورد ما يذبل بفرك الجفوف

                                       وعجيبة الورد للجفوف الفاركة يذبل

وعجيبة النصر بالحرب للخسران

                                    وبالحرب يخسر عجيبة العالنصر يحصل

وعجيبة الزرع يطلع لو كطعوا الماي   وعجيبة من يموت يغرد البلبل

وعجيبة تثمر بعد ما ماتت الاشجار    وعجيبة من ثقب الابرة يطب جمل

اقصد عجيبة بموتة يعيش انسان       ويموت الرايد بموتة يعيش وبالعجل

ذكر وفكر واهداف عاشن للحسين

                                      ومكان اشباهن بالتاريخ ولخصمة الزبل

                                                                            226

               رياح الهدى 

إغيوم اجت ومحمْلة افكار الضلال ..

بإتجاه امة محمد امة القرآن ...

ودتهة امية وما ادراك ما امية ..

ابالسة الخليقة واخوة الشيطان ...

ورياح حسين هبت بالعجل بالحال ..                                                       

وإنطلقت رياحة من داخل القرآن ...

ورياح الهدى إتلاقت بغيم الضلال ..

والنتيجة حسين باقي ..

ويزيد بذمة النسيان ...

                           

                            آسر كل الكلوب

على قمة المجد متربع حسين            وخصمة استقر في قاع الحضيض

حبيب الله وآسر كل الكلوب 

                                   وبنفسهن خصمك ميزتة ارخيص وبغيض

وراسك عالرمح مهدى إلاتفه انسان    يا سليبَ الجسمِ يبو جسم الرضيض

وندعي اللة برفعة مقامك بالحياتين  ودعائي إعلى الخصم وبلعنة عريض

وصحيح الفكر انت وسليم الراي    وركيك الراي خصمك وفكرة مريض

            معاني ثورتك

على جبينِ المجدِ من ذهبٍ ..                                            227

اسمك يبو السجاد منحوت ...

ومعاني ثورتك حية ..

حية وتخطت حاجز الموت ...

          في طف الاحزان

في طف كربلة في طف الاحزان ...

ناس بمنهج جاهلي تقاتل ..

وناس بمنهج القرآن ...

وبوادم اللة تقاتل وادم الشيطان ...

وناس تبعت محمد نبيهة ..

وناس انقادت لابو سفيان ...                                                                               

وناس لابليس تقدم ضحايا ..

وناس للة شما قدمت قربان ...

وناس حسين يقودهة ..

وسكنهم بأحسن جنان ...

وناس قائدهة يزيد ..

وسكنت النيران ...

       

            مفتاح النصر

ما عاف الوفة ..

للوفة وللما وفة وياه ...                                                 228

وبحر الخير ..

بيد حسين انفتح مجراه ...

وعلى نصرك نزل جبرائيل ..

وافاج افاج إمن الملاك اوياه ...

وجن اللة حضر ..

وتخوض المعركة رادت سراياه ...

لكنك إتعذرت ..

وبعدهة إتشكرت ..

وإلهم حجيت وكلت .. ما معناه ...

عوفوني وية الكفر ..

بدمي اريد انتصر ..

حالف وانكس إلواه ...

ومفتاح النصر ..

إمن ايد اللة تناوشة بيمناه ...                                                                             

        جراثيم الارض

جراثيم الارض منزوعة خجل ..

باحقاد ملتمة ...

على حسين السبط ..

وسيوفهن رادن شرب دمة ...

وبديهة إسهام مسمومة ...                                            229

وبديهة إرماح ملغومة ...

واجنة بخطة مرسومة ...

وينزرعن رادن بجسمة ...

وهدفهن ينلغي الاسلام ..

وينلغي دور الامام ..

والسيطرة لو عاشت امتة بعتمة ...

وإبلا مروة اتعنتة ..

وبالشر الاحمر جتة محزمة ...

واجتة بكل قساوة نفس ..

وكلوبهة ما تعرف الرحمة ...

كل هذا وعليهم شالتة الرحمة ...

وارويحتة كلش حنينة ..

من عليهم دمعت عينة ..

لان عرفهم ..

للباري راح يضوكون اجهنمة ...

وبقتلة هم انتهوا ..

ودينة البقة وي فكرة وي اسمة ..                                                          

           ديوان الحب المباح                                                                                                                                 

             قائدنة وابونة

حسين قائدنة وابونة ...                                                  230

ونفتخر احنة بنونة ...

وعطرة سيرتة ..

وكلش حيل مزيونة ...

ومتوقد سراجة ابوسط هالكون ..

وصادق لو كلت عالكون كونة ...

وحربة عالضلال وعالكفر لازال معلون ..

ولآخر لحظة بهالدنية الحرب معلونة ...

ونورة من شرق طبعاً على القسمين ..

شارق عاليتبعة وعالما يتبعونة ...

يعني بقاموسة الانا محذوف ..

شيعة سنة بالنصح نفس الشي ..

يعني اثنينهم ناصح يعرفونة ...

ومو بس الكون وحدة انفتن بحسين ..

املاك كسر بجمع بحسين مفتونة ...

والواحد المنهم عشك ..

وبحبك جنت جنونة ...

وفوك حبهم الك ..

حب اللة فوك الكل ..

وطاعِتك وي طاعِتة جاعلهة مقرونة ...

اذاً هذا المجد وية الفخر هذْا ..                                         231

جن وانس وشما حاولوا ما يوصلونة ...

ولان احنة حبينة ..                                                                                                     

وعلى نهجك الواجب مشينة ..

لهالسبب تدري النواصب كفرونة ...

           الحب المباح

لا تلوم الروح ..

عدهة الحب مباح ..

ودت حسين وعشكتة ...

ولتلوم الكلب غارك في هواه ..

وهوى المحبوب لذتة ...

وذايب ببو السجاد شفتة ...

ويعاند ويزَيد عنادة ..

عن حب اليحبة شما منعتة ...

ولا تستهزئ بعقلي وتستهين ..

يم شباج فكر حسين جبتة ...

وكل جزء مني اعلن ارتباطة بالحسين ..

وجايب من رسول اللة فتوِتة ...

وعلى لطم الصدر تنعتي بالمجنون ..

كلام بلا علم يثبتلي صحتة ...

على حمزة مو لطم صدرة الرسول ..                                 232

يعني اللطم جائز مو آنة شرعتة ...

                     طفولة الحسين ومصاب الزهراء

بردنة البارحة ونمنة عالكاع               وبعباتة البرد غطانة بعدين

ونسينة وغطينة صحنة بساع              وبجينة بكيفنة وفززنة الجوارين

ونمنة ابلا عشة يا جف الاشباع           ومن مشط شعرنة يالتمشطين

وبجفة الموت حطج يمة بساع       

                                       وما رحم زغر العمر بينة يالترحمين    

وتمنينة الممات إولا وكت الاوداع         ويا ساعة السودة من تودعين

وبعدج ييمة صعبة الاوضاع              وهذنة هدومنة ينتظرن تغسلين

وسفينة الكلب واحزانج شراع            وبحر الهم والحزن يا يمة بحرين

وابونة المنكسر للنوم شو باع             ومشتراتة السهر ها يم الحسين

وبيبان الحزن كلش بالمصاب إوساع     طبينة والفرح سددهة الروازين

وحرام يضوكنة الموت الاوجاع          وانتِ مو شخص عادي وتموتين

وما قلعنة إولا منة شفنة إقلاع            حزن حسينج عليج وكلهم الباقين

ونصين العمر نص للحزن والثاني اوجاع 

                                            وبْمصابج هالعمر يا يمة نصين

وبعدج ييمة البيت شو ضاع              وبعد جفج من يلمنة يالتلمين

                              الانترنيت الحسيني

انقر عالكلب يطلع موقعك بيه         ومساحة موقعك كلش جبيرة

وانقر عالعقل تطلع قناة النور        بيوتيُوب افكار ابو اليمة الغزيرة233

ومنتديات كلوبنة مليانة كلهة حسين       من اول حرف لنقطة الاخيرة

وكوكل افكاري من تفتحة تشوف   

                                        حسيني تلكة مذهبي وللحظة الاخيرة

وتصفح باطني واتصفح ظاهري إنوب   تلكة حسين اولة وحسين اخيرة

ومنهج ابو اليمة مركز التحميل           نحمِّل سيرتة وهي ارقة سيرة

والويب إوية فكرة اجمعهن وشوف      ناتجهن هداية كون بافكارة المنيرة

ومعنوياً مشاهدينك اقصد بكل الكون    الكون باكملة إمن زغيرة لجبيرة

وموقعك بس هالمرة مو عالنت         إمام الجن والانس يا توم للغيرة

وهالقصيدة قطرة من بحر شعري     عليك وامامك هالبحر قطرة صغيرة

                                  حبل الحقايق

على حبل الحقايق شرهم حسين        ونزع ثوب الفضيلة بثورتة منهم

ورسم دستور ثورة بثورة الطف      وسمة بروحة المجيدة وما نزل يمهم

ورسل بجناح الشهادة الفوز لحسين    ربة وكتب بيهة المات منهجهم                

وعاش ابو اليمة بمنهجة عاش          وشاف اللِشافة وما رضخ إلهم

             ثورة الحرية

يانياب الفساد ومخلب الجور ...

امة بلا مصير وحقهة مهدور ...

ثورة تريد حرية ...

وترفض تحكم بني امية ...

ثورة امام بيوم عاشور ...                                             234

          يزيد والخجل

سألت الخجلْ ..

عن الشيطانِ هل خجلْ ...

فقال: لا، ولكن لا تفقد الاملْ ...

واعلم بأنَ هذا محتملْ ...

وعن يزيدٍ سألتُ قائلاً:

هل ما اعنيه قد حصلْ ...

فقالَ: لا، لا يحصلْ مستقبلاً ..

ولا في الماضي قد حصلْ ...

بل لا حتى يلجُ في سمِ الخياطِ الجملْ ...

وما تعنيه يا فتى ..

لن يصلحَ ان يكون ولو املْ ...

واقطع كما انا ..

ان كان لديكَ (فد) املْ ...

         لآخر لحظة

يا نجمة هوى المحبوب ..

دوم تغازلج عيني ...                                                                         

ويا نسمة هوى المحبوب ..

سكنتج شراييني ...

وحروف العشك ..                                                      235

تصدر من دواويني ...

يا اول حبيب بدنيتي حبيت ..

ولآخر لحظة بسنيني ...

وحبك اصبحنة ويصبحني ..

وامسيه ويمسيني ...

وصرت إوية الكلب نبضة ..

وما عافك ولا لحظة ...

حبيبي وللدنية اعلن حسيني ...

       مات يزيد قبل موته

وهو عايش ..

وكبل ميموت ..

يزيد بكربلة مات ...

لان عند اصحاب الضماير والعقول ..

نهة نهجة حُسين إمن الحياة ...

                              الحسين والحقيقة

لطخوا وجه الحقيقة بالضلال              وحسين بماي الفكر رجع وجهة

وحمة روح الحقيقة ..

إمن سيوف المضلين ..

من شافهم جابوا نعش الهة ...

بريئة ..                                                                 236

وبراءتهة براءة بنات بيوت ...                                                             

بريئة ..

وليش بيا ذنب رادوا تموت ...

واستغاثت ..

ألا هل من مجيب ..

وغيرك من وصل يمهة ...

وهي اختك وانت اخوهة ..

وهي بنتك وانت ابوهة .. وبالطبع امهة ...

         الحرب الحارة والباردة

الحرب الباردة قامت ولم تقعد على حسين ..

والحرب الحارة طبعا مثلهة ...

وما بين هاي وهاي ..

إتأذة مولاي ..

واذيتة اشلون شلهة ...

وقابلهم بالمثل ..

وحاربهم بحربين ..

إووحدتهن آتت لبو اليمة اُكلهة ...

                           عن الحسين شاطحة

يا كوفةَ الخرساءِ ذاتَ البكمِ          اين الكلامُ مع الحقِ لصالحةْ

يا كوفةَ العمياءِ لا تبصرين عجباً   فطريقُ الحقِ يا عمياءُ واضحةْ237   

يا كوفةَ الصماءِ والنداءُ جاءكِ          ونداءُ الحقِ للاسماعِ فاتحةْ

اراكِ يا كوفةُ مع الحقِ مشلولةً         ومع غيره تركضين سارحةْ

سؤالٌ واتركُ الجوابَ لعاقلٍ            أماءُ الباطلِ عذبٌ ومياهُ الحقِ مالحةْ

ام انَ جبنَ السيفِ وبالمالِ طمعاً       فمنْ جاعلها عن الحقِ شاطحةْ

              نحو شاطئ الموت العزيز                                                  

هل طارَ طيرٌ دونَ اجنحتهِ ..

فالكونُ طيرٌ والحسينُ اجنحتهُ ...

ولتقتفى في العالمينَ سيرتهُ ...

تركتْ بحرَ المذلةِ واتجهتْ ..

نحوَ شاطئِ الموتِ العزيزِ سفينتهُ ...

وكم عقلٍ ايقظتْ ..

منَ السباتِ العميقِ ثورتهُ ...

فهي مصباحُ ليلةٍ ظلماءِ ..

تنيرُ ليالي الشعوبِ نهضتهُ ...

وهي مفتاحُ سلسلةِ الافواهِ تفتحها ..

وايُ فمٍ ..

لا تحتاجُ لمفتاحِ التحررِ سلسلتهُ ...

والدُ المهديِ الذي ..

بالنعتِ الجديدِ انعتهُ ...

طلتُ عيدِ المستضعفينَ طلتهُ ...                                        238

           مُنظِر

يا واضع نظرية رفض المذلة ..

ونظرية الاصلاح ..

اذاً تستاهل لَقْب المنظر يا ابو اليمة ...

وياللي بسيفك الفكري إمفتح إعقول ..

وامفتح بالثاني الحديدي اجم جمجمة ...

مشت روحك ثلج ما لوناهة الليل ..

وطلع منهة شعاع وشرد الظلمة ...

                صاحب الحوبة                                                                          

ان جان حبك ذنب ..

ما اعلن التوبة ...

ويحسين كلي يا بشر ..

ما صرت انت محبوبة ...

وان جان نهجك صعب ..

ماشي انة بدروبة ...

وعاشور كل ما يهل ..

كلبي يشك ثوبة ...

وخليني عبدك للابد ..

واطيك آنة عهد ..

ما اعرف سوى خدمتك ..                                               239

شيعي اقضي مطلوبة ...

والخدمة فخر عندي آنة محسوبة ...

ويحسين انت ابي ..

وللابد قائدي ..

وعقلي نظر بيرغك ..

راح ومشة صوبة ...

اي واللة وعلي يا صاحب الحوبة ...

       المنقلة والجمر

عاشور لمن يمر ...

الحزن وية الكلب ..

كالمنقلة والجمر ...

وملعون ذاك الشمر ...

واللي صدر منة الامر ...                                                                   

واحنة احنة شيعتك ...

بالله نقسم قسم وبداعتك ...

مع الحجة المسمى بضعتك ...

ليهمك ونقضي الك كل امر ...

وعاشور لمن يمر ...

الحزن يامرنة امر ...

والدمع كالمطر ..                                                        240

اي كالمطر ينهمر ...

                                    قميصي

منهو الترس بالعنب سلة الامة            وحسين البالعنب ترسهة الاسلال

ومو كلمن ياخذ امي يصير ابوي        خلافة رسول ونبي مو كلمة تنكال

اجة بيهة إمن السماء اعلان واعلان     لاهل بيتك يا نبي اعلن وبالحال

وتاليهة يزيد وبطلة بيدة يكول   

                                      آنة الخليفة والرفض عن الارض ينشال

تصدالة الحسين وكال لا ميصير          قميصي انباك مني واترك النشال

وامام حسين جانن بس خيارين            يتركة وما ترك حقة او الاذلال

وجرت بارض الكرب وارض البلاء     مأساة الحسين ومأساة العيال

               وين الموت

من اجل اسلامكم يا مسلمين ..

ابونة حسين سوة ويالموت اتفاق ...

تجيني لو ردت جيتك بساع ..

وتحط روحي بإديتك وانسة الاشفاق ...

سأل واستفسر من ابونة الموت ..

ليش ويالدنية تريدني اعملك فراق ...

جاوب ..                                                                                   

بنيتي دينكم يثبت يا بني الدين ..

وبنيتي اصلح وضعكم من الاعماق ...                                241

وحط روحة إعلى جفة وصاح ..

وينك يا موت مشتاق ...

ولبيك نداء إمن الموت اجاه ..

وجعل روحة بطبق من احسن الاطباق ...

يعني احسن ميت وافضل قتيل ..

ويعني ارفع شهيد بهالدنية عالاطلاق ...

         منكَ السيفُ ومنكَ القلم

منكَ السيفُ ومنكَ القلمْ ...

ومنكَ الحياةُ لهذي الاممْ ...

ومنكَ النجاةُ ومنكَ العلمْ ...

ومنكَ الخلودُ لارقى القيمْ ...

ومنكَ الخلاصُ وشحذُ الهممْ ...

وانتَ الخلودْ ... ومعنى الوجودْ ...

وخصمُ الحسينِ بحضنِ العدمْ ...

             حسين برمودا 

برمودا يزيد وما بلع فكر حسين ..

بس فكرة انبلع وحسين برمودة ...

والدنية تنفر إمن اسمك ..

مو من فكرك يزيد ..

والدنية كلهة لفكر حسين مشدودة ...                                    242                                            

                                ديوان يزيديات                                                

                                  جف ابليس                                                   

يزيد ابلا فخر وبلا تفاخر                      اثنين سيوف يا زنديق شاهر

اول سيف طبعا دفع الفوس                   وجثيرة الناس باعتلك ضماير

وسيف الخوف عدك ثاني السيوف             لركاب الما يتبعك بيه كاسر

وسيف المال عدك بي طريقين                يا جف ابليس وخنجرة الغادر

إمتاجَر بالضماير اول إثنين                    وثاني اثنين ذباح المشاعر

ويزيد شحصلت من حربك وية حسين        بس لعنات بشفاف الحناجر

وباليوم اليمرك تنعرض مرتين              عالنار وبرزخك للحشر صاير

وفراشك نار ومأكلك زقوم                    وشرابك يالمنعت الماي فاير

ولو بيهة تضل هواي جا مرتاح              البرزخ جنتك بالحشر باجر

ويمديون لالهك والذنوب هواي              كتل حسين سودلك دفاتر

                                    شيطان الانس

شيطان الانس جان ولا يزال إيزيد         وعلى حسين بلا ذنب عايل

ومو انت الخليفة الشرع هيج يكول        وعلى ظلمك ربك موش غافل

وخذت حقة وظلميتة انت حسين          ودمة بلا ذنب فوك الارض سايل

وبيا شرع بس كلي وبيا دين              إمام الناس ذبحيتة يا نذل باطل

والخليفة وبالنص الالهي حسين          ونص من النبي هكذا قائل

وطريقين بلا ثالث امام إيزيد           طريق الجنة وعلى درب النار مايل

ومن ساحة المحشر كلي وين تروح     ومفرك وين وانت لسبط قاتل243

إووقود النار انت وجيشك تكونون      وعلى ظهرك جبال ذنوب شايل

ويزيد اشلون اتجاسرت وتطاولت ليش   على آل النبي وابليس الك حايل

وشحصلت من عاديت اهل البيت          بس اللعن ونكلك حيل تستاهل

 

                                  شكد غبي

يزيد اشلون كلب النبي جرحيتة        وكلب الوالدين حسين من ذبحيتة        

يزيد شما تحاول ما تمحي الاسلام   ولا تمحي إسم النبي ولا تمحي ذريتة 

وحسين شما تذبحة يخلف حسين        ونور اللة جذب لتكول طفيتة

واذا ظنك ذبحت حسين فحسينة حي    وابو اليمة الذبح فكرك ترة بفكريتة

ومو انت الخليفة  وشما حاولت متصير

                                       وثوب حسين هي ومنة انت سرقيتة

ويزيد شكد غبي لمن ذبحت حسين 

                                      ومن اللة ما خفت والموت ما ذكريتة

ونسيت حساب ربك يوم الاحساب       ولكومك يا وغد همين نسيتة

ولا جنك تعرف هناك جنة ونار         يا كافر لان ربك فلا يوم عبديتة

خسريت الاخرة وبالدنية انت خسران   وامر الشفاعة اذن همين خسريتة

لان بالثار الشفيع يطالبك حتماً          

                                  إووين تروح وعلى ابنة المصطفى بجيتة

                            خليفة بالخداع

يزيد بلا رحم قاتل حسين            وما عدك ضمير وخاطر يردعك244

وكل همك خليفة بالخداع تصير          ويجي كرسي الحكم يا نذل يمك

وعبيد الناس الك رايدهة تصير         مو رعية وبإحترام الناس تصبحلك

لان طاغي وعنيد وما تخاف الله          واله الناس انت ما صدر منك

وتسوم الناس ذلة وجان مرفوع          عليهم بالحقد كل يوم سيفك

وتبطش ما تبالي وتذبح الناس           بلا ذنب الصدر منهم والذنب مسك

وخليفة بيا زمن فرعون عالناس         وموسى ما سكت يا فرعون عنك

هيج انت يزيد وتشبه لفرعون          ومثل موسى حسين وما سكت عنك

وشافة حسين كلش ما تحملة الناس      وما يفرق هذا عن هذا ظلمك

ثار ابو اليمة بصحبتة الاخيار           وثورة علنهة يبن ميسون ضدك

                             سفك الدم يا نذل نهجك

دنت نفسك ولك لمن ذبحت حسين        على كرسي الحكم وهو موش لك

وجمعت جيوش ما تنعد بالآلاف             وردت قتلة وابد ما راد قتلك

وضد حسين اعبرت خط ممنوع             لان سفك الدم يا نذذل نهجك            

ويا ظالم لزم حدة عليك حسين               وانت عليه واللة ملزمت حدك

وشحسبت رب العزة غافل عن              جيشك يبن ميسون لو عنك

ويزيد شحصلت كلي وشستفاديت           لما ضد حسين اعلنت حربك

بشفاف وعلى لسان شيعة علي              يا مجرم كلما تنذكر لعنك

وعن اللي سويتة رب الكون                يحاسبك وخسارة عاقبة امرك

وحسين وصحبتة بالجنة يوم الاحساب   ويزيد بجهنم انت وكومك بصفك

ورضة ربة عليه وكافئ حسين        وعليك انت اللي غضب ربك245

            مثل مقلع

كلبك مثل مقلع ..

ومثل ازبالتة ذنوبك ...

يزيدُ ولا فعلَ خيرٍ ..

عندك خاطر يستر عيوبك ...

        الشر قميصك

لا تلبس قميص الخير ..

وبعيد إبعد عن شواطية ...

يزيد الشر قميصك ..

وافعالك اذاً افعال شرانية ...

                                    شيطان ثاني

يا شيطان ثاني وبيك ابتلة الدين              وامة محمد ايضا بيك مبتلية

والاكثر بلاءاً بيك الحسين                    يزيد ومثل فعلك بني امية

                                  يزيد شحصلت

يزيد شحصلت من حربك إوية حسين   بس ذلة ومهانة وكلساع ملعون

وباليوم اليمرك تنعرض مرتين       عالنار البرزخية وبيهة ضل مسجون

                    عميل الصليبية                                                                

كلبك إووجهك ودفتر اعمالك سود ..

وافعالك عليهة نكول نص الليل ...

ومادامك من سرجون الصليبي تاخذ الراي ..                          246

فلصليبية يا يزيد انت عميل ...

                               يزيد احقر من كل حقير

شفنة الحقارة بجت ومكسورة الخاطر     لان إلهة ابن ميسون منسوب

وحزينة وكلبهة كلش حيل محروك         لمن يزيد إلهة صار مخطوب

وصار الزواج وكلبهة غرك بالضيم

                                        وإنهمت والهم إبالهة ما جان محسوب

لكن ارد ابشرج بيمن بالطلاك         يا حقارة إمن السودت وجهة الذنوب

واكلج هو الثرى وانتِ الثرية           وبعد ما اشوفج بليلة إكلوب

وإمشي إعلى طولج والمستحة عوفيه   ومبروكة لان ما صرتيلة بعد ثوب

                        سليل البغض

بني امية الظلم عدكم سلالة ...

لاولياء الله والفرشوا حضنهم للرسالة ...

والعداوة إتوارثهة إمن آباءة يزيد ..

وحصص وزعهة على إرجالة ...

وسليل البغض ..

بغض النبي وآلة ...

شاهر على قتل حسين آلاف السيوف ..

إووزع على هذا الامر مالة ...

وسكة سيفة من دماء حسين ..

وعلى اهلة إلتفن إحبالة ...                                             247

واذا نال بسيفة نحر حسين ..

فحبل الامامة بسيفة ما نالة ...                                                            

                 فكرة انكتل

من ساعة بلوغة إيزيد لآخر ساعة ...

ما عبد رب العباد النذل ساعة ...

وشما يؤمر ابليس ..

بساع ينفذ إذراعة ...

وجوابة يكون سمعاً وطاعة ...

وبالطف على حسين إسيوفة لماعة ...

وعلى دم السبط عطشانة السيوف ..

وعلى جسم حسين ضربتهة المجاعة ...

