يا ريس بصلنا شوية ، وكفاية علينا آسية

يا ريس بصلنا شوية

وكفاية علينا آسية

بصلنا بنظرة حنية

لحسن خلاص خربت العملية

حكومتك علينا مفترية

وخلت الراجل ولية

حرمونا حتي الطعمية

وهما ناهبين العملية

وهايصين في المهلبية

يا عيني صاحبي باع الجلبية

وقرب يطلق الولية

وده كله بسبب المالية

وضرايبها اللي ذي الرزية

ولا كمان البلدية

كل شوية ساحبة العربية

ولا الشئون الأجتماعية

والعملية التعليمية

والكهربا والميه

كله بقي ملوخية

يعني شلة عصبجية

وعلينا عاملة رباطية

شوية مصلحجية

وبينا عاملين جمعية

هو مش انا برضه الرعية

ولازم تبقي مرعية

ولا خلاص بقت منسية

ومرعي لشوية بلطجية

ومالناش حق في البلد دية