هجرتك........

هجرتك
هجرتك يمكن انسى هواك.. واودع قلبك القاسي
وقلت اقدر في يوم اسلاك.. وافضي م الهوى كاسي
لقيت روحي في عز جفاك.. بافكر فيك وانا ناسي
غصبت روحي على الهجران.. وانت هواك يجري ف دمي
وفضلت افكر في النسيان.. لما بقى النسيان همي
لو خطر حبك في بالي.. والا زار طيفك خيالي
حاولت اهرب م الافكار..اللي تشعل نار حبي
وافضلت وانا بالي محتار.. في الحب بين عقلي وقلبي
وكان هجري عشان انساك.. واودع قلبك القاسي
لقيت روحي في عز جفاك.. بافكر فيك وانا ناسي
صعبان عليّ جفاك.. بعد اللي شفته في حبك
مش قادر انسى رضاك.. ايام ودادك وقربك
لكن اعمل ليه ايه..وانا قلبي لسه صعبان علي
صعبان عليه ان اتمنى .. قربك
ونال مراده واتهنى .. بنعيم حبك
ورجعت تسقيه من صدك .. كاس الهجران
وتفوت عليه ايام بعدك .. سهد وحرمان
وكان اماني في يوم انساك.. واودع قلبك القاسي
لقيت روحي في عز جفاك.. بافكر فيك وانا ناسي
ياما حاولت انساك .. وانسى ليلي هواك
وانسى الجمال اللي شفته.. في الوجود وياك
حرمت روحي من كل لنسمه.. كانت بتسري بينك وبيني
وحرمت روحي من كل نعمه.. كانت بتحلى وياك ف عيني
وقلت اعيش من غير ذكرى.. تخلي قلبي يحن اليك
ما فضلش عندي ولا فكره.. غير اني انسى افكر فيك
وصبحت بين عقلي وقلبي.. تايه حيران
اقول لروحي من غلبي.. انسى النسيان
مادام باهجر عشان انساك.. واودع قلبك القاسي
واشوف روحي في عز جفاك.. بافكر فيك وانا ناسي