ليه يا سمرة يا ام خد جميل

ليه يا سمرة يا أم خد جميل

يا زهرة مروية بميه النيل

ليه طال عليكي يا حلوة الليل

وفيكي انطفت القناديل

ليه فيكي الحال بقي عليل

وشعبك عايش فيكي ذليل

ليه البكي ملاء المناديل

وضاع الأمل من جيل لجيل

ليه بقينا فيكي ولا المساطيل

بيتحكم فينا شوية مهابيل

ليه بقينا كلنا قايين وهابيل

ومالناش في الخير سبيل

ليه كترت فيكي الأقاويل

وفيكي عايشيين مواويل

ليه مات فيكي الأصيل

واندفن كل شيء جميل

لسه عندنا أمل في التعديل

علشان عنك مالناش بديل