سجنك للبرىء يامصر...للشربينى الاقصرى

سجنك للبرىء يامصر..للشربينى الاقصرى.

الذين أفسدوا مصر لألف عام قادمة يرتعون الآن خارج السجون .
وهم الذين(غلقوا)الأبواب على (يوسف)هذه المرة ليسرقوا مصر وقد سرقوها
أمثال :
مبارك وعلاء وجمال وسرور وزكريا وصفوت ...الخ.
 سجنك للبرىء يامصر..للشربينى الاقصرى.
 أتارى سجونك
يامصر
زى ماالنكتة
المصرية الرنانة
اللى قالوها
أهل السمر
 واللى قالوها
أهل الحكم
فى الوقت والساعة
واللى قالوها
أهل السهر
والفكاهة
واللى قالوها
 أهل الخير
والبشاير
قالوها من زمان
 أيام ثورة يناير
قالوا:
مين عارف ياجماعة
 يمكن بكرة (مبارك)
يطلع من سجنه
 براءة
 والشعب يسجن
 وبقناعة
وأخيراً حصل
ياجماعة
 ومساكم الله
بالخيروالعافية
ياترى الواحد منكم
عارف دوره فى السجن
ومين سجانه
آه من سجونك
يامصر
حطيتى فيها
(يوسف)البرىء
وسجنتيه
وتركتى (زليخا)
تتشفى فيه
لمى سجونك يامصر
وخلى ولادك حراير
وعجبى على
سجونك يامصر
وكعبها الداير.
 --------------------------
الشربينى الاقصرى.