ماعاد ابي من صحبتك شي ارجيهـ

ياحبيبي روح دام النفس ماشانت
ماعاد ابي من صحبتك شي ارجيهـ

الخيانه (موت) وانا اشوفها بانت
والقلب منك جاه ماكان يكفيهـ

حتى جروح الروح من خنجرك عانت
وذاقت عذاب الحب وعاشت بلاويه

علاقتي وياك مـ عمرها زانت
ان كان هذا حب؟ هـ الحب مابيهـ

حبيت انا عيونك ولكنها خانت
وقلبي عنيد , وراضي انك تعنّيه

بالله قلي: عشرتي كيف هانت؟!
مادام عندك وعد . لازم توفيهـ

وعدتني تشفي جروح لقصتي صانت
وصانت جروحي وانت ماصنت ياهيهـ