وكال جسم حسين يا كوم:

لسيوفي اريدة يصير شماعة ...

وبجيشة كتل اشرف خلق بالكون ..

وتهور هذا الفعل محسوب ..

ما يُحسب شجاعة ...

وفكرة انكتل وبسيفك يعقل حسين ..

من هدن افكارك على افكارة فزاعة ...

                              يا اسود وجه

ترس كاسة يزيد بدم الحسين       وسيف الشمر بالدم ترس كاسة248

وشرب دمة وفرح ذاك اليوم         ورسة قتل الهاشمي والمعصوم ساسة

وقتل سادة من ظهر هاشم هواي      إخوة وابناء حسين ومسلمة وعباسة

يا اسود وجه من اعظم إذنوب         ورقم واحد بالذنوب نكول مقياسة

كل مؤمن ذبحتة إخلود بالنار          وبالطف سيفك ذبح لحسين ناسة

يا عار انبصم وبكصة بني امية  

                                      إوواحدهم عار انترس من جدمة لراسة

وبقعر الحقارة الباري من خلاه        وبحضن المذلة منتكس راسة         

                     ما حقق اهدافة

وآذان الضماير ..

على صوتة سادة الباب ...

صوت إيزيد ..

اضعف حتى من صوت الذباب ...  

وشرب كاس الضلال وللكفر كاس ..

وحطهن من شبع بحلوك الاذناب ...

وطلكهة العبادة من ساعة بلوغة إيزيد ..

وعشك حز الرقاب ...

وشدت رجلهة خاف ليزيد تروح ..

الهداية واطياب الخلق صارولهة اصحاب ...

وخلة النبي وخلة بعقلة اهل البيت ..

يعني رفع بيدة عليهم راية إحراب ...                                  249

وجند ما إستطاع إمن الرجال إجنود ..

وظلماً قتل بيهم توم الاكتاب ...

ورايد مبادئ اجدادة الجاهلية تعود ..

ورايد يسوي الدين جفة إتراب ...

ونادة مناديه بيوم عاشور ..

إنهوا ذرية محمد وابلا رحم يعراب ...

وبالمية صفر رايد اخلاق الناس ..

وقرآن ماكو ..

من جيبة يجيب إكتاب ...

وبفضل اللة وجهود حسين ..

فشل ما حقق اهدافة والامل خاب ...                                                          

         عداوة للنبي

من شاف راس حسين ..

فوكك يا رُبى جيرون ...

كلكم يا امة القرآن تدرون ...

بالكلام الكالة إبن ميسون ...

لقد قضيتُ إمن الرسول ديون ...

عداوة للنبي ..

وحرب ضد النبي معلون ...

وبهذا كلامة ظالم للنبي صار ..                                       250

والظالم بشفة القرآن ملعون ...

                                صرح بكفرة يزيد

الشاعر اذا كال الشعر معروف            ما ينطق غير البكلبة وما يقُل

وشعرة بالعقائد حتماً عليه محسوب      ودومة ورة الكلمة الصادقة يرحل

وبشعرة صادق اللهجة وصادق التعبير  اذاً خل نسمع يزيد شكال وشنعثل

لعبتْ هاشمُ بالملكِ فلا                      خبرٌ جاءَ ولا وحيٌ نزلْ

كافر بالنبوة وهم كفر بالتنزيل             وكذب يا ربي كلامك والفعل

وكافر بالامامة وسمع لاهل البيت         وصرح بكفرة يزيد إبلا جدل

                     على مسح الدين

حلك ابليس حلكك ولسانك لسانة ...

وجف ابليس جفك ..

وذهنك راضع أذهانة ...

وعلى مسح الدين ..

كلش حاد اسنانة ...

وعلى انهاء الامامة ..                                                                

وذبح آل البيت نزل بيانة ...

وكال ابن ميسون .. مذهب الشيعة كون

مذهب ناسيتة دنيانة ...

وبوجه كل الفضائل ساد بيبانة ...

وتعالن يا رذائل صايح لسانة ...                                       251

وعشك حضن الحقارة وعاشكة احضانة ...

ولمن اخذ روحك يزيد الله ..

سدت عليك ابوابهة إجنانة ...

وسعرلك يبن ميسون نيرانة ...

وغُضب ربك عليك هناك وهنانة ...

ورحمة اللة ما ضكتهة ولا ضكت رضوانة ...

وعند النبي ديوان اسمة الشفاعة ..

وما خلاك النبي بسطور ديوانة ...

             يزيد والنبوة

يزيد عادة النبوة ..

وعادة النبي بافكار ...

وسمة النبوة مُلك ..

ومَلك سماك يالمختار ...

ولغة دور الاله ودور جبريل ..

وللنبي لاغي ادوار ...

والنبوة حبل ما بين السمة والارض متصل ..

وما موجود بلسانة كال العار ...

والقرآن عندة كلام النبي ..

مو كلام الواحد القهار ...                                                                      

وجذاب عندة النبي ..                                                    252

وآنة يا نبي كلي اعتذار ...

واذا ما صدكني شخص ..

خل يقرة شعرة عالنبي ..

إويستنتج إمن الاشعار ...

      

               ثارات إمن الرسول

لجان اعدام شكل ..

للما يشترك ضد حسين ..

ابن زياد القذر بأمرك يزيدة ...

ولليشترك مال ومنصب وجاه ..

يزيد المسخ يترسهة إيدة ...

وخداعك تارس إذذان الكوم ..

بكلام الخارجي ..

ولسانك تعود بترديدة ...

وابواقة الما تخاف الله اتكول:

أطيعوا الحاكم ظالماً او مظلوم ..

هذا شعار المعركة وهذا نشيدة ...

ومعركتة ضد حسين يطلب بيهة ثارات ..

ونطق منك يا رسول اللة بقصيدة ...

ومن قتل ريحانة رسول الله ..                                          253

صار الوغد ذاكَ اليوم عيدة ...

وافراح وتهاني .. لابليس ثاني

من اتباع يا دنية عِبيدة ...                                                                   

                        ديوان عاشور القضية                               

                          مفتوح باب حسين

امام الناس ظلك عالبشر خيمة ...

وظلك مو خيال اشباح .. نور بكل وكت وضاح

يهدي التاهو بهيمة ...

الهيمة هيمة التضليل .. اساطير مملوءة واباطيل

والحق بفكرهم حاولوا تعتيمة ...

وبمعول فكر هدام .. رادوا بيه الاسلام

خصومك يا شهم تهديمة ...

انت الدين وانت الحك .. ولحلك الباطل انت تشك

وكل ما حاول ينتشر .. جفك يدمرة دمر

ويتبنة يبو السجاد تحطيمة ...

يتحطم يزيد وينتهي لدوم ..

ولدوم اليدوم ويبقة بس حسين ...

أي والله بس حسين ...

ها يحسين .. ها يحسين ...

يمبين الحقيقة بثورتك زين ...                                          254

على شخصك ابو اليمة الشيعة محسودين ...

ونصيح بصوت واحد لا ابد مو صوتين ...

بإسم حسين متوحدين ...

متوحدين متوحدين .. ها يحسين ها يحسين ...

تجمعنة وتلمنة .. شما حاول خصمنة .. ايمزق شملنة

نضل نصيح نبقة نصيح ..

يسقط يزيد .. يعيش الحسين ...                                                            

ها يحسين ها يحسين ...

يزيدك رجع وبكل وكت موجود ..

شاهر علينة بالحقد سيفين ...

مرة السيف فكري ومرة تي أن تي ..

وحمالة افكارة بكثرة موجودين ...

وتصدير الفتاوي سيف ما مشيوف ..

يحز بركاب اتباع النجيبين ...

اذا شيعي لكيتوا دمة مهدور ..

ومباح العرض عدهم يكول الدين ...

يحساد التشيع ليش هالتكفير ..

تعالوا بالعجل مفتوح باب حسين ...

وبقت يمكم الجية اشلون ما تردون ..

لو واحد يتبع الثاني ..                                                   255

لو جية وحدة وبيهة مجموعين ...

                                 مرجوحة حزن

مرجوحة حزن يحسين كلبك صار       وبكيفة إيتمرجح وشوكت ما راد

ويا بيت الحزن كلبك للحزن بيت        ورافكتة الحزن من ساعة الميلاد

ورغم كل المآسي كبل وبيوم عاشور   عشت عمرك حزن ما شايف اعياد

وكل هذا الحزن ما نال منك شَي        وما قل منسوب الامل عندك زاد

ولو مرك فرح فد يوم يا مولاي          إيوزعة إعلى ناسك تؤمر السجاد

مو قصة حرب بين الفرح وحسين       يفرح لو فرح شافت منة الاعباد

ولان شاف الحزن عشعش بالاكلوب     وشاف الحزن عند الناس ما يراد

قدمهة إعلى نفسة وكال عيب يصير     افرح والحزن لكلوبهم جلاد

اذاً هذا اكبر كرم لو اكبر ايثار       والجواب اثنينهن من جف ابو السجاد   

هذا حسين وبمدرسة الوحي تلميذ      وباخلاق الرسالة حسين يبقة استاد

                                   حسين المحق

حسين بحكمتة اذهل عقول الكوم           وفكر حسين ذابح كل فكرهم

حسين المحق كل عذرة يحمي الدين       وخصم حسين باطل كل عذرهم

خوفاً من يزيد وبفلوسة طمعانين           بسيف ومال خوفهم وغرهم

واربط كلب من خصمة جان حسين        وصبر حسين اكبر من صبرهم

وناشدهم بالادلة وراد حقة يعود          مو كوة الخلافة وعالبيعة يجبرهم

حاججهم بشكد ادلة شكد براهين           وبلسانة السيف موت كل كرهم

ونسةالتاريخ خصمة ومانسا لحسين  وعمر حسين اطول من عمرهم256

وهدف مصلح يحملة بكل صفاء         حسين ولسيفة هدف ايضا نحرهم

وحسين بكربلة غربلهم الحكام          ولكل الناس بين كل غدرهم

ويا كوم الخصم عوفوهة حرب حسين  

                                       لان عواقبهة وخيمة حسين حذرهم   

                                  عاشور القضية

يشبه لطبع النهر طبعك يالحسين           وارد اقيساً حتى يصير مفهوم

يغذي شما خلق ربة النهر بالماي          وتغذي انت العقول وبالفكر دوم

ومثل طيبة نهر هو اليجي لناس          انت بطيبتك لناس تطي إعلوم

ومثل طبع النخل ما ينحني بالريح        برياح الغدر راسك منحنة يوم

ومثل يحيى النبي دم الحسين يفور       ومتاني اليسكتة ومنتظر ذاك اليوم

دم غالي وعزيز وحيف مسفوك         وإلة ثائر عظيم يمام معصوم

وصراع حسين بعدة ويالطواغيت       ما يفتر صراع بدم نحرة مرسوم

ويزيد بكل وكت وحسين موجود        اذاً سيفين الظلم ويكابلة المظلوم

ومعركة الطف مستمرة والقصد عاشور   

                                       عاشور القضية حسين بي محروم

ابو اليمة قضيتك رد الحكوك     

                                      ومهظومة قضيتك وانت حسين مهظوم       

                                      شجرة قيم

إعلة سجة الصبر فايت قطار حسين       والطف محطة ومنة تبدأ الرحلة

                                                                           257

ورحلة ابو اليمة لبشر هذا الكون             يريد يكول بسكم يا بشر غفلة

يحاسوب الاجانب يا بطل هذا الجيل    ويالبيك بشغف هسة الدنية منشغلة

ويا امتن جهاز ومفخرة هذا الكون        كمبيوتر والبشر آخر ما توصلة

انترنيت عدهة وتفتخر بي يابان           وعدهم شي عجيب وانت التمثلة

تعال بداعة صانعك خليني اتحداك        واشوفن قدرتك وليارقم توصلة

وجيب وياك مو واحد لا الف دكتور

                                          واختارهم بالمفرد تريد تريد بالجملة

واشتغل إعلى كيفك ومن الصبح لليل    

                                           وبقت يمك ردت او ما ردت عطلة

احسبهة القيم بس كل ما يملكة حسين      واخذ شما تريد من الوكت مهلة

اكلك ما تكدر تعد ولا توصل العشرة     

                                          وحساباتك مو غلط بس تعود منذهلة

لان شجرة القيم حولهة رب الكون        وبنص بستان كلب حسين منشتلة

                                      وحيد

وحيد وللاسف بآلاف حاطوك            وليش بلا ذنب يحسين عادوك

وعلى قتلك جمعهم دفع الفلوس          وعلى شان الدراهم هم خانوك

ما عدهم ضمير وما يعرفون العيب      تقبل بالحكم لو تنذبح رادوك

رفضيت المذلة وبيعة ابن زياد          وتاليهة غدر يحسين ساموك

عمت عيني عليك والف يا حيف        حزوا منحرك وبخيلهم داسوك

يجسم حسين ليش بلا دفن ضليت                                     258

                                           وعجيبة عالارض مشمور عافوك

ويجف حسين ليش إصبعك مبتور     ويراس حسين عفوا عالرمح شالوك

وعيالك سباية ومن مشوا للشام         بصوت الحزن يحسين نادوك

ما تنهض يبونة وتكعد إكعود          

ومن جف عِليلك فك الاكيود

واسيرات الفواطم ردهن ردود          لديارهن وترد إلهم احتاجوك                  

                                   سيد والعبيد

اثنين ابطال وكفوا جنب الحسين        من شافوا ابو اليمة بحاجة انصار

وكلاهم اسد وبجفة حامل سيف        ومن يهجم تفر اعداه فرتك يالحمار

إواحدهم جبل ورياح الخصم ما تثنيه   

                                         والرياح سلاح خصمة الرمح والبتار

ولبوا دعوتة ومبايع لحد الموت      واجوا جية برضاة النفس موش إجبار

وها يحسين كالوا وبصريح القول    سيد والعبيد احنة ونفتخر احرار

وفنة اليوصلك وشحدة يا بطران      يحفر كبرة بيدة إبدون حفار

وكثرة عدوك ماتهمنة ابد يا مولاي   

                                  ومنخلي طير السمة يشمر عليك احجار

اذاً خلونة نتعرف وإعلى الاثنين         عباس ابن ابوه ومسلم المغوار

عباس سيف ويختلف عنج يالسيوف    هدية اللة لعلي وياك يالفقار

ومسلم نايب عن الحسين ينوب          بإثنينهن هم بالقتال وهم بالافكار 

                                                                            259  

              زلزال سيفك

مثل زلزال سيفك ..

بس جيتة من فوك ...

ويجي للهامات مكبل ..

ما يجي بوك ...

ولجف ابو السجاد لايك ..

ولذبح بس هو اليلوك ...

وبي راس الكفر بالطول مشروك ...

ومثل إكتاب صاير يا دجلهم ..

وبسيف حسين مشكوك ...

ومثل النار سيفك يا حسين ..

وبي قانون الكفر محروك ...

ولولا سيف حسين جا هسة نُباع ..                                                            

ننباع ونشترى موش بفرد واحد ..

لا بالف سوك ...

وجان الظلم يحجي وعنده إلسان ..

وبسيف ابو اليمة صار مخنوك ...

ومثل شوك المحب ..

لو هو لحبيبة اشتاك ..

سيف حسين لركاب الخصم ..                                          260

عندة مثل هذا الشوك ...

                قرآن الحسين

جرس يا مولاي صرت بثورتك ..

وعن الحق الغافل نبهيتة ...

وثورتك عباس وزينبة الدين ..

ويحمي زينبك عباس خليتة ...

وثورتك بحر وطبعا فكرهة الماي ..

وعقل ناسك كاع وانت إسكيتة ...

وثورتك قرآن الحسين المبدئي ..

وبمبادئهُ الرشيدة باطل إخصومك محيتة ...

وانت بثورتك فريق ورايد الفوز ..

وكول الفوز بيهة انت سجْليتة ...

وثورتك فاروق يا مولاي سويتة ...

يفرق بين الظلم والعدل محلاه ..

وكلمن بيهة يا مولاي بيْنيتة ...

ويفرق بين الحق والباطل المشؤوم ..

وكلمن وبلا جدل مولاي وضْحيتة ...                                               

وبالدنية وطبعاً يوم الاحساب ..

الما اشترك بيهة وياك ندْميتة ...

وشكو ظالم كلش بيهة اذيتة ...                                         261

                                   نصروا المعصوم

كفو وثلث تنعام من ربع الحسين 

                                       خوف اللة جابهم من نصروا المعصوم

جبال وقمم من وكفوا بنص ميدان         وبرياح الغدر واحدهم فلا مثلوم

وإرياح الغدر جانت ثلث انواع            اولهن خداع (بلا نفع) ذيج الكوم

ونوع ثاني (ما همهم) دفع الفلوس        وثالث نوع سيف الخوف مشؤوم

كل هذا إواحدهم ما غيراه أي نوع        وضل ثابت عالعقيدة وابد لدوم

إوضحوا للحسين بأغلى ما يملكون     وفدوه بالنفس والنحر والثالثة دموم

وحباً بالاله وحباً ببو اليمة حسين        لمن دونة وكفوا اسود وهذا معلوم

نجوم وحاطوا كمرهم جان حسين  

                                       وعلى حرب الخصم ما بيهم ابد مندوم

إواحدهم عالشهادة يحمد الله             ويتمنة كبل غيرة ينذبح ذاك اليوم

وصارولة سِيوف وصارولة كلهم جيش

                                         وصارولة درع بالمعركة المعصوم

                                  

                              قافلة القربان

اثنين ابو اليمة قدم وعانة                  من جاب الكربلة يا ناس قربانة

مسلم اول القربان وآخرة حسين          وبين الثنين القافلة بهواي مليانة

في سبيلك يا الهي قدم القربان            وبفقدة مصايب من العدوان عانة

كل مصيبة تولد حزن وجروح                                          262

                                        بكلبة وصارن هواي جروحة واحزانة

كل همة الدين يبقة بخير                   ويصلح الامة ذني حسين همانة

وحقق بالجهاد حسين ما راد              ولان جهاد العدو آن آوانة

يعني حسين مثلك يعمل بتكليف           وقاتلهم وانقتل بجفوف عدوانة

يعمل حتى عليه يرضة الله                وحتى لا تمس جسمة نيرانة

اصلح امتة من كللهة بإثنين               اوصي بالنطق مو بالسكوت آنة            

وحمة دينة لان خلة الناس              تحبة وتحفظة مثل ما جان مولانة

         حرب بلا هوادة

كلمن هدف عندة ..

وكلمن يمتلك رادة ...

يزيد يريد ..

وحسين يريد ..

وكلمن ممتطي إجوادة ...

وكلمن جيش جايب ..

وكلمن جايب إعتادة ...

وكلمن بالحشر لو صار ..

يحمل بيدة زادة ...

يزيد يريد ضد حسين ..

حرب ابلا هوادة ...

حرب وتنقسم قسمين ..                                               263

وطبعا توجد زيادة ...

قسم عالمذهب انهاءة يريد ..

ويشبه لابوه بهيجي عادة ...

وقسم عالشيعة يقضي يريد ..

وامرة صدر للجيش والقادة ...

وقسم فكري عالاسلام ..

وقسم عرقي عالسادة ...

وبإعتقادة ..

النتيجة تكون ..

حرباً بيهة إبادة ...                                                                         

وحسين يريد ..

 ينقذ دين ربة ..

وينقذ إعبادة ...

ويشعرهم بالعدل موجود ..

لان شبعوا ضيم بايام افتقادة ...

                                   

                                  ثار العزيز

مثل مهرة الشرف وحسين خيال      لا تقبل تعوفة ولا يرضة بيهة تروح

وجلد ثاني الشجاعة ولابسة حسين    والصبر ثوب لدليلة وثوب الجروح

ومثل وردة السماحة بكلب الحسين   تتفتح للبشر وإلهم عطرهة يفوح264

وارقة من الذهب عقل الشايلة حسين

                                      وكلبة اصفة من الزلال اشلون مجروح

وما يلهج لسانة بغير ذكر الله             وسيف وحجي الباطل بيه مذبوح

والتقوى درع لابسهة جان حسين       وحب اللة اختلط ويْ دمه المسفوح

وهو آنة شنو حتى امدح المعصوم      اذا هو بكتاب اللة حسين ممدوح

وما نبلغ مدحتة شما نمدح المعصوم    ويضل باب الشعر لحسين مفتوح

ويضل طول الدهر حزنك يعاشور  

                                         على حسينك والبواجي وتومهة النوح

وتضل عاشور دمعة بعين الاشراف     وتضل ثار العزيز وهدر متروح

                       منهو المنتصر

شما خلصت حرب بين اثنين ..

واحد يحظي بالخسارة ..

إواحد بالظفر ...

وسؤال يدور بين الناس ..

منهو المنتصر ...

ولو سائل سأل عن معركة عاشور ..                                                     

يا هو الخسر بيهة ..

إويا هو المنتصر ...

لازم نفهمة ونكلة بالحرب قسمين ..

قسم بالسيف وآخر بالفكر ...                                          265

ونتيجة القسمين ..

المع الله فايز لا محال ..

والمع الشيطان هو المندحر ...

والمع الله في جنة عدن ..

والمع الشيطان في نارج سقر ...

اذاً جان ولايزال حسين وية الله ..

واليوم الحشر ...

والما بعد يوم الحشر ...

ويزيد ابليس وية ابليس ..

دوم الدوم والتابع شمر ...

اذاً وضحت الصورة وبين هذْا من هذْا ..

واتفرزن الفايز إمن المنكسر ...

واذاً مادام صوت الله واكبر ..

ينسمع بالآذان ..

واسم المصطفى وآلة ينذكر ...

ومادام لكتاب اللة ما وصل جف تحريف ..

وما يُتلى بالبسكوت يُتلى بالجهر ...

يعني حسين هو المنتصر ...

                                

                                                                         266

                                    سيف ودم

بنيت حسين مجدك في دماك                وبفكرك يبو اليمة بنيتة                   ومن شفت الدين في حال انهيار            بسيف ودم يا شهم صِلْحيتة

ومن شفت امتك عاشت ظلم فرعون      فزعتلهة إبسالة وفرعون صديتة

ومن شفت النذل متولي امر الناس        ما سكتت غيرتك والسيف هديتة

وبينت الحقيقة وانصحت ذيج الناس        أهن دربين وامشوا بالمشيتة

ومعروف الدرب غير الحك فلا تمشيه     وباطل درب خصمك بينيتة

وشهرت السيف انت وربعك الشجعان    وسيف ثاني إعلى الظلم شهريتة

اول سيف جان بيمنتك مولاي              وبركاب جيش إيزيد حديتة

وسيف ثاني تحملة ولنفخ بالصور          فكر وبي ظلام الكوم ذبحيتة

ويضل صوتك بالعدالة يصك الاسماع

                                       وصوت خصمك ظلم وانت المحيتة

ولعاب النار وديت الخصم يحسين           وللجنة المنكتل وياك وديتة  

                                  جندي للرحمن

لو سائل سألنة شيعني اسم الطف  

                                       إنفهمة بكل صراحة وما يضل حيران

نكلة الطف معركة وابطالها اثنين        وكلاهم يخي شاهر سيف عالثان

سيف الكفر ويمثلة جان إيزيد            و حسين جان يمثل سيف الايمان

وراية كبال راية واسمع وشوف         راية للنبي وراية لابو سفيان

وفكرين بلا نقاش بيوم عاشور         فكر مصلح يحملة حسينة جان267

وفكر تضليل يحمل خصم الحسين        ويحكم عالرعية بسيفة لو سكران

وجيش بجيش وحاضرهة جان ابليس     وقتال ابلا رحم واشلون ما جان

وابطال المعركة مو اكثر من اثنين

                                      حسين عبدة وينصرة وجندي للرحمان

وجان بعسكرة قائد جنود الله             ورغم قلتهم جنودة اشكثر شجعان

وللحق بطل حتماً يكون حسين            مو بس بزمانة شما يمر إزمان

ويزيد بعسكرة آلاف جان يقود            كثرة ابلا عقل وبصورة الطليان

وبطل باطل يزيد وقمة بالطغيان    ويزيد ابليس راضع من ثدي الشيطان

وكلادة من القيم لامتك ها يحسين        صغت قانون امة بقالب القرآن               

                                ذبح فكرك فكرهم

يا كاشف حقيقة خادع ومخدوع            ويالرافع لواءك والزمن ممنوع

ويالمقدم مواعظ منهة الحديد يذوب       وكلب الكوم حيل مغلف ومطبوع

نصيحة تجر نصيحة بلا ملل مولاي      وصوتك بالنصايح جان مرفوع

لان صاحي الضمير ابلا دغش مولاي   وضمير الكوم لابن زياد مبيوع

وادخلوا بالسلم نطقيت ياهالناس          وعلى باب الظلم كتبيت ممنوع

ويحسين الخصم ندريه جار وياك        ويسوم الناس ذلة وسيفة مرفوع

والناس بذمتك تنقذهة من الجور         واخيراً قررت انْ تبدي بالمشروع

وفعلا من بديت وياك سبعين             واحدهم جبل وبراس مرفوع

وخضتوا معركة الراس منهة يشيب    وعلى ذبحك والقضية المال مدفوع

وذبحوك بلا جرم وبلا ذنب مولاي                                    268

                                        وذبح فكرك فكرهم وانتهة الموضوع

                 يا عاشور .. يا عاشور

يا عاشور ..

