ملح الحياة

..ياأغلى آمالي ..

واول وآخر احلامي

أحيا بدنياهم

لجلكـ ياغلاهم

انتي الأمل

انتي الأمان

نوركـ /طغى

واذا اظلم علي الكون

تدرين /(شيصير)..؟!

اشعلك ذكرى تنور باقي اسنيني.!

ابتدي بك للنهـايه وانتهي ثم ابتدي بك..!

واحضن اطيوفك رغم بعد المسافه..

تنزل اوراق الأمل من فوق شجر المستحيل...

ادري عني وش تقولي ..!

ادري بتقولي (تبالغ )..!؟

يمه هذا من غلاتك..

يمه والله من غلاتك..

يمه طيفك لاحضنته...

تنزف عيون الليالي.!

يسكن العالم بلحظه

وغالي الدمع يرخص

تدرين وين ارسمك..؟

بالقلب انحت حبك..

بين العروق اللي اذا جفت اموت

انتي الحيــاه /روح الحياه/ملح الحياه..

انتي ضيا عمري الجميل اللي انقضى..

انتي مساحات الامل اللي ضوا كل الفضا

رسمك بقى ..

على نهايات البصر ..

في ابتسامات البشر..

فوق اوراق الشجر..

فوق نجمات و قمر ..

بين رشات العطر ..

بين اوراق وحبر..

بالهوا لامن عجزت .!

اي والله اني بحاجتكـ ..

هذا حنيني ينتظر..!

قلبي انفطر ..

جفني وعذبه السهر ..!

كلي احرقه القهر..!

تدرين وشهي الواني؟

خذيت من الليالي سواد شعرك
ومن شمس الصباح بعض نورك
واشوف زرقة الما في دمعة عيونك
خذيت من الوان المسا بعض لونك
عطيتيني فرح/احساس/نجمه..؟!

اشوفك حلمي الاكبر

اشوفك حاضري وامسي

والى الآن وانتي غير ..

وتبقي غير..

والى الآن..

اجيك المغرم المشتاق ..

ادور حضنك الدافي..

ادور مابقى مني ..!

ادور نزف آهاتي..

ادور للصراخ اصوات ..!

ادور حبل لنجاتي ..

يمه نويت اشكي بعض اللي فيني

لكن كفايه اللي حصل في غيابي

ادري غيابي طال ..

يمه تعبت من الزمان وسنينه
يمه كبرت وفيني الهم شايب

ابعتذر لك من كل ذاتي

هذي سوات الشح فيني..!!

زمن نفسي بعد نفسي بعد نفسي

وكل نفوس هالعالم تجي بعدي..!!

انا اطلب من الرحمن عفوهـ..!

وابي اطلب رضاكي ياغلاهم ..

واذا عن باقي المشاعر اعذريني ..

يجف الحبر وماجفت حروفي ..!!