يا ايها الناس هذا بلاغي!!

من صوب وادي عبقر اللي عربدت فيـه السيـول
                اللي ليا هبت عليـه الريـح صـار لهـا صريـر
مثل الربيع الطلق اتيت اختال مـا بيـن الفصـول
               في كل نقطة حرف ما في كل قطـرة مـا عبيـر
اصابعي خمسة سنابـل خضـر وكفوفـي حقـول
               واوراقي البيضا طيور وكل سطـر جنـاح طيـر
شاعر فحل من قشر حظي عشت عصر اللا فحول
                 اجمع شجاعة عمـر بـن هنـد وثقافـة شكسبيـر
لو ترسموني خط عرض ارسم لكم خطيـن طـول
              الشمس تشرق من يدي والارض حولـي تستديـر
اقدر بسحر الحرف اغيـر كلمـة علـوج لعجـول
                  يعنـي بخفـة يـد ارد الثانـي بـدال الاخــــــــيـر
يا أيها الناس :اسمعوا منـي واعـوا مـاذا أقـول
                  هذا بلاغـي: أن تقولـوا مـا أتانـا مــــــــن نذيـر
إني نذيـر لكـم لـو انـي لا نبـي ولا رسـول
                 انسان اظن الخير في نفسي وفيمـا اقـول خيـر!!
ان كنت اقول الحق اعينوني على وضـع الحلـول
                وان كنت مخطي عدلوني زين با السيف الشطيـر
من منكم بلا ذنب يا اصحـاب البصايـر والعقـول
                فليرمني با كبر حجر في ساحـة النقـد الكبـــــيـر!!
والله مالـي مـن وراكـم لا بعـيـر ولا ذلــول
                احلامي اكبر في حياتي مـن ذلـول ومـن بعيـر
لكن ارى ما لا ترون مـن الامـور اللـي تهـول
               اللي تهول وشيبـت راسـي وانـا تـوي صغيـر
شفت العجايب والعجيب ان الطبيعـه مـا تـزول
               اعور يقود اعمى وراه اعمى يقّـود لـه بصيـر!!
اعور يقود اعمى تساوى الرفض فيها بـا القبـول
                اللي عجزت القى لها حـل المفتـح والضريـر!!
وامير في جلباب شعر يعيش لـه خمسيـن حـول
           ويموت خمسين الف شاعر في طرف جلباب امير!!
قصرت مقاسات الجبال وطالـت قـرون الوعـول
            يا وقت قصرت الطويل وزدت في طـول القصيـر
لكن حبل الكذب يقصـر لـو يزيـد ولـو يطـول
                 لو ينفتل من سر غامض ما يحفظـه قـاع بيـر!!
قلنا الضمير يعيـش والغمـه عـن الامـه تـزول
                    لا زالت الغمه عـن الامـه ولا عـاش الضميـر
نبكي على سقط اللوى ما بين حومل فـا الدخـول
                  ويضحك علينا طرفه بن العبـد ويصفـق زهيـر
والنقطة اللي فوق حـرف الضـاد مالـت للذبـول
               وان ذبلت النقطه ومالت صار حرف الضاد غير!!
يوشك يجينـا وقـت يتسيـد علينـا بـن سلـول
                       ويصيـر حكـم الابجديـه عنـد تجـار الشعيـر
هم دنسوا باسم المكاسـب مريـم العـذرا البتـول
                  ثم احرقوا في قرطبه تمثـال موسـى بـن نصيـر
وش ننتظر منهم وشمس الشعـر توشـك للافـول
                   لا معهـم اسفـار الهلاليـه ولا حـنـــــــــا حمـيـر
وان طاحت الرايه وداست فوقهـا اقـدام المغـول
                    لا تسألونـي وش يصيـر؟ الله يعلـم وش يصيـر
هبوا واعدوا ما استطعتم لو مـن ربـاط الخيـول
                     يا الطيبين احفـاد ابـو الطيـب وبشـار وجريـر
صيحوا مثل صيحة مضر والا اعقدوا حلف الفضول
                 والا انطحنتوا في رحى يـوم ٍ عبـوس ٍ قمطريـر
تحرروا من عقـدة المنصـب ومـن دق الطبـول
                  اول عمل في درب الاستقـلال :تقريـر المصيـر
اعلام صار اعدام صار اوهام مدري ويـش اقـول
               هذا بلاغي: أن تقولـوا مـا أتانـا مـــــــــــــن نذيـر!!!