لحظة حُبّ

كتير حسّاس
قلبَك أغلى من بَنك الماس
ولطيف مِتْل الوردى
وعنيف لما يجى لَك وسواس..
لما بتضحك بتكون مِتْل الأطفال
وامّا بتبكى بتكون دموعك شلّلال
لما بترِقّ
بتكون شاعر..
واما بتغضب ..ياساتر..
عم بتطلّع ماس
عم بتكهربنى بنظرة عَينيك
لو بِتجنّن وِاجرح إحساسك
بشرب من كاسك
العصافير تخرس
والأيام تنقص
والياسمين بيقطر دمّ
والأفراح بتقلب غمّ
والفُلّ
بيجى له سُلّ
ونجوم السما يُغمى علَيْها
بِخجل من روحى وصدرى بيضيق
والهوا بيموت وبتتخنق الأنفاس
وبْحِسّ انى مكشوفى ومكسوفى
من غَير تياب ...قِدّام الناس
والحوريّات ِمْن الجنِّه بتُهرُب
مابيبقى بالجنِّه شى ونّاس
هَيْدا لو ـ من غَير ما بِقصُد ـ بِجرح إحساسك
ساعات بتكون هادى وحكيم
ورحيم وتغرّقنى حنان
وساعات..ياحفيظ..
بتغيظ..
بتكون مليان ِجْنان..
شى مش معقول
شو راح اقول
فنّان...
كِل فصول العام بشوفا منك بدقيقه
بِحبّك
هَيْدا قَدَرى
بْحِبّك يامَصرى..
ألوان الطَّيْف قليله علَيك
أحاسيسك إلها مليون لون
وساعات بتكون رائع
وساعات بتكون ضايع..
وساعات بتكون..فَرعون..
بْحِبّك هَيْك
شو ها الشغلى
شوف لى طريقه
كِلّ كلامك شِعِرْ
كِلّ كلامك موسيقا
عم بتولّع بقلبى حريقه
بِسمع سِحر كلامك
عم بِسْكَر ..من غَيْر خمره..
بتسكّرنى
بتحلّينى..وتسكّرنى..
والقهوى ياللى بعَينَيك
كتير كتير بتسهّرنى
"يامسهّرنى"....
بعيونك ضحكه حزينه
أعياد..لكنّا حزينه
فيهُن حتى الزينه حزينه
قلبَك
من قلب السما أطيب
وعيونك مِتْل السِّرّ غريبى
ومن خطوط فنجان القهوى أغرب
ومن خطوط كفّك..أغرب
بَعْرِفْ،،إنك مِتْل الشمعه وحيد
حتى بيوم العيد
وماإلَك حَدَا
يااللى بعيونك بْشوف المَدَى
يااللى دمعاتك حبّات نَدَى
يااللى ساعات بتكون حنون متل الوتَر بالعود
وساعات بتكون أقسى من الحَجَر فى جبين الرعود..
قلبى بيك موعود
أرجوك
مشان اللى عم بتحبّك
مشان إمَّك
ماتسيب حِزْنَك يْسِمَّك....
ماتستسلمِ لْهَمَّك..
وْخلّى بالَك من نَفْسَكْ
خلّى بالَك
من ( نَفْسَك)...