مين سرق إذن الجمل

قبل سنوات خرج احد المتهمين في قضية نصب كبيرة جدا وقال (( ما أخذت من الجمل إلا إذنه ))
واليوم عندنا (جمل راهي ولا جمل الفصام في وقته ) تهريب النفط الجمركي والتي حصلت في ميناء ينبع الصناعي ، وصراحة ( احدعش) سنه تهريب ولا أحد سئل ( احدعش) سنه والشركة على قولة ناصر القصبي ( سرده مرده ) ، شي يقهر والله لو الدعوى سنه سنتين ثلاث كان قلنا (محد درى) لكن (احدعش ) سنه طيب وين جمارك الميناء و وينك يا إدارة الميناء ( نعبنوا بليسكم ) (احدعش) سنه والشركة ( تلهط ) وانتم نايمين ( أو يمكن متناومين ) ، يعني لو مالخلاف اللي حصل بينهم كان محد درى عنهم ولا ( طق لهم خبر )، والحين بدا (المتهمين ) عفوا اقصد المسئولين ( يتنصلون ) من المسئولية ( وكلاً ) ينفض ثوبه ( مالى دخل ) .
ياترى هل يوم من الأيام يطلع علينا احد منهم ويقولنا كيف قسموا الجمل ، ومين اللي أخذ اذن الجمل ومن اخذ سنامه.