ونات صدري قلايد

مشغول عني في قراية قصيده+والقلب ينزف في فراقك قصايد

الحال مبري والمسافه بعيده +وابحار فكري ماترد البعايد

بالهون مادام الاماني عنيده+والقلب يبني من غلاتك عمايد

بالامس روحك في غرامي جهيده+واليوم تطلب في هوانا شهايد!!

اضويت اوراقي وناري وقيده+وحبري دما قلبن فنونه فرايد

مابيك تشفق والعزايم شديده+اشيل مع حملي حمولن شدايد

مشتاق والله عالمن في عبيده+ونات صدري في غيابك قلايد

لا اقبلت صوبي كل بيتن اشيده+ولا ابعدت عن عيني جروحي تزايد

من زود حبي حتى جرحك اريده+ما اشكيك منه لو حياتي جهايد

كل البشر مالوا وانا اقول سيده+وذاب الطريق اللي حسبته خلايد

امسيت وافكاري كما هالشريده+اطرد ورا كل الحروف البلايد

واصبحت مالي غير فكره وحيده+مهما بعدت الحب بالقلب سايد

لابوك يا حبن ظروفه عنيده+ولابو الشعر لو ما تجيك القصايد