مواضيع اليوم
من أنت لجل اقوم لك
يا صاحبي يـا إللـي تملّـك العتـاب
ليتك من حـداد المشاعـر تستريـح
\
أنتـه نسيـت إنـي تلقنـت العـذاب
من صدك إللي فـي معاليقـي نزيـح
\
يا كم براني الشوق لأطراف السحـاب
مخنوق وأشواقي على وصلـك تفيـح
\
اطردك ضامي – وأنت للضامي سراب
وأمد كفـي طاالـب الكـف الشحيـح
\
أبليت منك وفيـك نبـرات الخطـاب
الحرف “وردة” وأروع الأحساس ريـح
\
لكن ضني فيك يابـن النـاس خـاب
وأنته عيونك عن سمـا ودي تشيـح
\
واليـوم ساقتـك المقاديـر الصعـاب
حرفك خنقه الذل – والدمعـة تسيـح
\
جيت ونهرك الكبر عـن فـل الكتـاب
والذكريات وضيقـة القلـب الجريـح
\
يا صاحبي أخـذت مـا لـذا وطـاب
من التعب والضيق والهـم الصريـح
\
وبنيت من أخطاءك الكبـرى صـواب
شوف المحاني كيف شادت لك ضريح
\
ايوالله إنك “مت” في تالـي الحسـاب
وسلمت أمري فيـك للعقـل الرجيـح
\
شكرا على ماكان دام الجـرح طـاب
شف كيف صار فغيبتك حرفي فصيـح
\
زرعت فيني “الصد” وابشـر بالثـواب
ماهو بنا إللي مـن معاناتـه يصيـح
\
يا آدمي أنته مـن تـراب وللتـرااب
هاذي حقيقة ما يصـح إلا الصحيـح
\
وأنا تعلمـت الإيـاب مـن الذهـاب
رجعت لكن مـا رجعـت إلا صريـح
\
حبـك دفنتـه بعـد عانيـت العـذاب
وأبشـرك عايـش حياتـي مستريـح
\
ومادمت جيت تدق للي فـات “بـاب”
من أنت ..؟ لجل أقوم لك طاعة وأطيح
أضف تعليق
آخر الأخبار من إيلاف
من صوري
فيديوهاتي
التعليقات (0)