نهضة حقيقي .. زجل ساخر .. بقلم مصطفي صادق المهدى

نهضه حقيقي

صَوتي جامد ياام فاروق
يمكن مره الشعب يفوق
قالوا جايبين الخير في النهضه
نمنا صحينا  لقينا  خازووووق

نهضة حقيقي

بُكره العيشه هاتصبح فُل
ده احنا معانا الخير للكُل
فجأة لقينا ده كله سراب
حتى نهارنا بقي اسود كُحل

نهضة حقيقي

عمو الشاطر قالها صراحة
نهضة إيه ده كلام إعلام
هو خازوق خدناه بالراحه
وإتكيفنا وقُلنا : تمااااام

نهضة حقيقي

والعريان عريان بلبوص
وصفوت زفت عدوالشعب
بُكره هاياخدوا أكيد......
دي جنازة حارة وميت كلب

نهضة حقيقي

وعم كتاتني طالع نازل
لجنة دستور.. شعب وحزب
اُمال فين الحُكم العادل
دي مصر ياناس مش مقلة لِب

نهضة حقيقي

وجدو بدعدع هادي وراسي
دُنيته حلوة وعيشه مزيكا
بصباع بيشيل ويحط كراسي
وكله ببركة ماما أمريكا

نهضة حقيقي

أما الشعب ياعيني عليه
كان متعشم بالملايين
سلم نفسه وغمي عينيه
واهو دلوقتي شايل الطين

نهضة حقيقي

بُكره الدعم كمان يتشال
وياخدوا ضرايب ع الأنفاس
واللي معاه أُسرة وعيال
مش راح يلقي لنفسه لباس

مش قلتلكم نهضة بجد

بقلم/مــصـــطفي صـــــــــــادق المهـــــــــــدي