يا ريتني كنت حمار

سألوني ايه الأخبار

قلت العيشة بقت نار

شقيان ليل ونهار

وشغال زي الحمار

وبرضه كله طار

أصل ده زمن الشطار

والبلطجية ونواب القمار

مش زمن أهل الدار

آه...ليل وما لوش نهار

ونهاره دمار في دمار

تشوف الخير فيها أنهار

بينهبو كام واحد من الشطار

وبيلعبوا بيه القمار

وعايشين ولا شهريار

تقف والله وتحتار

ايه هو انا حمار ؟

مش انا صاحب الدوار ؟

ولا خايف وعليا  تار

خايف من عبده الجبار ؟

يا عم كفاية مرار

وعيشة كلها عفار

دول وبا ومالوش عقار

غير الحرق بالنار

تعبت يا عبد الستار

تعبت من كتر الأفكار

واظاهر مافيش خيار

غير اني أعيش حمار