الخير لـ..هل الدار يامدوّر الخير
والدار لـ..هل الخير ياساكن الدار

لاتـوّسع المخبى مع دهنة السير
لاطايلك درهـ/م ولا ربع ديـ/نار

بتعيش عادي ..عش على لقمة الطير
بتموت ؟...لك فالارض قبر ٍ وقبّار

عيشة كسير ٍ راح حظه مع الغير
وموتت فقير ٍ ماعرف كيف يختار

ارزاق واللي صار مكتوب بيصير
لكن على غيرك لها باب واعذار

هناك شي.. يحتاج دمعه ..وتبرير
وهنا قدر مكتوب يحتاج صـ/بّار

اصبر ولو تضمى على جمة البير
الصبر زين وزينة الصبر الامرار

شف حال من في حوشها حوار وبعير
تبغى تسد الجوع في " لحمة حمار !!