مساحة بيضاء اكتب فيها افكارى , أبداء مولدى حتى قبل وفاتى , كنت عايش ونسيت معانى كتير منذ زمن دولة ونظام وحزب وعصابة مغمية حاكم وتنهب ثروات شعب وفقراء من الزبالة ياكلوا ويدوروا على فتات خبز لاجل ما يمدوا ايدهم او يسرقوا ونسيت أجماع على كلمة واحة كانت لشباب واصبحت كلمة شعب بيرفض الذل والفقر والجوع والسرقة من اموالة شال غمامة كانت على عينة ونور فجر جديد بيقول طالب بحقك ياشعب , من حقك تعيش ذى ملايين الخلق , ومن حقك تقول لاى شىء لا , وشباب من الطالة ادمن اشياء كتير كانت اتنست وجديدها بيخلى الشباب فى غيبوبة ولا اقول لك دة شباب قالوا علية بتوع الانترنت والجيم والشات وغيرها من الكلمات , انتفض قام ونهض قال حقى اعيش , حقى اتعين واجرى يحقق حلمى مابقى العالم عايش حتى العاطل لة آجر يعيشة ما دة حقى , ولا اشوف حرامية بينهبو وبيسلبوا , دة والله لو كل الاموال اللى بتيجى اتفرقت بالعدل وبلاش عدل اللى اصبح معناها بطش وتنكيل وسجن وامن دولة
نسيت ديمقراطية وحرية وكلام درستة بس لازم يتنسى لانة كان نظرى على ورق مش حقيقة او فعل بينولد
الكل فجأة صحى حتى انا بكيت عمر ضاع ومعاة احلى ايام شبابى , لقيت الكل عاوز حقة مش هانى رمزى لوحدة دة شعب بينادى بحقة ماهو شاف قضايا كتير وحوادث مات فيها الالاف مرة عبارة ومرة قطارات ومرة شباب بيموت فى البحر بالمئات ودولة بتتنهب بالمليارات
قام الجميع فى ثورة غضب يطلب حياتة وحريتة , يصرخ يهتف يطلب المهم كان علم مصر بايديهم هو الاول وهو الاخر مات شهداء وبالسيارات اندهسوا بفعل ناس للاسف اخواتهم وجنسيتهم لكن صمموا يكملوا وحتى الوقت واقفين فى الميدان مصممين على التغيير التغيير

الشعب يريد تغيير النظام
ياعالم ياهو التغير هو المطلب هو المراد هو المرغوب حتى الامل عندهم مش عاوزين ينفذوة عاوزين يمنعوة يمزقوة يقطعوة وينهزم شعب
دة مستحيل دة مستحيل
بعد ما استيقظت امة من ثبتها مستحيل ترجع تموت