ياأم الصابرين...للشربينى الاقصرى.

ياأم الصابرين...للشربينى الاقصرى.

بيقولوا مصر فقيرة ..!!

لا مصرمش فقيرة..

مصر صابرة وأم الصابرين .

بيقولوا مصر محتاجة ..!!

لا الست مصر ولادة..

الست مصر أم الملايين.

ابنك يامصر فى الخارج 

لاجلك تعبان ومتغرب .

وأبنك يامصرفى الداخل

عشانك شقيان ومتعذب.

مين قال يامصر 

إنك فقيرة ..

دول جماعة كدابين

مصر غنية وغنية 

والشاهد على غناها 

إن أفقر فاسد فيها

عنده ملايين 

والحرمية فيها 

أصحاب بلايين

الخير ده كله منين 

ده كله من صندوق 

مصر أم الصابرين...

آه يا مصر

آه يابلدنا..

يامصر...

ياأم الصايرين.

الشربينى الاقصرى.