معشوقة الدنيا

معشوقة الدنيا
الشاعرة عنود الليالي

,,,

يادوحة الإحساس يا روح الخليج
ياللي ملكتي كل وجدان البشر

نبت الخزامى والنفل عطر الأريج
هي ريحة اترابك وخالطها المطر

معشوقة الدنيا ولا غيرك يهيج
أقوى شعور ابداخلي يصرخ قطر

في زحمة الدنيا وسط كل الضجيج
تسرح بك اعيوني واسولف بالنظر

اغزلّ لِك ادموعي من الخافق نسيج
وآطرز اسمك حب بأبيات الشعر

عيشي ارقصي غني بهاليوم البهيج
ذكرى كيانك كلّْ عام ابـ هالشهر

فيني شعورن صعب أحس انه مزيج
خالط كياني وانتهى بسجدة شكر

صليت عالمبعوث باعداد الحجيج
وعد النجوم الهاربه بين المجر

يحميك ربي ياضيا كل الخليج
انتي عروس انتي خيال انتي قمر!