يالمبدأ .. والقضية ..

ويا همْ ابو اليمة اصلاح ...

يردونك حدث عابر ..

مر بزمانة وراح ...

وقصة من الخرافة ..

يردون يا عاشور ..

يحولونك حتى الشمر يرتاح ...

خاف المنتظر باجر من يكوم ..

لا انصار يلكة وياخذ الثار ..

إولا سيفة يشتغل بركابهم ذباح ...

ويعاشور الحزن يالعيب بيك افراح ...                                                          

اشلون ترضة وتقبل اشلون ..

جسم حسين بيك توذر وراح ...

ويعاشور العتب ما يجدي وياك ..

لان وكتك (مو قضيتك) للاسف راح ...

وبقت منية بكلبنة اسمعهة يا عاشور ..

لو كلك تعود بهالوكت ..                                                 269

لو يوم لو مصباح ...

جا عينك شاهدت شتسوي السيوف ..

وإجم هام البديهن يا شهر جا طاح ...

لكن بعيدة .. اشكد بعيدة ..

وما اظن يعود ..

كلمن فات وكتة وراح ...

لكن امر بالطف بقة متصل ..

يا شهر ما راح ...

اخذ الثار من كل الشياطين ..

بسيف ابن الحسن وإتم الافراح ...

ويا عاشور اعتذر ..

وجهين اقسمك راح ...

يزيد الليل وحسين الصباح ...

                                   صادق بالعهد

ثابت عالعهد ما بدلت حاشاك       

                                       امين وما خنت باللة ولا خنت بالجد

عاهدت الاله تحارب الطاغوت               وفعلا حاربت وياك محد

اذاً صادق بالعهد ربك مسميك                وآيات الكتاب بموقفك تشهد

وتكلمت بصراحة ورفضيت مو بسكوت    وصوتك بقة بكل جيل يتردد                 

إليوم القيامة ومن ساعة النطقيت      شعار حجايتك كل يوم تجدد270

اوغاد وطرحوا امامك بس خيارين        وشفت موتك سعادة ولا تمد اليد

واحد كلامك بي معاني اثنين               تباً للظلم وشما عاش يتبدد

ويحيى العدل يا ناس كال حسين          ويطفون شما حاولوا نورة يتوقد

واجوك بجيش اظلم ما يخاف الله          وسيفك يا بطل لارواحهم فرهد

وحصدهم مثل حصد المناجل للبساتين     وارواح بصارمك لنار تصعد

وصح لوحدك بس وياك عباس             وجيش من الزلم عباس ينعد

                                موتك حياة الدين

شهر سيفة وخافوا دخلوا انذار             يعني بالدنية القتل بالآخرة النار

وسيف حسين بكربلة سوة الاثنين   

                                      وراس الكفر عن جثتة بصارمة طار

يا حامي الحمة يحسين يا مولاي         حامي الدين والامة وحامي الجار

صحت المدد وبساع اجاك امداد         حط إعلى ايدك ايدة الجبار

وقوتك لا تضاهى اصبحت وي مخلوق

                                         ولنصر الحق استعملتهة بسيفك الفقار

والحق انتصر والموت ما حضناه          كل هذا بجهودك والباطل انهار

تريد الموت لو دينك تريدة إيموت         موتين بكربلة وكلولك اختار

تبايع يعني الفاتحة نقراهة عالدين         تقتل يعيش الدين ويعوفة الدمار

شفت موتك حياة لهذا الدين                تعال اذبح صحتلة بساع يا بتار

متعلم من علي وإمن الرسول             وإمن الزهرة اتعلمت هذا الايثار

                                                                           271

                         ديوان مثل الشمس

                           شريف النسب

كمر يِضَل نورة يتوقد                    شما حاول الطاغي اخمادة

ابو اليمة القائد الفعلي                    قميص وما يلوك لغيرة الاقيادة

قميص وسرقوه بني سفيان              وابد ما صاروا اسيادة

ومن ثار حسين مو بطران              هدف عندة وعندة رادة                             

واول ما رفض بيعة الطاغوت         ارضاءاً للاله وينقذ عبادة 

ورايد ينقذ دين ربة حسين             شجاع وحقق ما يريدة بالشهادة

وشاف الحياة بظلم ما تنراد            وشاف الموت وبعزة سعادة

طريقين واختار اليريدة الله            والما يريدة اللة حسين ما رادة

وشريف النسب يا ابن الاطهار       إووالد اليمة القادة والسادة

ويالمضحي بحياتك والنحر والدم     حباً بالاله واصبحت عادة

                الخير والشر

الخير والشر ..

معاني اتواجدن ..

 وبكل وضوح بميدان عاشور ...

يالتريد الخير تلكة الخير ..

مثل الشمس واضح عيب مستور ...

ويالتريد الشر عوف ولا تقرب الشر ..

الشر ميخلف ترة بس الشرور ...                                   272

وبكيفك انت اختار ..

واريدك حر باختيارك وابد ما مجبور ...

ممثلية الخير حسين اتبعة ..

ولو تبعتة ..

بدنية وآخرة يحالفك واللة السرور ...

وممثلية الشر ايزيد اتركة ..

يسببلك خسران اتباعة ..

وفي جهنم مطوق ومليوح بحرور ...

واتمنالك التوفيق آنة يا عزيز ..

لو صار الحساب وصار النفخ بالصور ...                                                     

وتنحشر وية حسين بجنة احباب الحسين ..

وتُشمل بالسعادة بالكبر وية اهل القبور ...

وما انساك بالدنية كون يلوحك التوفيق ..

إووية ابن الحسين ..

تصير خادم وجندي وسور ...

وكون اوياك احنة يلوحنة التوفيق ..

إووية ابن الحسين نكون بإثنين ..

ناخذ ثار دمة ومن اجل دمة نثور ...

                            

                                                                           273                             

                                حبيب اللة

بعينك يا رسول اللة                        شايف ذبحة حسينك

إبلا راس وجسم مرضوض              ضحة من اجل دينك

وحسين لجيتك محتاج                    وينك يا علي وينك

حاير يا حبيب اللة                       اصبر ربك يعينك

ساعة وتنجلي الغبرة                    والجنة لاحت بعينك

وتصبح ضيف يم جدك                 هذا يا نبي حسينك

عموا ما شافوا اخلاقك                 غلطوا ما جربوا زينك

ومخلوق البشر من طين               وانت المن ذهب طينك

كريم تفرح السائل                     ويبقة يسولف بزينك

وشجاع وتدرك الموقف             الموقف تدركة بحينك

وانت ساجن الذلة                    والذل باقي سجينك

إووداعا يا ذبيح اللة                 وداع اللة مودعينك

                                بطل كربلاء

حسين ما نادم على ترك الحياة        الحياة النادمة اشلون يتركهة الحسين

انطة دمة حسين حباً بالاله              مو طمع جنة ولا رغبة حور عين         

شاف الجموع هواي زادت همتة        وحتى الخوف شارد من الحسين

ابعث تحية لبطل حادث كربلاء         سواهم موائد للبهايم تاكل اسبوعين

خالد يا حسين شما تغير كل زمان    

                                   عشت مو بس عمر والذكرة عمرين 274

ايمام وعن الغير طبعك يختلف              البشر معدن ومعدنك انت ثمين

حطمت عرش الطغاة بكلمة الـ (لا)            وبينت الحقيقة بثورتك زين

ويا ذبيح اللة الثبت الدين                         دمك مَنهدر والثار الة حين

  ويا ذبيح اللة الثبت الدين                      دمك مِنهدر والثار الة حين                                                        

وثارك دين بركبة المهدي                       من يظهر يوفيلك الدين

وعمت عين الوكت خان وياك                  ومتعمد الخيانة ضدك البين

                 سيفك عالظلم

فكرك وي فكر باريك ربطيتة ...

وجف الغدر من لاواك لاويتة ...

وبسيفك المهيوب ..

بيدك انت كصيتة ...

وحتى الدين يبقة بخير ..

دينك بالدم فديتة ...

وحبل الغدر ..

من ركبة شيعتك يحسين فليتة ...

وجان العدل ..

مثل طير محبوس ..

وانت من الحبس فكيتة ...

وحتى الوادم تشوف العدل ..

(ما جان موجود) ..                                                     275

بابة بثورتك فتحيتة ...                                                                        

وباب الظلم يحسين ..

عن ناسك الطيبين بثورتك سديتة ...

وانت بلا خوف ولا تردد ..

سيفك عالظلم شهريتة ...

وسيفك بركاب امة بني سفيان حديتة ...

         

               افضل البقاع

اتفاخرت فد يوم مكة اعلى البقاع ..

بقاع الدنية كلهن اجمعين ...

وكالت آنة افضل من جميع الارضين ...

ونداء الرب اجاهة ..

اسْكُتي ..

المنج افضل كربلاء الحسين ...

هي جنة اشلون جنة إوواللة جنة ..

ما يعادلهة كُل ثمين ...

وماكو مثلهة حتى بالجنان ..

جنان الباري كلهن اجمعين ...

واشوية داراهة من صنعهة ..

جفك يرب العالمين ...                                                 276

وابدعن بيهة جفوفك ها يلاه العالمين ...

فإدخلوها بسلامٍ آمنين ...

لان ربنة بعالم الدنية جعلهة ..

كعبةً للزائرين ...

ويكفيهة فخر مدفون بيهة حسين ...                                                         

                                    قرة عين

ابو اليمة اثنين صارولة سيوف          لان عيب لوحدة يتلكة الحتوف

ورضة الباري هدفهم من رضة حسين    

                                     ورخصوا لاجلة نفسهم والهدف معروف

وللباري اطوا عهد وانوب للمعصوم 

                                         وما همهم يزيد ولا منة مرهم خوف

وما خانوا عهدهم من عاهدوا معصوم    وعافوا الدنية لجل حسين عوف

إووكفوا ما قصروا جنبك يالحسين

                               وإبلا وجل والروح مشيولة إعلى الاجفوف

ومن ندب هل ناصر لهذا الدين          فزعولة كالاسود وشالوا سيوف

وجادولة بالنفس باغلة ما يملكون       وقرة عين صارولة وجنهم آلوف

وبطولة سيفهم ماخوذة من فقار

                                  والشجاعة من حيدر خذوهة وهذا معروف

هم اثنين وطيبوا خاطر حسين         من كمل كلمن مهمتة يوم الاطفوف

إووكفواجزاهم الله بالالف خير  لحسين ووفولة بالدم والنحر وجفوف277

مسلم وما ادراك ما مسلم وعباس     واحدهم عالشهادة والحرب ملهوف

                                  ها يالاصحاب

كفو ونعمين منكم ها يالاصحاب           لانكم صدك وفيتوا وية حسين

                                              لانكم صدك وكفيتوا وية حسين

ولبيتوا نداءة يا واحد وسبعين              وصرتولة درع ضد الشياطين

وفديتوا حسين بالدم والنحر والروح      وسيوف صرتولة وحميتوا الدين

واجيتوا مسلحين سلاحكم ايمان 

                                    إووكفة رجل واحد وكفتوا جنب الحسين

ومثل دركة اصبحيتوا يوم عاشور        والسبط بيكم يصد جند المعتدين

وعاهدتوا الاله وعاهدتوا المعصوم       وية حسين ولآخر نفس باقين

ونضوك الموت كلتوا ولو مرات        ما نخضع ما نذل يا واحد وسبعين

وشما يمر بحسين بينة يمر             ونضوك الموت كبلة واحلفتوا يمين

واسود انتم لان لحسين انصار               إوواحدكم ابد ميهاب السلاطين

ويا هو اروع بطولة سيفكم اما الصمود     وترة منكُم هذني اروع اثنين             

                   حوري وحورية

مر حوري بطريقة وشاف حورية ...

رف كلبة عليهة وفاض حنية ...

وخلة بعينهة عينة ..

وبعينة خلت عينهة هية ...

ورفع جف الدعاء وكال ..                                            278

خليهة يا ربي الية ...

ودعت ربهة الجليل بصوت ملهوف ..

اجمعنة يا ربي سوية ...

فإستجاب الله الدعاء ..

والقسمة صارت هاي هية ...

وبكربلة قرروا هم الزواج ...

وفرشت حضنهة وبي لفتة هية ...

فكانَ هوَ ابنَ خيرِ البرية ...

وكانتْ هيَ الشهادةَ الذهبية ...

وجان المهر كلش جبير ..

دم حسين بتراب الغاضرية ...

           مثل الشمس

على حسين المصايب ليلهن خيم ...

ومثل ليل الحزن وكليبة مثل الشمس ..

واتوسط كليبة الحزن والنور ما منعدم ...

وانت سيف الله ضد الظالمين ...

وبيك انقذ كتابة وانقذ الدين ...

وحقك يا ابو السجاد منهم ...                                                                   

وعليك المكائد دبروهة بليل ..

حتى بكيفهم ..                                                        279

(ماكو اسلام) هذا اكبر هدف عدهم ...

وحلم عدهم يموت حسين ..

ومَتحقق حلمهم ...

لان عايش بالفكر ما مات ..

وشهيداً حي هكذا القرآن متكلم ...

وعاشورك يبو السجاد ...

بكل يوم هالينعاد ...

وطفك بكل بقعة سايل من شيعتك بيهة الدم ...

            طف عاشور

يا يوم عاشور ..

بيك تكابلن يا يوم سيفين ...

سيف حسين ويمثل الرحمن ..

وسيف إيزيد ويمثل الشياطين ...

وبيك تكابلن يا يوم فكرين ...

فكر مصلح مضحي لامتة ..

فكر الشايلة حسين ...

وفكر تخريب فكرك يا ابن ميسون ..

وفكر تشويه للاسلام همين ...

ورفن بطفك يا يوم رايات ..

راية الايمان رفت بيد الحسين ...                                       280

وراية للكفر رفت بيد ابن ميسون ..

اذن راية كبال راية والنتيجة اثنين ...                                                                       

وجيشين ..

تكابلن على تراب طفك يا يوم جيشين ...

جيش الحق ..

وقائدة جان ولا يزال حسين ...

وجيش الباطل ..

والقائد ابن ميسون واتباعة الشياطين ...

               فإشهدي

اشهَدي يا ارضَ الطفوف ...

وحيد حسين وكبالة من الزلم آلوف ...

فإشهَدي ..

هل مَرَ على حسينج ..

يا ارض لحظة الخوف ...

وبالرغم من ذيج الرماح وذيج الاسيوف ...

صمد ولوحدة جان حسين ..

ويسوة من الزلم آلوف ...

ولجهاد الكوم كال ابداً فلا اعوف ...

وشكد عن المنكر نهاهم ..

وشكد امر بالمعروف ...                                             281

ومن سلوا عليه اسيوف ...

قابلهم ..

وسل عليهم بالمثل هم اسيوف ...

وذبح بيدة فكرهم بالفكر ..

وذبح بيدة الخوف ...

              الشهادة إوسام                                                                   

لكل طاغي الدهر ما عمر ولا دام ...

وإنشد لو ردت عن مسكن الظلام ...

وينة العطش اليمة وحارب الاسلام ...

حالياً في جهنم يشتغل خدام ...

وحسين بجنة المأوى سيد الشبان ..

وحور وولدان الة خدام ..

وبعسكر الحق ..

جان ولايزال حسين مقدام ...

ونزل ابو اليمة رواية ونكس اعلام ...

وحربك ضد بني امية ...

ها يحسين حرباً مبدئية ...

وجنيت انت الشهادة من الجليل إوسام ...

وحصلت إعلى الشهادة من الجليل إوسام ...

                                                                          282         

          لخاطرك فرحة

ولاة الامر انتم مو بني سفيان ..

ورادوا هم اليكونون بافكاراً سخيفة ...

وتأويل إكتابكم حاولوا يا مولاي تحريفة ...

ويردونك تموت ومنك تفرغ الساحة ..

ويصفة بالخداع الامر إلهم ..

يا والد العترة الشريفة ...

لكن غيرتك ما تخليك تضل ساكت ..

عالجرة وعالصار وإعلى الظلم وعيونك تشوف ...

وما ترضة يمعصوم غريب اسلامكم ..

وتوصلة إمن الغريب جفوف ...                                                             

وفعلا حاولت مشكور يحسين ...

وصرت حاجز حديدي وحميت الدين ...

وجبل صخري صلب ..

جنت ولاتزال وابداً ما تلين ...

بوجه خصمك يبن الطاهرين ...

ويزيد اللي جرح كلبين ...

كلب دينك وانت الطيبت يحسين جرحة ...

وجرح كلبك وجرحك عايز إضماد ..

ومن ثارك ياخذة المهدي ..                                            283

يروف المهدي جرحك ..

واخذ الثار يصير لخاطرك فرحة ...

                  الحرب الفكرية

انجنوا بلاية عقل ..

من اخذوا يزيد ..

امام إلهم عنك يبو اليمة بديل ...

ومن بدة وكت الثبات ..

ومن بدة وكت الرحيل ...

الثبت فكرك يبو اليمة ..

وفكر خصمك ما ثبت بالاعقول الصالحة ..

ولا صبح دخيل ...

واللي ثبت فكرة انتصر ...

واللي رحل فكرة خسر ...

فكر يزيد يمثل الشيطان ..

وفكر حسين يمثل النبي الاطهر ...                                                          

اذاً الحرب فكرية جانت ..

ودارت بين الخير والشر ...

واسمعوا هالحقيقة يا مسلمين ...

وادرسوهة بالضماير زين ...

يزيد جان ولايزال يمثل الشر ..                                        284

واليمثل الخير جان ولايزال حسين ...

وانت بكيفك بعد ويامن تصير ..

تنصر يزيد تريد لو تنصر حسين ...

وصاحب الفكر الالهي حسين بالجنة نزيل ...

وفكر ابليس شالة يزيد ..

ولنار من ضاك الرحيل ...

واللي حاصل على الجنة انتصر ...

وتدرون يا هو اللي خسر ...

اللي ضاك مسج يا سقر ...

و اللي ضاك مسج يا سقر ...

هو اللي خسر ...

يزيد اللي خسر ...

                 مو بطران

حياة الذل اطردت يحسين ..

وذليل تعيش يردونك بني سفيان ...

ولان شهيد تموت ..

ولا جفك يلامس جف ابن ميسون ..

اجاك العز لوحدة وصارلك عنوان ...

وعزيز انت وردت شيعة ابوك تكون ..                                                  

عزيزة بعزتك يا احد السبطان ...                                     285

وشهرت السيف مو بطران ...

لان شفت يتحكم ابن ميسون ..

مرة بالظلم مرة سكران ...

وهم البدوا ضدك العدوان ...

ونخيت اصحابك الفرسان ...

وناخي البنين وناخي الاخوان ...

وردت المعركة ..

ولا ذلة تجيلك من بني سفيان ...

وانت مَسكتت من شفت اجة العدوان ...

ولان صحيح الصار منك ..

ولان انت المحق عالصار ما ندمان ...

                           مدرسة الحياة

مدرسة الحياة حسين                     واحنة الشيعة طلابة

ويا باب العبادة حسين                   واللة جاعلك بابة

وتلميذ النبوة حسين                      ودك بيدة العلم بابة

ويضحك بالحرب الحسين              ويبجي ابوسط محرابة

وسفينة وللنجاة حسين                  وأهو نور ويهدي احبابة

إووحوش تحولوا مولاي              خصمك والدنية تحولت غابة

والوحيد حسين جان انسان           هو وباقي اصحابة

وخصمك من خسر مولاي ..                                           286

سيفك بيدة النصر جابة ...

وانت من ثرت يحسين مو بطران ..

ودكيت العدل بابة ...                                                                        

وعالبيعة من سئلوك ..

جاوبت يحسين احسن اجابة ...

انت تخيرت بين اثنين ..

بين السلة والذلة ..

وكلت هيهات للذلة وهاي احسن اجابة ...

وسيفك بيدة النصر جابة ...

وسيفك عالخصم مولاي ..

إمن اللة غضب ...

وكلمن منكتل بيه ..

بالنار وصار إلهة حطب ...

              امام الانس والجنة

إلتمن عليك سيوفهم غربان ..

وجسمك إتخذم خذمنة ...

وعليك سهامهم مثل المطر نيشان ..

وارماحهم جسمك مثل منخل ثقبنة ...

وشهيد بلا ذنب مولاي ..

ولا باطل صدر منة ...                                                287

وسيوف الغدر هنة ابو اليمة ذبحنة ...

يتيماً على حسين الدين ..

واحنة الشيعة يتمنة ...

وجميع الحور بالجنة ...

ابو اليمة إيتمننة ...

زوج حسين يردنة ...

وآيات بكتاب اللة مدحنة ...                                                                   

حسين إمام الانس والجنة ...

                              مصباح الهداية

مصباح وللهداية حسين                        وللنجاة حسين مركب

ودستور الفكر يحسين                         ورضا الباري الك مطلب

وشفيعاً بالحشر للناس                         اقصد شيعتك يأطيب

وبيدك سيف كالزلزال                        وانت السيف المجرب

ودليلك من غزاه الحزن                      هو البالحزن رحب

وللحك شركَ ظعن الحسين                   وللباطل ظعن الخصم غرب

ولابليس إيزيد يتقرب دوم                   ودوم حسين للباري يتقرب

ويزيد يناصرة الشيطان                     وحسين يناصرة الرب

وحسين وشيعتة يفوزون                    يوم الحشر والساعة هالتكرب

واليخسر يزيد وجيش ابن ميسون         والملعون ذاك الشمر الاجرب

                                                                        288

                         سدرة وشيعتك تحت فيهة

مثل موج البحر سيفك هــــــــــاج           

                                        وروس الكوم إبحر الموت شمرهة

ومثل موت سيفك عالملاعين                وامة جدك المختار عمرهة

وعد يا بشر صبر الشايلة حسين           ملائكة السمة من صبرة عجبهة

وسوة الما يصير بيوم عاشور              هو امة بني سفيان قابلهة

وشجاع وما يمر بيه الخوف                وشجعان شكثر الحسين جبنهة

وبطولة سيفة الما يمتلكهة الغير            فرسان شكثر بيهة جندلهة

ولخصمة الغضب من ربة جي غضبان 

                                             ولربعة الرضة جي راضي عنهة

ومن آذاهم آذة اللة اهل البيت            ورضة اللة برضانة حسين كايلهة

وسلام اللة عليك افضل انسان           يا ابن المصطفى والزهرة ابنهة

ومثل قرآن انت وحجيك الآيات          وسدرة وشيعتك تحت فيهة

                         ديوان ما نبيع حسين                                                            

                              حبة عقيدة

كلشي بهالوكت روتين ...

بس حب الامام حسين ...

حقيقي ويبقة حقيقي ..

وابد ما يوصلة الروتين ...

لان حبة عقيدة ..                                                     289

وبيدة رسمهة الدين ...

ولان حبة كلام انكال ..

وبلسان النبي طه الامين ...

ولان حبة سفينة ..

وتنقذ الغركان بذِنوبة ..

وبي تمسك زين ...

ولان مثل السيف حب حسين ..

ونشهرة بكل وكت ..

وبوجه الشياطين ...

ونشهرة بوجه كل شيطان اُنسي ..

حارب حسين ...

وبوجه كلمن يحاول ..

بالشر مساس الدين ...

وبوجه كلمن يحاول ..

بالشر مساس الدين ...

                حسين المراية

المناية حسين ميخاف المناية ...

وبحر المناية ..                                                                                   

لوحدة ابو السجاد فاية ...

وخصومة إمن الفضائل طلعهم عراية ...                              290

وهدف عند ابو اليمة وعندة غاية ...

راد بمعركة عاشور تثبيت الولاية ...

وجاب النصر للاسلام ..

ورفع للاسلام راية ...

وإمن اللة حسين ..

ولكل البشر آية ...

وكلمن يريد يشوف نفسة ..

بعسكر الرحمان ...

لو هو بعسكر الشيطان ...

خل ينظر لنفسة من خلال حسين ..

لان حسين المراية ...

                 مو خسران

الخلافة ..

نص اجة إمن الله لحسين ..

موش لخصمة بالخداع ..

إولا بالسيف كوة ...

ولان صاحب حمية وصاحب مروة ...

نهض يصلح امة المختار ..

وبأحد طريقين ..

اما بالشهادة او بالنصر ..                                              291

وكل الزين سوة ...

وبين الحق وكال اتبعوه ..                                                                       

والحق جان هوَ ...

وبين الباطل وكال اتركوه ..

وجان الباطل عدوة ...

وشهيد وبالجنة صار الفوز ..

وخصمة الخسر بالنار يتجوة ...

وبالفكر ايضاً منتصر ..

صدكوني حسين هوَ ...

وخصمة اللي خسر بالفكر هوَ ...

لان فكر حسين خالد وي خلود حسين ..

وفكر إيزيد اندثر ..

واندثر هم إيزيد هوَ ...

والنصر بخْلود الفكر ..

مو شرط بالسيف هوَ ...

           ما نبيع حسين

ما نبيع حسين إولا يمكن نبيعة ...

واب روحي صارلهم ابو السجاد ..

وابناءة صاروا الشيعة ...

ويريد الخير ..                                                           292

دوم حسين إلامة المختار ..

