فوجئ الدكتور احمد زويل أثناء حضوره اجتماع لجنة التعليم والبحث العلمي بسؤال من النائب محمد عبد الموجود”إنني سمعت ان حضرتك تبرعت بنصف قيمة جائزتك لإسرائيل فندهش الدكتور زويل من السؤال وطلب ان يعيده مرة ثانية السؤال فقال النائب ” أنا سمعت من البعض ان حضرتك تبرعت بنصف الجائزة لإسرائيل فالناس بتسأل عن الحقيقة دى فياليت نوضحها للناس
“فرد الدكتور زويل “هل حضرتك عضو مجلس الشعب !!” وأضاف “حضرتك تقدر تتصور كل اللي أنا بعمله لمصر دا واني أتبرع بنصف نوبل لإسرائيل فرد النائب السلفي” أنا قلت سمعت فأردت ان تبين الحقيقة للناس” ورد زويل الكلام” دا عيب” فقال النائب” الشعب يسأل وعايزين ننفى التهمة دى” فرد زويل” لما حضرتك تقول تنفى التهمة وأنا بسمع كلام عن حضرتك في المجلس الشعب بس مابقولكش ان هذا الكلام صحيح فالكلام ده عيب لان الوطنية عند واحد زى حالتي معروفه عند كل الشعب المصري
وكل المصريين عرفين كدا ومش عشان واحد كتب كلمة هاجاوب عليها هنا

 التعليق على الخبر :بصراحه المجلس ده لازم ينحل لما فيه واحد كل مؤهلاته انه دبلوم وحفظ كم حديث يسأل الدكتور احمد زويل هذا السؤال ياناس عيب احنا مصر مش خرابه بيجرى فيها شوية حراميه  واى حد يخطر على باله سؤال يسأله تبقا مصيبه وهو ده برطمان الثوره التى أتى لنا بالمصايب والكوارث من نائب الاذان الى نائب الحمار ثم نائب التجميل والله انا احترت فى امر هذا البرلمان هل هو برلمان ام سوق للنخاسين 
ام حقل تجارب للمبتدئين  هناك حضانه فى الحى السابع للتعليم السياسى نرجوا من الجهلاء الانضمام اليها حتى نستريح من هؤلاء المسروعين على السلطه