مصر في المركز 138 وبنوعدكم بالمنافسه

احتلت مصر الترتيب الـ١٣٨ عالمياً، والـ١٢ عربياً فى تقرير «مؤشر الديمقراطية ٢٠١٠»، الذى من المقرر أن تصدره «وحدة الدراسات» بمجلة الإيكونوميست البريطانية، هذا الشهر، ويضم ١٦٧ دولة من جميع أنحاء العالم، منها ٢٢ دولة عربية.

قالت المجلة، فى تقرير نشرته، أمس، إن الديمقراطية فى البلدان العربية «سلعة غير متوفرة»، ولاتزال نادرة، واعتبرت أن اكتساح الحزب الوطنى، الحاكم فى مصر، للمعارضة خلال الجولة الأولى من انتخابات مجلس الشعب، وارتفاع نسبة الأغلبية البرلمانية من ٧٥٪ إلى ٩٥٪، دليل على غياب الديمقراطية. وأشارت إلى أن الانتخابات فى جميع أنحاء العالم العربى ينتج عنها نفس النتيجة دائماً، وهى استمرار حكم الأقوياء الراسخين، وتطرف وإحباط القوى المعارضة، مؤكدة أن العرب محصنون بشكل غير عادى ضد نشر الديمقراطية

تفوق ملحوظ ومبشر والله!!!!!!!!

 مصر في المرتبه 138 من مجموع دول 167 يعني و احنا سابقين 29 دوله في التصنيف منهم عشره دول عربيه شقيقه  يعني الحمد لله مابينا ومابين المركز الاخير يادوب 19 دوله واتوقع ان الدول دي متخرجش عن الجابون وزيمباوي اذبريدجان ونامبييا ودي دول كعبنا عالي عليهم و باذن الله ممكن علي الانتخابات الرئاسيه الجايه وتغيير طريقه اللعب الي الضغط علي المعارضه وسحق الاخوان وفتح المعتقلات للشباب وحركه كفايه وحركه 6ابريل مع اللعب بفرويد صريح(راس حربه)  خبره زي الرئيس حسني مبارك ومن وراءه صانعي مثلث متنوع جمال مبارك شباب وحيويه وتحركات في طول مصر وعرضها اسف اقصد الملعب ولاعب مميز زي احمد عز يقدر يأثر علي الحكم بعضلاته او بفلوسه مش فارقه كتير واخيرا اللاعب المميزالداهيه  صفوت الشريف ,,,,

ومع بقيت عناصر المنتخب اللي معروفه وثابته في مراكزها  نبقي ان شاء الله بالخطه دي المركز الاخير مش هايخرج من ايدينا وبنوعدكم باداء مميز ومركز اخير مشرف بدون منافسه ان شاء الله تابعونا قريبا