ويريد اخلاقهة تصبح رفيعة ...

ويمشيهة عالصراط يريد ..

وقائدهة يكون حسين والامة تبيعة ...

وامام وامتة بدمة فداهة ..

وفدة بدمة الشريعة ...                                                                      

ونقذهة إمن الظلم بافكارة هو حسين ..

من صارت كربلة بدمة نجيعة ...

وجاب الفوز إلهة ..

وصار بدمة الفوز توقيعة ...

ونطيع اللة ورسولة ..

اذاً لو امر ابو اليمة نطيعة ...

وحب اللة ورسولة ..

حب امامي حسين ..

وحب حسين مفتاح لجنة الوسيعة ...

وامام لجميع الناس يبقة حسين ..

موش إيزيد إولا فقط للشيعة ...

                                    حسين الخليفة

دهرنة عجز ما يكدر يجيب                مثل شخصك يبو اليمة شخص 

وانت الخليفة يا واحد من اهل بيت        نزل بيهم يبو السجاد نص293

والخلافة الك ومن اللة ثوب              وخليفة عالما رضوا رَغما ونص

وانسرقت غصب منك يالحسين          ويزيد اللي سرقهة وصارلك لص

وتهتف شيعتك بإسمك يمظلوم            حسين انت الخليفة وانظر وبص

وفضت مثل النهر وبثورتك يحسين      وبماي الحقيقة ماع الخصم فص

وردت خيرك من ثرت مولاي            يعم الناس كلهة وما يخص

لانك ردت كل الناس احرار              وتعيش بظل حكم يستخدم النص

والنص القصد شرع اللة يا مولاي       مو عامي شامي إولا تخلبص

إولا شريعة غاب والحاكم ابن ميسون

                                       والباطل منذبح والحك بيك حصحص

 

                                      نصروك                                                 

سلام اللة على اصحابك يالحسين          لان هم إلوحدك ابد ما عافوك

ونصروك بوكت بي محتاج الانصار     وبفلوس الوغد يحسين ما باعوك

إولا خافوا سطوِتة ولا قسوة إيزيد        وعكس الغير همْ لان ما خانوك

واجوك بكلب شايل نور الايمان           والجنة لهم لان يحسين عانوك

وبكلبك شلتهم حقا انصار                  وبنص كلوبهم يحسين شالوك

وإلاجلك تراهم عافوا دنية الغير          واجوك مسلحين وبالعجل وافوك

ورخصوا دمهم الك يا ناصر الدين     وعلى حرب الخصم يحسين فادوك

ونصروك بسيفهم وإلهم صرت محبوب

                                            من شافوا بني سفيان عادوك294                         

ابطال واسود ونصروا الدين               وطالوهم مثل ما يحسين طالوك

ومن بعدهم صرت انت وحيد              وخصومك هكذا يا شهم شافوك

                     تقر بحسين العيون

إشيريد حسين تدرونة إشيريد ...

لمن ما خضع للظالم يزيد ...

راد المساواة اولا ..

ثم يتنحة يزيد ...

والظلم امرة ينتهي والعدل امرة يسود ...

وراد الخلافة ..

 اللي هي حقه الشرعي ..

بالسلم او بالحرب ليه هي تعود ...

وراد يصلح ما خربة الطاغي العنود ...

والحاكم الشرعي حُسين بكل وكت ..

وكلام اللة وسنة نبينة لحسين الشهود ...

ومنطي حسين للباري عهود ...

على ان:                                                                                                

يخوض الحرب ضد إيزيد لو مهما يكون ..

وكل حق يِردة إلهلة ...

صعبة كانت او سهلة المسألة ...

وعند ذاك تقر بحسين العيون ...                                        295

              شنهي عذرك يعاشور

بضميرك يا شهر عاشور ...

هل ترضة بيك حسين منحور ...

ويا شهر بيك بسيف البغي مغدور ...

وطعمة بيك يصير ابو السجاد لحلوك السيوف ...

وكلي ..

يا جرح من جروح حسين ..

 منك نكدر نروف ...

لان بيك انذبح طفلة وخسرة ..

وخسر عباس بيك ..

وخسر عباس عينة وخسر بيك الجفوف ...

وعلي الاكبر شباب وما تهنة بالشباب ..

وخسرانة بيك حسين ...

وخسر بيك العريس قاسم ..

وإلامة قرة عين ...

وبيك انصارة الخسرهم ..

اسود الواحد وسبعين ...

اذاً شنهي عذرك يا شهر عاشور ...

يالبيك انت حسين منحور ...                                            

                                                                          296              

                                 الحسين ويزيد                                               

ليش بلا ذنب يحسين مظلوم                   ومن حقك يبونة ليش محروم

الخلافة من اللة حقك الشرعي                موش ليزيد الاسود المشؤوم

حسين ابن الفضيلة والخلق والدين           ويزيد الفسق ابن الفكر مسموم

ويزيد انسة بس باللعن مذكور                وخالد يضل حسينة دوم

وديوان الفضل مصدرة يبقة حسين           ويزيد بديوان الفضل معدوم

وحسين التقي كل وكتة خاف الله             ويزيد الما خاف الله فد يوم

ويزيد إبلا علم بس يهجو النبيين             وحسين الجمعهة كلهة الاعلوم

وكافر وإبلا دين يبقة إيزيد                  وحسين الحمة دينة وهذا معلوم

وحسين وشيعتة من النار مفطومين         ويزيد من الجنة والخير مفطوم

واليسقط يزيد وسقطاه حسين                فكرياً ترة وكل الزين مفهوم

                            

                              جنود بعسكر الايمان

اريد امدح بشعري مسلم وعباس         شجعان ومن صدك والله شجعان

لجل حسين شهروا بالحرب بتار         ومع حسين إجنود بعسكر الايمان

وكالولة نعم هاك اخذهة الروح          فداءاً الك في ساحة الميدان

وشالوهة النفس فوك الجفوف واجو

                                       ونرد عالخصم كلولة الصاع صاعان

إوواحدهم امكابل من الزلم جيش    

                                   ويحصدهم مثل حصد الزرع لو حان297

جان الحق والعدل طريق حسين              وطريق إيزيد بس الظلم جان

واختاروا طريق حسين ما غيرة طريق     وتركوا طريق الظالم السكران

لان حسين حر يقود الاحرار                اذن حر واحدهم طبيعي جان

فسلام اللة عليهم وية الاحرار               صبح ومسة وشوكت ما جان

                          حي بإثنين

يا بحر هايج ما وكفا سد ...

ويا جبل شامخ والقمة بلا حد ...

حُسين وما ادراكَ ما حُسين ..                                                                  

ابوه المرتضى وامة الزجية والنبي الجد ...

حسين شافع لامتة ..

ومنقذ لامتة الامجد ...

ونحو الخير .. ضد الشر

قائدهة إلامتة ..

ودومة إلهة يتودد ...

وردت تصلح امة المختار ...

يا طاهر ابن اطهار ...

وصوتك جهر مرفوع ...

كبال جيوش ابن ميسون ..

بالنصايح والمواعظ ..

وعدهم صوتك فلا مسموع ...                                        298

لان باعوهة الضماير ..

وللباعوا منة المال مدفوع ...

وانت حي بإثنين ..

بالشهادة وبالفكر ..

وخصمك بالفكر مصروع ...

وانت بس بالجسد مصروع ...

إووحكك وحك شيبك                       يبو شيب البالدمة اتخضب

بالجنة انت إسكنت                         ولنار خصمك حطب

وتكطعَت اوصالك وصل                 وللذل ابد مركعت

وبكلوب شيعة علي                       يحسين انت اسكنت

                  

                  للدين انت السور                                                        

جة نصرت حسين ..

يسيف حسين مشكور ...

ولان سويت الما سوتة كل السيوف ..

سويتة بالجملة مو فرادة ذبح النحور ...

وتبقة بالفخر يا سيف مذكور ...

وملك الموت خليتة ..

على ارواح الخصم كلهة يدور ...

ولحسين اذا راح النصر ..                                               299

منك ياخذذ الشور ...

وصرت للدين انت السور ...

وهزمت الظلم وانت الهزمت الجور ...

لاّن هيابة للشيعة انت خليت ..

هالخلاك بيدة ..

وبنص الخصم خلاك تدور ...

والتنسل عليه ..

يكون كبرة بنار محفور ...

واللي تنصرة ..

كبرة يكون ضاوي بنور ...

                             الحسين يحفظ الطيبة

الطيبة اقتلوهة من قتلوا حسين            لكن ما دروا بحسين لابنة انطاهة

يعني تداول بقت عند الآل                  وبجيشة يخسة إيزيد ما كتلاهة

وجة عدهم الوادم تعيش بخير              لان من فضلة واحدهم انطاهة

نعتوك بخارجي ويدرون بيك يمام         حتى بلا ناس تبقة هالكالاهة

يعني يخدع الجُهال جي بي يثقون         ملكهم على دينة النبي نطقاهة                  

وفعلا وحيد بلا ناصر بقيت              وهيَ هاي ابن ميسون راداهة

ومجموعة قليلة من الطيبين وياك       رب العزة الك يحسين خلاهة

ولاثنين انفتح باب الصراع الباطل      بني سفيان والحق بني طاهة

وستر اللة بحر الدم فلا مليان         وكل صفحة فلا تنحسب قتلاهة300

ويا ربي لم الشمل وانهي الصراع        وبنهج حسين خلهة تدحر اعداهة

                                     

                                     ما ندمان

على فراك الحياة حسين ما ندمان         لجن هي اندمت كلش على فراكة

لان شاف المذلة ترافك الناس             وشاف الذل بحر والناس عاكة

وصعبة إعلى العزيز بيوم لو ينذل        وبحر العز يرفض ينسحك راكة 

ومبيوك العدل شو ما اجة للناس             بسيف ومال ابن ميسون باكة

وشريفة اركاب حزهن سيف ابن ميسون   وبفلوسة هواي صارولة رفاكة

وعدد حالات مرن والحسين يشوف 

                                        عاشتهن الامة وتخلص واللة مشتاكة

واجاهة امتة جيت سفينة نــــــــوح    

                                    من غركت بالخراب وضاكة من ضاكة

ورفع بيدة الشريفة الفكر وية السيف   بلكي امتة وية الفرج لحظة إتلاكة

الفكر فكر النبي والسيف ذو الفقار   والعدو نفس العدو بس الشمر ساكة

نصح ومن شاف النصح ميفيد       ندب لو نصر لو موت هبُوا يا رفاكة

                               انسان بوسط غابة

الحزن حيوان وحشي ومد مخلبة        إعليك وبكلبك غرز يحسين نابة

وملعون الحزن صاير لابن ميسون      بكلب حسين سيف وهاجر كرابة

وعلى شنهو الحزن يحسين غازيك

                                  وادري انت ويالحزن ما عدك طلابة301

ولعصافير الحزن محطاط كلبك صار     ما يرحن بس يجن جنهن احبابة

ونعتب عالفرح بس العتب شيفيد             سد بابة عليك وما فتح بابة

وبكتاب الفرح اسمك فلا موجود            واسمك منمسح جا ليش بكتابة    

والدنية غابة تحولت بايام الحسين           وبس هو انسان بوسط غابة

لان وحوش تحولت ذيج الناس             وكلمن لحربك دفع المال جابة

وضدك كلمن حد مخلبة يحسين            وهم كلمن كشر ضدك انيابة

كل همهم جائزة بقتلك يحصلون           وكل همك رضا الباري اكتسابة

                           يالثارات الحسين الخالدة

انتصر سيفك بالفكر ..

وموت كل فكر ذيج السيوف ...

وانت مو ميت ابد ..

انت حي جي لنك شهيد ..

وعيون الشهيد تشوف ...

اذن شوف يا مولاي شوف ..

شوف وكرر الشوف ...

انت والوغد ذاك يزيد ..

كلمن فكر عندة ..

وما رايد لفكرة يعوف ...

وكلمن راد فكرة يسود ..

اما بالسياسة او بالدماء وسيوف ...                                   302

اذن شوف يا مولاي شوف ..

شوف وكرر الشوف ...

يا هو الساد فكرة ..

ويا هو الفكرة ضاك حتوف ...

كأني بيك تكول ..

او لسان حالك هو اليكول ..

الاول اللي وضع نقاطة عالحروف ...                                                        

يعني الحصل على غايتة ..

وباليرضة بيه الله ..

هو الفكرة السايد والامر مكشوف ...

والثاني من عقول الجيدين النيرة ..

شي اكيد وطبيعي يكون محذوف ...

فأَنت يا ولي الله، انت من الرجس معصوم ..

وفكرك فكر اللة ورسولة وهذا معروف ...

ويزيد اشجان تدرون اشجان نهار وليل سكران ..

وطبعا هذا معروف ...

( وابدون تعليق .. وباعتقادي )..

ساعة المخمور بيهة ..

ايشوف ابليس اللة واللة يشوفة شيطان ..

هذا انسان ؟ لا بل حيوان مخطوف ...                                 303

يعني الباطل حك تشوفة عيون ابن ميسون ..

والحك باطل بعينة يشوف ...

اذن يزيد الخسر  وفكرة هم اندثر

وساد فكر حسين وحسين انتصر يا وادي الطفوف ...

والنصر مو بس بالرجل يحسين لمن اجة ..

مدنك اجاك ويزحف ازحوف ...

وعشت مهيوب عمرك يا حسين ..

وساطع كالنجم يا اكبر عطوف ...

وكلشي فدوة ولجلك يهون ..

مادامك عزيز تحبك آلوف ...

ومادامك شجر وتفيي عالناس ..                                                              

ومادامك بحر ويفيض بالمعروف ...

وكلشي فدوة وكلشي الك مخلوق ..

مادامك عالظلم سليت السيوف ...

وهاي شيعتك وابنك بنصهم يطوف ...

ويرفع راية الايمان بيدة ..

ويرفع راية الاسلام بيدة ..

وماكو خوف ...

المهدي حتماً ينتصر ..

ويطالب بثارات الطفوف ...                                          304

يالثارات الحسين الخالدة ..

ويالثارات الهواشم ما يعوف ...

           ما همنة الاثنين

دار الوجه عن الشر ..

بس عن الشر ما دار وجهة حسين ...

وعاين عالآخرة ..

وعن الدنية دار العين ...

وعلى اهدافة ..

اقصد على التحقيق ..

لمن اجتة الشهادة ..

كللهة وين ما وين ...

إو ما مد ايدة للترغيب ..

أو لا خوفاه منهم الترهيب ..

شجاع وعفيف وما همنة الاثنين ...

يا حافظ كتاب الله لفظاً وحِماية ..                                                        

بتفسيرة الله الاول ..

وانت رقم اثنين ...

وبالشدة وبالرخاء التاريخ ما كال ..

عنك فد يوم البست وجهين ...

وانت ابيض وجه وابيض الثوب ..                                     305

وانت ابيض كلب وابيض الجفين ...

وجتفوا زينك يبو زين الاعباد ..

لكن ما دروا ..

جتفت بفكرك فكرهم يا والد الزين ...

ودليت الحرية الدرب ..

لمن عالدرب تسأل شفتهة منين ...

ودليت الهدى لمن سمعتة يصيح ..

اريد ادكن باب كلمن زين ...

                      كاع للفرسان

عريس الينكطع بس راسة ويموت ..

لان اسهامج كربلة تضرب كل مكان ...

وارماح المعركة صعبة كلش حيل ..

وتطعن بالجسم وين ما جان ...

وإدين سيوفهم ما تطيح فقط روس ..

ذرعان اتطيح اديهن وممكن السيقان ...

وعلى روس الرماح الروس مشيولات ..

واجسام النشامة كاع للفرسان ...

إومكطوعة المؤون وممنونعة الامدادات ..

وجوعان المقاتل يبقة ويبقة عطشان ...                                                    

وغنائم عالخيم صاحوا الانذال ..                                       306

والبيهن سلّبوه ويحترك ما يبقة كل صيوان ...

وسباية الحرم ومأسر النور ..

سجاد الحسين التوم للقرآن ..

وفرجة للبشر ترفيه للارواح ..

خصمك جعلهم كلما يمرون بمكان ...

وراسك اتخلة اكبال ممسوخ ..

وشبع منك مسبة وطك بالخيزران ...

وصب كاس الخمر عالراس ..

وراح الكاس لبعيد ..

يعني اتدخل الرحمان ...

هاية معجزة إمن الباري الك يا مظلوم ..

العزة اولاً وما راد لحسين الهوان ...

وثانيا ربك يريد يكول ..

الخصم باطل وحسين المحق جان ...

وجارية إسكينتك رادوهة اهل الشام ..

وربك ستر يا قائد الاكوان ...

وتعلم يقيناً كل هذا راح يصير ..

من جدك اخذتة وجدك إمن الديان ...

ولاجل عدة قضايا ما إتنازلت يحسين ..

ردت انت الخليفة مو بني سفيان ...                                    307

وردت تصلح امتك ..

من صارت بحضن الخراب ..

ولفهة بالذرعان ...                                                                           

وردت تحفظ اسلامك ..

خاف كلة يضيع ..

وإمن التحريف رايد تحفظ القرآن ...

             يا ابن علي

لان فرخ البط كالوا عليه عوام

يا ابن البطل يا ابن الشجاع

يا ابن البالشهامة اطول ذراع

ويا ابن الماجد المقدام

يا ابن الغيور وابن ذاك النور

وابن ذاك الصار لامتة سور

علي وسور صايرلك يالاسلام

يا ابن الما سكت عن الحقوق

والعدل بابة بجف علي مطروق

وللغيب إمن الرسول ابوك علام

يا ابن واحد بصفة يمشي الحك

والدنية زهدهة واكثر بعد طلك

وظالم ما صُبح ينحسب وي ظلام                                     308

يا ابن الكريم وريس عالانس والجان

وبكلامة صُبح توم للقرآن

وبسيفة وكلمتة دين اللة دام

يا ابن الحكيم وابن زين الكون

وابن واحد كلبة بطيب معجون

علي ولافكار الكفر بافكارة هدام

يا ابن داعي الحرب داعي الجهاد                                                          

حتى الدنية تخلو إمن الفساد

وداعي للتآخي وداعي للسلام

وابن الذي المبادئ ترست ايدة

اسد والاخلاق صايدهن طريدة

والخير وردة وعلي للورد شمام

وشفيع الكون لو صار الاحساب

وسكن بكلوب الخلق والد الاطياب

 وحب اليحبة وبحب الصدك هام

وصفات وفضائل كلش هواي

صارلهن والدك يحسين جناي

وانت شبيهة بمعنى القصيدة والكلام

لان فرخ البط كالوا عليه عوام                                          

                                                                          309                            

                                 يا فوز المحب

يا اجرئ شخص بالكون محسوب       وموقف وحدتك ضد الكوم منطوق

ويا هادي الامم جن وانس مولاي         وسواك الهك انت اهدى مخلوق

وياتاج الامم بافعالك صرت تاج          وتاج الخلافة منك ليش مسروق

ويا صاحب كلب اشبه بكبر الكون       وبنار المصايب للاسف محروق

وياحبيب لدنيتك واللة الكال حبوه         وخليت اليحبك بالكلب ملصوق

ويا فوز المحب يحسين بالدارين         على ابواب الجنان لدنيتك سوق

ويا خسارة للعدة خسروا لان بغضوك  وباب النار إلهم بيدة مطروق

ويا لايح سمانة بهامتك مولاي        وبحْذاك العدو مرادف للنذل مسحوق

ويا فخر روحك بالطيِّبات حسين    وصرت كلك للمناقب عاشق ومعشوق

ويا فخر دنية بكبرهة صرت يا مظلوم

                                         عشت والضلال بجف يمنتك مخنوق

ويا ذابح فكرهم بالفكر مولاي           وسيف وبي هام الكفر مفلوق          

ويا ناهي ذكرهم عند الزين معدوم    عزيز وصار الذل بمنهجك مخنوق

ويا رافض الذلة ذلة بني سفيان       وكلب حسين واللة إمن الجبن معتوق

ويا عين الصكر شايف طريقك زين

                                         دكوا على حربك طبلهم نفخوا البوق

ويا مخلب الذيب بنصك يبطن الشاة     وسيفك بركاب العدة سويتة طوق

ويا اطهر دماء بركبة اعداءك طوك    مهدينة إعلى ثارك ذابحة الشوق

                                                                           310

                    ديوان مدرسة الاجيال

                          كون إوياك

كون إوياك ...

ويمين الكون ناصر ليمناك ...

كون إوياك ...

نقتل بالخصم حتى ننول إرضاك ...

كون إوياك ...

ونصد عنك سِهام إعداك ...

كون إوياك ...

وإنوشل دمانة عن لا تسيل إدماك ...

وكون بكلبنة سهم البكلبك ذاك ...

كون إبدال ابنك علي الاكبر ..

ولا اخلي الفجيعة توصل وتدناك ...

كون إوياك ...

وبدل عن ركبتك يحسين ..

تنحز ركبتي بجفوف سفاك ...

كون إوياك ...

وبدل جسمك تسحكنة خيول إعداك ...                                                         

كون إوياك ...

وبدل عنك اشوف الشافتة عيناك ...                                   311

              الطائر الحر

شفت طيرك غريب وما يحط بكاع ..

وببلادج يدنية الطير يفتر ...

انكسر كلبي عليه وكلت مسكين ..

وكلت عنة خطية وبعد اكثر ...

وإسألت عنة وكلت هذا إلمن الطير ..

وليش إشعجب شو ما ينزل إبّر ...

وجاوبني عليه وبكل صراحة المرجع الحر ...

لو تدري بهذا إلمن الطير ..

جا تحزن بالعجل ..

ومن عينك يطيح الدمع الاحمر ...

هذا الطير وحدة وما إلة اصحاب ..

من ساعة مولدة لهاليوم يفتر ...

عدهة آنة كلتلة ..

يا بعد روحي وبعد هاي العين ..

عرفني عليه اكثر ...

كال الطير هذا الطير ..

طسير حسين الطاهر الاطهر ...

غريب وما يريدة الكون الا النادر الاندر ...

وعاين علية المرجع وكال ..                                         312

هسة اعرفت قصة المسكين ..

قصة هذاك الطائر الحر ...                                                                   

وكمل كلامة المرجع وكال ..

كلمن يتبعة ويعشك الاخلاص ..

إمن انصار قائدنة الحجة المنتظر ...

                                يا رايد الانصاف

رغم ذيج السيوف وذيج الارماح       عن قضيتة حسين متنازل ولا خاف

ورغم كثرة عدوة وكثرة الخيل        واجهم بسيف الحقيقة حسينة السياف

وجرة منهم عليك ارهاب ممقوت      بامر إيزيد الما عُرف ربة ولا خاف

وبيدة صنعلك يا حسين الموت          واسرف بسفك دمكم يزيد اسراف

وحيد ولكن صامد صمدة الجيش       امام جيوش ما تنعد بالالاف

صمدة بشموخ تكول قمة وجبل يحسين     

                                   وتبقة هكذا وكلكم هكذا يصحاب الاعراف

وعالمبدأ متت بس الفكر ما مات     وموَّت الفكر فكر اخصومك الاجلاف

ومتت موتة بشهادة ولامتك نصحيت

                                      ومو حيا وحدة عشت يا رايد الانصاف

حي بالشهادة وبالفكر ايضا حي        ومنصف لامتك يالما اجاك انصاف

وكريم ومضيفك للفقرة فاتح بوب           وجنت ولاتزل كل يوم تنضاف

                      رافض صراحة

يا من من زمانك ما شفت راحة ...                                    313

ضد الظلم من هديت ..

جانت كربلة الساحة ...

وكلبك من ذهب مولاي ..

ما يوم الدغش لاحة ...

ومن عشكاه الحزن ..

اول ما طلك افراحة ...

وبستان القيم بس انت فلاحة ...

وباب المكارم ..                                                                                  

بيدك صار مفتاحة ...

ولحسين ولكلمن مقتدي بحسين الجنة لواحة ...

وكلبك للاسف ..

ليش الحزن مولاي مجتاحة ...

وإتجرأوا على اللة ورسولة ..

من ذبحوك يحسين بوكاحة ...

وزيدوا كلب جدك جرح ..

فوك الما تنعد جراحة ...

وما رافض حكم لا شرعي بالبسكوت ..

بل رافض صراحة ...

