يوم الراحة

     رغم أن الأيام هي هي إلا أن البعض لهم أيام غير أيامنا ومن الناس هدوله أصحابنا اللي محددين يوم لكل شيء عمال على بطال شوية تسمع عن يوم اليتيم ( طبعاً أول جمعة في أبريل )ولا يوم الصداقة ( وده التاني يوم 25 مايو من كل سنة ) والله اليوم العالمي للمرأة ( 8 مارس ) ويوم حقوق الانسان والعجب من اليوم العالمي بدون سيارات أو يوم الأرض أو الأم أو يوم العمال أو يوم الحب ( طبعا ما يكفيني كل أورا ق الدنيا عشان أعدد كل الأيام ) قلت لنفسي هالجماعة كل واحد يسويله يوم على كيفه وما بقى أحد إلا أنا وليه ما أسجلي يوم على الأقل أطلع من هالدنيا ببصمة ( مش على قولت أخواننا المصريين طالع لا يد وره ولا قدام ) وممكن ألقى لي واحد لما يتكلم عن جماعتي ( السوادنه ) يقول والله الجماعة ديله فيهم الخير على الأقل عندهم يوم زي بقية الخلائق والمهم رحت أخذت لي براد شاي وعلى السرير حات وأتقلب شوية يمين وشويه يسار وكل فترة والتانيه أشفط لي من هالكاسة وأنا أفكر في الإختراع العظيم بتاعي طبعاً وشوية زميلي يخش علي في الغرفة ويقل لي والله أنت فيك كسل السوادنه كلههم راقد على الفراش من ساعات والناس هات روحات وجيات وكورة وأنشطة ترى لو جماعتك السوادنه شافوك ممكن يتنازلوا عن العرش لسعادتك يا عبقري زمانك ( طبعاً زميلي عربي بس ما من الجزيرة العربية ) قلت له يا زول أنت عارف أنا بسوي في شنو حسا يا شاطر قال لي ويعني أيش غير النوم قلت له أبغى أخترع يوم وأسميه عشان ما تقول كسول قال لي ولقيت يا كسول قلت له أيوه لقيت يوم وهو يوم للراحة وأبغى أسميه يوم الراحة العالمي وأبغى هالشئء يسجل بأسمي قال لي تراك من جد كسول والكسل واصل حتى لعقلك وتفكيرك الله يرحمك فكنا بيومك ده اللي مش باين له نهاية قلت له على العموم ما بغى إلا وأسجل هاليوم في السجل الكبير بإسمي طبعا.