تنتخبوا مين ؟ انتخبوا حمدين

2012-05-23 22:42:15

   لو رايح تنتخب الريس
                         أتأنى وأتفحص فيه
         ما يكونش حرامى ولا فاسد
                             ولا شكل ومظهر مداريه
    شعره متدارى ورا السبغة
           و الظلم ورا الدقن بيخفيه
      مايكونش متفلسف متحذلق
           ف الخيبة استاذ و فقيه
     من عينه بينط غباءه
           ويكيدك وعامل لى نبيه
     مايكونش دلدول ولا ديل
             ومراته مالهاش كلمة عليه
     بيقطع ويتفتف دايما
                                 و يغور لو باشا او بيه
      مايكونش حرامى نهب مالنا
             و ف بنك سويسرا مخبيه
     ولا ابنه تاجر ف ديونا
                                                و المستقبل حكر عليه
       مايكونش وزير ايام حسنى
             و بلادنا متحلش ليه
   ما دخلش الاخوان طول عمره
            و ضميره دا المرشد ليه

        و يكون بيحب الفلاح ، والاصلاح
           وأ ولاد   البلد الجامدين
      و يحب العلم ورجالته
                و يدعم كل المخترعين
        المكن الداير مزيكته
              و خصومه تماثيل من طين
      و يكون بيحب العمال ، و الابطال
                   وبنات البلد الحلوين
         بيحب الجيش وبيحترمه
               وحدودنا يحرسها مين
         الفكر الوسطى مدرسته
                     وحبيب كل البنى ادمين
         و لسانه بينقط سكر
                  ولا بيسب المختلفين
          لو رايح تنتخب الريس
انا وانت بكرة طالعين
            سيبك م الفل وامثاله
                    و انسى الاخوان والسلفيين
            يا رب و احنا على طهارة
                  يارب انصر حمدين.. يارب انصر حمدين