                         الفارس المغوار

حسين الفارس المغوار                وسيفة بالحرب يلمع        314

وسوة بكربلة الما صار               قابل جيشهم اجمع

وسوة جموعهم طشار                جنة حيدر الانزع

واصبح سيد الثوار                   بثورة عالظلم اجمع

حسين وصحبتة الاخيار             نصروا دينهم فاسمع

انصار ومن صدك انصار          واصحاب الخلق الارفع

وحسين بثورتة من ثار             رايد يصلح الاضلع

ورايد امة المختار                  ينقذهة وللظلم يدفع

وطريقين ولابد وان يختار        امامة الظالم من وضع

واختار الحرب لما اختار          ولطريق الذلة من ودع

                                   سيفك المهيوب

يا من بالطف مثل ابو الحسين جان        سيفك يوم عاشر جان ذو الفقار

ومثل عزرائيل سيفك بعاشر صار    وبكيفة إبارواح الخصم ضل يختار  

ومثل الموت لا بل هو الموت            وتخافة اعداك وانت لازمة البتار 

إوواراهم نجوم الظهر يا سيدي ومولاي

                                          وبراحتة ضل يكطف بروس اشرار

وصاعقة وطاحت عليهم سيفك حسين    الطايح طاح والبي ميت راح لنار

واجازة اخذ ملك الموت وارتاح     وتكفة بسيفك المهيوب يا ابن الاطهار

وتدري من شهرتة شصار بعداك     عدوك من لَميعة يخاف ويدخل انذار    

وبالنار كلمن يسل سيفة عليك          وكلمن تسل سيفك عليه همين بالنار

والرايد يذبحة إيذبحة لو شيصير      وإيلحكة اليفر منة حتلو طار   315

إووسفة لوحدك بس سيفك العاناك

                                  من بعد ابناءك واخوتك والسبعين الانصار

                                    كلب واحد     

اصحاب حسين قرة عين لحسين           من دارت على حسين العساكر 

وصارولة سيوف بوجه كوم إيزيد       وصاروا لحسين من الخصم ساتر

وحصلوا عالشهادة من الجليل وسام        وبلا ذنب لو صار الحشر باجر

وهنيئا تراهم راحوا بيض الاوجوه         للجنة وراحوا ترة بيض الدفاتر

ومن نخاهم للحرب مولاهم حسين           كلولة نعم شتريد انت حاضر

هذولي احنة جنود بامرتك ننقاد            وبدم ونفس نفديك واللة ومناحر

بس كول انت التريدة يصير              نخلي الخصم بامرة وداعتك حاير

ونخلي بكربلة من دم الخصم طوفان         وادين وروس نجعلهة اتطاير

وكلب واحد كلبنة وياك يحسين  

                                     إوواحدنة صمودة بصمود الجيش صاير

واحنة وياك ونبقة وياك يحسين             وحقك لاخر نفس بالروح داير

                                   ما رايد حرب 

ما رايد حرب يالعالحرب مجبور          ورايد سعيدة تعيش كل الناس

ودين اللة حميتة وصرت إلة سور       وكتاب اللة نقذتة من ايد الانجاس

واول ثائر عالظلم محسوب يا مولاي    ودمك بيدة بنة للدين اساس

وجسم الدين جان ولايزال حسين         وللدين ابو اليمة ايضا الراس       

يعني حسين موش الخصم هو الدين    اذن محمي وبنهجة ما ينجاس316

ومو كبة ذهب صدكوني هو حسين      ساكن بالكلب شنهو الذهب يا ناس

والطاغي بسيف البغي لحسين غادر   بلا خوف اللة وابد ما يملك احساس

ومشكورة تضحياتك يا بطل يا ضرغام

                                            يا هيبة الشيعة ولشيعة رفعة راس

وسلام اللة عليك ابن الميامين         ويا واحد من اربعطعش لدين حراس

وشهيد تخلدت خالد مع الايام             من يوم الكتلتك مولاي الارجاس

                                  متحقق هدفنة

يا كهف واختارك انت الدين                 وحميتة وصرت يحسين كهفة

لان شاف جفوف غربة اتلاعبن               بيه احتاجك فعلا تنصفة

وبمحراب الصلاة ادموع منة تسيل           وبالحرب ترسم بسمة عالشفة

ونهض لاجل ان ينقذ الدين                   من جف يزيد وناهض بلهفة

واجوه انصار واللة انصار               واحدهم اسد والصارم لازك بجفة

وكالولة بخدمتك بس آمر وكول           لان وسفة لوحدك يحسين وسفة

وندب هيا للحرب كوموا يالاصحاب    خلونة الظالم نذبحة إونِكص جفة

واذا نسكت عليهم اسلامنة يضيع

                                     ويتحكم علينة الما يعرف رجلة من جفة

وخلونة نثور ونحمي هذا الدين          وصدكوني الحرب سهلة مو كلفة

شهادة نصر ثقوا يا هو الجان            احنة المتحقق هدفنة موش هدْفة

                      يحمي الدين

إمهاجر من ترك ارضة حسين مو بطران ..                          317

كل همة وقضيتة يحمي الدين ...

وعلى سفك دمة اجتمعوا الاعداء ..

حتى بلا رادع ..

لو تغير حكم من احكام هذا الدين ...

وحتى يحمي الدين ...                                                                         

جمع انصارة اتجه نحو العراق ..

وبالطف عسكر بجيشة الحسين ...

وبيوم عاشر من محرم ..

بدة وقت القتال ..

والنزال إبين جيشين ...

ومن وصل دور الحسين ...

استبسل للحرب ومثل الليث غضبان ...

ويشهد ..

عالشجاعة والبطولة الجانت يمتلكهة حسين ..

طف كربلة الميدان ...

وصابر عالبلاء مولاي الحسين ...

ولان صبرة مو طبيعي صبر معصومين ...

ملائكة السمة من صبرة متعجبين ...

ملائكة السمة من صبرة متعجبين ...

                                                                          318 

                يا بو القيم

يا بو القيم ...

يالمناضل لاجل المبادئ والقيم ...

وعلى درب الشهادة قدميت انصار ..

واللة انصار ابطال وزلم ...

وقدمت اخوتك فداءاً للقيم ...

وضحيت إبنينك ..

وطفلك بسهم غادر منفطم ...

يا قائد وابوهة لامتك ..

وإلهة رافع بجفك علم ...                                                                  

حسامك سوة بكربلة الما صار ..

يا جيش لوحدك ابطال وزلم ...

وابوي آنة لكيتة يحب الحسين ..

وحبك رضاع ومنة ما ننفطم ...

وربتني بمحبتك وارضعتني اياه ..

حبك يبو اليمة الوالدة الام ...

وعزيز وبيتك بالكلب موجود ..

ومفتاحة لحبك مسلم ...

ومفتاحة لحبك مسلم ...

                                                                           319

         عليك العتب يا عاشور

نعتب عليمن يا شهر عاشور ...

جا ليش ابو اليمة حسين منحور ...

عليك العتب ..

لان بيك انذبح يا عاشور ...

وما معذور ..

ابداً فلا معذور ...

حسين ابن الصلا والصوم عفتة ..

وصرت وية ابن الفجور ...

يالذنبك جبير انت ..

حاول تجعلة يكون مغفور ...

كوم اطلب مغفرة ..

وكوم انذر واذبح انذور ...

وكوم البس اسود على حسين ..

وخلي ايامك تلطم عالصدور ...                                                            

وبيك الحزن واجب على حسين ..

وعلى حسين الفرح بيك محظور ...

وقسمين انت صرت يا عاشور ...

قسم انت ظلام وقسم آخر نور ...

ابن ميسون ويمثل الظلام ..                                            320

وابن الزجية يمثل النور ...

           إلمن تعود الخلافة

يا حسافة الكمر واحد يا حسافة ...

وهد عليه الغيم بالليل ..

وجان الغيم بالآلاف ..

واللة إوواجه آلافة ...

هذا حسين جان وحيد ..

وجند الظالم عليه آلاف ..

وجان الظلم آفة ...

وما هاب الجموع حسين ..

إولاجيش الظلم خافة ...

ومن اجل الرئاسة ..

ومن اجل كرسي الخلافة ...

حسين بسيف البغي مغدور ...

والسيف مغير اوصافة ...

وإلمن الامر يرجع ..

وإلمن تعود الخلافة ...

ليزيد ابن الطليق تعود ..

لو لحسين ترجعلة الخلافة ...                                                                

يا امة الاسلام احجي ولا تخافين ...                                    321

احجيهة يا امة نبينة ولا تخافين ...

وكوليهة الخلافة تعود لحسين ...

ونصين: بكتاب اللة وحديث النبي ..

والنتيجة تكون نصين ...

إوولاة الامر لابد وان تكون معصومين ...

موش العاهر يزيد ومنخاف السلاطين ...

موش العاهر يزيد ولتخافوا السلاطين ...

يا امة نبينة ليش كلكم صامتين ...

احجوهة الحقيقة يا مسلمين ...

بينوهة الحقيقة يا مسلمين ...

وكولوهة بصوت عالي ..

الخليفة هو حسين ...

                                   لاسلامك كلت

حسين يا بيت الشرف للعفة عنوان          ومديتة الفكر عالكون جنحان

وعلى صدرة المجد لابسة وشاح       وشرب كاس المروة وكاس الايمان

ومخلص للاله ومنة خايف حيل         وحليم بوجه التسرع سادهة البيبان

ومن خرب الامة وخرب الدين             عدوك الظالم جفك قام بالعمران

وسنيت السنن وطفيت الفتن بالقرآن         يا قرآن ثاني إمقارن القرآن

وهديتة الخلق وعنة نحيت الضلال      عملة وحدة وبيهة وجهان

ويا قاصم ظهر كل الشياطين         جن وانس واخطرهم بني سفيان322

عابد بالارض ما رايد ابليس             وخليت العبادة للخلق تفتح البيبان

وباب الشرك بيدك صار مسدود         يمخيب امل مو واحد الف شيطان

ولاسلامك كلت ارفع رايتك يسلام     ونَزِّل صحت بالخصم راية الاوثان       

                                  مدرسة الاجيال

حسين مدرسة الاجيال مو حزب البعث

                                         وقائد للضرورة حسين مو ذاك النذل

ومعنى اسم التحرر منك خذيناه  

                                       مو حرية البعث يحسين يا انت الاصل

وسلام اللة عليك إشوكت ما جان       واشما شرقت شمس وشما ليلنة ليل

وانخة عالظهور ابنك من فدوة الك       لان فراكة علينة من صدك طول

وطريق الطف مو ورد جان سيوف       ورغم كل الصار ما نالك وجل

امرين واختاريت يحسين الصعب       وللحرب ما مشت كوة بيك الرجل

رفضيت المذلة وبالعلن مو بسكوت  وحرب خيارك صار يحسين ويالنذل

وبرضاة النفس ربعك من اجوا ليك      وهذا على شرعيتك يبو اليمة يدل

عكس جيش الحاربك يحسين اجوا       اما خوفاً او طمع بالمال المنبذل

وانت القائد الشرعي مو ابن ميسون   وهُم مأواهم جهنم وانتو بالجنة نزل

                        النصر الحقيقي

مثل عريس .. بل عريس ..

سيفك يوم الاطفوف ...

على النصر الحقيقي ..                                                323

وجنت إلة زافوف ...

وجان المهر نحرك ..

تحت ايد السيوف ...

وجان المهر دمك ..

سايل بارض الطفوف ...

وجان عباسك مهر ..

الضحة بعينة وبنحرة وبالجفوف ...

وجانوا انصارك مهر ...

وجان اكبرك ايضا مهر ...                                                                    

وقاسمك ايضا مهر ...

هذولة العافوا الدنية .. لاجلك يبو السجاد عوف ...

وجان المهر طفلك ..

اللي ضاك المنية بسهم الاحتوف ...

وجنت انت المهر ..

في يوم الطفوف ...

                انت الحق تريدة

امام الناس ..

شو هجمت عليك الناس ..

إبلا ضمير ولا ذمام ...

وما جنك وليهة ..                                                       324

ولا جنك إلهة يمام ...

وانت الحق تريدة ..

وخصمك الباطل يريدة ..

وبيناتكم صار الخصام ...

وخصمك جند جيوشة عليك ..

وانت ابدا ما تُضام ...

وانت ايضا جمعت جيشك عليه ..

وانت ابن فالق الهام ...

وسيفة بيدك صار ..

يوم الطف الك صمصام ...

ومثلة انت صرت همينة فالق هام ...

يا ابو السجاد يحسين الهمام ...

حتى الناس تشعر بالامان                   وتعيش ايضا في سلام                           

وحتى الدين امرة يستقيم                    ويبقة كما هوَ الاسـلام

ضرب السيوف تحملت ..

وتحملت رشق السهام ...

وطعن الرماح تحملت ..

والخيول التجري فوكك ..

رضرضاً (وتحملت) منك عظام ...

                                                                           325

                                 ابطال واسود

ابو طاهر وابو فاضل الشجعان            سلام اللة عليهم اشوكت ما جان

إثنين وعاهدوا سيدهم حسين                بأمر حربة ضد بني سفيان

وكالولة نعم بس آمر وشوف               نترسهة من دماهم ساحة الميدان

ونقاتلهم لاجلك ولاجل هذا الدين        هذول احنة بخدمتك يا عظيم الشان

ونزلزلهة بعدوك وبيهة دفنة يكون

                                  الارض ونطير روسهم ونطيح الذرعان

ونقاتلهم اعداءك وما نزل مولاي         عن دربك ابد يا افضل انسان

اثنين وابد ما جنهم اثنين                   ابطال واسود وبالفعل شجعان

إووكفوا لبو اليمة بساعة الضيج          إوواحدهم ابد ميهاب فرسان

ونخاهم من صدك ورادهم عون          ويصد بيهم عدوة لو بدة العدوان 

وما قصْروا ابد وسووا المطلوب    منهم واحد بالغاضرية إوواحد بكوفان

                             داعي الاله
لبيك .. يا داعي الاله وصوت توحيدة ...

ولبيك .. الذل بساحتك مرفوض ..

وانت العز دومك تريدة ...

ولبيك .. المصايب ما رحمتك مولاي ..

ولا مر بيك الحزن عيدة ...

ولبيك .. الحزن عاداك ..

وخلاك الزمن بيدة ...                                                   326                                  

ولبيك .. العدل ناداك ..

وراد الحق إلة تعيدة ...

ولبيك .. الدين انقرض مولاي ..

وبيدك صار تجديدة ...

ولبيك .. قسة وياك الزمان وما استكانيت ..

ولا لابن زياد رضخيت ويزيدة ...

ولبيك .. لامتك ضحيت ..

وما همك يزيد ولا خفت تهديدة ...

ولبيك .. مصلح نشيدك جان ..

والطاغي سفك دمك نشيدة ...

ولبيك .. لوحدك بس ربك العاناك ..

وعدوك ما ينحسب جيشة وحديدة ...

                                    الحسين مصلحا

يالمدافع عالشرف لا مو عالدنانير         ورضا الباري الك مولاي دافع

على حساب المبادئ ما ساومت مولاي  ولا عفت القضية ولا صرت تابع

لان جانت قضيتك سيدي الاصلاح        وقضية الكوم جانت بس مطامع

إووسام النصر ربك الك منطيه            وبلهفة اعتناك المجد وبلا منازع

ويا سيف الاله وقلدك بسيوف              سيف بيمنتك بي للكفر قامع

وعدك سيف ثاني ما يقاس بسيف          لسانك سيف لحبال الجذب كاطع

وبيدك سيف ثالث اقصد العباس          شجاع بخدمِتك سامع وطايع327

وآخر سيف هو الينصرك مولاي           الحجة ابن الحسن سيفك الرابع

وكبل هاي السيوف الباري ما ناسيك        ومدك بالمعونة وعنك يدافع

ولو رايد تجي جا جتك الاملاك             وجا عن قضيتك ايضا تدافع

                     

                  ديوان نشيد الجراح                                                       

                  لسان حال الحسين

لكمْ طريقتُكم .. وليْ طريقتي ...

يا منْ ستقتلوني .. وتقتلوا عترتي ...

يا منْ قتلتم اخي مسلماً ..

يا منْ ستقتلوا صحبتي ...

يا منْ اوجبَ اللهُ عليكم بيعتي ...

يا منْ رسائلُكم تُقرأُ نصرتي ...

يا منْ غدرتم ..

يا منْ صدرت منكم خذلتي ...

اريدُ انْ اقولُ قولتي ...

حتى لا اخسرَ آخرتي ...

فاسمعوا يا قومَ الدنيا ..

ما اقولُ وافهموا كلمتي ...

عودوا الى اللهِ جميعكم ...

وادخلوا في طاعتي ...                                                  328

واذا رفضتم ..

وسترفضون مقالتي ...

فلكم طريقتكم ..

ولي طريقتي ...

يا منْ ستنتهكون حرمتي ...

                                   كلونِ الفجر

قلبٌ كلونِ الفجرِ تحسبُ لونه                فلا لونَ كسوادِ الليلِ اليهِ سبيلُ

فانظرْ فلا ترى بقلبِ الطهرِ شائبةً           ولا غيرَ ما جعل اللهُ دخيلُ

وكان كسعيِّ الآخرين لها بشدةٍ          زاهدَ الدنيا وما جرى بالطفِ دليلُ            

ونبيلُ عقلٍ لو وزعَ اللهُ نبله                 لعقلِ الوجودِ لوجدت العقلَ نبيلُ

وكبيرُ حلمٍ لاترى العجالةُ منفذاً            ككبرِ عجالةٍ يزيدٌ لها خليلُ

عجالةٌ ساقها الشيطانُ لا اللهَ لقلبهِ          ومنْ امثالها كلُ ما هو رذيلُ

                    انور وارفع شهاب 

نظرَ احدُهم الى العلياءْ ...

فرأى في اقصى اعماقِ السماءْ ...

شهابْ ..

ما خلقَ اللهُ مثله شهابْ ...

فقال لخلقِ اللهِ انظروا ..

انظروا يا اولي الالبابْ ...

فمدتْ له العيونُ ..                                                   329

ومدتْ له الاعناقْ ...

فقالوا ما انورَ وما ارفعَ ذلك الشهابْ ..

حينَ صارَ بالآماقْ ...

فكانَ القائلُ هو المنظورْ ...

حسينُنا المنحورْ ...

حسينُنا المنحورْ ...

                                   العوضية

جرى الطاهرُ دمُك على الثرى           فليتَ منا عِوضاً عنهُ جرى

وليتَ الذي قد حزَ نحرَك                عِوضاً لو حزَ من محبيكَ نحرا

وحوافرُ خيلِ العدا لصدرِك واطئةٌ     فليتها عوضاً وطأتْ لمحبيك صدرا

فانتَ نقلتَ لجوارِ اللهِ مباركاً           وهمْ نقلوا لجهنمَ زمراً زمرا

                             

                                الحسين الى الجنة                                               

ثُرتَ على الطغاةِ مباركاً                      وظُلِمْتَ وعنك الدهرُ مسؤولُ

همْ فازوا في الدنيا بمعركةٍ                   والحسينُ لجوارِ اللهِ منقولُ

                          

                           صاحت رماحهم وسيوفهم

صاحتْ سيوفُ القومِ صارخةً                   لا نقاوموا سيفاً يصبُ الدمُ

وصاحتْ رماحُ القومِ صارخةً               لا نقاوموا رمحاً معلقاً بهِ اللحمُ

                                                                            330

                                إحياء الذكرى

صارتْ تحييْ ذكراكَ امةٌ                     وتنصبُ لك في القلوبِ مأتمُ

تنصبُ مآتمُ العزاءِ حزينةً                    والحزنُ من احزانِ المآتمِ يتألمُ

                                    شمس العلى

احزني مصابُكَ وفرطَ في الاسى            وزادَ في قلبي لهيبَ الضرامِ

لفقدكَ افضلُ الكلِ وفي التمكينِ            في القولِ والفعلِ وفصلِ الخصامِ

وبعدك اضحى الناسُ في حَيرةٍ             لفقدكَ هاديٌ وقد هديتهمْ بامامِ

اعني ابا السجادِ شمسَ العلى               الماجدَ المقدامَ بطلَ الزحامِ

اشبهُ الحسينَ بالصقرِ في كفاءتهِ           وعندهُ الآخرينَ من اقرانهِ حمامِ

وقد قلتُ للقبرِ الذي ضمهُ                  كيف حويتَ البحرَ وللبحرِ سلامِ

               نهجُه الفضيل

اوصى اللهُ خيراً بجهادِ العداةِ ...

وبالسيفِ قتلاً فضلَ المماتِ ...

فتحتَ سيوفِ الشرِعلى نهجِ الحسينِ جناتِ ...

فاللهُ يرضا على الذين ..

على الفضيلِ مُشاةِ ...

فأمشوا ليرضا الحسينُ عنكمُ ..

فرضا اللهِ في رضا الولاةِ ...                                                           

                    

                                                                          331      

            معركة الحسم

حياةُ ذلٍ سعى الامامُ لرفضها ...

والعزةُ بقلبه قد صار محلها ...

وقابلَ اقواماً لن تخافَ ربها ...

ومعركةُ الحسمِ ضدهم قد انشبها ...

وزوجَ سيفهُ من الاقوامِ نحرها ...

وانحسمتْ لهُ وبسيفهِ صار حسمها ...

وسيوفُ الظلمِ ..

من (دمائة) شربها ...

والنصرةُ قد اتتهُ ..

مثلما راحَ لها ...

فواللهِ افكارهم قد نال هزمها ...

للحشرِ عنْ الطيبينَ من حينِها ...

              الايام ما صنعت

دعونا نستذكرُ الايامَ ما صنعتْ ...

بسبطِ النبيِ اذ فعلتْ ...

بسيفِ البغيِ له لما صرعتْ ...

وبباغيها يزيدِ الفسقِ قد امنتْ ...

ولما بمواعيدها السرابِ له املتْ ...

بضميرهِ الحقدِ الدفينِ قد زرعتْ ...                                     332

وجنديُها المطيعُ منه لها جعلتْ ...

وبه لحسينِ السبطِ لما قتلتْ ...

لدمهِ الزكيِ قد شربتْ ...

وهذا بعضُ الذي قد فعلتْ ...                                                                

بحسينِ السبطِ اذ فعلتْ ...

بحسينِ السبطِ اذ فعلتْ ...

              لبيكَ يا حسينُ

لبيكَ يا حسينُ في الليلِ والنهارْ ...

لبيكَ يا حسينُ في السرِ والاجهارْ ...

لبيكَ يا حسينُ في السراءِ والضراءْ ...

لبيكَ يا حسينُ في الارضِ والسماءْ ...

لبيكَ يا حسينُ في الافراحِ والاحزانْ ...

لبيكَ يا حسينُ في كلِ آنٍ واوانْ ...

لبيكَ يا حسينُ في الصيفِ والشتاءْ ...

لبيكَ يا حسينُ فإنشرْ اللواءْ ...

          مكائد قتل

يا ناقص عقل ..

مو معناهة نص ونص ..

معناهة كل عقل بالراس ماكو ...

وحاكُوا عار لانفسهم ونار ..                                           333

ومكائد قتل لحسين السبط حاكُوا ...

            اسير اللذة

اسير إللذتة ..

وعبد للشهوات ...

وعابد يزيد لدنيتة ..

وعابد الذات ...

وعبادة ربة ماكو ..

عابد ابليس الجنايات ...                                                                   

          بصندوك

بصندوك ..

ضم عقلة يزيد وطكة قفلين ...

وبدة مفعول الهوى يصعد بإزدياد ...

ونسة ربة الجليل وكال ما يحتاج ..

أدخل وبقائمة معشر العُباد ...

          

             نشيد الخلود

تلوحُ في سماءِ المجدِ نجماً ابدّيْ ...

وانت الهادي لشيعتكَ وانت المهتدي ...

وانت للنجاةِ مركبٌ ..

فقلْ لشيعتكَ اصعدي ...                                                334

والقائلُ لنفسكَ ..

عندَ مشتبكِ السيوفِ اصمدي ...

وسوفَ ترينَ بعينكِ ..

ما جزاءَ المعتدي ...

وبنشيدِ الخلودِ دوماً فأنشدي ...

انْ يستقمْ الدينُ بقتلي ..

فسأفدي جسدي ...

وتمسكي بهيهاتِ منا الذلةِ شعاراً ورددي ...

فأستقامَ الدينُ خالداً ..

وانت معاهُ مخلدِ ...

وفكرُكَ باقٍ والزائلُ فكرُ المعتدي ...

والباقي فكركَ مهما صنعَ لكَ المعتدي ...

وبالشهادةِ خالدٌ رغمَ انفِ المعتدي ...                                                      

                    صوتُكَ مرفوعٌ

شيدتَ صرحَ دينِكَ يا حسينُ ..

وعرشَ ابنِ ميسونِ هدمتُهُ ...

وسيفُ الحقِ ..

بوجهِ الخصمِ الظالمِ لكَ حملتهُ ...

وتصلحُ امةَ المختارِ همَكَ ..

واسمُها منْ بعدِ رفعتُهُ ...                                                335

وصوتكَ بالعدلِ مرفوعٌ ..

لقيامِ الساعةِ ..

منْ حينَ طلقتهُ ...

فيا ناصرَ دينِ الالهِ بدمهِ ..

ومذهبُ الحقِ نصرتهُ ...

اسمُكَ الخالدِ محررٌ ..

بالدمِ يا امامَ الخلقِ كتبتهُ ...

ورفرفَ بيرقُ الاسلامِ ..

لما بكفكَ يا ابا السجادِ حملتهُ ...

وبثورتكَ بابَ الظلمِ غلقتهُ ...

وبابَ الحقِ والعدلِ فتحتهُ ...

فبوركتَ يا امامَ الحقِ منتصراً ..

فقد نصركَ الالهُ كما نصرتهُ ...

