وصفي وفتحي وعبد العال

وصفي وفتحي وعبدالعال

ومطير وخيرالله وجمال

دول فيكي يابلدي عمال

موالهم والله موال

شقيانين علشان المال

بس الحظ بيهم مال

عايشين ياعيني في ترحال

مرة صحراء ومرة جبال

في بلد رجال الأعمال

لازم يضيق بيهم الحال

ويبقي موالهم موال

ده جامعي وده شيال

وده متجوز وعنده عيال

في الشغل شقيانين

وفي اكلهم جعانين

وفي لبسهم عريانين

وفي عرقهم منهوبين

ومن حقوقهم محرومين

بس دايما حامدين

ولله شاكرين

للأهانه رافضين

وللكرامه صامدين

وعلي شرفهم محافظين

مش زي النصابين

أصحاب الملايين

اللي علينا دايسين

ولحقنا ناهبين

ولدمنا عطشانين

ده فيكي طبيعة الحال

يا بلدي يا أصل الموال

والله الحال فيكي مال

وتعب فيكي ابو العيال