مواضيع اليوم
من أخر كتاباتى (( هجر الحبيب ))
نقول فالبداية تحية لكل اعضاء مدونات ايلاف
ماهيش كلمة نقولها ومانخبى ... ولاهى أسرار ندسها عالناس
كل شئ فى قلبى ويعلم ربى ... قديش رانى نحبكم باخلاص
مشاعر جميلة ساكنة فالخاطر ... تملى الروح معطرة الانفاس
مالقلب نهديكم الورد العاطر ... يابدر ضوى ليلنا الوناس
-----------------------
السلام عليكم ورحمة الله البارئ وبركاته
عمل غنائى بعنوان ((هجرالحبيب))
ماهناك حاجة توجعك وتكيدك
غيرهجر من كاين زمان ايريدك
هجرالحبيب عليك ... يخلى الدمع يسيل
يقلب مواجع فيك ... ويطول عليك الليل
ترايف وماتلقاه ... تشقى وهوبهناه
مشغول بالك بيه ... موحال بتنساه
مقصر فوده معاك ... ماجاك حتى فعيدك
ماهناك حاجة توجعك وتكيدك
غيرهجر من كاين زمان ايريدك
زايد عليه دلالك ... من قبل كنت معاه
يسأل عليها أحوالك ... ومايوم طال جفاه
لكن اليوم تغير ... وحاله معاك تبدل
والعقل منه تحير ... من قبل مايتعلل
من طول بعده عنك ... أعرف انه مش ريدك
ماهناك حاجة توجعك وتكيدك
غيرهجر من كاين زمان ايريدك
حتى بلومك ليه ... مايلتفت ويجيك
وانت تفكر فيه ... متذكره وناسيك
قلبك حنون وطيب ... وقلبه معاك يجافى
هوه غلاك يسيب ... وانت بحب تكافى
ياسرعذاب وموح ... أمسح دموعك بيدك
ماهناك حاجة توجعك وتكيدك
غير هجر من كاين زمان ايريدك
هجرالحبيب عليك ... يخلى الدمع يسيل
يقلب مواجع فيك ... ويطول عليك الليل
ترايف وماتلقاه ... تشقى وهوبهناه
مشغول بالك بيه ... موحال بتنساه
مقصر فوده معاك ... ماجاك حتى فعيدك
ماهناك حاجة توجعك وتكيدك
غيرهجر من كاين زمان ايريدك
وفى الختام لاينتهى الكلام فى هذا المقام
الا بالصلاة والسلام على نبينا محمد
سيد الأنام
تحياتى والى الملتقى
التعليقات (0)