مواضيع اليوم
لسه بتحبها
لسه بتحبها
الناس كلها بتحبها
ليه انا مش ها احبها
وانا زرع أرضها
ونبض قلبها
يبقي لازم أحبها
مهما بعدت عنها
ولا زعلت منها
تلاقيني ساكن قلبها
ما انا طبعا ابنها
اللي أكيد بهمها
وشايل همها
وحالف لأقفلها
للي ما بيحبها
ويخاف علي عرضها
ويحاول يهدها
دول كتير يا رعد
وانا أد الأد
والشعب مش علي ألأد
وورايا رجالة بجد
ناويين يصونوا العهد
ويحققوا الوعد
اللي عرفناه من المهد
ليا وليك يا فهد
ولكل ولادها بجد
وراح يبقي يوم السعد
لما ترجع أمي بجد
ونشقي فيها ونجد
ويرجع من تاني المجد
اللي اتحرمنا منه سنين
بسبب ناس خاينين
عن حقوقنا تايهين
ولينا متجاهلين
زي ما نكون شحاتين
علشان فضلنا ساكتين
لاء ده احنا بس مسالمين
ومالناش في شغل النصابين
زي اصحاب الملايين
وشوية مسئولين
اللي حرمونا من أمنا
وشتتوا شملنا
وجوعوا أهلنا
لا لقمة بقت تلمنا
ولا مع بعض نحط همنا
علي طول مشغولين برزقنا
لكن بنحب بعضنا
وكاتمين في قلوبنا همنا
علشان خاطر أمنا
الغالية عندنا
ها نفضل نحبها
ونصون عرضها
مهما حاولوا هدها
أضف تعليق
آخر الأخبار من إيلاف
من صوري
فيديوهاتي
التعليقات (0)