منتخبنا الوطني...الى متى؟؟؟؟

في 21-1-2011 لعب منتخبنا الوطني مع فريق اوزباكستان....

 بتعرفوا..من خلال المباراة اللي انتهت بفوز المنتخب الاوزباكستاني على المنتخب الاردني لاحظت شغلة كتير حلوة...انه احنا كاردنيين وين ما رحنا ما بنتغير..و بنتمسك بعاداتنا...

و الدليل على هالاشي..

هلا بالاردن لما واحد يكون ما بيشتغل..بيحكي عن حاله شوفير فرشة...

و لما واحد يكون بيشتغل جرسون...بيحكي عن حاله شوفير صينية...

و لما واحد يشتغل سائق...بيحكي عن حاله شوفير...

يعني كلنا شعب شوفرية...عشان هيك

لاعبين منتخبنا..او اي حد بيلعب كرة قدم..بنحكي عنه..شوفير طابة...

الاشي المشترك اللي لاحظته من خلال المباراة...انه كل شوفرية هالطابات...بيعكسوا..الواقع الفعلي لسواقتهم بالاردن...

و احنا كشعب اردني بنشترك في شغلة وحدة انه كلنا ما بنعرف نسوق...و بنحب المعابطة ....

و هاي العادة اللي مش قادرين نخلص منها...مع انه غيّرنا كتير من العادات المستعصية اللي عانينا منها و غيرناها لأجل راحتنا...

لاحظت انه لاعبي المنتخب..الشوفرية....ما غيروها..

بحيي كل لاعبي المنتخب على انتماءهم...و اصالتهم و تمسكهم بالعادات و التقاليد....اللي بنتوارثها كابراً عن كابر..و نطورها للأسوأ...

عذراً حتى العادات الغلط ما حاولنا نغيرها....... و هذا من "وحل الواقع"