                                   لحمتُهُ

اعاندُ العدا وارفضهم فيكَ مقالتهمْ   قالوا: انَ الحسينَ غيرُ مفروضٍ مودتهُ

واردُ عليهمْ بقولٍ لستُ قائلَهُ         وانما بكلامِ اللهِ أني وجدتهُ

مودةُ قرباهُ أجرٌ لتبليغِ رسالتهِ       والحسينُ من قربى الرسولِ ولحمتهُ                 

                               نشيدُ الجراح

جراحُ الحسينِ سوفَ تُرافْ

بكفٍ تسامى وضمَ العفافْ                                              336

جراحٌ كثيرةْ .. بروحٍ اميرةْ

وثأرُ الحسينِ حقاً لا يُعافْ ......

تعالَ وخذْ حقَ المهظومِ حقه

وسيفُكَ نارٌ بهِ الغاصبُ حرقه

حقوقٌ غصيبةْ .. فحقاً مصيبةْ

ردُها الكلُ يهتفْ بهذا الهتافْ .....

حقوقٌ تنادي نريدُ الحسينْ

فانتَ المغيثُ وقرةُ عينْ

تصيحُ الالوفْ .. هاكَ السيوفْ

وهاكَ النفوسَ لتنهي السنينَ العجافْ .....

                    ملأ الكون بالمآثر   

المظلومُ مع اللهِ ليس بخاسرْ ...

ولو قطعتهُ من الظالمينَ بواترْ ...

غدراً كالحسينِ ورضتهُ الخيلُ بالحوافرْ ...

ولما تركَ المدينةَ للعراقِ مهاجرْ ...

كانَ السبطُ ضدَ الظالمين ثائرْ ...

ضدَ حكمٍ غيرِ شرعيٍ وجائرْ ...

وصار بفكرهِ للدينِ الحنيفِ ساترْ ...

وقد ملأ الحسينُ الكونَ بالمآثرْ ...

وكانَ للخيرِ الحسينُ دوماً مبادرْ ...                                   337

وبالجنةِ كان له الرحمنُ ناصرْ ...                                                         

والباغيْ خصمهُ بالجحيمِ خاسرْ ...

والنسيانُ لخصمهِ والخلودُ لهُ صائرْ ...

وللجنةِ حينما ودعَ الدنيا مغادرْ ...

وتهتفُ بـ (لبيكَ) لهُ الحناجرْ ...

وبأعلى الصوتِ اللهُ اكبرُ تقولُ المنائرْ ...

بفضلِ الجهادِ جهادُ الحسينِ صائرْ ...

                             ديوان زهرة الثلج

                           القلم سيفة والمداد الدم

حسين القلم سيفة والمداد الدم            وارض الطف كتابة وصفحاتة قيم

وكلا كلا للظلم عنوان الكتاب           وعالغلاف الثاني للعدل كاتب نعم

                  انت الشمس يحسين

انت الشمس يحسين وانت ضواهة ...

وانت دليل الناس بايام المتاهة ...

                   صفكت بالجفين

صيحة من الزمن تشبه الكابوس ...

اريد آخذ نفس ماكو النفس محبوس ...

صوت مرعب .. صوت مزعج ..

مو صوت ناقوس ...

دنية ليزيد وصفكت بالجفين ...                                     338

ودارت وجهة بعيد عن حسين ...

                    فنان

علمتك عالجروح اشلون تجرح من تحب ...

وسويتك من صدك فنان ..

فنان جروح وتعذب ...                                                                     

يا هذ اترك بعد عوف المودة ولا تحب ...

غدار حبك جذب ..

وعقلك شبه عقل الطفل ...

يالكوفي ما بك فرح ..

بس الحزن ترسل ...

واذا انت ضميرك نحس ..

من العشك بطل ...

وانطي الوفة للوفة ..

والغدر منك يا نذل ...

فلاح عمري خلص ..

تاليتي زرعة انشتل ...

       شلي بدنياي

يا عالم اللذات إبعد ..

إقبل يا عالم الجنة ...

ابوي الطلك الدنية ..                                                   339

وزينتهة مشت عنة ...

جانة شلي بدنياي ..

حسين يكول غير الآه والونة ...

افاركهة بشرف دنياي ..

القتل والموت ..

إولا ذلة ومسكنة ...

              الموت بسبيلك عسل

نتركهة المدينة اليوم ..

لازم كربلة نحوِل ...                                                                       

حط بكربلة وتلكة الانصار ..

اهلا بيكم الثوار صِناع الامل ...

صبراً اخوة الايمان صبراً ..

كللهم حسين ..

وكلولة الموت طعمة بسبيلك عسل ...

        

             

           خارجون عن القانون البشري 

لمن بِنة حَمرابي المسلة ..

ما جنتُوا موجودين ...

والمسلة ..                                                              340  

لما ارفعوا عنها الستار ..

بساعتها ما كمتوا احتراماً ..

ولا ساعتها صفكن الجفين ...

والسبب واضح يا من غدرتوا حسين ...

السبب وبكل بساطة ..

ما جنتَوا حاضِرين ...

                          حسين الحلو يسمونة

بجمالك نكع روحة الجمال               وطلع كلش جميل وبتنكعة متباهي

ورجع غطاك بجمالة المستعار        المنك خذاه وصبح جمالة حيل فاهي

وصرت انت الجمال والجمال إتقاعد ..

والحلو محد يسميه جميل ..

حسين الحلو يسمونة ...

والجمال بحضرِتك طالب يتعلم عالجمال ..

وعلى هذا الحضور ..                                                                      

البشر كاموا يحسدونة ...

ومن كثر ما ينظرلك هالجمال ..

اصبح منك اجمل ..

بعينة وبغير عيونة ...

                حسين ثورة بكل وكت

الموت عند حسين وبعزة حياة                                           341

والحياة ويالمذلة حسين شايفهة ممات

حسين ثورة بكل عصر ضد الطغاة

والحياة بغير نهجة معدومة الحياة

حسين ثورة بكل وكت

ويالعفت نهجة اخسرت

حسينيون احنة احنة وللمات

حسين بكل وكت يرفض يزيد

واحنة مثلة نريد عزتنة نريد

الذلة موت الذلة موت

بكل لغة وبأعلى صوت

حسين عزة حسين عنة ما نحيد

كلا والف كلا والف لا

نطق للظالم حسين بكربلا

واحنة واجبنة نكول

اسوةً بإبن الرسول

يا ظالماً كلا الك كلا وكلا

بعدة صوت حسين حي عالحقوق

اب ولو عصينة معناهة عقوق                                                                

واحنة ذولة شيعتة

جينة نلبي دعوتة                                                       342

حسين عالي عالي وبالحقِ يفوق

           زهرة الثلج

زهرةُ الثلجِ ..

عاشقةُ الدفئِ الحنينْ ...

مكانُ دفئكِ اصبحَ خالياً ..

يتلفتُ ذاتَ الشمالِ واليمينْ ...

عبداللهُ الرضيعْ ..

انا والدُكَ ..

وهذي امُكَ ..

وكلانا لفقدكَ ..

حزينٌ .. حزينْ ...

فعدْ الينا ..

يا زهرةَ الثلجِ ..

لاحضاننا ..

لمكانِ دفئكَ الحزينْ ...

              فتجمل بجماله الجمال

للجمالِ آياتٌ ..

والجمالُ للحسينِ ..

آياتُ جمالهِ ...

جمالٌ ..                                                                  343

تجملَ الجمالُ بجمالهِ ...

فما للجمالِ جمالٌ ..                                                                               

دونَ جمالهِ ...

فتجمّلَ بجمالهِ وتزينَ الجمالُ ..

فتباً لجميلٍ ..

لم ينلْ ..

جمالاً من جمالهِ ...

 

             على لسانك

على لسانك ..

شاعر يحجي كلمات ..

يرسم حالتك يحسين ..

ويرسم حال ما صار ...

بالهم ترانة احبلت ..

والدنية الي قابلة ..

والحزن إويكلبي انعجن ..

إوية كلبي اندار ...

            انت هلالي

جلستُ الليلَ وحيداً ..

اترقبُ الهلالَ بآمالي ...                                                344

فما انْ صدتْ اليه عيني ..

واذا بهِ ليسَ الهلالَ يا غالي ...

وانما اقولها من كلِ قلبي ..

حسينَ الروحِ صار هلالي ...

                حل الجمال بك

خلعَ الجمالُ عليكَ برقعهُ وارتحلا ...                                                          

ونادى بالعاشقينَ خذوهُ عني بدلا ...

ولما رأيتُ الجمالَ وحالَه قد تبدلا ...

بكيتُ وعنه قالَ حينَ سُــــــــــــئِلا ...

رايتُ ستارَ جمالِ اللهِ عليه انسدلا ...

معنايْ لم يبقَ بلفظهِ ولناديه تحولا ...

حسينٌ حلَ بالجمالِ والجمالُ بالحسينِ حلا ...

                عباءة الحسين

عندما ترتديها ...

فكأنما جنحَ الملائكةِ فيها ...

يحركُ شرقها ويحركُ غربيْها ...

وتبثُ عطراً ..

كأنَ ريحَ الجنانِ تحويهِ ويحويها ...

وتضمُ يا حسينُ همكَ تحتَ ظلالها ..

فكأنها تضمُ همومَ الارضِ ومن فيها ...                                345

                  طيور الحزن

طيور الحزن حطن ..

يبو اليمة على اغصانك ...

يخبرنك بالحزن والضيم ..

ويتأثرن لان عايف اوطانك ...

يا غريب الدار صبراً عالغرب ..

غربتك هي الوطن والغربة عدوانك ...

غربتك هي الوطن والعالي ديوانك ...

          يالهجرت حسين

بعيد .. ابعد عن شواطي الشوك ..                                                       

وانسة افلام هي اصلا خيالية ...

وتعلم عالمحبة زين ..

وعوف الهجر وانسة طارية ...

الهجر ندم يكتل مو سهل بعدين ..

واترجاك تفهم كل معانية ...

وهجرك مو طبيعي يالهجرت حسين ..

كمر عايف ليالية ...

أنة بلياك عايش ..

ما شكيت الحال ..

عندي الشغلة عادية ...                                                  346

وحبي بداخلك ملغي الآن ..

صاير قصة منسية ...

وحبي نهر عطشان ..

ومعطش كل سواجية ...

وحبي بلم غركان ..

تايه من شواطية ...

آنة حسين يا كوفي ..

بلياك عادي الحال ..

ميهمني التعب ولتهمني محاجية ...

بس انت الراح تكون متعوب ..

اذا مو بالدنية فباجر بالحياة الاخروية ...

                           لحن السماء ووتر المظلوم

يا لحنَ السماءِ ويا وترَ المظلومِ ويا        كعبةَ النورِ ومصباحَ ضوءٍ متقدُ

هذي السياسةُ ومذْ عرفتُها                   فمنْ غيرُكَ يكونُ لها نــــــــــدُ        

وهذي السياسةُ وهذي اقطابُها               فمنْ يكونُ غيرَكَ لها ضــــــــدُ

وهذي السياسةُ وهذي اربابُها              يا حسينُ فأقمْ عليهم الحكمَ والحدُ

                                 

                                  دور انبياء

يا طيبة كلب وبجسم انبياء حسين      ومصلح دورك إتمثل بدور الانبياء

ويا نفحة ورد وية النسيم وهب         وهم انت النسيم وهبتة الطيباء347

وسطر خليني بجدول اعمالك بالحياتين        

                                   إشفع لليحب يا طيبة علي يا طيبة الزهراء

وصار انسحاب الضماير من الاجساد

                                    وصوت نصحك للخصم آذان في صحراء

 

                         الجمال من آياتك صدقا لا ادعا 

صلى الجمالُ بمحرابِ جمالهِ تخشعا    وانحنى لبهائهِ البهاءُ تطوعــا

واتى العبيرُ لعبيرِ خديهِ ملتمسـاً      بعضَ عبيرهِ انْ فاحَ  وانْ تضوعــــا

والحسنُ اتخذَ من حسنِ محياكَّ قبلتهُ  وقد سجدَ لمحياكَّ محياهُ وقد ركعـــا

يا حاويَ الحسنِ وحائزَ الحسنِ بأكمله

                                        وقد احتواكَ الحسنُ كلُ الحسنِ اجمعا

قلْ لجمالكَّ الخلابِ رفقــاً بنـــــــا   فإنا هلكى من جمالكَ الأخاذِ وصُرَّعى

حسينٌ بأنكَ آيةٌ للجمالِ لا اقولُ ولا ادعي              

                                        فالجمالُ من آياتكَ قولُ صدقٍ لا ادعا

وقفنا وبذلنا بالوقوفِ جهداً وعناءْ  شوقاً لحسنكَ او لرؤيةِ جمالكَ المروعا                                                                                                                                             

فلما رأينا موكبَ حسنكَ شارقاً وقادماْ

                                       ى كبّرنا وسبحانَ من خلقَ قلنا فأبدعا

فثمةَ من فقدَ الوعيَ منا ساعــــــــــةً    

                                     ومن مادتْ الارضُ به ومن قلبُه تصدعا

هذا الجمالُ الذي استعارَ الجمالُ جمالهُ                                 348

                                      فراحَ على نفسهِ يتباهى صدقاً لا تصنعا

وجمالُكَ فوقَ جمالِ الاجملينَ واجملُ

                                        وحسنُكَ فوقَ حسنِ الاحسنينَ وارفعا

 

ديوان إنسان دنية

إبحور عدة فاضن بدمهم

وبحر موت العدة                                                                            

فايض بدمهم غدة

ولون الدنية احمر صاير بدمهم

ومو بحر واحد فاض بدماء الكوم

لا دكول إبحور عدة فاضن بدمهم

ومن فاضن بحور الدم

شالن وللمدن شالن جثثهم

وقبل وبعد اقصد لمن قتلوا حسين

إتسموا دارون وإنعرفوا بي إسمهم

ودروس بكل وكت تلهم الثوار

وبنهج الثورة نهجك ربطوا نهجهم

 

إنسان دارون

يا قبل المسلة وقبل زقورة اور                                         349

ويا قبل الحجر قبل النيادرتال

ويا قبل الانسنة وقبل ميلاد النور

يا انسان دارون والكون في تطوير

يا قتلة حسين وبأ قدامة نعال

 

آلية عمل

آلية عمل وإرسمت للجمهور

وجمهورك يا حسين امة بأكملهة

 

                        فكرك استعيرة لهاي دنياي

يحسين مو من عالمنة انت                 من غيـرعالم انت جاي  

ومن غير دنية انت اجيت                 لان فكرك يختلف عن فكر دنياي

دليني بدنيتك وين هي تكون               حتى فكرك استعيرة لهاي دنياي

وعرفني بعالمك وين وبيا كون     

                                     محتاج عالمنة فكرك يا عالمي ودنياي

واصيح بدنيتي اسمعي شراح اكول    من دنيتة جبت كل فكرة وياي

واتباهة إعلى الخليقة واكلهم ليش   مو منكم حبيبي ولا عدكم شبه لهواي

وبيك اتباهة وبيك افتخر دوم         وبيك اتباهة وافتخر كدام دنياي

        على خشبة الانسانية

بلا انسانيةْ ..                                                             350

صلبوا الحسينَ ..

على خشبة الانسانيةْ ..

وبصلبهِ ..

فقد صلبوا الانسانيةْ ...

 

الطين الذهبي

اذا طين الناس من طين

فالطين الذهبي من حصة حسين

 

مو عجيبة

مو عجيبة يا ابو اليمة ..

وهذا دونْ مجدك دونَ ذُراك ...

وانت ميت وانت راقد بمثواك ...

لو ملحد يسألك عن فكرك عن رؤاك ...

وانت يا هو الصنع هذا ضواك ...                                                              

وآنة ادري ليش انصنع هذا ضواك ...

لان عالمنة يفتقر خالي إمن الجمال ..

فدزك سفير لجمالة بهذا بهاك ...

آنة اجيبة هكذا ..

وآنة افهمنة بعُلاك ...                                                    351  

 

حروف الوفاء

مو على حروف الهجاء ...

لو ارد اذكرك ..

لا على حروف الوفاء ...

وما اكول حسين ..

لا اكول اوفة الاوفياء ...

 

         يغرك بالخجل

من فعل غيرة الشين حسين

يغرك بالخجل والمستحة إيغركة

ومن هيبتة ولو هجم عالكوم

غيوم الخوف ترشكهم مية الف رشكة

وما جنة شخص واحد بالهجوم

لا جنة جيش ودفك فد دفكة

ومفعم بالعطاء وبالخير جان إيفيض

عالمستحقين وكلمن ياخذ فوك حكة

وبسيف وفكر عالباطل حسين

عرض وطول الحلك شكة                                                                       

                                                                          352

   نصبلة تمثال

المشاعر والعقل ..

ختمن وقعن بصمن ...

إرتضاء بطريق حسين ..

وصافي إلوحْدة بس هو لكَن ...

ونصبلة تمثال ..

ولتمثال حسين ..

بحرارة اجفوفهن صفكن ...

بحر إمن السيوف

سالب راحتة

لان حتى الغير يرتاح

فحسين العن نفسة سالب الراحة

وبحر إمن السيوف ومتلاطم الامواج

خاضة حسين وجان لوحْدة سباحة

 

غيوم الخوف

غيوم الخوف غلفت جو العدة

وخوف بخوف مطرن عليهم

بنزول حسين للميدان

وسيفة موت موت إمفصل إعليهم                                      353

 شاخص التمثال                                                                              

تمثالك بالكلب ..

وبالعقل تمثال ...

وبإثنينهن شاخص التمثال ...

وانت حسين انت إمغير الحال ...

ضلال الحال وانت حولتة هداية

بافعال واقوال ...

 

لحك برُكبة

شفت الزمن يمشي

واسرع إمن الضوء ..

ورة نهج حسين ولحك برُكبة ....

 

الليل صاير كالنهار

شفت الليل صاير كالنهار ..

وسألت آنة إعلى السبب ...

كالولي إحتضن نور حسين ..

وزال من عِدي العجب ...

      

                                                                        354

          زايد في ضواه

وشفت النور زايد في ضواه ..

وعرفت بنور نهجة حسين إمزودة ....

بير اللا رجعة

قيدت الضلال بسلسلة افكار                                                                    

وبنص بير اللا رجعة ذبيتة

والدنية من بعد شافت نور

نورك يا حسين النور والكون أهديتة

                                   عالي مقامة

ظلام العدو ما طفة نور حسين              وبنورة حسين طفالة ظلامة

وقيمة للعدو ما تنذكر عد إنسان             وعالي حسين عد الدنية مقامة

                                داعية اصلاح

داعية اصلاح معروف الحسين           وسيد الاصلاح هو ابلا منازع

وللاصلاح قدم دمة قربان                 وبدم وفكر نظرية اصلاح واضع

                                 إنسان دنية

مد كف السلم مد كف الجهاد             ومــــدوا للحرب هُمَّ الكفـــــــــوف

وإتحفز للحرب حافز حسين إصلاح    هو انسان دنية وهُمَّ انسان الكهوف

                                    ديوان آيات

                                  خصومة إويالاله

سيد بالشؤم ماكو نقطة خير                    واسمك من يزيد اتحول لمشؤوم

ومتغذي بالشؤم وانت جنين بطون             وفقط بالخير سامع منة مفطوم

وابن النار انت مدلل النار                     واكبر امن الابناء كلهم عالعموم

وخصومة اويالاله بقتلة لحسين               والد بهالخصومة من باقي الخصوم

خبيث وبالخبث دونة حتى ابليس             ويتعلم خبث منة الخبث لليوم

وبنة باطل لنفسة تميز وبيه                   وباطل يختلف عن الباطل المعلوم

وكوم الباطل تحت هو ليفوك                وفاق ابباطلة فاق هاي الكوم

وبالنسبة لباطلة الباطل صفر ينقاس         وتلميذ لباطلة الباطل ولدوم

وام للجرائم امهن وعالاطلاق               جريمة كربلة وقتلة للمعصوم

والحقارة ابلا نفع وابلاية مفعول            لان اخرى بنالة وكامت تلوم

رجمناك ومثل ما نرجم الشيطان           الشيطان بحجر وانت بلعن مرجوم

وبنار برزخ منهة البرزخ يستغيث        وبيهة مستقرة حتى القيامة تقوم

وعاري الجسد بيمن يتقي النار            ونار باجر للجسد تتحول هدوم

ومصاب الفكر وبداء الجرب مصيوب   وضلال وجرب عندة العقل مقسوم

وباجر لو اجة تتوزع الرحمات           ابليس ويرحم وانت غير مرحوم

واين المفر برجالة المهدي اجاك         وبسواعد سمر راح تصير ملزوم

ويالثارات الحسين تلوح بالافق القريب  وانت رمياً بالرصاص اعدام محكوم

واجل موتك قرب يالموتك قريب         ماكو ايام وتنقتل والاجل محتوم

شوطين المعركة وخلص اول شوط      والنصر بالثاني النصر لحسين محسوم

وهنيالة الينشفعلة يتنعم ويرتاح           وانت امن الشفاعة خايب ومحروم

                               

                               عشت التحضر

وحك لفظ الجلالة الاسم والذات

تِقصر بالوصف كل احروف اللغات

وماي ويصب الدمع مو دمعات

والنصر وياك امؤزر ونعرف ما تطيه

دعوة ومن لسان الله والاحرف تعال

وبناءك مو بنة ناصي بنا عال

ومثال وللمُثل بس انت مثال

انت المتمدن خصمك وحش الغاب

وإلك مو للخصم تصفيق الكفوف

ومن عشت التحضر عاشوا بالكهوف

وعشت بخلودك ما عشت مرحلة الحتوف

اشلون الموت يمرك وانت الخالد قبل الموت

ودور الخصم عند سرجون دمية

وكلمة خارجي عند العقل فرية

اوولاك الزمن مو خوش ولية

الذل لا للذل والموت اهلا بيه

وحياتك تعب بين الباري والناس

وبين السكتة والنطق مولاي مقياس

والكرامة تكول الية حسين نبراس

العزة اوياك العزة توأم يا مولاي

                        بدمك الضاوي

بريشة ايدة

بصفحة اولى

وبالخط العريض

خالد مخلد اسمك دونة التاريخ ...

وبجدول اعمالة

خلة الخصم موضوع

وفرخ فقط بإسمة النسيان تفريخ...

ومكانك ما نعرفة بس اللة يعرف بيه

شنهي بالسمة شنهي بصف كوكب المريخ ...

ومكان الخصم

بسابع ارض تحت الثرى

ومأكول البعد زاد وطبيخ ...

وخصمك باللعن سيد على الملعون

وبحلوك البشر صاير علج تمليخ ...

واسمك لو يمر

بالسلام وبالترضي

لملك الكتابة يصير تدويخ ...

صورة بكوكبنة وحدة

انرسمت بجف الاله

ما تقبل نسخ ما تقبل التنسيخ ...

وخصمك مو مسخ حتى بكيفنة نكول

لا يجل المسخ ما يرضالة بالتمسيخ ...

ولطخوا وجه الحقيقة

بألوان الضلال

إخصومك وبالكيف تلطيخ ...

وإغسلت وجه الحقيقة

بدمك الضاوي

ومن بعد الفراق اتعانقت هي والترسيخ ...

انت تيوسفت

بس لامتك يحسين

والامة بمحبتك صابهة التزليخ ...

