وائل عباس مش لوحده

محمد أبو علان
http://blog.amin.org/yafa1948

التدوين بات ظاهرة في العالم العربي، والمدونين في بعض الدول العربية كانوا ضحايا لقمع حرية الرأي والتعبير، ففي الأسبوع الأخير أضرب مدوني المغرب لمدة أسبوع احتجاجاً على حبس زملاء لهم، وها هم شباب 6- إبريل في مصر يتحركون لنصرة المدون وائل عباس ضد قضية لفقت له( إتلاف سلك نت) لتصفية حسابات بطريقة ملتوية معه من قبل أجهزة الأمن المصرية.
ومن باب التضامن مع المدون المصري وائل عباس نعيد نشر بيان التضامن تحت عنوان "وائل عباس مش وحده" من على مدونتي الشخصية:

وائل عباس المدون اللي فضح ظباط الشرطة البلطجية
وائل عباس اللي فضح انتهاكات الشرطة في انتخابات 2005
وائل عباس اللي جاب حق كتيير ضحايا التعذيب في مصر ومنهم عماد الكبير
وائل عباس اللي وقف جمب كتيير من المعتقليين السياسيين ونشر قضاياهم في كل مكان في العالم كله
دلوقتي الشرطة عايزة تاخد بتارها منه
بتلفيق قضية من اتهف انواعها
" اتلاف سلك نت "
وعقوبتها 6 شهور سجن مع الشغل!!!!!!!
وده بعد ما رفع قضية ضد ضابط شرطه جاره عشان اعتدى عليه وعلى ووالدته
وطبعا عشان احنا اكيد اكيد في مصر
الحكم لصالح الجاني ضد المجني عليه

وده لينك اللي حصل
http://misrdigital.blogspirit.com/archive/2009/04/10/تفاصيل-الإعتداء-على-وائل-عباس-ووالدته-في-منزله.html

وده خبر الحكم عليه
http://misrdigital.blogspirit.com/archive/2010/01/23/الحكم-بحبسي-ستة-أشهر.html

جلسة استئناف الحكم يوم الخميس 18 فبراير
ضروري جداا اكبر عدد يكون معاه في اليوم ده
وندد بالحكم الظالم لصالح بلطجية مصر اللي بيحموا اقذر نظام على وجه الارض
وائل عباس مش لوحده ومش هنسمح انه يكون فريسة للداخلية ينتقموا منه عشان بيكشف فضايحهم