موال ليه يا زماني

ليه يا زماني كده ديماً مبكيني

شمّت فيّه العدا نارهم بتكويني

خدعتني يا زمن مره علي مرات

تخدني من ايدي وعلي نارهم توَدِيني

ليه يا زماني كده دايماً معاندني

ولا عمر يوم يا زمن كنت مهاودني

ديماً بتعمل كده عكس ما أنا عايز

ويوم ما ترضي عليّه تقرصني من ودني

ليه يا زماني كده ناسي ما فاكرني

وجار عليّه الأحبه والناس بتظلمني

طول عمري حاسس يا زمن بكل أوجاعهم

تمسح وجعهم ومن عطفك ليه بتحرمني

ليه يا زماني كده بالغدر توعدني

تنصف حبايبك وعامل ليه بتسندني

وضح حكايتك وقوللي أَسَوْتك ليه

ناوي علي ايه؟نفسي مره تسعدني

شعر نادر الأسيوطي