نصيحة انتخابية اخوية للعراقيين ليلة الانتخابات ...

انا مغثوث من حكم العمايم ,

لان ذولة مفطموين بس على الدم والتهايم

,وجابولي التهايم وانا نايم ,

ذولة ريح صفرة بغفلة دخلت علينا

وسممت حتى النسايم ,

شلون ما تريد اكلبهم ذيول وبهايم ,

وشلون اتريد اوكف وانتخبهم

كافي ما مليتوا من اهل الظلايم ,

ذول مفتحين مغلوقين صدك همه ,همه

, امدامهم وامده هيج عمايم,

لو تفطر وتفطر على شوفة اهلالك

لو ما لازم تبقى طول العمر صايم ,

مو جديدين على بالك جربتهم

وعرفتهم كتابت حروز وتمايم

,اعزم بالله وتوكل وانطي صوتك لابن عمك

وانتخب اهل العزائم ,

ولاتنطي للظالم بعد فرصة ويحكمك

كافي ملينا من حكم الاعاجم ,

لاتنخب ذاك الحرامي الباك بيتك

وفرهد حلالك وانوب لايم ,

صيح بيهم صوتك اليصدح نعرفه

وعلومك تغيض الاعادي

ولذة الدنيا العلايم ,

ما يدوم الظلم صدك مايدوم

هاي دنيا بيها بس وجه الله دايم ,,,

انطي صوتك للعرررااااااااااااااااااااااق

الشامخ الباقي الموحد

ولك هيم بعيون العراق البيك هايم ,,

انطي صوتك للعراق

الشامخ الباقي الموحد

ولك ولك هيم بعيون العراق

العراق البيك هايم

وهيم بعيون العراق البيك هايم .........

وسلامتكم .

وتقبلوا اجمل وارق تمنياتي في هذه الليلة السعيدة جدا ليلة عرس العراق وعسى ان لايتحول الى ماتم كما في الانتخابات السابقة اخوكم ابدا ودائما عزام

----------------------------------------

قصيدة الشاعر عباس جيجان مع بعض التصرف