مواضيع اليوم
لكل من فارقنا ورحل عنا -- اهدى قصيدتى
قصيدة لكل من فارقنا جسدا وباق معنا روحا
بقلمى
غابوا علينا ورحلوا ... خلوا الحزن وراهم
فى ترابهم يتريحوا ... والله مانسيناهم
العين فى فرقاهم ... بقت باكية حزنانة
والقلب ماينساهم ... صابر يعيش بلاهم
هكى الدنيا ديمة ... ياما أحباب يفارقوا
على اكتوفنا شلناهم ... وبدموع ودعناهم
سكنوا الدار الباقية ... ندعوا الله يرحمهم
ويجلى الظلمة عنهم ... وينورعليهم دارهم
الدار لى يوصلها ... ينهى اعماله فيها
ماعاد شئ يديره ... وقت الجزاء لاعمالهم
كل شئ ليه حساب ... ومن وقت مايغطوك
ويمشوا بعيد عليك ... وفوحدتك تشتاقهم
تظلم عليك الدنيا ... ويفتح البرزخ باب
وتشوفه نعيم الجنة ... والكفاركيف عذابهم
الموت حق علينا ... ماحد ناجى منه
والملك لما ايجينا ... مانوخروا فميعادهم
غابوا علينا ورحلوا ... خلوا الحزن وراهم
فى ترابهم يتريحوا ... والله مانسيناهم
تمت
التعليقات (0)