مواضيع اليوم

وطن قيد الاحتضار

محمد الشريدة

2011-02-10 19:43:28

0

وطن قيد الاحتضار

مساء الحب لامنه طــرى بأسمك بكى يبكــيك
مساء البعد مــن بعدك لبعــدك كثـر مايشـتـاق

ولامنه ذكر شخصـــك يحن يشـتاق لك يبغيك
يضم البعد لعــــيونك ويهـدي للعـيـون افــراق

يحاكي لهفــة انفاسـك ويبكي كلمـــــا يطــريك
يسولف بس مايدري وش اخـــرقصة العشـاق

علامك ليه ماتسال تخـاف الوقت مايمـــــديك
على فكـــره انا مثلك سجــين الهـم والاشـواق

وانا مثلك ضحيه وهم ضحية حزن مايبغـــيك
ابيك من الوله تزعل وتسكن وسط هالاعماق

وابيك من الزعل تسال وش اللي بالعمر يفديك
وش اللي يجبر عيونك تعانق ظلمـة الاحـداق

ابي تسال ولا تسال وتعرف وش كــثر مغـليك
وابي تبقى مثل مانته وتلبس للـــزمان افـــراق

انا ادري كل ما قلته تناقـظ والـــذي يحمـــيك
وعارف مابقى فيني بصدري للعـراق عــراق

رحل طيفك وانفاسك وموالك صعـب يجــفيك
رحل عشقي واحساسي رحلت ومارحل يشتاق

رحل فيني وطن غالي وانا شوف الحزن يكسيك
واشوف اطفال تتــشرد مدام ان العـراق معـاق

وكم شايب يحاسبني عــسى الله يحفظك يهــديك
وانا جاثم على صــدر المـــذله بنكسـار السـاق

اطالع كل ما يجـــري وكني الجـــرح مايبكيك
وطن ياما حملت اسمـــك وبادلتك كثير عنـاق

عرفتك ياوطن شامــخ وكني ماعـرف وشفـــيك
عرفتك بس مو عارف اذا كنت العراق عـراق

دعائي ياوطن لجـــلك دعـــيـت الله ان يشفـــيك
وتبقى سيدالاوطـــان ولو جـار الزمـان وضـاق

فيصل المريسي
www.bh-vip.com

 




التعليقات (0)

أضف تعليق


الشبكات الإجتماعية

تابعونـا على :

آخر الأخبار من إيلاف

إقرأ المزيــد من الأخبـار..

من صوري

عذراً... لم يقوم المدون برفع أي صورة!

فيديوهاتي

عذراً... لم يقوم المدون برفع أي فيديو !