                                 ربيع الامة

حي بالذكر انت وللخلود الحان

والخصم ميت الذكر وبمقبرة نسيان

واسمك لو خطف خطفة عالنيران

مو تجمد النيران تتحول جنان

وانسان اللة ومو مثلك الانسان

وربيع الامة انت واوورق الاذهان

وبالماضي للامة جنت ومنهجك جان

والامر بالقادم كذلك والحاظر الآن

ولمن ثرت كلشي جان بالحسبان

بذريت وموعد للحصاد يكون نيسان

تعلم بالثورة منهج والامة والطغيان

والعزة بس اوياك تلوك عنوان

وبراهين الخلافة آيات مو برهان

زفيت وعالشهادة شكثر زفيت عرسان

إضمنلي موالاة الحسين وكون بالبرهان

اضمن نجاتك غداُ واقسم عالضمان

ثورة وعالظلم مو ثورة بركان

والاجل بيهم قبل الاجل حان

وبيومك ما لنت هو الحديد ولان

والفرح شمسوي للفرح سدد البيبان

وطيور الحزن ترسن كل الاغصان

ودعوة للاسم مو مذهب واديان

                                  عاثر الحظين

ياماصخ لبن والطيب ماكو الطيب

ومكانة الشعوذة لو منهة يغيب

يا منبت قذارة ويا ربيب السوء

وطافي ابلا ضوة ما يوصلة الضوء

ومن حياة البشر طلبيت اللجوء

وحياة المسخ رفضت اتخاف العيب

وشرير الخلق فوك من ابليس

وفوكة بالمكر لو ردنة نقيس

وخانك الامة خنك ماكو تنفيس

يزيد وبالجرم الاجرام تلميذ وربيب

والحقارة بعرس جيف ارفع بهاي

وحتى العهر اشرف منة بهواي

وسرجون اليوجهة فاقد لاي راي

واحتسى لكاس الهوى والمحرم حبيب

وعلى قتل معصوم ابليس ما هناك

وعاثر الحظين دنية وقيامة هناك

وخادم خادم المعصوم موش بمستواك

وحتى ابليس افضل وابليس القريب

ومو بالحياة ولا بهامش هالحياة

واذا مثلك يجيبن ما يسون الامهات

وترة كلبك إووجهك بالليل منكعات

ومقرك بالقعر لا اهلاً ولا ترحيب

ومولود الفحش مو عفة انجاب

ومو طاهر المولد وبعدة انساب

وانت العيب ومو فقط تنعاب

وإمن افعالك خجل عركان اللبيب

وكلك فاحشة واصلك يرد للفحش

وعش ابلي سانت وفرخ بهالعش

وانت لغنيمات النبي ما تعرف تهش

كيف خليفة لامتة وتمثلة وتنوب

وخصم حسين ما تدخل بالذهون

ومو كفؤ الخصومة دون ودون

وانت فد واحد وغد ملعون

وشخص مثلك ما يكدر السوء يجيب

والخمرة والنساء إمؤدي وياهن الدور

وبَلا خط احمر بَلا محذور

وصنف البشر من هالصنف مبتور

وبصنف المسخ هم يفشل يخيب

وحياة المسخ افضل لو حياة الناس

وما اريدة جوابك لان فاقد الاحساس

والاجرام بحياتك هو الجسد والراس

وضيفك الدائم واديت الخدمة والترحيب

                                         كلك إضاءة

خصمك من خسر خاسر للكلوب                    وانت بمحبتهن فزت والفوز محسوب

دنية امن الفخر ويحير اليكول                       والفخر كل الفخر فاتحلك البوب

خصمك وابو مرة عاشك ومعشوك                 ويكفيك امن الفخر للباري محبوب

انت ابن السمة وخصمك ابن ابليس                لذلك ما جعلتة بشارع الامة يجوب

ترسم صبح يرسم للرعية الليل                   تهدي عالدرب يهديهم لغير دروب

ابليس بعيانة بس فارق الاسماء                   وتمثل الاله وبالارض عنة تنوب

كلك إضاءة واصلك يرد للنور                    وظلام الاصل جنة بوكت الغروب

مطبع عليهة امن المهد مولاي                  الرأفة امن الزغر ثوبك يمهيوب

يزيد إويالجرم سيد بالاجرام                     إزغير ومرتدي لابس للقساوة ثوب

احتويت الطيب كلة واحتواك الطيب            وخصمك بس بالخبث مليان الجيوب

انت بدنيتك ناثر بذور الخير                   وبالشر ناثرهة الخصم بذر وحبوب

واحترام لموقفك يوكفلك الكون                 وعلى شفافة الخصم ملعون مسبوب

تعال ايامنة إحتاجت إلهة حسين               حقهة ويزيد اصبحوا سالب ومسلوب

ضحي لامتك حتى العرب مولاي             وسيل الدم عالحقوق اليوم مطلوب

المهدي تأخر والساسة لعبوا دور             دمك لو سيف النصر والدور ملعوب

                                    انسان اللة

انسان اللة بهالارض انت الوحيد           وانسان اللة مو مكانة الكاع

وسيفة وي البهايم عقد صفقات             وتفاوض عالجثث جة تنشرة وتنباع

وشمس اللة ثورتك وبشهر آب              ولانة ثلج خصمك بالعجل ماع

واتمنة شوفتك كد عشقي اياك               واتنازل واريدن بس نظرة بساع

واخذوه للكلب كول وكول لترجعون        واخذة للكلب ونكول ماكو ارجاع

وقليلة بس محبة طامع باللقاء               وطبع ثابت بالمحب يصير طماع

وريحك نار تحرك تحرك النار            ونفاش الخصم باول مهبك ضاع

سامع بالعقل ما متذوق لمعناه             وعلى حياة الناس ما عندة انطباع

واول عالخلق فوك من ابليس             بفن الشيطنة كل لحظة بقناع

وما عاش الحياة انسان مثل الناس       انسان ابليس هو بأطول باع

إووداعاً شبعوا عيالك مو بقاء            ويا ذبيح الله قد حان الوداع

وعليك عيونهم منهة الدمع دم            وحياة الآل كلهة اوجاع باوجاع

والسلم مطلب طرحتة لخاطر الناس    وجواب الخصم جان بسيف لماع

وترد الحجر حيث الحجر جاء         وتردة بالف موش الصاع بالصاع

والجرأة فريدة وصنع بإيد السماء      وبكد جرأتك جان الخصم مرتاع

وفوك إمن الحسن حسنك بقاطات     حسن الروح نقصد كلنة بالاجماع

وجعبتي بغير ودك متروسة فراغ     والمتاع ذنوب في يوم المتاع

إموازة طاح الحمل صيرلي متون    وترة مو وحدك للخلق شفاع

الدور ويزيد المهدي إيكمل الدور    وبمحكمتة يكون قد انهى الصراع

                                 ما كولن نبي

عسل للناس البحر لو ردتة يتحول

وبنهار الناس القمر لو رايدة إيطل

وبليل اللة الشمس تطلع على الكل

وما كولن نبي انت امن النبي افضل

والخصم شيطان ثاني ومنة يتعلم الاول

وعن البشر خصمك عايش بمعزل

إنمسخ بأول دعاءك اول بأول

وبوجهة لجهنم واسمة بالقائمة اتسجل

سواءاً موت او سواءاً بسيفك المقتل

والبوابة الهة القبر والبرزخ المدخل

والعجيبة بثورتك في كل وكت تعذل

وإتمثل الاله وهو بكل اوجوهة اتمثل

ويا صاحب مصايب لو مرن عالشمس تإفل

ولو مرن عالقمر منهة الوجه ليل

بمسلم نبتديهة وبالسبي المنتهى والروس تحمل

وعذاب اسياط السبي واكثر مو اقل

وطفلة تموت مرتين اشتياق لشوفتة ولوعة عالـ

واسارى اثنين معصوم ولفك الاسر محد اتدخل

وطلب سكنة جارية باللة اشلون ينحل

وتتبدل الدنية وانت انت وعيب تتبدل

                                       بطعم الاله

شاعر بالحروف يجيد بس حرفين                  وشيطان الشعر اخرس بدون لسان

وإبكل إحروفة الشعر ما يحتويك                  والمحتويك بكامل حروفك القرآن

قلمي حبر وحروفك امن الماس                   ماس ويوصفة الحبر ما تعقل الاذهان

وود للمودة لان مفروض الوداد                  وودادك فرض واجب عالانس والجان

وانت بدنيتك ما تعرف الا الطيب                والطيب بجدولك متخلي عنوان

وانت بدنيتك زارع حروف الحب                وازهر بس محبة وخضر البستان

ومصحف ثانوي يبعث اضاءة ونور             ومصدر للدلالة بكل حرف برهان

كمال ابلا نقص مكتمل بالاوصاف             وصافي بلون واحد مو عدة ألوان

وتحب الخير بس للغير مولاي                 وتقدمة اعلى نفسك وشوكت ما كان

إووقف جاعل حياتك للباري والناس           وبلبل حياتك غنة بكل الالحان

وكرم غير الكرم للنفس بانيه                   وبهذا الكرم دك للكرم صيوان

وحروف الاسم كلهة قيم واخلاق               وبس بالنقطة الاخيرة يفوق الاكوان

تحتْ الخالق وفوقَ مستوى المخلوق          انسان ويختلف عن باقي الانسان

وبالعبادة قليل بحقة عابد نكول                 ورصيدة بالعبادة يفوق سبع اكوان

إجانة للارض بهيئة بشر جاي                 ومو ابن دنية جاي امن الجنان

الباري للارض دزة عنة ينوب                بطعم الاله ومو طعم الانسان

واجفوف الاله ابدعن بيه ابداع                ومخلوق بعناية وكلشي بالحسبان

البشر مخلوق طيني وبالنهاية يموت          وانت امن الفكر مخلوق ما فان

أعلة امن المجد وبعلوك تزيد                 والمجد عن علوك اعلن اعلان

ومن يوم المصاب ولليوم نبجيك             إووية الحزن ما فاد الصبر والسلوان

                                     سفير الله

من اوصفك نبي اتعمد التقصير                  وافضل لو كلت عين الصواب

ودون العبادة كلشي النكولة يصير              وآلهة العشق باول قائمة الاحباب

ولباجر لو اجة عندي تحضير                  مادامك شفاعة سهل ويهون الحساب

ورغم الجديد احروفي متجيد بالتعبير         والجاد وبالوصف بس رب الارباب

وشمسك بالعكس بس بالليالي تنير             ومدخل للاله وتبقي للاله الباب

وانت بدنيا البشر دورك سفير                  سفير الله وبالقرب الباب عالباب

وخصمك مو خطر لو كلنة خطير             وبالخطورة ابليس دونة دونة بالحساب

ويمثل الخير لو كلنة عليه شرير              وبكتاب الشر ابليس دونة بهالكتاب

وجيشة بنزولك يتمنة لو ايطير               ويتركهة الارض خاف لحتفة ينجاب

وحساب السيف هين لو عسير          وعكسك يحبهم جيفن عندهم اركاب

وإلسانك مو حرف ينتج عبير           وعبيرك من يفوح بجو الالباب

ومعصوم وجاءْ امن العصمة تحدير   وحتى الام ورقة بهذا الاكتاب

وغيمك بالكرم كل وكتة مطير         وعالفقرة عيال الله يمطر بالسحاب

وكلشي بزمانك منع الا الشخير       وانت جنت راية بزمانك للحراب

وحي عالحرب نادة وحي عالنفير    والبعض بس البعض للدعوة استجاب

ونام الغير ما يدري شصار بالغير     وعالمذبح لغيرك نمت نومك طاب

إووياهم ما نفع لا خوف لا تحذير      خوف اللة الاقصدة وتحذير العقاب

وشهيق النار خصمك بالتنفس والزفير  وحطب الهة كثيف وربك الحطاب

وعذاب النار بحقهم نشوفة يسير        لو اشد ربك يبدع بحقهم عذاب

بشر وبصنف البشر ما بقوا تسفير     لصنف المسخ وبصنف البشر غياب

وكلشي عبادة إمسخر النفس تسخير    حسين وحتى بالجنان مسوي محراب

                                        قتال الدم 

الجرأة شكد جبيرة وما اظن تنقاس             وكبالة إتحولت قطرات يا ناس

ورجفت تحتهم حتى الارض خوف           والخوف العليهم ثقوا ما ينقاس

وكتل سيفة الهوى وبالعشك مجنون           وعشك من الخصم داخ بالراس

وخذت منة الهيابة حرف لو حرفين           وعلى هذا انبنت من الاساس

ومو فقط بالسيف قاتل بالدماء                 وقتال الدم ينتج فقط ماس

الدين ويزيد المعركة اثبات الوجود           وهذا الدين كلهم لا مساس

وصفة وية العقيدة حارس ومحروس         وسيفة اويالفكر دورهم حراس

والهداية اتكلمت ما ابقة في معناي           لان هو الهدى واحجيهة بإحساس

والفقرة ما يجونة هو الهم يروح             وإبارقى مأكل وبارقى اللباس

وحلف اويالشرف ما واحد يخون            وحليف لعفتة وهو طفل انفاس

والعبادة استحت صفت بس احروف           لكثر العبادة بكل ما يملك من حواس

آلهة الفكر بس من غير معبود                 وعبداك الفكر من الجدم للراس

استشهادك ولادة بالعكس مو موت            ومو حزن يوم الشهادة اعراس

ومو تحت الثرى ونكول مدفون               لا مكانك بالكلب واتدور بالراس

الكلب كلبك مباح الاخذ والتمليك              واتلقب في محبتك صاحب الوهواس

داسين المعركة وياهو اليوفي بالمطلوب     وهزمت الداس منهم من بديت الداس

واخصومك مجرد شلة مال اوغاد            وعبادة بس للورق ذول هالانجاس

ونحجي بصوت واحد وبرفيع الصوت       اجاك حسين لو شفنة الظلم حاس

وبميلادج ثورتة اتولد التنوير                وعلنت عالنهاية ودكت اجراس

وباسك شديد ومن شدة الباس                 الباس اعلى باسك دنك وباس

                                من الشمع مصنوع

يا فذ بدنيتك من دونك الافذاذ                    والرب فقط من فوكك وبس

وملاذ الناس في يوم الملاذ                      وعينك ما غفت للدين تحرس

وتدرون الظلم لو يحظر انقاذ                   مايفتح حلك يتخيط ويخرس

امن الشر التعوذ وحسين المعاذ                ويتلاشة بوجودة بساع لو حس

والضلال بمحضرة حتى ابلا رذاذ            ونهار الناس اخذ من عدك شمس

وما انطق واكولن ذاك او هاذ                 يزيد ابلا نفس وحسين يتنفس

ويزيد ابلا رئة ويتنفس الموت                ورئات حسين امتلن من الهوة

الحديث ولما ينطق يعيش السكوت           لان اعلة بالقياس ومو سوة

وموت الموت جابة وجاب تابوت            وكلهم بهالتابوت حطاهم سوة

وممنونع الضوة من عدهم يفوت             واتعاشروا وية الظلام ابلا ضوة

اوكف يا ظلم رايح نجيب حسين            يجيك بثورة حمرة ورافع الرايات

ويكشفك للخلق ويفتح الهم عين             ويكثف عالكفاح إيكثف الدورات

ويزيدك ما خلص لسة هو بدين           والدين المهدي يردة بيالثارات

وكلش بالوعي ما يمتلك عين              بدم بارد ذبح ابن السموات 

وزين الزين انت ودونك الزين           وبأفضليتك تنشمل اهل الرسالات

إووقت الثورة مناسب فوراً وبالحين     إووية النشاز انسجمت باقي الاصوات

وكتك خطير النفس بي ممنوع           ولمع منك فكر وية السيوف

وشفاف برقتك من الشمع مصنوع       وصمودك جيش صامد كبال الحتوف

وجيش دولة عليك بكامِلة مجموع       وانت بمفردك واجهت جيش الالوف

وتعيدجة العمل لو ترجع ارجوع        وحتى لو الف مرة تنعاد الطفوف                 

                                    قرآن السلم

انتهة عصر الضلال وبدة التنوير           وعلى انقاض الضلال التنوير بانيه

والك تبقة مساعي الخير عنوان             وقسم ساعي الخير ما تبطل مساعيه

وكلمة الامة بكل جدول الاحلام             وانشد وبالذهن هذا الحلم طاريه

وللحلم جردت الدم والفكر والسيف         الله المرام وغايتك طلبت مراضيه

وما ضاعت الامة هسة عبرت المليار     ولسان الحال منهم شكراً يناديه

وقرآن ثاني وحجية بس آيات              وآيات بريش الذهب ينكتبن محاجيه

ومن عقلة الفكر يطلب العون             ولان منة يتعلم هاليماشيه

شراي الاله بأغلى ما بالكون              بمقابيل النفس انت الباري شاريه

حسين اويالعقل عاشوا معاً توم           وطريق العقل من زغرة ماشيه

ما مات الحسين وشنهي عود يموت    الباري اشتاقلة ويم العرش داعيه

شافع مشفع دنيا وقيامة هناك            وممثل بالارض وينوب عن باريه

ما رايد حرب جيفن عالسلم مسؤول     وقرآن السلم بإذن الخصم قاريه

وسيفك بالحرب جن القيامة تكوم        وحتى الموت من خوفة يجاريه

عمت عينة شكد بخيل الماي           تارس الدنية ترس وحسين ضاميه

وحالة ما يسر بحال اسوء حال         ولجدة المصطفى سوء الحال شاكيه

وظلم الجرالك لا ما تحملة اجبال        ورواية الظلم دمك للخلق راويه

ارض ابلا نهر ما تثمر اتبور           ونهر امن العسل ما نشف جاريه

ودربك خمر جنة وفاكهة فردوس      ودربك من ورد والشوك ما بيه

وعطش حلك الدين عاطش عالدماء     وسيل الدم لعد هالحلك ساقيه

باول مرتبة قبل انبياء الله               وانت اويالرسول بنفس المرتبة مساويه

                                   صاحوا بيك فرهود

اريد ارثي واسولف عن كربلاء                 ولحسينج كربلة بجت حتى السماء

مأساتك مرعبة وتنقسم قسمين                   والاكلف قبل لو بعدك يا فناء

انت والمعاك بحال اصعب حال                 الرؤوس مقطعة وصايرين اشلاء

رؤوس ابلا جسد شالتهة الرماح                واجساد ابلا رؤوس انتركت بالعراء

وعاري ابلا لبس بس التراب                   انكسر كلبة عليك وتبرع بالغطاء

صبرتي اشلون ما طحتي فوك الكاع           ابنج بعد موتة يتسلب يا سماء

كصوا اصبعك والخاتم خذوه                    وحتى العمامة وسلبوا حتى الرداء

ارثي بيا شعر يالكلي تقصير                   وعلى حالك بجة حتى الرثاء

بعلاة الصوت صاحوا بيك فرهود            وسلبوك امن الهمزة يا مولاي للياء

ونساءك سباية وعلى هزل النوك             وطروا بيهن مدن طروا الصحراء

ومعصوم العليل امقيد بالاقيود               وفرجة للبشر للرجال وللنساء

وحوش البشر قتلوا حتى الاطفال            وما سلم منهم فرد حتى النساء 

وسكنة جارية رادوهة اهل الشام            لكن ابت واتدخلت ايد السماء

وحركوا كل الخيام وعلى الموجودين       ومنكم ما يبقة نادوا أي بقاء

بجة الموت اعلى كيفة اووشل دموع        لان بابشع صور قتلوك الاعداء

ملك الموت ارتعب لما قتلوك               فصلوا الراس امن الجسد من القفاء

وخطية صرت تكسر كلب فرعون         امام وعلى ما مسك امن الضراء

وعلى ما مسك تفطر كلب الاصخور      كيفَ احنة واحنة بلحم ودماء

لحالك ننعذر لو نبجي من دم              لان دمعة المهدي لحالك دماء

وردة الجوري لحالك في ذبول            وقطرات الندى صارت كلهة حمراء 

                                           قناديل

شعري آنة رسالة ولاسمك التبشير               ودعوة للبشر تحت الجناح يصير

وحروف الضاد من تحجي قناديل               ورسايل للعقل وبطياتهن تنوير

بيك انهوسنة وداء الهوس بالروح               وحبك بالكلب اكبر من جبير

واحاديثك سور وانت الهة قرآن                 و سلام واخوة من ينطق التفسير

جابولك الدنية وكالوا مالتك هاي                وبعيد الوجه درتة ولصوب المصير

وشعري شيوصف نص حرف ميجيد           وكتاب الله بحِروفة جاد بالتعبير

ومتنصب عالعرش لا مو مرشح ناس          تنصيب الاله الما يقبل أي تغيير

وقائدهة دنيتك للفوز بالرضوان                 انت بالامام وبالخلف هي تسير

وما تخطي الهدف من تستهدف تصيد          وسيفك عالخصم يلحك حتى اليطير

إوواجهت جيش دولة بمفردك مولاي          إولا قبلك ولا بعدك نظير

وفكر خصمك بالقذارة اقذر الكون              وفكرك من ذهب فكرك من حرير

سفير ابليس خصمك ويمثلة بالسوء            ومثلت الاله ودزك لخلقة سفير

وانت الخير كلة وكلك الخير                   وبالشر الخصم ابلي سمو شرير

وتغير خيول خصمك عالخسة مولاي         وبس عالمجد دوم خيولك تغير

وحليف الخمر خصمك والسمير الكاس       وانت اويالعبادة والحلف صاير سمير

الخضر من نبعك شرب ماي الحياة            ومن موت الفكر امثالة في تحرير

وانت والخلق في كفتي ميزان                 وكفتك بالعمل هي اثكل تصير

عبير وفاح من نزف الوريد                  وعلى الارجاء من فاح العبير

العالم في تناظر ناس تشبه ناس         يا فريد بدنيتك مالك نظير

واضح مطلبك ما رايد الا اصلاح     وخضت لاجلة صراع شكد مرير

وما شفت الفرح عمر العليك احزان    ومستورد للحزن وامن الخصم تصدير

                                       نيص الصيد

والد الاخلاق ابو السجاد الخلوق               وهو للاخلاق والدهة الوحيد

مو ابن النسة ومو ابن الرجال                 لا قبلة ولا بعدة للجرأة وليد

بطل هالدنية والد والبطولة الام               وانجبوا مولود للدنية جديد

عطاشة عالهرب وين المفر وين             وسقاهم بالحتف وبجف حِديد

وعن قوتة شسولف شرد اكول               الة القوة اتنازلت ولمعناهة متريد

ضحة بالنفس وهي اغلى ما بالكون         وسلمهة النفس للباري ايد بإيد

حتى بعزتة ويبقى الانسان انسان           وتصبح الامة عزيزة ومو عَبيد

هو والطيبات صاروا صايد ومصيود      ونيص الصيد ما يخطي يصيد

واذا عن طيبة اسولف وابالغ بالكلام       طيبة الباري اتجسدت بحسين الشهيد

كريم وعالكرم متعود ومعتاد              وتوأم وية الكرم وبكرمة يزيد

كلشي عبادة وعابد حتى بالانفاس         وملائكة السمة مو مثلة بالتحديد

خالد بالذكر حتى الخلود يزول            ويتغنى الخلود وبشفافة الاسم ترديد

امام الانس طبعا وامام الجان             وسيد عالخليقة ومن ربك التسييد

صابر والصبر ما يحمل الصار         وكلب وجهة الصبر عالصاير بعيد

بليغ وابلغ من نطق باحرف الضاد     وفندهم بالادلة اخصومة تفنيد

كتب لا للمذلة ابباب دنية الناس        وللعزة نعم كاتب بخط الايد

عزيز وعزتة للخلق معيار             والعنادة بالعناد انسحبت وكالت عنيد

وبالسلام نكول صانع للسلام          والحمامة البيضة هو مذبوح الوريد

ما يقرب للخطايا امن الهمزة للياء    وبساحة حضرتة العيب ما يوجد فقيد

وترى الزينات كلهن حاويهن حسين        وترك للشينات كلهن من حظ يزيد

                                  زارع امل للناس

سامع بالهوى ما يعرف الاهواء               وبس العقل يعمل كل الاوقات

يا نبت المحبة ويا ربيب النور                سيد عالخلق سيد بالمزايا وبالصفات

وسيد عالعقل بس تأمر يطيع                 لان فكرك والعقل دوم منسجمات

بالطيب حلت وبيهة حل الطيب              ام الخير ذاتك يا رفيع الذات

مهرة فتية جامح بدون عنان                 فازت بالشهادة وسبقت المهرات

دمك من نزف ما سال بالكاع                لا بجفوف الجلالة سالت القطرات

توم اويالبقاء واثنينكم احياء                  وبصفحات البقاء مدون بهالصفحات

وعزتك ما تقارن ما الهة نظير              وهزميت المذلة من كلت هيهات

خصمك مو كفؤ منقارن اوصاف            وما يصلح لعد رجلينك مداسات

نجاتك في مماتك بالحياتين                  وشربت الموت في كاس الحياة

يا سيد العلم ما فوكك عليم                   وعلماء الخلق دونك بالمقامات

كاعك خضرت رشيتهة بدم                 وبذورك خضرت ماضلت نواة

يا ساقي العقل بالحكمة تسقيه               لقمان لحكمتك يرفع قبعات

دورك ما خلص بعدك تلعبة الدور        بثورة حمرة تخشاهة الطغاة

والسلام شكد ردتة وشكد ناديت           يتمثال السلام وبيد نحاة

اشربهن دمائي من كلت للسيف          لاجل امة محمد كلهة التضحيات

انت بدنيتك زارع امل للناس             صحيح استشهدت بس الفكر ما مات

السياسة اذتك لعبت الدور وياك          بس انت هدمت منهة الاساسات

ونجمك ما إفل زايد في ضواه           وبليل الدنية يضوي بس نهارات

انت تحملت ما لا تحملة املاك         ومن صبرك في عجب املاك السموات

                                    

                                    اكسباير

باجر شو اجة والباقي بس يومين

وباجر لو اجة بيمن تستجير ...

وعاشك للرذائل من المهد للموت

وصراعة اويالفضائل كلش مرير ...

ولقتل السبط بإذن الشفاعة

صايح كوم

يعني لا شفاعة امن النبي تفسير ...

مو عابد للهوى هو الهوى عبداك

ابليس يتغير وانت لا تغيير ...

وما ترضة الحيونة نطلق عليه حيوان

وكالت عالفرق واضح جبير ...

ابليس بحزن ما يرضة اللقب شيطان

وحذر لليلقبة وشدد التحذير ...

احتج المسخ جة من ضمنة صنفناك

ونطق ما اريدة من ضمني يصير ...

الخبث منة يتعلم وابليس همين

المفروض بمصطلح غير الخبث لا غير ...

والظلم انزوة وانت ما خذيت الدور

صرت اعلة كعب عالظلم امير ...

الطغيان انتهة وعلى روحة سد الباب

وبدت حقبة جديدة

بيهة الطغيان شمسهلة وشكد يسير ...

الكفر اشتكة حل روحة وكال

هذا بالكفر فوقَ مستوى التكفير ...

والظلال ابتشر لمن اجة دور ايزيد

ونطق دوري مو ظلال الدور تنوير ...

والخطورة تساهلت تركت العنوان

احتجاجا عالخلق جة صاحوا خطير ...

وبكاء الشر يختلف بعيون من دم

وصرح جيف اقترن بية آنة الفقير ...

