مصـــــــر

 يا مصر قولي إيه جرالك
عمرو بيوم ما كان دا حالك
في السكة رايحه للمهالك
مش لاقي فيكي درب سالك
في كل يوم فوضى ومعارك
وبقيتي تاكلي في عيالك
وتقسمت دول وممالك
يا تبقى أهلي أو زمالك
...
يا مصر قولي ايه جرى
في كل يوم حالك ورا
من لعب كوره مدوره
تحصل بأرضك مجزره؟
والدم سايل معصره
يمكن تكون متدبره
ويمكن حشود متجرجره
رايحه لفين هل يا ترى؟
...
يا مصر اصحي من الشخير
ده حسني سابها للمشير
وكل يوم غاره ونفير
والبلطجي هو الغفير
والشعب مش لاقي الكبير
جالس بيشرب بالعصير
سايب لهم نار السعير
ليكي اله اسمه القدير
...
يا مصر إحنا محتاجينيك
إحنا دراعك واحنا عينك
بس قوليلنا انتي فينك؟
وهم ليه مستقصدينك؟
عاوزين عروبتك ولا دينك؟
هما صحيح مستغفلينك؟
آسف يا مصر .. عاوزيني أدينك
والله ما عاش مين فكر يهينك