مواضيع اليوم
وحيده
وحيده
حالة ملل من الدنيا مفيهاش شئ جديد
كل حاجه هى هى والامل لسه بعيد
نجوم اليل عدتها واليل عليا يزيد
يمكن بحس بده علشان بقيت .... وحيده!!
بمشى فى طريق مبشفش غير نفسى وبس
لو حتى فى حاجه تفرح مبقتش بحس
مش بسمع غير ذكريات عماله تكلمنى بهمس
وكانى متكتفه بسلاسل من حديد
يمكن بحس بده علشان بقيت .... وحيده !!
ما خلاص فى فراق وعمر الحبايب ما هيكلمونى
اه بحلم بأمل وعارفه انه بعيد
يمكن بحس بده علشان بقيت .... وحيده !!
حالة ملل من الدنيا ومن كل الى فيها
مهما دورت على السعاده عارفه مش هلاقيها
اهو ادينى اتولدت واعيش واموت فيها
رغم انى حــــره حاسه انى من العبيد
يمكن بحس بده علشان بقيت وحيده .... !!
أضف تعليق
آخر الأخبار من إيلاف
من صوري
فيديوهاتي
التعليقات (0)