نشف شوكك - طارق محسن حمادي

نشف شوكك

؟؟؟؟؟

,,,,,,,,,,,,

نِشَفْ شوكك ..؟؟

مِثل ..

دَمْعَه اتطشرت

ليلة وداع احباب

وآنه ..

 اعله الدرب

مزروع الك شَمعة

وفه ..

ومعْلِكه اعْيونِي .. اتناطرَكْ ..

عَالباب

 يمسيِّرْ .. سواليف السَهَر

لينَه ..

عِشكْ .. وعتاب

**

نِشَفْ .. شوكك..؟

مثل ..

ارياك .. خايف

وسط

صحرا .. ابصيف

الف .. ياحيف..!

على..

عمر الكضيته وياك

الف ياحيف .

يا .. ريتَك

تمر بينه .. وتعدل

الكيف .

نقبلْ .. حته لو ومضه

بتوالي الليل ..

لو .. بس طيف !

مر .. بينه

مثل .. مرود كِحل

بالعين ..

اريد .. اكعد واسولف

واجمع الصوبين..

واحجيلك .. دَرِدْ كَلْبي

وهمُوم ..

متَعْبَتنْـي سنيـن ..

انا .. متانِيك ..

مثل جاي المهَدَّر

بس عطوره اتفُوحْ

لان .. انتَه

                  شريج .. الروح ..!!

,,,,,,,,,,,,,,,,,,,,

23/12/2013

طارق محسن حمادي