مواضيع اليوم
موسى القرن العشرين
موسى القرن العشرين
اتفرعنتى ..
وبقيت انا موسى
والمفروض انى اعبد فرعون
انا عبد الله ..
ولايمكن يوم راح اكون ملعون
اجمعى كل السحر وكل السحرة
ارمى حبالك .. كل خيالك
حيخونك سحرك
ماهو لازم ..
السحر يخون
اسحرى كل عيون الخلق
اصرخى فيهم ..
قولى انى صبأت ..
قولى انى بقيت مجنون
ومش راضى اطاطى ..
لجبروت فرعون
حرحل ارضك ..
وحتشق لي ف قلب الصخر عيون
وعارف إن اللى معايا
ف يوم حيخون
وعارف إن فؤادى ضعيف
بظبط زى هارون
بس لا يمكن ح اعبد يوم فرعون
لانى انا مش موسى
ولا أنت ف يوم
حتكونى فرعون
أضف تعليق
آخر الأخبار من إيلاف
فيديوهاتي
التعليقات (0)