لسه...فاكر

لسه فاكر قلبي يدي لك امان

ولا فاكر كلمه ح تعيد اللي كان

والا نظره توصل الشوق بالحنان

سه فاكر كان زمان .. كان زمان

كانت الايام في قلبي دموع بتجري

وانت تحلالك دموعي وهي عمري

ياما هانت لك وكانت كل مره

تمحي كلمه من اماني فيك وصبري

كلمه لما راح الهوى ويا الجراح

واللي قاسيته في ليلي اتنسى ويا الصباح

والنهار ده الحب والشوق والحنان

لما تسالني اقولك كان زمان

لسه فاكر كان زمان ..

ياما حليت لك آهات قلبي وهيّ

من قساوتك انت والايام عليّ

كنت تسمعها نغم واسمع صداها

نار تدوب حبنا شويه شويه

النغم رجعت حلاوته القلب وفضلك اساوته

الهوى اللي هان عليّ ابتديت تعرف غلاوته

النهار ده الحب سيره كان زمان

لما تسالني اقولك كان زمان

لسه فاكر كان زمان ..

والليالي كنت بتسمي الليالي

لعبه الخالي وهي عمر غالي

كنت ابات اسال عليك ظني ودموعي

وانت متهني بحيرتي وانشغالي

قل لي ايه قصدك معايا

بعد ما عرفنا النهايه

انت جيت مشتاق لحبي

ولا لدموعي واسايا

النهار ده الحب سيره كان زمان

لما تسالني اقولك كان زمان

لسه فاكر كان زمان ..