واحد كفران ببلده

هو المواطن هشام اللي مش صادق خالص عايزنا نحمد ربنا علي ايه علي الفقر ولا علي البطاله ولا علي العنوسه ولا علي مراكب الموت ياعم دا الواحد كفر ببلده والله وحاسس ان مافيش حاجه تربطني بيها غير البطاقه الشخصيه انا خلاص كفرت بيها وان هي ممكن تتعدل وينصلح حالها انا عايز حد يقولي يعني ايه مصر ويعني ايه انتماء الكلام داه كبير وانا مش حاسه ولا عارفه ياريت حد يكلمني ويقنعني علشان افهم انتمي لبلد بتعطي الحراميه واللصوص خيرها وتمنعو عنا احنا ولادها يبقي يا اخي ملعون دي بلد وملعون داه نظام وملعون داع حاكم جوعنا وشردنا خلينا بكالورسيات وليسانسات نشتغل سكريتويه حراس امن في بلادنا ولا في دول الخليج ....................... يا اخي انا نفسي افهم الناس دي بتشكر وبتمدح في نظام حسني مبارك علي اساس ايه داه احنا لو اتقارنا باي دوله هانخسر المقارنه بالثلث اكيد ليه مصلحه او هو واحد من المنتفعين

التعليق داه كتبه شاب مصري تعليقا علي موضوعي السابق ((إلى مواليد التسعينيات من أبناء الفيس بوك.. عيشوا عيشة أهاليكم شوية)) المعلق الشاب بيوجه كلامه في الاساس للمواطن هشام الصادق اللي بيسبح بحمد مبارك ... بجد انا كل كلمه ذكرت في التعليق هزتني لان كتير من الاراءوالافكار انتابتني كشاب مصري بيعاني من مشاكل لا تعد ولاتحصي وبلده غرقانه في بحر من الفساد والمحسوبيه والواسطه واحنا الجيل الضايع اللي انسرقت احلامه وانطحنت طموحاته بدري بدري .... بجد نفسي حد يحس بشباب البلد دي الشباب هو المستقبل وللاسف جيلنا الحالي جيل ضايع وبلده لا تمثل قيمه له وداه بسبب فساد المسئولين عن البلد اللي زرعوا جوانا احساس ان البلد دي مش لينا ؟؟؟ ولكن اقول في النهايه للاخ الشاب المصري اللي علق علي موضوعي يا اخي مصر شئ والنظام الحاكم شئ تاني خالص والنظام مهما طال ليه نهايه بس مصر هي مصر هاتفضل في قلوبنا وجوانا ومش هاقولك الصبر لان الصبر بصراحه مش قادر يصبر علينالكن كل ظلم وليه نهايه وان شاء الله صلاح حال مصر يكون قريبا