ما حدا شريف يا شريف..!

أن بقول بخصوص هادي الحركة اللي هيا حماس على الرغم إنها معارضة للمفاوضات، وبترمي صواريخ وبدها تنفذ عمليات، وبتشن حملة إعلامية ضد حكومة محمود عباس، إلا إنه حماس مش ضد التفاوض، ولا ضمن اللي بيطرحه محمود عباس، ولكن حماس ضد تهميشها واستثناء دورها أو حتى إلغاءها من اللائحة الفلسطينية..!
مشان هيك أنا بتوقع في القريب العاجل إنه يعملوا إلها دعوة مشان تنضم للحفلة الكبيرة هادي، ولكن مش هالوقت لسا خليها لما ييجي الوقت المناسب، يمكن لما يزهقوا من عباس..! وهيا أكيد راح تقبل بس مش هالوقت لأنه لو فعلا قبلت الدعوة إنها تفاوض معناتوا حتسخر لانه حماس الآن إلها غطاء جماهيري بعض الشيئ، يعني ما بدها تخسروا..!
وللتوضيح فقط، خاصة للي مش شايفين كويس، بحكيلهم إنه معارضة حماس مش كثير عنيفة زي المرات اللي فاتت..! يعني كإنه مبين إنه الإخوة بدهم يعارضوا، لكن ما بدهم يخسروا مكانتهم..1
أنا بقول يعني لا تعملوا فيها مقاومة وغيروا، حركة فتح كانت أم المقاومة والثورة وماتوا القادة اللي بيثوروا ودايما مولعة معهم..! وأجانا ناس راحت تفاوض ولا زالت وبدها تعيش، وبكرة حنلاقي ناس مش بس بدها تفاوض، لأ كمان بدها تحرق القدس وتبع اللاجئين وبدهم يفتحوا غزة على تل آبيب..!
وبالنسبة لحماس، راحوا الناس تبعون المقاومة كلهم واللي دايما كانت تصريحاتهم نارية زي الرنتيسي وغيروا، وأجانا ناس يعني تبعون شوية مقاومة مش مقاومة كثير، أو زي ما بيقولوها يعني على الريحة، بهارات..! وكمان فترة بييجي اللي بدهم يفاوضوا، وبعدين بتقلب تفاوض وزربيحة، وكله على التوتة..! ما حدا شريف يا شريف..!

بالنسبة لبكرة شوو..!!