يا حكومة الناس هاتجيب منين ، كفاياهم فقر وحرمان سنين

يا حكومة الناس هاتجيب منين

كفاياهم فقر وحرمان سنين

دخلتوا فيها ولسة قاعدين

وعلي نفسنا لسه كابسين

وشكلكم فيها مآبدين

حتي لو كنسوا عليكم الحسين

ينتقم منكم قولوا آمين

ارحموا بقي الناس جعانين

حتي العيش الحاف مش لاقيين

وانتم بالهنا مغمزين

واكلين شاربين نايمين

علي قفا الناس الشقيانين

وبينا مش دريانين

ولا انتم علينا مستهبلين

لاء ده انم معانا مش عايشين

وأكيد بتحكموا ناس تانيين

بتوع مارينا والعلامين

ولا شرم وراس التين

اللي عندهم بدل الفيلا اتنين

دول بقوا المصريين

اما بتوع السيدة والحسين

وامبابة والبساتين

دول زبالة وشحاتين

وكانوا مصريين

وبقوا مفقودين

ومن الخرطة واقعين

يعني شبه ميتيين

وداعا يا مؤمنين

والله يرحمكم يا مصريين