يا جارة الوادي

يا صاحبي ( أغنية يا جارة الوادي)
والليل والناي والجيتار واوتاره
اخذتني البارحه من جوي الهادي
لاخر حدود الهوى والعشق واسراره
للورد للمسك لليشموم للكادي
للشط والبحر والمركب وبحاره
للحب الاول وانا اللي كنت متحادي
ما ودي اسمع علومه واعرف اخباره
ابيه يظما غلاي ويشرب بعادي
ويصير ذكرى مثل ما صرت تذكاره
من قله اطلق يداي وحرر قيادي
ما يدري ان الليال السود دواره
واللي من اول مهو عادي غدى عادي
لو يبكي اللحن من نايه وجيتاره
وان صار موتي قبل تاريخ ميلادي
مانيب مختار شي ما الله اختاره
حتى انت يا صاحبي لك جاره ووادي
لكن صاحبك لا وادي ولا جاره