من البرادعي لنور لزويل ، ها تفضل مستني يا جميل

من البرادعي لنور لزويل

ها تفضل مستني يا جميل

قال بلد السهر والليل

بيدور قال علي بديل

مافيش فايدة يا جميل

ده العدل فيها بيميل

والحل مش في التبديل

الحل في الشعب الأصيل

اللي من الهم طلعلو ديل

ولو شالو يشوف الويل

يا راجل ده حتي النيل

اشتكي وطالب التحويل

زهق من كتر البراميل

اللي في خيره عمالة تشيل

عيني علي ده جيل

مالوش غير في العويل

زي كلاب الليل

وناسي انه الأصيل

بحكم القرآن والأنجيل

الحل في ايدك يا جميل

لافي البرادعي ولا في زويل

المخ عايز غسيل

والضمير محتاج تعديل

والأماكن لازمها تبديل

علشان للغمة تزيل

مشوارك والله طويل

وسلملي علي اهل الليل