يريد وظيفة والا ...

,وصلتني هذه الرسالة ببريدي الالكتروني :وشعرت انها اتهام لي حيث انا لم يشاء القدر ان اكون مدير تربية رغم انني صدقا حاولت ولكنني شعرت انني ما زلت متهم كوني اعمل بالتربية والتعليم

ورغم انني لا اتعامل بعملي مع ملفات الموظفين الا انني اتحمل جزئ من المسؤلية  حيث يجب الرد لمن بعث الرسالة وبدريش منين جابها يمكن هو بحكي عن التوظيف في اليابان وانا فكرتوا بحكي عنا هون في فلسطين .............لذلك انا اقول وجبري على الله وان شاء السميع العليم بتصدقوني والدنيا رمضان ومن دون حلفان وايمان  ان هذه الحكاية  كانت اتصيرعنا .... من زمااااااااااااااااان واليوم الدنيا انقلبت ....في امتحانات وعلامات ومراجعات واحتسابات وخبرات وتراكمات  ومقابلات وانتر نت ودور دور، يعني مرتبين الموظفين ;كلهم بعرفوا شو دورهم وهم قاعدين بدارهم ليش لا سمح الله انخليهم وهم معهمش ولا فلس وجيوبهم فاضيه  يتكلفوا تا يعرف الواحد دوره طيب امانة   ان هذا انجاز لوحده لوزارة هذه الايام .......ومش بس هيك  اليوم الي معاه علامات وتقديرات اكثر هو الي بتوظف  يعني بالوزارة بغربلوا الي عمرو ما تغربل وقبل ما  ينحط الموظف على راس الدور

 ولس في اكثر الي بدرسوا وبتفوقوا بدراستهم بالجامعات حقوقهم محفوظة بنرد كل سنة بنخلطهم وبنغربلهم ودور جديد  لكن في مشكلة عنا في الوزارة هي ان  الجامعات مش مصلية على النبي ور!!! ور!!! ور!!! ور!!! ور خريجين ....واحنا يا دوب بدنا بس اثنين من كل ميه  المهم لما بتوظفوا الاثنين  طبعا بشطارتهم وبذراعهم والوزارة بس مهدت الهم الطريق .....

بصير الثمانية والتسعين من المية يلعنوا ويسبوا ولا أوقعكم الله محل الوزير والوكيل  ومدير التربية  الله يعينهم .......

لاحظوا هاي واحد منهم  ويبدو عندو ادب ومثقف اشوية اول شي تمسكن وبعدين اتهم والحمد لله ما سب  مثل غيروا  ...الله  شو غيروا متعلم مسبات .....!!!  اقلها بدو يقطع خلف المسؤولين ويرحلهم ويرمل نسائهم وان كانت مسئولة المسبات بالاسم  الله يرملها فلانه على الاقل الدعوة مش جوزها يترمل  وتموت ...هي لع هي تترمل ....بنسمع اكثير ,,,,,,ومساكين المسؤولين ما حدى بدافع عنهم والحقيقة مخبية

واحتراما لهم ولانهم نادر ما بدافعوا عن انفسهم ساترك الباب مغلق على التعليقات حتى اقرأها  فان كانت من مسؤول حتشوفوها كلكم لانه  بدافع عن حالو ياحرام  ..ويكشف لكم عن اشياء انا ما بعرفها وما قلتها    اما ان كانت مسبات في الحلم حدى يشوفها ستبقى في ملفات ايلاف في  المدونة ..... روحوا سبوا في مكان اخر

لانو انا شايف وعارف وابو عارف  ....والله بيستر ...وكل الحكاية ....... اصل الحكاية ما وصلني بالاميل من مجهول

قيل ان خريجا جامعيا متفوقا لم يحظَ بوظيفة في مديرية التربية والتعليم

فبعث قصيدة الى مدير التربية يشكو اليه حاله قائلا:

خريج جامعةٍ ببابكَ واقفٌ .......... يرجو الوظيفة هل لديك وظائفُ

حـرقَ السنينَ دراسةً وفلافلاً ...........واذ تبرجزَ فالطعامُ نواشفُ

تقديرهُ الممتازُ يشكو للورى ..........فقرَ الجيوبِ و من قراركَ خائفُ

على ذمة الموظف بس هذا زماااااان انتبهوا

رد عليه المدير قائلاً : ــــ

ليسَ المؤهِّلُ يا فتى بشهادةٍ ..........غيرُ الوساطةِ كلُ شيءٍ تالفُ

تقديرُكَ الممتازُ لا يكفي هنا ..........ان الحياةَ معارفٌ و مناسفُ

انقعْ شهادتكَ التي احرزْتَها .......... و اشربْ فانَّ العلمَ شيءٌ زائفُ

زي ما قلتلكم هذا ايام  زمااااااااااااااااااااان