والحقارة تسودنت نزعت حتى الهدوم

وصرخت ما اريدن بإسمي يسة حقير ...

والخمر صرح وشلاني ما بية ربع كلاص

وقليل بعالم الخمرة نكول سكير ...

وبعلاة الصوت صاح الاجرام دخيل

وقررت البراءة هاكم التقرير ...

يزيد المدري شنهو

بعالم الانحطاط يخونة التعبير ...

وفقد عقلة الجنون امن افعالة

ورجع صاح

اذا عنة كلت مجنون تخدير ...

واكسباير منتهي

عقلة الموش بالراس

ولان ضد العقل ما يرهملة تنوير ...

 

                                 مؤمن بالقضية

حي بالحياة الجسد وية الروح                ولهاي الحياة شوكت ميريد يخرج

وحروف الرجولة كلهة تعني حسين         ومصنع للرجال بكل وكت ينتج

والحج وزيارتك لو نجعلهم بميزان          التفوق زيارتك مو تتعادل اويالحج

ونظيف الايد من مال ودماء                 وقليلة هواي لو كلنة ثلج

وبخصوص الثار طالت طول الثار         وبخصوص الثار يمتة ولشوكت تفرج

ومع الموت صفقة المستهلك الموت         والبضاعة ارواح وانت دورك المنتج

وعانق للحياة الذكر مو للموت              وروحك للخلود ومو للقبر تعرج

دولة بكبرهة وتملك جيش جرار           وبحمرة لون ثورة ولاثنينهم تحرج

ولو ضاكت الوسعة حسين موجود        بجاهة تنفرج وبجاهة يصير مخرج

ودمك من حجة سكتت الاصوات          وشفاف الدم بالحق تصدح وتلهج

والثورات المحقة منك تاخذ امداد         وللثورات المحقة صارت ثورتك منهج

ومذاق الشهد فكرك راعي للتنوير        ومنكع بالجرب فكر الخصم مج

وخصمك من سقط باحضان الحضيض   وبدعوة امن القعر راح يتدحرج

ومدرسة الجلالة منهة تخرجت معصوم    ومدرسة الشيطنة خصمك منهة متخرج

ومؤمن بالقضية وباعلى امن اليقين        وسلاحك بالمعركة وبايمانك مدجج

وخصمك جاهلي وطافي عندة النور      واي حجة بمقتلك ما عندة يتحجج

وشما تصعب اسهل عليه تكون           وامتطى ظهر المعركة والموت مسرج

اذا بالعرش اسمك بالواجهة مكتوب       فصعبة باهل الجنان نكول يدرج

وبفلم المعركة دور البطل متبنيه          اووي دور البطولة ايضا جنت مخرج

ومكضيهة عبادة بكل وكت معراج       وكلشي عبادة وكلشي بي يعرج

                                  عنوانك محب

الكلب ماع بمحبتك من زمان            وياكل بس محبة ويشرب الحب

وكليتك ديانة وعايش بنص الدين        وقشر الدين انت وطبعا اللب

ولان كلك محبة حتى اوياليكرهون      عنوانك محب ما يكره يحب

انساني برقم واحد على الكون           بكاءا عالخصم لجهنم رايح يطب

وآياتي بالشعر صدكني بس حروف    مقامك ما نعلمة اليعلمة بس الرب

وانسلبت حياتك بس ما راحت بعيد     دبت بالخلق وانوب الخلق دب

عل حياتك وقف كاتب وللامتين        ولاهل الاسلام التضحية ولاهل العرب

آن الاوان لثورتك ذاك الزمان          وعلى نغمة الحانك مغني السرب

وعالدم عطش نشفت ارياك الدين      وشرب دمك وارتوة لمن شرب

نظيف العقل بالفكر صافي ونظيف   وعقل خصمك بالفكر مطلي بالجرب

ولخريف الامة صرت انت الربيع    ولديمومة الامة صرت انت السبب

وصدرك وسيع ويتسع ما بالكون     وكلش للفقرة جان شكد رحب

كتك كالسحب لمن تكت بالماي       هداية وعلى المخلوق يا سحب السحب

وتحزن للاسف ندري الحزن ملعون  احتل كل كيانك سيطر عالكلب

والفرح آه الفرح ها كثر خوان        كتب كل الاسامي ولاسمك ما كتب

تجارة وصفقة عمل والثمن مفتوح  ومع الباري التعاقد واتحقق المطلب

ولان كامل مكمل عالكمال البيك    لو رايد شريك الباري يجعلك رب

تعالن يابهائم صار الخصم وجبات  سيفك صاح ذاك السيف المجرب

والنصر لمن اجاك الخوف جاباه   وعرف لو ما يجيك منيلة المهرب

وكتب مني الدرب عالعزة يالتردون  ودرب خصمي مذلة ومنة لا تقرب

                              بنوايا نبي

يا لغة الترهم عالوصف كلنة يا اقلام

يا امل امة ويا منى الاحلام

ولان تتأمل جنابك عينهة تنام

وفوك امن المجد مجدك لا يرام

وعش للحقيقة الخصم عش اوهام

وفي غرامك وكع حتى الغرام

وقبل انبياء الله قبلهم بالمقام

اووي مرام الله دوماً عالمرام

وتعبت العبادة اعوام يابو اعوام

الخصم وبالخصومة سهلة لو خصام

واجرامة لو نقيسة ايفوق عالاجرام

وقاموا مراسيم الحرب بإرسال السهام

وشريعتهم على الغاب اتقدم بالامام

ولان ما بايعت صب الغضب جام

ومن حياة الناس معزول انفصام

ومو حمامة للسلام انت حمام

وبنيت شما هدم بالمعول الهدام

وصمام الامان ومو غيرك الصمام

وانت بنوايا نبي وعالكون امام

ومبدأك قبل الحرب تلقي الكلام

واحتراماً للاسم قبعة يرفعلة الاحترام

وعينة عالشريعة عين حارس ما تنام

ومع الشيطان كل عمرة خصام

وابعد شما تصورنة البعد عن الحرام

والسلام اتنازل واخذ دور السلام

وحجة وهداية الحرف امن الكلام

ولقمان لحكمتة يكوم يوكفلة احترام

وما يفرق نفس المستوى كل الانام

وابداً مستحيل ايقدم الخاص عالعام

وعاش التساوي اويالخلق ما عاش بامام

وحساب الخلق يمة لو صار القيام

وكرمة عالمحتاج ينزل من غمام

وحتى ما يخجل المسكين يتغطة بلثام

والحسام بشبع جة خصمة طعام

واخذ دور الموت ما جنة حسام

والله بودادة من صدك هام

وبعد المناقب تعجز حتى الارقام

ورضا الله بمطلع حياتة وبالختام

وحجيت العلم كعبة ولبست احرام

وامن الولادة وللشهادة ابيض خام

                                   الجابرة

يا حامي الهدى ومدلي بيه الناس

بيمن حميتة غير بحزة الراس

بدل الدمعة بضحكة عالصار

انت بكربلة سويت العليك

مطلب الهي وخلة يرضيك

جا ليش القهر لا داعي منة

خلي الصار فدوة وللدين يندار

دين اللة حميتة بالذي صار

ولاجل الدين كلشي كلشي يهون

وخلي الصار فدوة وريح البال

فدوات لالهك وار ضي الدلال

ومادامة لالهك خليك مرتاح

ومادامك فزت والفوز بالرضوان

غاية نبيلة وهدف كل انسان

اذن عوف الحزن بدلة افراح

للرادة الجليل بكربلة سويت

وما زيدت فوكة او لا نقصيت

اذن ليش وعليم نهاي الاحزان

وبموتة انكتب تاريخ ميلادة

ماكو ضرر بالعكس استفادة

شحلاة الموت خلة بهيجي حالة

خل موتك بالسعادة مطرز ومحيوك

وصكك يختلف عن باقي الصكوك

بدمك توقع عنوانة الامان

غاية الله انت ورادك للحدث

واكبر من موت واكبر من جدث

فالحزن مرفوض ما معقول الحزن

احمد عالحدث واشكر الله

لان بي نجاتك موش بسواه

امر اللة وطبقتة بحذافيرة

خلي الراح وي الراح عوف او لا تعيد

واقلب صفحة جديدة وابدء من جديد

ربك رادة اهلاً باليريدة

اهلا يا قدر مرحب يا قضاء

هذا منطوق وجواب الاولياء

وخلي جوابك عالحدث نفس الجواب

بالدم توقع صك الامان

يعني بالحشر مو يمك النيران

اذن موتك سعادة ليش الآهات

العزة لحضرتك بالموت مقرونة

وخليت الذل يولي وخابت ظنونة

لا تحزن اذن وافرح بهالموتة

موتك بسيط اشلون شرب الماي

مقابل عدة امور اتحققن مولاي

قارن تلكة حضرتك للموت محتاجة

انت معنى وغير قابل للفناء

ليش تحزن عالقتل تحزن عالدماء

وبيهن لا تهم والهن لنشيل اهمية

اللة رادك للقتل مشروع الفداء

وبلبيك اجبتة وباول لحظات النداء

اذن لا للتأثر خلة يرحل يا شهيد

معقولة الحزن عالصار محتل الكيان

اووي اللة بكيانك تجعل الاحزان

اوواحد كيانك بي لا تخلي اثنين

تموت تعيش لو عايش تموت

وانت للباري ممثل بالصورة والصوت

ومو وحدك عشت عاش الاله

يعيش اللله لو موتك وقع

والنفع مو للروح للباري النفع

معقولة الحزن عالموت واللة المستفاد

انت واقع، موتك تريدة الحياة

والنجاة بغير شخصك معدومة النجاة

اشلون يصير الحزن بإنقاذ العباد

للموت انخلقنة ولازم نموت

والمثل موتك ينحسد عالموت

فايز بالرضا كسرة الخاطر ليش

رضا الباري كسبتة مو رضا ايزيد

ومعنى هذا ان تبدأ من جديد

وتنسة الماضي كلة وتنسة صفحاتة

اللة يشهد انت سويت الصحيح

لا تهتم بالحدث خل كلبك يستريح

ورادة الباري تبقة بالاول والاخير

رادة الباري تمشي اعلى البشر

وانت مو بشر فوك البشر

فعوف الصار عوفة ابلاية سيرة

اترك ماكو للصار اهتمام

وانت معصوم وانت امام

منك المفروض نتعلم مو نحاجيك

دمكم من نزف مو للسيوف

للباري تبرع تباً للحتوف

وشنهي يعني تموت ويموت المعاك

موت وللباري ابسط من بسيط

ولتخلي الثأثر بكلبك الابيض محيط

وجداً عادي وطبيعي عالصار خليك

الاجل محتوم نازل لا محال

واجلكم من نزل افضل الآجال

مالازم حزن عالافضل افراح

نحجيهة قدر لكنهة مو اقدار

خيار الله انتم عالحدث والصار

وبخيار الله تربط ليش الاحزان

                                 مرهبُ الصرخةِ

ما المنايا الا بوقتها المعلومِ                     تصبك ان شاءت اجلٌ محتومِ

وان لم تصبك اليومَ فغداً                        تحلك ضيفاً ايها السليمِ

وللموتِ طعمٌ طعمُ رفعةٍ                        ان كان دون الكرامةِ مرسومِ

ونبلٌ يعزُ في الحياتينِ منالهُ                    ونيلُ عزٍ مقسومٌ ومحسومِ

فانت الحسينُ وبابُ هدايةٍ                      ومعصومٌ تحدر عن معصومِ

فيا بائعَ الدمِ للهِ بيعهُ                            الحمدُ حقكَ فالثناءُ يدومِ

وما الدماءُ الا لسانٌ يكلمنا                    خلودٌ بحذوِ السبيلِ مقيمِ

فلو أن فمَ الحقِ تغنى                          فانت غناءُ الحقِ والترنيمِ

سماءٌ والدنى تستشفُ نورها                  ضميرٌ بان الليلَ بهيمِ

ونسيمُ التحررِ منك مبدأهُ                    وهبَ على الامتينِ النسيمِ

وما كنت ممن يحسبُ عمرهُ                لانك الفداءُ والفداءُ جسيمِ

وغيرك يفضلُ يوماً يعيشه                 على ان يقتل حراً كريمِ

هانت لديك المنايا برمتها                   فعشت سعيداً وانت رميمِ

بالقتلِ عرسُك والفتاةُ شهادةٌ               اثنى عليها الحكيمُ العليمِ

واخترت النضالَ وجهرت بهِ             لينتهي عن ظلمهِ الغشومِ

ولا يسامْ الانسانُ ذُلةً                      وعن سومهِ ينتهي المسومِ

وكي تنعمُ بالحياةِ امةٌ                     هي والراحةُ كفاطمٍ ومفطومِ

وكم اضفت للحياةِ اضافةً                 وكتبت لنفسك تقويماً بتقويمِ

تنحي وعن وجهي اغربي               قلت لمذلةِ حاكمٍ لمحكومِ

وسئمت العيشَ ظلَ دولةٍ                يصانُ القردُ والانسانُ مرجومِ

يا وافرَ الخيرِ بالحياةِ لمعدمٍ             ويا مسعفَ المستجيرِ من الجحيمِ

عدوك كالربِ او اشدُ خشيةٍ            يخشاك بجيشٍ وهو خصيمِ

والروعُ لا تعرفْ سوى احرفهِ         فلولا الحروفُ ما كنت عليمِ

وبالمقتلِ الفضيعِ كنت متنبأً             فما هالك التنبأُ المحتومِ

افصح للعالمين من تكنْ                فوحدك بوصفِ النفسِ عليمِ

وزهدت ما رغب الاخرونَ بهِ        عريضُ الملكِ والعيشُ النعيمِ

وامنن فخيرُ المنِ شفاعةٌ                رجاءٌ لدى الدارينِ عظيمِ

والردى مرُ المذاقِ شربته              لتحولَ حياةَ البائسينَ نعيمِ

واقضت مضجعَ الظالمينَ صرختكَ   ومرهبُ الصرخةِ عند الظلومِ

وجاؤوك بالدنيا ورفضت مجيئهم     ومجيئهم بحلوِ الكلامِ مسمومِ

وسيفٌ حل الموتُ ببأسهِ              ولولا الاحداثُ ماله غريمِ

ومن صبرك الاملاكُ في عجبٍ      لانه مفقودٌ عندهم وعديمِ

واسمع الدنيا وقل لها                 بانك الحقُ الصريحُ لا الخصومِ

وقد تولد الهدى بمقتلٍ                حيثُ الخطى والنهجِ القويمِ

منذُ الطفولةِ والاخلاقُ تسيرهُ        وفي بحرٍ من المبادئِ يعومِ

ولونت الحياةَ بما اراده             ربُ الحياةِ انْ يكونَ عميمِ

وقناعُ الزيفِ بالدماءِ جلوته        حتى بان الخلطُ والتطعيمِ

وفطيمُ الرجسِ حين مولدِهِ          والخصمُ من هداكَ فطيمِ

ونصيبُ ضميرك راحةٌ براحةِ     لأداءِ الواجبِ المطلوبِ بالمليمِ

ولفعلِ سيفك الفؤادُ براحةٍ           والسيفُ لكثرِ القتلِ بسيمِ

                                   ديوان ابلا جعبة

                                  متمضمض بالدم

ولادنى اجرامك ما يوصل اجرم ما بالكون

انت ابليس الثاني وانت اتمثل ابليس

وخطك لنار ايأدي وانت القائد هذا الخط

متمضمض بالدم متمضمض وانت تلث عقود

البرزخ متأذي البرزخ جيفن عظمة النار

وخطك خط ابليس وضد خط اللة

استحدث يا رب استحدث غير النار اعقاب

                       جنس بجنس ايامك

قليلة بحقة النار وحتلو جانت عظمة

ما شاغل بالك ما غير الجنس بمحرم

جنس بجنس ايامك دم وخمرة وياه

ابليسك موش ابليس ابليسك اقوة ابليسك

ابليس وما يتجرأ ذبحاً وانت المتجرأ عالمعصوم

حظر للمهدي الركبة باجر موش ابعيد

حتلو يقبل من الناس انت الفارغ عذراً

                            ابلا جعبة

جعبة لباجر ماكو خاليهة اشلون نكول

ولازم تمثال يمثلك حتى ترجمة الناس

ويشرد من نارك يشرد خاف تلوحة ابليس

تشرب تذبح بيدك سيف وكاس

يخلص يومك يخلص بالدم والخمرة

لم الشبجة وروح وموش حسين تغرة

حتى حروفك تخجل جي باسمك مختصات

                        يتلذذ بالدم اتلذذ

لو عالنار نكلك حل الحل ما تشفي

اشلون تخلص كلي وربك بالمرصاد

بصفاحك موش املاك الدم والخمرة

سادي ولابعد حد ويتلذذ بالدم اتلذذ

موش اثكَيل او لا موزون وحاكم امتين بوكتة

انت وروحك منسلخين ومن قالب الانسانية

موش بعالم الانسان ومدري بيا عالم

                    لعنك ما يفتر

ابليس يسدد رمية وبيدك يا ملعون

ونكره مو بس شخصك حتى حروفك مكروهات

ومن خبث اتوقع لا مو من طين

لعنك ما يفتر لعنك او لا منة تمل الناس

انذل من انذل حتى انذل من ابليس

وحقدك متسلسل حقدك للعترة امن الآباء

ابليس مشارك بيك اقصد عالمولد

                     موش انسان بهيئة

وجورك لا مو جور ومنة الجور اتبرة

خوفاً من نارك خوفاً اجهنم ترجف خوف

شخصك مخجل شخصك واسمك توم العيب

تتحاشى الباري اشلون وسافك دم للعترة

وعشوائي ابلا منهج حتى بتضليل الناس

شيطان بجسم انسان وموش انسان بهيئة

يرفض تتقارن بي ابليس بحد ذاتة

                   ابلا حظ كل عمرة

ما متوفق في دنياه وابلا حظ كل عمرة

كلشي او لا كلمة حق حتى الحرف الواحد

احلم تخلص احلم لا تحلم بالجنات

ما يصبح واللة انسان ايزيد شما حاول

بالك لا تحلم حلم المخلص ما ينال

احساسك مو ميت اصلاً ما موجود

ومقدار الطيبة صفراً صفراً بالمليار

                       المنبت سوء

حلمك حلم ابليس ولابليس الممكن

سيفك موش بغمدة بس عالاسلام

اسمك بالتاريخ اسمك مهمل ما موجود

تاريخك ما بي خير اسود ومصخم

بيك اتجسد بيك الشر بالكامل

المنبت سوء المنبت ميخضر بي ريحان

وبالشر زارع كاعة وما يزرع غير الشر

                          امعادي الله

وغير شكلك غير خاف ايعرفوك الناس

الام اوحيدة واكثر من اب مشتركين

اعلومك طيبة اعلومك اقصد بالمكلوب

الواجب نتبرة الواجب جيف امعادي الله

الرايد عار يصير باسمك يتسمة

ونارك تتسعر نارك وآدم ما مخلوق

بيش ايذمك بيش الذم اتعذر

                      لعقلك ما متبني             

حار الوصف وياك يوصفك ذماً

طايع كلش طايع دوم وللاهواء

وربك فضل بي الانسان لعقلك ما متبني

العاطل لو عند حيوان بساع اتأنسن

استندر عقلة استندر ما مرفوع اغلافة

باجر يتبرة هناك الذنب امن ذنوبة

اكثر وحشية اكثر حتى امن وحوش الغاب

                   متذوق بس اهواء

ما متذوق نعمة عقلة متذوق بس اهواء

الدم بالدنية اكتابة اووحدة لكل موضوع

ما يعرف غير اثنين الدم والخمرة

يقودة وتابع ليه امجند للشيطان امجند

متناسي احسابك متناسي ما جن مطلوب احساب

ومن شرك يتعوذ يتعوذ حتى ابليس

كون اتعس من هالحال وحالك يتردة

                      ياخذ خبرة ابليس

ويتعلم منك يتعلم وياخذ خبرة ابليس

تلميذك بالشر تلميذك طالب يتهجة ابليس

تبايع خوف تبايع مو برضاهة الناس

اسمك موش امحبب وايضاً ما ينطاق

يفتح وياك احساب اللة وما ينسة

خارج عن ملة الاسلام لقتلك قائدهة

رقمك واحد بالعالم باهواءك يابو اهواء

                   دم بدم مشروبة

  دم بدم مشروبة وما يشرب غير الدم

متورط وية الله الورطة ادموم الورطة

حظك عاثر حظك صرت اببال الله

كل هذا الصار وبعدك ما شايف

ابعد من ابعد بُعدك عن الله

ها شو ما شفعت دنية ام الوان

كاس الخمرة يدور وداعي الحب يترنم

                     للحق ما يسمع

شو ما شفعوا شو الدنية وداعي الدنية

دنياك الجانت تزهي بالسيف امحصلهة بسيف

وحتى اتحصل الدنية امدخل الدم للاسلام

مال اغنام وترعة مو مال تقود امتين

اسوء من اسوء والمثلك ما موجود

افشل من افشل للموت امن الميلاد

وللحق ما يسمع جنة ابلا اذنين

                        انقص ما مخلوق

وحتى النار اترفضك لو عدهة لسان

خفة عقلك يا ملعون بخفة نفاشة

جا طول عمرك لو يعلم بي خير

انقص ما مخلوق ليوم احسابك

وزنة لعقلك يا ملعون ازغر من نفاشة

ابلا شخصية ابلا وعمرك كلة

تلكاه لو تبحث يقتل بس اسلام

               اخذيت ديوني

امن المرسل عالمكشوف يكول اخذيت ديوني

ملك وموش انبوة لسانك هو يكول

حتى ابليس بحزبة يرفض منة تكون

انحسبك من لا جارة انحسبك خصم وللمعصوم

غاطس ما يطلع غاطس اببحر امن التتفيه

بالنسبة لباجر يا ملعون البرزخ جنة البرزخ

جيف وياك نصنفة عذراً يا حيوان

                      مسلم كل الدم

جيف نصنفك منهة تبجي الغابة ادموم

انت منين انت عالوادم ما محسوب

الغدر تشيل إلوائة باجر يا ملعون

جف ابليس وسيفة اتمثل بيك اتمثل

صورة وصوت اصليبي رايك من سرجون

ونارك لو عالدنية تحركهة وما بيهة

اجم دم بحسابك مسلم كل الدم

                          سقوطك حيل امدوي

ضميرك ما موجود اصلاً مو ميت

وسقطن كل حروفة اسمك بين الناس

صرت بقتل حسين امن السيئ للاسوء

امن عيون الناس اسقوطك حيل امدوي

نطالب بارجاعة نطالب لو تاخذ دور ابليس

لو تاخذ دور ابليس الدنية اتراب الدنية

الكل يرفض دورك صدك حتى ابليس

                  متصدر بالشينات

امحارب للدين امحارب عود ايمثل الدين

نكَلك حل تستاهل عالصار اوياك

بوحدك انت بوادي وبوادي الثاني الدين

بيش اتغطي عيوبك وعيوبك مفضوحات

ورقمك واحد رقمك متصدر بالشينات

وراضع رسك راضع بُعدك عن الدين

سكران ايمثل امة اشلون اتعقلة الما معقول

                     سيئ الصيت

شما افكر ما ترهم اخلافة مرسل للسكران

وهو اللايكَ للنعلة وهي اتلوكَ اعليه

بقاموسك ما موجودات الرأفة اويالرحمة

ومقدار القسوة بالمية امأشر عالمليار

القسوة اجبيرة القسوة والرحمة ابلا مقدار

وصيتك سيئ صيتك وانت سيئ الصيت

بيني وبينك نحجيهة عندك آباء هواية

 

 

 

 

 

 

 

                                                                            

                                                                            355                                                    

                                  الفهرس

      ت                       إسم الديوان                       رقم الصفحة

______                _________                    _______

1-                         نبراس الكرامة                           1

2-                           قربان المودة                             24

3-                         دم الرسالة                            38

4-                         زهرة مرسومة                       57

5-                         عالفطرة                              74

6-                         للكون ضوة                          78

7-                         مختصرات                          81

8-                         شجرة الحرية                       85

9-                         كنز الوصف                        102

10-              فرض وعقيدة                       106

11-              مختصرات حسينية                 109

12-              مختصرات بالفصحى              114

13-              عرشك بالكلوب                     118 

14-               إمراية للخلق                       128

15-               ثورة فكر                           135

16-               قنديل الارض                      141

17-               شربت الحزن                      147

18-               بصمات                            153

19-               للمثلة ماكو حسين                 158

20-               حررت كل الامم                  167 

21-               طبيب الوضع                     176

22-               ملك النجاسات                    184

23-               قطار الثورة                      191

24-               لسان الحق                        199

25-               سفينة هداية                       208   356

   ت                  إسم الديوان                      رقم الصفحة

_____             _______                    _______

26-              غصن طه                         218

27-              الحب المباح                      230

28-              يزيديات                           243

29-             عاشور القضية                     254 

30-             مثل الشمس                        272  

31-             ما نبيع حسين                      289

32-             مدرسة الاجيال                    311

33-             نشيد الجراح                       328  

34-             زهرة الثلج                         338

35-            آيات                                356

36-           ابلا جعبة                           369

                                                  

 

 

 

 

 

 

 

 

 

 

 

 

 

                                                                357