مين فلسطيني ومين مصري..؟

كنت رايح على مكتبة الإسكندرية في مصر وبدي أدخلها، فوقفت طابور أقطع تذكرة لدخول المكتبة..!
طبعا كنت واقف على شباك التذاكر اللي مكتوب عليه للأجانب فقط، بحكم إني مش مصري..!
فرحت بحكي للرجال لو سمحت بدي تذكرة، قلي إنت من وين..؟ قلتله أنا من فلسطين..! قلي يعني ايش من فلسطين..! قلتله يعني فلسطيني..! قلي طيب الفلسطيني (يعني الأجنبي) بيدفع 10 جنية، والمصري بيدفع 4 جنية..! قلتله اخصم عشرة جنية..! قلي ليش..؟ إنت شو؟.! قلتله أنا فلسطيني..! فرجع قلي المصري بيدفع 4 جنية بس..! إنت ايش..؟
طبعا أنا استغربت من تكرار السؤال..! لكن بالأخير انتبهت، ووجهي تلون وحسيت حالي قد النملة وقتها..! فقلتله اه طبعا أنا مصري..!
فحكالي ليش هوا فيه فرق بين الفلسطيني والمصري..! قلتله لا..! قلي طيب انت ايش..! قلتله أنا مصري..! مات من الضحك..! وقلي طيب يا مشكلاني..! قلتله حاضر يا عربي، ومشيت..!
بعد يومين رحت ولقيته هوا هوا، بس مش متذكرني من كتر الناس اللي بتدخل المكتبة..! فأعطيته الفلوس، وقلتله أنا مصري على فلسطيني بس عربي..! فتذكرني وقلي تبقى أصيل يا عربي..!

بالنسبة لبكرة شوو..!