مستنية إيه ؟؟

كلمة تمُر عليه *****إتقالت ما بينكو ف مَرة ؟

تِدْمع ساعتها عنيه *****ويعيشها لحظة مُرةِ ؟

يعنى اللى قلبِك هان عليه ****هيعرف حنين ولا حتى ذكرى؟!


مستنية إيه ؟

يشتاق لصوتِك بيضُمُه *****فى لحظة خوفُه وأحزانه ؟

كان لو يتوه ما بين أَلَمُه *****قلبك طَريقُه وعنوانه

كُنتى وحدِك شايلة همُه *****وكان دعاكى ليه وعَشانُه


مستنية ايه؟

لِمّى جراحِك ومتسأليش ****إيه الذنب اللى جَنِيته

كُل الحكاية مَحَسِكيش *****ومتقوليش انا حبيته

انسى اللّى باع ومتشتريش ***** وقولى ماضى ونْسِيُته


مستنية ايه...؟!

كان صحيح منِك قَرِيب *****كان غريق واتعلق بيكى

جريح وقلبِك له طبيب ******خلاص عملتى اللى عليكى

مش شرط يبئالك حبيب ******كده شكراً أوى ليكى


مستنية ايه......؟